Dardanë: Fitorja e LV-së është e pashmangshme
Qendra e Lëvizjes VETËVENDOSJE! në Dardanë, në një sallë të madhe e të mbushur plot me mbështetës e simpatizantë të LV-së ka mbajtur një takim ku është diskutuar gjatë mbi situatën politike në nivel vendi dhe për atëlokale.
Kryetari Albin Kurti i cili ishte i pranishëm në këtë takim në Dardanë, gjatë fjalimit të tij tha se të gjithë ata që kanë besuar se LV-në mund ta ndalin apo ta dëmtojnë parikuperueshëm kanë gabuar. Populli shqiptar kurrë nuk e ka lënë veten pa Lëvizje. E në shekullin 21, është Lëvizja VETËVENDOSJE!
“LV po kalon ditët e veta më të mira sa i përket fuqisë së saj si lëvizje e si organizatë. I kemi kaluar 36 mijë anëtarë dhe jemi mbi 5 mijë e 200 anëtarë vetëm në vitin 2018. Asnjë vit prej se jemi themeluar nuk kemi pasur anëtarë më shumë sesa këtë vit”. Pos gëzimit, ky fakt na bën edhe më përgjegjës.
Ndëkaq duke folur për qeverisjen tha se nuk ka pasur asnjëherë qeveri me më shumë skandale se kjo. Zhvatja e buxhetit të Kosovës është shoqëruar me cenimin e shtetësisë dhe rrudhje të territorit.
Kurse, kryetari i Qendrës atje, Bajram Mavriqi tha se atë të cilin e bëmë kryetar të qytetit i tradhtoi qytetarët. Më tutje, ai tha se linja që ndoqi është sot patericë e nivelit qendror që për funksion kryesor e ka fuqizimin e Thaçit në dialogun me Serbinë.
Atmosfera e takimit ka vazhduar me pyetje e diskutime prej qytetarëve të pranishëm në takim. Kurse, një konstatim tjetër i Kryetarit Kurti ka qenë se zgjedhjet në 2019 janë të pashmangshme ashtu siç është fitorja e LV-së.
Në këtë takim kanë marrë pjesë edhe mbi 50 veta nga mërgata të cilët po qëndrojnë në Kosovë
