Takim me drejtorin e selisë së fondacionit Friedrich-Ebert (FES) në Kosovë, z. René Schlee.

Kryetari i Lëvizjes VETËVENDOSJE!, Albin Kurti, priti sot në takim drejtorin e selisë së fondacionit Friedrich-Ebert (FES) në Kosovë, z. René Schlee.

Kryetari Kurti e falenderoi drejtorin Schlee për angazhimin rreth anëtarësimit të Lëvizjes sonë në Aleancën Progresive dhe për mbështetjen gjatë vizitës së fundit në Berlin.

Në takim u diskutua mbi pesë shtyllat e programit tonë të qeverisjes alternative dhe ndihmën të cilën mund të na e ofrojë FES-i. Përmirësimi i gjendjes socio-ekonomike, edukimi dual dhe punësimi i të rinjëve e i grave, si dhe rikthimi i trurit nga mërgata jonë, do të jenë në fokus të programit e planit tonë dhe prioritete të qeverisjes sonë të ardhshme e të mirë.