Takim me Ambasadorin e Zvicrës

Sot, në zyret e Lëvizjes VETËVENDOSJE!, Kryetari Albin Kurti zhvilloi një takim me ambasadorin e Zvicrës në Kosovë, z. Jean-Hubert Lebet. Gjatë takimit, z. Kurti i prezantoi ambasadorit qëndrimet e Lëvizjes VETËVENDOSJE! mbi situatën e përgjithshme në Kosovë, dhe, veçanërisht mbi zhvillimet e fundit politike që kanë të bëjnë me dialogun me Serbinë.

Në takim u bisedua edhe për gjendjen e rëndë ekonomike në vendin tonë dhe korrupsionin e lartë. Kryetari Kurti e njoftoi ambasadorin Lebet me programin e Lëvizjes dhe propozimet tona për të dalur nga kjo krizë duke stimuluar zhvillimin ekonomik për krijimin e vendeve të punës si dhe për shtetin e së drejtës i cili e mban ligjin mbi politikën. Po ashtu u diskutua edhe për rëndësinë e marrëdhënieve sa më të mira mes Kosovës dhe Zvicrës si dhe mundësitë për ta thelluar e zgjeruar bashkëpunimin në interes të ndërsjelltë të dy vendeve.