Në përputhje me vendimin e Këshillit të Përgjithshëm për rinisjen e procesit të brendshëm zgjedhor, dje dhe pardje, Kryesia e Lëvizjes VETËVENDOSJE! ka mbjatur mbledhje ku ka shqyrtuar propozimet nga qendrat (degët) me ç’rast ka emëruar koordinatorët e rinj për 33 nga 43 qendrat tona, ndërkohë pjesa e mbetur pritet të emërohet ditëve në vijim.

Ky vit do të jetë i zgjedhjeve të brendshme e koordinatorët e përzgjedhur do të kenë përgjegjësinë që së bashku me grupet punuese të udhëheqin dhe sigurojnë proces të drejtë zgjedhor dhe me gjithëpërfshirje prej nga do të zgjedhen organet e reja të Lëvizjes VETËVENDOSJE! ashtu siç parashihet me statutin tonë.

Më poshtë janë të listuar emrat e koordinatorëve të rinj sipas qendrave (degëve) tona:

· Qendra në Artanë: Abdyl Gashi
· Qendra në Dardanë: Donjeta Ismajli
· Qendra në Deçan: Faton Selmanaj
· Qendra në Drenas: Egzona Tërdevci
· Qendra në Ferizaj: Fatbardha Zogaj
· Qendra në Fushë Kosovë: Shpend Bardiqi
· Qendra në Gjakovë: Arbërie Nagavci
· Qendra në Gjilan: Alban Hyseni
· Qendra në Han të Elezit: Mirsad Shkreta
· Qendra në Junik: Lavdim Gaxherri
· Qendra në Kaçanik: Jeton Raka
· Qendra në Kastriot: Halil Thaqi
· Qendra në Lipjan: Adnan Rrustemi
· Qendra në Mitrovicë: Armend Muja
· Qendra në Malishevë: Jetmire Vrenezi
· Qendra në Pejë: Taulant Kelmendi
· Qendra në Prishtinë: Arben Vitia
· Qendra në Prizren: Artan Abrashi
· Qendra në Rahovec: Visar Korenica
· Qendra në Skënderaj: Hysni Mehani
· Qendra në Sharr: Erzen Krasniqi
· Qendra në Shtërpcë: Shpejtim Arifi
· Qendra në Shtime: Qemajl Aliu
· Qendra në Therandë: Salih Zyba
· Qendra në Viti: Arsim Ademi

Qendrat në mërgatë:

· Qendra në Angli: Vlora Pireva
· Qendra në Australi: Sali Rexhepi
· Qendra në Danimarkë: Bernarda Begu Radoncic
· Qendra në Finlandë: Bujar Hajdini
· Qendra në Benelux: Ilir Morina
· Qendra në Itali: Erald Korra
· Qendra në ShBA: Mimoza Hoti Prestreshi.

Janë bërë 10 vjet e gjysmë qëkur kemi mbajtur mbledhjen e parë të organit tonë më të lartë organizativ Këshillit të Përgjithshëm, që i bie më shpesh se njëherë në tre muaj jemi mbledhur, që është e pashembullt në Kosovën e pasluftës për një subjekt politik, tha Kryetari Albin Kurti në fillim të fjalës së tij drejtuar delegatëve pjesëmarrës.

Fitorja jonë me 14 shkurt ishte më shumë se e nevojshme për ta shpëtuar vendin por ajo që gjetëm në shumë pjesë ishte edhe më keq sesa e mendonim. Një shtet përtoke që gjakonte në të gjitha anët e tërësisht i papërgatitur për sfidat e shekullit 21. Në kulmin e këtyre problemeve kishim luftimin e vazhdueshëm të pandemisë COVID-19, e tash edhe një sfidë tjetër, atë të krizës energjetike të shkaktuar nga faktorë të jashtëm dhe mungesa e vizionit të atyre që qeverisën me vendin për dy dekada.

“Unë e kuptoj sot frustrimin e secilit qytetar me mungesën e energjisë elektrike, më besoni se edhe unë jam i frustruar. Por le të jetë ky një rikujtim për gjendjen në të cilën ata që qeverisën për dy dekada na e lan shtetin, sepse si njerëz të territ që ishin e që punët i bënin natën e larg syve të qytetarëve, ata s’kishin se si ta linin Kosovën ndryshe pos në terr e në skëterrë”, tha Kurti.

Duke folur për arritjet e qeverisjes së re përgjatë periudhës prej 9 muajve në secilën fushë e sektorë, për paramentrat e shëndetshëm që kemi vendosur drejt dy zotimeve tona kryesore si punësimi dhe drejtësia, Kurti foli edhe për atë se çfarë na pret si organizatë në vitin 2022.

Me këtë stabilitet institucional që tash kemi, viti 2022 na jep mundësinë të planifikojmë më qëndrueshëm e pa urgjenca të krizave politike qendrore e lokale.

Në pjesën e parë të vitit që vjen fokusin tonë do ta kemi në zgjedhjet e brendshme dhe dy rregulloret shtesë që na nevojiten për organizatën e gruas së VETËVENDOSJE!-s dhe organizatën e rinisë.

Në pjesën e dytë do të punojmë për ta përmirësuar tutje organizimin në mërgatë.

Ndërkaq, gjatë tërë vitit 2022 fokusin ta kemi në fuqizimin e grupeve tona të asambleve komunale. Ashtu që aty ku nuk jemi në qeverisje duhet medoemos të bëhemi opozita kryesore ndërkaq aty ku jemi në qeverisje fokus ta kemi bashkëpunimin dhe sinergjinë mes komunës dhe qendrës sonë ku kryetari ynë i komunës mund të jetë edhe kryetar i ardhshëm i qendrës.

“Secila qendër të ketë përqendrim në aktivitete politike siç janë rinisjen e shkollës të nivelit politiko-organizativ në Qendra, debatet për politikat qendrore dhe lokale, me theks në politikat lokale, përfshirjen e aktivistëve në komunitet në Këshille të lagjeve e fshatrave, Këshille të shkollave/prindërve, sindikatave, odave të ndryshme na duhet ndihma prej të gjithëve për ç’kapjen përfundimtare të shtetit – sepse edhe zgjedhjet lokale kanë treguar që një pjesë e konsiderueshme e krimit të organizuar nga niveli qendror ku s’kanë më vend si dikur kanë zbritur në atë lokal dhe duhet të pamundësohet kapja e komuniteteve nga fondet, kapitali i zhvatur, i ekstraktuar në këto dy dekada, i cili fatkeqësisht edhe më tej vazhdon t’i ketë pronarët e njëjtë pa ju kthyer akoma shtetit të cilit duhet t’i përkisnin qoftë si mjete financiare apo si pasuri publike e natyrore.”

“Edhe ne, edhe qytetarët e duan këtë; i duhemi njëri tjetrit, dhe, duhet të fitojmë e do të fitojmë veçse bashkë. Ky zotim është edhe urim; andaj gëzuar festat e fundvitit dhe gjithë të mirat secilit prej jush në 2022!”

Në mbledhjen XLV të Këshillit të Përgjithshëm u morën edhe disa vendime: votimi i projektbuxhetit për vitin 2022, diskutimi dhe votimi për koalicionet dhe bashkëpunimet në nivel lokal për komunat Shtime, Dardanë, Junik e Sharr. Po ashtu Këshilli vendosi edhe për rinisjen e procesit të brendshëm zgjedhor së bashku me krijimin e dy organeve të reja: Gratë për VETËVENDOSJE!-n dhe Rinia për VETËVENDOSJE!-n.

Sot u mbajt mbledhja me qendrat e Lëvizjes VETËVENDOSJE!, në të cilën morën pjesë kryeministri, njëherazi kryetari i Lëvizjes, Albin Kurti, sekretarja organizative, Vlora Haxhimehmedi dhe koordinatori i qendrave, Valon Hoti.

Sa i përket situatës politike kryeministri Kurti njoftoi edhe njëherë përfaqësuesit e qendrave të Lëvizjes për miratimin e buxhetit për vitin 2022 që është edhe buxheti më i madh deri tani në vlerë prej 2 miliardë e 748 milionë eurosh.

Ky është buxheti i zhvillimit, mirëqenies, solidaritetit dhe investimeve. Aty gjenden fondet e ndara për mbështetje të prodhuesve vendor dhe bujqve, fondet për ringjallje të ndërmarrjeve publike, shtesat për nënat lehona e fëmijët, shtesat për familjet me asistencë sociale dhe pensionistët, e deri te investimet në fushat si ajo e shëndetësisë, sigurisë, infrastrukturës, kulturës e rinisë.

Në anën tjetër, Lëvizja VETËVENDOSJE! do të jetë e përkushtuar edhe në komunat ku qeveris, dhe do të jetë opozitë kryesore nëpër komunat tjera të Kosovës.

Në mbledhjen e përbashkët me qendrat u fol edhe për zgjedhjet e brendshme të cilat do të rinisin në fillimvitin që po vjen, të cilat ishin ndërprerë për shkak të pandemisë dhe zgjedhjeve të përgjithshme parlamentare.

Të gjitha qendrat ishin njëzëri dakord për të filluar procesin e brendshëm zgjedhor prej nga do të dalim edhe më të fuqishëm edhe më të organizuar. Mbështetjes dhe rritjes së madhe të LV-së duhet t’ja mbështesim një organizatë edhe më të fortë.

Në fund të mbledhjes qendrat u njoftuan edhe për hapjen e aplikimit për Nivelin Teorik në kuadër të Shkollës Politike afati për aplikim i së cilës përmbyllet me 10 janar 2022.

Sot u votua buxheti i Qeverisë Kurti që është më i larti në historinë e Republikës së Kosovës me 2.7 miliardë euro.

Ky është buxhet i zhvillimit për shkak se mbështet prodhuesit vendor, ndërmarrjet publike, punësimin e garantuar për të rinj në dritën e krijimit të vendeve të reja të punës për qytetarët e vendit.

Buxhet i mirëqenies dhe solidaritetit për shkak se kujdeset për lehona, fëmijë, familje me asistencë sociale dhe pensionistë.

Buxhet i investimeve të mëdha për shkak se si asnjëherë më parë në qendër ka investimet në shëndetësi, kulturë e sport, infrastrukturë.

Dialogu nuk duhet të ketë synim të kënaq apo shpëtojë ndonjë politikan, por ta rregullojë jetën e qytetarëve. Asociacioni i komunave me shumicë serbe përveçse antikushtetues më shumë i shërben Beogradit sesa qytetarëve serbë në Republikën e Kosovës. Kemi nevojë për një dialog demokratik.

Turneu i futbollit “Astrit Dehari” që organizohet çdo vit nga Lëvizja VETËVENDOSJE! në kujtim të veprës dhe angazhimit të aktivistit tonë, Astrit Dehari, u mbajt sot për të 5-tin vit me radhë. Dhjetëra skuadra aktivistësh prej secilës Qendër të Lëvizjes VETËVENDOSJE! morën pjesë në këtë turne të futbollit të vogël duke nderuar kështu shokun, aktivistin e shkëlqyer, studentin e mjekësisë, njeriun me ndjeshmëri e punë të pandalshme për barazi e drejtësi, Astrit Deharin.

Turneun e fitoi skuadra e Qendrës së Lëvizjes VETËVENDOSJE! në Istog.

Duke mos harruar kurrë që Astriti nën akuza të rreme dhe për arsye politike u mbajt në burg dhe u vra, ne nuk do të rreshtim së kërkuari drejtësi për të – deri në realizimin e saj.

Vlerat dhe bindjet e Astritit organizata jonë do t’i ndjekë përherë ndërkohë që ne aktivistë e Lëvizjes në rrugën tonë përpara gjithmonë do të kujtojmë dhe angazhohemi në dritën e veprës dhe sakrificës së dëshmorëve që ranë për liri, barazi e drejtësi, ndër ta edhe Astrit Dehari.

Republika e Kosovës në renditjen botërore për sundimin e ligjit është renditur si e para në rajon. Kosova prinë në fusha si ajo e kufizimit të pushtetit qeverisës, mungesës së korrupsionit, për transparencë, respektimin e të drejtave të njeriut, rend e siguri, si dhe disa fusha të tjera.

Sa i përket regjionit të Evropës Lindore dhe Azisë Qendrore, Kosova renditet e 2-ta në fushën e sundimit të ligjit.Kurse, në po të njëjtën fushë, sa i përket vendeve me të hyra të mesme të larta, Republika e Kosovës zë vendin e 14-të në botë.Këtu gjeni vegëzën për te raporti:

https://worldjusticeproject.org/…/WJP-INDEX-21.pdf…

Qarkullimi i qytetarëve pa ndalesë, heqja e lejeve për qëndrim të përkohshëm, dhe bashkëpunimi i zyrtarëve institucional, ishin në qendër të 13 marrëveshjeve që u nënshkruan sot mes Republikës së Kosovës dhe Republikës së Shqipërisë.

Kryesia e Lëvizjes VETËVENDOSJE! mbrëmë ka mbajtur një mbledhje të gjatë për ta analizuar rezultatin e zgjedhjeve lokale dhe situatën politike e gjithashtu është mbajtur një mbledhje me të gjitha qendrat e Lëvizjes. Katër komunat e fituara dhe 194 asambleistë nëpër komuna është mirë por nuk është mjaft. Numri i komunave nuk është rezultat i kënaqshëm për ne.

Analiza jonë do të vazhdojë por tashmë për disa gjëra kanë dalë nga diskutimi ynë i përbashkët. E para është vetëkritika. Kemi hapësirë e nevojë për një gjë të tillë. Nuk jemi përgjigjur sipas nevojës e pritjes popullore. Diku kemi qenë shumë larg e diku kemi qenë shumë afër fitores. Të gjithë kemi mundur të bëjmë më shumë. Diku me kandidatin, diku me programin, diku me komunikimin, diku me angazhimin. Na ka munguar optimizmi në veprim. Nuk i kemi shtyrë limitet e vetëvetes. Megjithëse jemi përpjekur. Nuk flasim për dhjetëra por qindra janë aktivitetet e secilës Qendër tonë. Niveli i tretë organizativ ka koordinuar 1054 vizita kurse nga vetë Qendrat janë organizuar shumë më shumë se kaq aktivitete. Disa prej tyre ku raportet janë të gatshme i kapin këto shifra: Gjilani 403 aktivitete, Gjakova 440, Dardana 620, Rahoveci 470, Besiana 398, Shtimja 324. Të gjitha fshatrat e lagjet sigurisht që janë vizituar por duhej edhe nënlagjet edhe komunitetet e ndryshme, derisa programi ynë të arrinte te secili e secila qytetare. Kemi kontaktuar e organizuar vizita edhe në mërgatë, në Zvicër e Gjermani me kandidatët Alban Hyseni dhe Mimoza Kusari. Jemi mirënjohës për secilën votë të nisur nga mërgata që janë gjithsej 790.

Një mosrealizim i synimit tonë është fakti që kishim vetëm dy gra kandidate për kryetare. Sidoqoftë, komunikimi dhe vëmendja jonë ishte tek gratë e vajzat. Vetëm në periudhën e balotazhit janë organizuar 93 aktivitete të veçanta me gra e vajza duke llogaritur që pothuajse në të gjitha aktivitetet e tjera ka pasur pjesëmarrje të grave por jo në nivele të barabarta me pjesëmarrësit burra.

Pandemia ndërkaq, ka goditur mjetin tonë të veprimit e komunikimit me njëri – tjetrin e qytetarët: tubimet e mesme e të mëdha. Nuk kemi mundur ta përdorim këtë mjet e gjithashtu nuk kemi gjetur një zëvendësim efikas për këtë.

Tash, të rëndësishme janë mesazhet që qytetarët na i kanë dërguar. Këto zgjedhje kanë qenë mësim për ne. Pranojmë të nxjerrim mësime sepse politika është shkolla jonë e përhershme. Ne kemi qenë të papërsosur kundrejt bashkimit të përkryer të kapitalit. Ata të gjithë u bashkuan sepse sot bashkë ruajnë kapitalin. Garojnë në pasuri dhe bashkohen në politikë. Në të dyjat u pengon VETËVENDOSJA!. Andaj e luftuan bashkë. Edhe heshturazi edhe zhurmshëm. Ata nuk kanë ndryshuar. Kanë mbajtur veç zgjedhjet e tyre të brendshme por janë të njëjtë për së jashtmi. Për qytetarët mbesin të njëjtë. Meqë sot nuk mund ta zhvillojnë korrupsionin prej kateve të ndryshme qeveritare ata po duan të provojnë nëpër komunat e ndryshme të qyteteve. Prej lartë, po duan ta zbresin më poshtë. Aty është edhe më i dëmshëm. I prek e gjymton edhe më shumë jetët e qytetarëve. Kryesisht nëpërmjet mafisë së ndërtimit. Këtu do të jetë lufta jonë dhe duhet të jemi syçelë.

Sot të gjitha subjektet politike po na kopjojnë. Por na kopjojnë në metodat tona. Ata po duan të fitojnë si ne por jo të bëhen si ne. Ky është thelbi. Ne nuk kemi fituar sepse kemi protestuar por sepse kemi pasur të drejtë. Ne nuk jemi të votuar në zgjedhjet e 14 shkurtit për metodat tona por për kauzat tona. Andaj, ata janë në sinkron në deklarata, në metoda dhe në rreshtim. Ata e kanë pasion pushtetin, ne politikën.

Çlirimi ende nuk është arritur e ne duhet të luftojmë për këtë. Lufta jonë është më e gjatë. Ne as nuk lodhemi, as nuk dorëzohemi. Kosova është shumë e vlefshme për t’ua lënë në duart e stërvitura për korrupsion. Urojmë më të mirën për Kosovën dhe për komunat. Qofshin ndryshime estetike apo më përmbajtësore, në pastë të tilla do t’i përgëzojmë e shijojmë. Në mungofshin do t’i kërkojmë.

Shpresa jonë është e madhe. Sepse aktiviteti ynë është i përhershëm.

I qetë dhe i dashur me qytetarë, modest dhe i ndershëm para tyre, profesionist dhe i përkushtuar për ta, Kadri Rahimaj ka dëshmuar që mbi arrogancën dhe smirën e kundërshtarit mund të prezantohet një program qeverisës që i jep zgjidhje problemeve të shumta të Dardanës.

Kadri Rahimaj është i lidhur fort me VETËVENDOSJE!-n dhe Dardanën, e këtë lidhje do e zhvillojë tutje edhe në qeverisjen e tij, për të gjithë e pa dallime. Me 14 nëntor, me numrin 144 fitojmë në Dardanë, dhe festojmë Kryetarin e ri, Kadri Rahimaj.

Me programin e tij do të zgjidhet çështja e ujit të pijshëm, infrastruktura që lidhë qytezën me fshatrat dhe Vitinë me autostradën, bujqësia, çerdhet publike e shkollat e reja. Me 14 nëntor, me numrin 144 festojmë fitoren tonë në Viti.

Në takimin e mbajtur në fshatin Llashticë, pamë një disponim të madh të qytetarëve të atij lokaliteti për t’ia dhënë Gjilanit ndryshimin e nevojshëm. Kryetari Alban Hyseni u zotua se pas 14 nëntorit, kur në krye të komunës do të jetë Lëvizja VETËVENDOSJE!, diskriminimet në baza partiake e nepotise do marrin fund. Do krijohen kushte të volitshme për bujqit, si dhe problemeve infrastrukturore e me ujë të pijshëm do i vie fundi. Bashkë punojmë, bashkë qeverisim!

#përtëgjithafshatrat

Në takimin e mbajtur me qytetarët e komunitetit Rom, dëgjuam shumë probleme që ata kanë, si dhe diskriminimi i madh që i bëhet atyre. Kryetari Alban Hyseni, i shoqëruar nga ministri Elbert Krasniqi, u zotua se pas ardhjes së Lëvizjes VETËVENDOSJE! në krye të komunës, diskriminimi ndaj këtij komuniteti nga institucionet komunale do të marë fund. Ne besojmë në barazi, andaj edhe e promovojmë dhe do ta zbatojmë atë. Vetëm nëse jemi të bashkuar të gjithë, mund të arrijmë realizimin e synimeve tona të përbashkëta. Bashkë qeverisim!

#përtëgjithashtresat

Me Arben Vitinë Kryetar lagjet e Prishtinës nuk do të jenë më territor për grumbuj të pashpresë ndërtesash që ngushtojnë jetën dhe përditshmërinë e saj. Do të vihet rend dhe rregull, e do të punohet me plan urbanistik për t’i jap shprehje të reja jetës së shëndetshme e të sigurtë për të gjithë dhe gjithsecilin. Me datë 14 nëntor, me numrin 144 votojmë njeriun më të përgatitur e më meritor për Kryetar të Prishtinës, votojmë Arben Vitinë dhe festojmë fitoren tonë.

Me pjesëmarrje masive të qytetarëve të lagjes Bazhdërhane, kryeministri Albin Kurti, kryetari Mytaher Haskuka dhe ministra, zv.ministra e deputetë të Republikës, mbajtën tubim me qytetarët e lagjes, në Memorialin e Komandant Drinit.Kryeministri Kurti theksoi se me Mytaher Haskukën në Prizren e me Qeverinë e tij në Prishtinë do të angazhohen pa pushim, pa kursim, pa rezervë për qytetarët e Prizrenit pa dallim, në mënyrë që Prizrenit t’ia kthejnë të mbarën e të mirën, qysh e meriton e qysh i takon.

Kryeministri Kurti ballëhapur e krenar u bëri thirrje të gjithë qytetarëve të Prizrenit që më 14 nëntor ta votojnë numrin 144 , kandidatin e Lëvizjes VETËVENDOSJE!, prof.dr. Mytaher Haskukën!Kryetari Haskuka theksoi se gjatë katër viteve të ardhshme Prizreni do të bëhet epiqendër e zhvillimit rajonal, duke u bërë kryeqytet i zhvillimit e prodhimit, i trashëgimisë, kulturës, risnisë, sportit e turizmit. Ai tha së këtë do ta bëjnë bashkarisht, duke punuar më mirë, e më shumë.Më 14 nëntor votojmë kundër partive që e kanë bllokuar e diskriminuar Prizrenin, e për qeverisjen e mirë të Mytaher Haskukës. Votojmë numrin 144 që sjell Bashkë qeverisjen dhe fitoren e Mytaher Haskukës.

#BashkeQeverisim

#SkaKthimMbrapa

Sot, kryekuvendari Glauk Konjufca qëndroi për vizitë në Kaçanik, duke i dhënë përkrahje maksimale kryetarit në ardhje Jeton Raka. Në këtë takim të organizuar bashkë me biznese të ndryshme u fol për problematikat që ata kanë në këtë kohë pandemie, mbështetjen e munguar nga ana e komunës, nga ku premtuam dhe u zotuam se me ardhjen e LVV-së në krye të pushtetit, qasja ndaj bizneseve do të jetë më e madhe duke krijuar fonde të posaçme në ndihmë të tyre.

#BashkëQeverisim

#JetonRaka144

Në vizitat e organizuara në biznese të ndryshme, përfshirë “Flora”, “Efekos”, “Vali al-pvc” dhe “Dita GSH”, u njoftuam me problemet e tyre.Kryetari Alban Hyseni, shpalosi pjesë të rëndësishme të programit, ku më e rëndësishmja është Zona Ekonomike, ku përmes saj, bizneseve do i krijohen kushte më të mira dhe mundësi më të mëdha të rritjes së bizneseve e zhvillimit.

Bashkë qeverisim!

#përtëgjithabizneset

Fryma e fitorës së koalicionit bashkëqeverisës Vetëvendosje-AAK po ndjehet kudo. Dje, sot e nesër kjo frymë vetëm se po rritet, sepse qytetari e ka kuptuar se ne jemi mundësia e tyre e vetme dhe e duhur për të bërë punë të mira, të ndershme e parimore. Ne jemi zotuar që me përkushtim të madh do të punojmë për Dardanën, qytetin tonë.

Zëvendës Kryeministrja dhe Ministrja e Punëve të Jashtme Donika Gërvalla, bashkë me deputetë të Republikës së Kosovës, mbrëmë i dhanë theks të veçant mbështetjes së nivelit qendror dhe premtuan se do të jenë pranë neve përgjatë qeverisjes sonë të ardhëshme. Dardanën e presin ditë të ndritshme me ne në qeverisje, ne do bëjmë çdo gjë për qytetarët tanë, në mënyrë që ata të kenë një jetë me të lehtë e dinjitoze.

Bashkë me Ministrin e Financave dhe Transfereve Hekuran Murati, Kryetaren e Qendrës Albana Gashi si dhe asambleistin Vlonjat Hasani, u takuam me banorët e fshatit Miradi e Epërme. Bashkë me ta diskutuam për mungesat që ka fshati si dhe për programin tonë qeverisës për mandatin 4- vjeçar. Në program kemi paraparë këto projekte:- Mirëmbajtja e objektit shëndetësor;-Pajisje për shëndetësi;-Renovimin e shtëpive për rastet sociale;

-Zëvendësimin e ngrohjeve qendrore me pompa termike në objekte shëndetësore;

-Subvencione për shëndetësi;

-Mirëmbajtja e objetit shkollor;

-Dixhitalizimi, kabinetet dhe kamerat në shkollë;

-Zëvendësimi i ngrohjeve qendrore me pompa termike ë objektin e shkollës;

-Subvencione- bursa për studentë dhe nxënës;-Mirëmbajtja e sallës dhe fushës së sportit;

-Subvencione për rini, kulturë dhe sport;

-Ujësjellës dhe Kanalizim;

-Asfaltim;

-Ndriçim publik dhe mirëmbajtje;

-Trotuare;-Shtegun e biçikletave;

-Projekti “Smart City”

-Ndërtimi i urës.

Në anën tjetër, ministri Murati, premtoi përkrahjen e qeverisë në realizimin e projekteve për komunën tonë, dhe bëri thirrje për angazhim e mobilizim për dalje sa më masive në ditën e zgjedhjeve, për ta nxjerrë komunën nga kaosi i shkaktuar nga pushteti në ikje.

#bashkëpërfushëkosovën

#enverbajçinca144

Kryetari në ardhje Dr.sc. Arsim Ademi, bashkë me deputetët Nijazi Isaku, Mirlinda Tishukaj Sadiku, po ashtu edhe deputeti Valon Ramadani, ishin në takim në fshatin Drobesh, nga ku përpos që zhvilluan diskutim, njëherit paraqiten arsyet pse i duhen Vitisë ndryshimet. Kryetari shkurtimisht paraqiti zotimet që ndërlidhen me ujin e pijshëm, infrastrukturën, zhvillimin ekonomik dhe atë të bujqësisë, si dhe qerdhet publike, duke qenë edhe përgjigje adekuate për të lehtësuar jetën e dinjitetshme.Vitisë i duhen ndryshimet, ato do të ndodhin më 14 nëntor, kur edhe fillon e kthehet përspektiva dhe transparenca.

#Bashkëqeverisim

#ARSIMIpërKRYETAR

Kandidati i Lëvizjes VETËVENDOSJE! për Kryetar Komune, Prof.Enver Bajçinca, bashkë me Ministren e Drejtësisë, Albulena Haxhiu, si dhe Ministrin e Administrimit të Pushtetit Lokal, Elbert Krasniqi, u takuan me banorët e fshatit Harilaq. Në këtë takim u prezantua plani për Fushë Kosovën, dhe në veçanëti për këtë fshat.

#bashkëpërfushëkosovën

#enverbajçinca144