Qarkullimi i qytetarëve pa ndalesë, heqja e lejeve për qëndrim të përkohshëm, dhe bashkëpunimi i zyrtarëve institucional, ishin në qendër të 13 marrëveshjeve që u nënshkruan sot mes Republikës së Kosovës dhe Republikës së Shqipërisë.

Kryesia e Lëvizjes VETËVENDOSJE! mbrëmë ka mbajtur një mbledhje të gjatë për ta analizuar rezultatin e zgjedhjeve lokale dhe situatën politike e gjithashtu është mbajtur një mbledhje me të gjitha qendrat e Lëvizjes. Katër komunat e fituara dhe 194 asambleistë nëpër komuna është mirë por nuk është mjaft. Numri i komunave nuk është rezultat i kënaqshëm për ne.

Analiza jonë do të vazhdojë por tashmë për disa gjëra kanë dalë nga diskutimi ynë i përbashkët. E para është vetëkritika. Kemi hapësirë e nevojë për një gjë të tillë. Nuk jemi përgjigjur sipas nevojës e pritjes popullore. Diku kemi qenë shumë larg e diku kemi qenë shumë afër fitores. Të gjithë kemi mundur të bëjmë më shumë. Diku me kandidatin, diku me programin, diku me komunikimin, diku me angazhimin. Na ka munguar optimizmi në veprim. Nuk i kemi shtyrë limitet e vetëvetes. Megjithëse jemi përpjekur. Nuk flasim për dhjetëra por qindra janë aktivitetet e secilës Qendër tonë. Niveli i tretë organizativ ka koordinuar 1054 vizita kurse nga vetë Qendrat janë organizuar shumë më shumë se kaq aktivitete. Disa prej tyre ku raportet janë të gatshme i kapin këto shifra: Gjilani 403 aktivitete, Gjakova 440, Dardana 620, Rahoveci 470, Besiana 398, Shtimja 324. Të gjitha fshatrat e lagjet sigurisht që janë vizituar por duhej edhe nënlagjet edhe komunitetet e ndryshme, derisa programi ynë të arrinte te secili e secila qytetare. Kemi kontaktuar e organizuar vizita edhe në mërgatë, në Zvicër e Gjermani me kandidatët Alban Hyseni dhe Mimoza Kusari. Jemi mirënjohës për secilën votë të nisur nga mërgata që janë gjithsej 790.

Një mosrealizim i synimit tonë është fakti që kishim vetëm dy gra kandidate për kryetare. Sidoqoftë, komunikimi dhe vëmendja jonë ishte tek gratë e vajzat. Vetëm në periudhën e balotazhit janë organizuar 93 aktivitete të veçanta me gra e vajza duke llogaritur që pothuajse në të gjitha aktivitetet e tjera ka pasur pjesëmarrje të grave por jo në nivele të barabarta me pjesëmarrësit burra.

Pandemia ndërkaq, ka goditur mjetin tonë të veprimit e komunikimit me njëri – tjetrin e qytetarët: tubimet e mesme e të mëdha. Nuk kemi mundur ta përdorim këtë mjet e gjithashtu nuk kemi gjetur një zëvendësim efikas për këtë.

Tash, të rëndësishme janë mesazhet që qytetarët na i kanë dërguar. Këto zgjedhje kanë qenë mësim për ne. Pranojmë të nxjerrim mësime sepse politika është shkolla jonë e përhershme. Ne kemi qenë të papërsosur kundrejt bashkimit të përkryer të kapitalit. Ata të gjithë u bashkuan sepse sot bashkë ruajnë kapitalin. Garojnë në pasuri dhe bashkohen në politikë. Në të dyjat u pengon VETËVENDOSJA!. Andaj e luftuan bashkë. Edhe heshturazi edhe zhurmshëm. Ata nuk kanë ndryshuar. Kanë mbajtur veç zgjedhjet e tyre të brendshme por janë të njëjtë për së jashtmi. Për qytetarët mbesin të njëjtë. Meqë sot nuk mund ta zhvillojnë korrupsionin prej kateve të ndryshme qeveritare ata po duan të provojnë nëpër komunat e ndryshme të qyteteve. Prej lartë, po duan ta zbresin më poshtë. Aty është edhe më i dëmshëm. I prek e gjymton edhe më shumë jetët e qytetarëve. Kryesisht nëpërmjet mafisë së ndërtimit. Këtu do të jetë lufta jonë dhe duhet të jemi syçelë.

Sot të gjitha subjektet politike po na kopjojnë. Por na kopjojnë në metodat tona. Ata po duan të fitojnë si ne por jo të bëhen si ne. Ky është thelbi. Ne nuk kemi fituar sepse kemi protestuar por sepse kemi pasur të drejtë. Ne nuk jemi të votuar në zgjedhjet e 14 shkurtit për metodat tona por për kauzat tona. Andaj, ata janë në sinkron në deklarata, në metoda dhe në rreshtim. Ata e kanë pasion pushtetin, ne politikën.

Çlirimi ende nuk është arritur e ne duhet të luftojmë për këtë. Lufta jonë është më e gjatë. Ne as nuk lodhemi, as nuk dorëzohemi. Kosova është shumë e vlefshme për t’ua lënë në duart e stërvitura për korrupsion. Urojmë më të mirën për Kosovën dhe për komunat. Qofshin ndryshime estetike apo më përmbajtësore, në pastë të tilla do t’i përgëzojmë e shijojmë. Në mungofshin do t’i kërkojmë.

Shpresa jonë është e madhe. Sepse aktiviteti ynë është i përhershëm.

I qetë dhe i dashur me qytetarë, modest dhe i ndershëm para tyre, profesionist dhe i përkushtuar për ta, Kadri Rahimaj ka dëshmuar që mbi arrogancën dhe smirën e kundërshtarit mund të prezantohet një program qeverisës që i jep zgjidhje problemeve të shumta të Dardanës.

Kadri Rahimaj është i lidhur fort me VETËVENDOSJE!-n dhe Dardanën, e këtë lidhje do e zhvillojë tutje edhe në qeverisjen e tij, për të gjithë e pa dallime. Me 14 nëntor, me numrin 144 fitojmë në Dardanë, dhe festojmë Kryetarin e ri, Kadri Rahimaj.

Me programin e tij do të zgjidhet çështja e ujit të pijshëm, infrastruktura që lidhë qytezën me fshatrat dhe Vitinë me autostradën, bujqësia, çerdhet publike e shkollat e reja. Me 14 nëntor, me numrin 144 festojmë fitoren tonë në Viti.

Në takimin e mbajtur në fshatin Llashticë, pamë një disponim të madh të qytetarëve të atij lokaliteti për t’ia dhënë Gjilanit ndryshimin e nevojshëm. Kryetari Alban Hyseni u zotua se pas 14 nëntorit, kur në krye të komunës do të jetë Lëvizja VETËVENDOSJE!, diskriminimet në baza partiake e nepotise do marrin fund. Do krijohen kushte të volitshme për bujqit, si dhe problemeve infrastrukturore e me ujë të pijshëm do i vie fundi. Bashkë punojmë, bashkë qeverisim!

#përtëgjithafshatrat

Në takimin e mbajtur me qytetarët e komunitetit Rom, dëgjuam shumë probleme që ata kanë, si dhe diskriminimi i madh që i bëhet atyre. Kryetari Alban Hyseni, i shoqëruar nga ministri Elbert Krasniqi, u zotua se pas ardhjes së Lëvizjes VETËVENDOSJE! në krye të komunës, diskriminimi ndaj këtij komuniteti nga institucionet komunale do të marë fund. Ne besojmë në barazi, andaj edhe e promovojmë dhe do ta zbatojmë atë. Vetëm nëse jemi të bashkuar të gjithë, mund të arrijmë realizimin e synimeve tona të përbashkëta. Bashkë qeverisim!

#përtëgjithashtresat

Me Arben Vitinë Kryetar lagjet e Prishtinës nuk do të jenë më territor për grumbuj të pashpresë ndërtesash që ngushtojnë jetën dhe përditshmërinë e saj. Do të vihet rend dhe rregull, e do të punohet me plan urbanistik për t’i jap shprehje të reja jetës së shëndetshme e të sigurtë për të gjithë dhe gjithsecilin. Me datë 14 nëntor, me numrin 144 votojmë njeriun më të përgatitur e më meritor për Kryetar të Prishtinës, votojmë Arben Vitinë dhe festojmë fitoren tonë.

Me pjesëmarrje masive të qytetarëve të lagjes Bazhdërhane, kryeministri Albin Kurti, kryetari Mytaher Haskuka dhe ministra, zv.ministra e deputetë të Republikës, mbajtën tubim me qytetarët e lagjes, në Memorialin e Komandant Drinit.Kryeministri Kurti theksoi se me Mytaher Haskukën në Prizren e me Qeverinë e tij në Prishtinë do të angazhohen pa pushim, pa kursim, pa rezervë për qytetarët e Prizrenit pa dallim, në mënyrë që Prizrenit t’ia kthejnë të mbarën e të mirën, qysh e meriton e qysh i takon.

Kryeministri Kurti ballëhapur e krenar u bëri thirrje të gjithë qytetarëve të Prizrenit që më 14 nëntor ta votojnë numrin 144 , kandidatin e Lëvizjes VETËVENDOSJE!, prof.dr. Mytaher Haskukën!Kryetari Haskuka theksoi se gjatë katër viteve të ardhshme Prizreni do të bëhet epiqendër e zhvillimit rajonal, duke u bërë kryeqytet i zhvillimit e prodhimit, i trashëgimisë, kulturës, risnisë, sportit e turizmit. Ai tha së këtë do ta bëjnë bashkarisht, duke punuar më mirë, e më shumë.Më 14 nëntor votojmë kundër partive që e kanë bllokuar e diskriminuar Prizrenin, e për qeverisjen e mirë të Mytaher Haskukës. Votojmë numrin 144 që sjell Bashkë qeverisjen dhe fitoren e Mytaher Haskukës.

#BashkeQeverisim

#SkaKthimMbrapa

Sot, kryekuvendari Glauk Konjufca qëndroi për vizitë në Kaçanik, duke i dhënë përkrahje maksimale kryetarit në ardhje Jeton Raka. Në këtë takim të organizuar bashkë me biznese të ndryshme u fol për problematikat që ata kanë në këtë kohë pandemie, mbështetjen e munguar nga ana e komunës, nga ku premtuam dhe u zotuam se me ardhjen e LVV-së në krye të pushtetit, qasja ndaj bizneseve do të jetë më e madhe duke krijuar fonde të posaçme në ndihmë të tyre.

#BashkëQeverisim

#JetonRaka144

Në vizitat e organizuara në biznese të ndryshme, përfshirë “Flora”, “Efekos”, “Vali al-pvc” dhe “Dita GSH”, u njoftuam me problemet e tyre.Kryetari Alban Hyseni, shpalosi pjesë të rëndësishme të programit, ku më e rëndësishmja është Zona Ekonomike, ku përmes saj, bizneseve do i krijohen kushte më të mira dhe mundësi më të mëdha të rritjes së bizneseve e zhvillimit.

Bashkë qeverisim!

#përtëgjithabizneset

Fryma e fitorës së koalicionit bashkëqeverisës Vetëvendosje-AAK po ndjehet kudo. Dje, sot e nesër kjo frymë vetëm se po rritet, sepse qytetari e ka kuptuar se ne jemi mundësia e tyre e vetme dhe e duhur për të bërë punë të mira, të ndershme e parimore. Ne jemi zotuar që me përkushtim të madh do të punojmë për Dardanën, qytetin tonë.

Zëvendës Kryeministrja dhe Ministrja e Punëve të Jashtme Donika Gërvalla, bashkë me deputetë të Republikës së Kosovës, mbrëmë i dhanë theks të veçant mbështetjes së nivelit qendror dhe premtuan se do të jenë pranë neve përgjatë qeverisjes sonë të ardhëshme. Dardanën e presin ditë të ndritshme me ne në qeverisje, ne do bëjmë çdo gjë për qytetarët tanë, në mënyrë që ata të kenë një jetë me të lehtë e dinjitoze.

Bashkë me Ministrin e Financave dhe Transfereve Hekuran Murati, Kryetaren e Qendrës Albana Gashi si dhe asambleistin Vlonjat Hasani, u takuam me banorët e fshatit Miradi e Epërme. Bashkë me ta diskutuam për mungesat që ka fshati si dhe për programin tonë qeverisës për mandatin 4- vjeçar. Në program kemi paraparë këto projekte:- Mirëmbajtja e objektit shëndetësor;-Pajisje për shëndetësi;-Renovimin e shtëpive për rastet sociale;

-Zëvendësimin e ngrohjeve qendrore me pompa termike në objekte shëndetësore;

-Subvencione për shëndetësi;

-Mirëmbajtja e objetit shkollor;

-Dixhitalizimi, kabinetet dhe kamerat në shkollë;

-Zëvendësimi i ngrohjeve qendrore me pompa termike ë objektin e shkollës;

-Subvencione- bursa për studentë dhe nxënës;-Mirëmbajtja e sallës dhe fushës së sportit;

-Subvencione për rini, kulturë dhe sport;

-Ujësjellës dhe Kanalizim;

-Asfaltim;

-Ndriçim publik dhe mirëmbajtje;

-Trotuare;-Shtegun e biçikletave;

-Projekti “Smart City”

-Ndërtimi i urës.

Në anën tjetër, ministri Murati, premtoi përkrahjen e qeverisë në realizimin e projekteve për komunën tonë, dhe bëri thirrje për angazhim e mobilizim për dalje sa më masive në ditën e zgjedhjeve, për ta nxjerrë komunën nga kaosi i shkaktuar nga pushteti në ikje.

#bashkëpërfushëkosovën

#enverbajçinca144

Kryetari në ardhje Dr.sc. Arsim Ademi, bashkë me deputetët Nijazi Isaku, Mirlinda Tishukaj Sadiku, po ashtu edhe deputeti Valon Ramadani, ishin në takim në fshatin Drobesh, nga ku përpos që zhvilluan diskutim, njëherit paraqiten arsyet pse i duhen Vitisë ndryshimet. Kryetari shkurtimisht paraqiti zotimet që ndërlidhen me ujin e pijshëm, infrastrukturën, zhvillimin ekonomik dhe atë të bujqësisë, si dhe qerdhet publike, duke qenë edhe përgjigje adekuate për të lehtësuar jetën e dinjitetshme.Vitisë i duhen ndryshimet, ato do të ndodhin më 14 nëntor, kur edhe fillon e kthehet përspektiva dhe transparenca.

#Bashkëqeverisim

#ARSIMIpërKRYETAR

Kandidati i Lëvizjes VETËVENDOSJE! për Kryetar Komune, Prof.Enver Bajçinca, bashkë me Ministren e Drejtësisë, Albulena Haxhiu, si dhe Ministrin e Administrimit të Pushtetit Lokal, Elbert Krasniqi, u takuan me banorët e fshatit Harilaq. Në këtë takim u prezantua plani për Fushë Kosovën, dhe në veçanëti për këtë fshat.

#bashkëpërfushëkosovën

#enverbajçinca144

Në Kosovë mosha mesatare e popullsisë është mjaft e re. Kjo bënë që Kosova të ketë potencial për zhvillimin e përgjithshëm shoqëror. Por, për ta shfrytëzuar këtë potencial fillimisht shteti dhe shoqëria, e kanë për obligim të investojnë në të. Në frymën e kësaj, kandidati për kryetar komune, prof.Bajçinca bashkë me Ministren e Drejtësisë Albulena Haxhiu, si dhe Ministrin e Administrimit të Pushtetit Lokal Elbert Krasniqi, kanë takuar një grup të të rinjëve nga Fushë Kosova, ku kanë shpalosur programin qeverisës komunal dhe atë qendror, për rininë.

#LëvizjapërRininë

#bashkëpërfushëkosovën

#enverbajçinca144

Në takimin e mbajtur në fshatin Zhegër, ku i pranishëm ishte edhe Kryetari i Kuvendit Glauk Konjufca, Zhegra e Agim Ramadanit na e konfirmoi mbështetjen masive për Lëvizjen. Kryetari Alban Hyseni, u zotua se me qeverisjen e re Gjilani do të orientohet kah zhvillimi e kah e mbara. Regresit në fusha të caktuara, e stagnimit ekonomik, do i vie fundi më 14 nëntor. Mobilizimi e përkushtimi i qytetarëve të Zhegrës për ndryshim, do jenë vulë për fitoren e Lëvizjes VETËVENDOSJE!.Sepse bashkë jemi më mirë!

#përtëgjithafshatrat

Në takimin e mbajtur në fshatin Cërnicë, gjetëm frymën e fitores edhe aty, si ngado tjetër. Kryetari Alban Hyseni, në praninë e Kryeparlamentarit Glauk Konjufca, u zotua se pas 14 nëntorit, Gjilani do të kthehet kah e mbara. Vetëm 3 ditë jemi larg ndryshimit të domosdoshëm që i duhet Gjilanit. E kur jemi të bashkuar kështu si sonte, e edhe pasi të jemi në krye të ekzekutivit në komunë, rruga drejt zhvillimit nuk do ketë alternativë.Bashkë jemi më shumë, e bashkë jemi më mirë!

Në takimin e mbajtur në Livoç të Poshtëm, gjetëm mobilizimin e fuqishëm për ndryshimin e nevojshëm në komunë. Kryetari Alban Hyseni, i shoqëruar nga Kryetari i Kuvendit Glauk Konjufca, shpalosi pjesë nga programi qeverisës, pjesë të cilat prekin edhe interesin e këtij lokaliteti. Zgjidhja e problemeve me kanalizim, e ujit të pijshëm, si dhe problemeve infrastrukturore, janë prioritet mbi prioritete, sepse vetëm zgjidhja e këtyre problemeve siguron nivelin minimal të jetesës, i cili i ka munguar këtij fshati, dhe jo vetëm këtij, por këto probleme po i gjejmë ngado, andaj vetëm zgjidhja e tyre garanton jetesë më të mirë.

#përtëgjithafshatrat

Kalaja e Pogragjës është një nga monumentet me vlerë historike e kulturore në qytetin e GjilanitKalaja e Pogragjës fatkeqësisht as nuk mirëmbahet e as nuk ka përkujdesje. Një hapësirë si kjo, do të duhej të ishte pikë e rëndësishme për vizitorë e turistë.Investimi në qasjen e saj (rruga e shtegu për ecje), si dhe mirëmbajtja e saj është shumë e nevojshme.Kalaja e Pogragjës do ta ketë kinemanë e hapur afër saj, e cila do ta shtonte atraktivitetin turistik të kalasë.

#bashkëqeverisim

Kryetari Mytaher Haskuka tash e ka një qeveri qendrore që e mbështet për ta zhvilluar më shumë e më shpejtë Prizrenin. Ura mes Kryetarit Haskuka dhe Kryeministrit Kurti është ura që e solli projektin e rrugës Prizren-Tetovë, e që do të sjellë edhe shumë projekte të tjera që shtojnë aktivitetin ekonomik, kulturor, e turistik, në drejtim të krijimit të vendeve të reja të punës e rritjes së mirëqenies qytetare.

Me datë 14 nëntor votojmë kundër partive që kanë penguar dhe diskriminuar Prizrenin, e për qeverisjen e mirë të Haskukës. Me 14 nëntor votojmë numrin 144 që sjell Bashkëqeverisjen dhe Fitoren tonë në Prizren.

Kryetari Shpejtim Bulliqi në mandatin e tij të plotë do e realizojë programin zhvillimor e progresistë për Podujevën, e për këtë do ta ketë mbështetjen e plotë të Kryeministrit Kurti.

Me 14 nëntor, të bashkuar e besimplotë drejt një të ardhme prosperuese, votojmë numrin 144, dhe festojmë fitoren tonë.