Takimi me fermerët dhe bletarët e Kaçanikut

Në vazhdën e takimeve të përditshme, vizituam edhe fermerët e lagjeve Vogliqi, Hasaj, Mema, Topalli dhe Dashi. Në këto takime kishim nderin ta kemi të pranishëm edhe zv.Ministrin e Bujqësisë, Imri Demelezi.

Gjithashtu, vizituam dhe bletarët në Stagovë dhe Gjurgjedell. Me të dy palët bashkëbiseduam për sfidat dhe ballafaqimet e tyre me probleme të natyrave të ndryshme. Përveç infrastrukturës përkatëse që nevojiten për këto lëmi, ata ankoheshin se, edhe pse këtë punë e bëjnë ndër vite, ende nuk kanë përfituar asnjë grant, në mënyrë që sado pak t’ua lehtësojë veprimtarinë.

I përgëzuam që të gjitha të arriturat deri tani i kanë bërë në mënyrë vetanake, por ju premtuam e u zotuam që asnjëherë nuk do t’i lëmë pas dore.