Qendra e Prizrenit: Kallëzim Penal ndaj Drejtorisë së Arsimit në Prizren

Sot, më 8 gusht, Qendra e Lëvizjes VETËVENDOSJE! në Prizren deponoi kallëzim penal, pranë Prokurorisë Komunale në Prizren, ndaj Nexhat Çoçajt, drejtor i arsimit të Komunës së Prizrenit, dhe Bekim Thaqit, mësimdhënës, për keqpërdorim të parasë publike. Ne konsiderojmë se Nexhat Çoçaj dhe Bekim Thaqi u kanë shkaktuar dëm të konsiderueshëm qytetarëve të Komunës së Prizrenit dhe rrjedhimisht kanë kryer këto vepra penale: 

1.      Shpërdorim i pozitës zyrtare dhe i autorizimit

2.      Përvetësim gjatë ushtrimit të detyrës

3.      Mashtrim në detyrë

4.      Përdorim i paautorizuar në detyrë. 

Këto keqpërdorime kanë ndodhur me rastin e organizimit të “Javës së Remzi Ademajt”, manifestim ky për nder të dëshmorit, në vitin 2011. 

Më poshtë mund ta lexoni të plotë kallëzimin penal:

PROKURORIT  PUBLIK  KOMUNAL   

Prizren

Kundër: Bekim Thaqi- Mësimdhënës - Prizren

            Nexhat Çoçaj - Drejtor i Departamentit Komunal për Arsim dhe Shkencë                     

Qendra Lëvizjes VETEVENDOSJE në Prizren , në bazë të nenit 198 par 1 ,  dhe 199 par 1, të Kodit të Përkohshëm të Procedureës Penale,  paraqet  përpara Organit  Publik   të titulluar këtë;

KALLËZIM  PENAL

Sepse:

Me dt 09 .03 2011 , Drejtoria e Arsimit dhe Shkencës si pjesë e Administratës Komunale në Prizren,  i udhëhequr nga Drejtori i saj, Nexhat Çoçaj, paraqitën një propozim nr 241/11, me të cilin kërkuan nga Kryetari i Komunës së Prizrenit  t’ia lejojë shpalljen e tenderit  për organizimin dhe shënimin e manifestimit “JAVA E REMZI ADEMAJT – SHTIGJEVE  TË LIRISË”.

Në  mbledhjen  e mbajtur të dt 15. 03 2011 ,  Kryetari i Komunës së bashku  drejtorët  e Drejtorive  Komunale të Prizrenit,  shqyrtuan  dhe miratuan, propozimin e lartëcekur.

Propozimi i miratuar dhe zbatimi i tij do të bëhet përmes konkluzionit.

PROVË:  Konkluzion, nr 01/06-2567, dt 15.03 2011.

Me dt 29.04 2011 Administrata e Komunale e Prizrenit  transferoi, në Pro Credit Bank në xhirollogari të Bekim Thaqit  me nr  1120112809000121, 12,000,00 (dymbëdhjet mijë euro) për organizimin dhe shënimin e manifestimit të sipër përmendur.

PROVË: Bilanci i xhirollogarisë së Bekim Thaqit  nr. rëndor 400, në Pro Credit Bank

Me dt . .06.05 .2011 Bekim Thaqi bënë tërheqjen e 3000 euro (tremijë euro), nga xhirollogaria e tij,  për të cilat nuk dihet  destinimi i shpenzimeve te këtyre mjeteve.

PROVË: Bilanci i xhirollogarisë së Bekim Thaqit  nr. rëndor  405  në Pro Credit Bank

Në të njëjtën datë, pra  me 06.05. 2011 Bekim Thaqi ia transferon në formë huazimi paranë publike ,  Nexhat Çoçajt, në xhirollogarinë e tij , në Pro Credit Bank, 9000 euro (nëntë mijë euro)

PROVË: Bilanci i xhirollogarisë së Nexhat Çoçaj , nr rëndor 365

Gjithashtu në të njëtën datë pra me 06  05 2011, Nexhat Çoçaj bën  shpenzimin e parasë publike  të një shume të mjeteve të caktuara duke bërë ekzekutimin  e urdhërit për pagesë periodike të obligimeve financiare të fëmijeve të tij.

PROVË: Bilanci i xhirollogarisë së Nexhat Çoçaj , nr. rëndor 366,367,368,369.

Siç shihet emrat e fëmijeve të tij në emër të  të cilëve është bërë ekzekutimi i urdhërit për pagesë janë: Etleva, Enkelejda ,Artini dhe Epika.

Për më tepër, Nexhat Çoçaj shpenzon   të  gjitha mjetet financiare publike për nevoja të veta, duke mos i shpenzuar ato për destinimin e caktuar siç është paraparë me konkuzionin e lëshuar nga Kryetari i Komunës së Prizrenit

PROVË: Bilanci i xhirollogarisë së Nexhat Çoçaj , nr. rendor  prej 370 deri 450

Konkluzion, Nr 01/06-2567, dt 15.03 2011.

Ndryshe, me 30 maj deri me 3 qershor është mbajtur 10 vjetori i Manifestimit  Tradicional  “JAVA E REMZI ADEMAJT – SHTIGJEVE  TË LIRISË” manifestim,  që është kurorëzuar në mbajtjen e finaleve  në datën e  lartëcekur me ç’rast janë ndarë shumë shpërblime  për nxënës  të shkollave fillore dhe të  mesme të Komunës së Prizrenit.

PROVË; Raport i shkurtër  për gjashtëmujorin e parë të vitit 2011. I hartuar nga  Drejtoria Komunale e Arsimit e përfaqsuar  nga Nexhat Çoçaj dhe i dorëzuar  Zyrës së Kryetarit të Komunës,  dt 17 06 2011.

Prandaj, nëse analizohen provat e paraqitura  në menyrë objektive, shihet qartë se ka një mospërputhje  të plotë në mes të datave të tërheqjes të hollave publike dhe të destinimit të shpenzimit,  me organizimin dhe manifestimin e sipërpermendur.

Nga e gjithë kjo konsiderojmë se Bekim Thaqi dhe Nexhat  Çoçaj  kanë shkaktuar dëm  të konsiderushëm qytetarëve të Komunes së Prizrenit dhe rrjedhimisht kanë kryer këto vepra penale të parapara me Kodin Penal të Republikës së Kosovës , si në vijim

1.    Neni 339 par 1 dhe 5,shpërdorim i pozitës zyrtare dhe i autorizimit

2.    Neni 340  pa par 1dhe 3, përvetësim gjatë ushtrimit të detyrës

3.    Neni 341 par 1 dhe 3  mashtrim në detyrë ,dhe

4.    Neni 342 përdorim të paautorizuar të pasurisë

Prandaj, në bazë të nenit 220  par 1 të Kodit Penal të Republikës së Kosovës i propozoj Prokurorit Publik Komunal që të filloj hetimin kundër Bekim Thaqit dhe Nexhat Çoçajt ,pasi  që ekziston dyshim i bazur  se këta, kanë kryer  e veprat  penale,  duke u mbështetur në provat e  paraqitura.

Kallëzuesi:

Qendra e Lëvizjes VETËVENDSOJE! në Prizren

Prizren, dt 08.08 2012