Homazhe në Drenas

Ecja jonë në bërjen e republikës është bërë nëpër sakrifica, nga dëshmorë dhe heronj, me njerëz që e deshën vendin, popullin dhe lirinë më shumë se veten. Ata nuk janë më mes nesh, por jetojnë më shumë se secili nga ne. Rruga në të cilën ata ecën është rrëfimi i asaj që ne sot e gëzojmë. Shumë mund e jetë janë dhënë për këtë vend, pa të cilat sot nuk do të mund të kishim as ëndrra e shpresa për ndërtimin e një jete të cilës i dhanë hov të gjithë pjesëmarrësit e në veçanti dëshmorët e Demonstratës së Janarit të 1990.

Sahit Shala, Enver Morina e Shani Morina janë dëshmorët ku frymojnë edhe pas 30 viteve. Të lënduarit në këtë Demonstratë ishin nga 17 vjeç e deri në 40. U jemi mirënjohës e falënderues tërë jetën tonë, por edhe betohemi e zotohemi që amanetin e idealet e tyre t’i realizojmë me përgjegjësinë më të lartë. Lavdi dëshmorëve të Demonstratës së 31 janarit 1990.

Sahit Shala u lind në 1965 në fshatin Krajkovë, nga i ati Ibishi dhe e ëma Fetia. Shkollën fillore dhe të mesme i kreu në Drenas. Ishte i martuar me Gjyle Berishën nga Gllanasela dhe la pas vetes katër fëmijë: djemtë Albanin, Besnikun, Ibishin dhe vajzën Arlindën. Punonte si automekanik.

Enver Morina u lind në vitin 1967 në fshatin Çikatovë e Vjetër, nga i ati Hajrizi dhe e ëma Fazilja. Shkollën fillore e kreu në Çikatovë të Vjetër dhe Dobroshec, kurse atë të mesmen në “Gjergj Kastrioti – Skënderbeu” në Drenas. Ishte i fejuar por i pamartuar.

Shani Morina u lind në vitin 1967 në fshatin Çikatovë e Vjetër, nga i ati Aliu dhe e ëma Hyra. Shkollën fillore e kreu në Çikatovë të Vjetër dhe Drenas, kurse atë të mesmen në “Gjergj Kastrioti – Skënderbeu” në Drenas. Ishte i pamartuar.

Në Demonstratat e vitit 1990, me 31.01.1990, që të tre vriten nga forcat policore serbe afër hekurudhës në Drenas. Trupat e tyre u varrosën me nderime në vendlindje.

Atë ditë në Demonstrata, me 31 Janar 1990 u vranë:
Sahit Shala – Krajkovë, Enver e Shani Morina – Çikatovë e Vjetër.

Të plagosur që u detyruan të shtriheshin në spital ishin:

Avni Shefqet Dvorani (17) nga Tërsteniku,

Hysen Shefqet Abazi (17) nga Tërsteniku,

Bejtë Pajazit Rexhepi (18) nga Korrotica e poshtme,

Avni Sylë Dobërrdolani (19) Korreticë e Epërme,

Milazim Selim Karaxha (24) Çikatovë e Vjetër,

Qazim Bislim Sejdiu (25), Korreticë e Poshtme, i lënduar rendë, në shok dhomë,

Kadri Veli Shala (26) nga Kojkova,

Alush Lah Muqolli (31) nga Pakleu,

Xhavit Hamit Lladrovci (34) nga Gllanasella dhe

Abdyl Xhevat Hysenaj (34) nga Abria,