Vazhdojnë të mbahen në burg aktivistët e arrestuar ditë më parë

Qeveria e Kosovës duke instrumentalizuar institucionet e drejtësisë, po tenton që instalimin e Serbisë në Kosovë ta bëj duke persekutuar qytetarët e Republikës së Kosovës.

Sot, Gjykata e Apelit e la në fuqi vendimin e Gjykatës Themelore të Prishtinës për t’i mbajtur në paraburgim 30 ditë Yll Hoxha, Premton Iberdemaj, Uran Hasani, Arbër Kaqorraj dhe Armend Loshaj.

Vendimet e tilla nuk kanë të bëjnë fare me drejtësinë, janë thellësisht politike dhe të vetmin qëllim e kanë shtypjen e vullnetit qytetar për t’i kundërshtuar marrëveshjet që janë në dëm të Republikës.

Përndjekja, arrestimi e paraburgimi i aktivistëve nuk do të ndal në rrugën tonë të drejtë. Tërheqja nga marrëveshjet e 25 gushtit dhe nga marrëveshja për Demarkacion me Malin e Zi është zgjidhja e vetme dhe e panegociueshme. Në të kundërtën, Qeveria e Republikës së Kosovës do të mbaj përgjegjësi për tensionimin e situatës.