21 vjetori i rrëmbimit të Ukshin Hotit.

Në 21 vjetorin e rrëmbimit të Ukshin Hotit, teoricienit dhe aktivistit më të shkëlqyer politik të çështjes kombëtare, Ministri i Punëve të Jashtme, Glauk Konjufca, së bashku me deputetët Salih Zyba, Arbër Rexhaj dhe aktivistë të tjerë vizituan sot shtëpinë muze të Ukshin Hotit për të rikujtuar si veprën e sakrificën e tij për liri, ashtu edhe nevojën për drejtësi dhe zbardhje të fatit të tij e të shumë të rrëmbyerve të tjerëve që sot na mungojnë.

Profesori Ukshin Hoti, ose baca Ukë, ndërtoi bazën teorike të filozofisë politike të shqiptarëve dhe bashkoi njerëzit e thjeshtë drejtë një detyre aspak të lehtë për çlirim, barazi e pavarësi kombëtare.