Takim me një delegacion nga Misioni i Vëzhguesve të Zgjedhjeve të BE-se në Kosovë, të përfaqësuar nga znj. Viola von Cramon – Taubadel
Sot, Kryetari i Lëvizjes VETËVENDOSJE!, Albin Kurti, së bashku me nënkryetarin Besnik Bislimi, deputetet Saranda Bogujevci dhe Fitore Pacolli, si dhe me përfaqësuesin e Lëvizjes në KQZ-së, Adnan Rrustemi, takuan një delegacion nga Misioni i Vëzhguesve të Zgjedhjeve të BE-se në Kosovë, të përfaqësuar nga znj. Viola von Cramon – Taubadel, anëtare e Parlamentit Evropian dhe Kryesuese e Vëzhguesve të Misionit Vëzhgues të Zgjedhjeve të BE-së, z. Marian Gabriel, zëvendës shef i Misionit, znj. Elissavet Karagiannidou, analiste e financave të fushatës, znj. Kerstin Dokter, koordinatore, si dhe Marek Mracka, zyrtar për media.
Kryetari Kurti vlerësoi rolin dhe kontributin e vëzhguesve të Misionit të BE-së në zgjedhjet e 6 tetorit, si dhe mirëpriti rekomandimet e këtij misioni në raportin përfundimtar të vëzhgimit të zgjedhjeve. Delegacioni i Misionit të BE-së u interesua për procesin e krijimit të institucioneve, ku u njoftuan me përpjekjet e Lëvizjes për të arritur marrëveshjen me Lidhjen Demokratike të Kosovës për krijimin e Qeverisë.
Në këtë takim, u diskutua për mbarëvajtjen e zgjedhjeve, procesin e qetë dhe të rregullt në ditën e zgjedhjeve, por edhe për sfidat pas ditës së zgjedhjeve me numërime e rinumërime të shumta deri në certifikimin e rezultateve përfundimtare.
Delegacioni i misionit të vëzhguesve të BE-së, prezantoi raportin përfundimtarë, gjetjet dhe rekomandimet e tyre përkitazi me zgjedhjet e 6 tetorit të vitit të kaluar, të cilat do të shërbejnë si bazë e mirë për të përmirësuar infrastrukturën ligjore dhe forcimin e kapaciteteve institucionale për administrimin e zgjedhjeve në Kosovë.
