Nga takimi me Ministrin e punëve të jashtme të Republikës së Shqipërisë

Mbrëmjen e së enjtes Albin Kurti, kryetar i VETËVENDOSJE!-s dhe Visar Ymeri, drejtues i Grupit parlamentar i VETËVENDOSJE!-s patën takim me Ministrin e punëve të jashtme të Republikës së Shqipërisë, Ditmir Bushati. Në takim mori pjesë dhe Ambasadori i ri i Republikës së Shqipërisë, Qemal Minxhozi si dhe këshilltarët e Ministrit të punëve të jashtme.

Gjatë takimit u diskutua për thellimin e bashkëpunimit ndërinstitucional dhe ndërshtetëror si dhe për situatën politike e ekonomike të shqiptarëve në rajon. Më pas temë e takimit qe dhe dinamizimi i bashkëpunimit në fushën e ekonomisë si dhe zbatimi i marrëveshjeve të arritura deri më tash midis Kosovës e Shqipërisë.

13 mars 2014
Lëvizja VETËVENDOSJE!