Në takimin falenderues në Uglar, gjetëm mobilizimin e madh të strukturave dhe qytetarëve të këtij lokaliteti, për t’ia dhënë ndryshimin Gjilanit, dhe për ta kthyer qytetin kah e mbara. Energjitë e reja i duhen komunës, bashkë me ndershmërinë e profesionalizmin, prandaj 144 është numri e Alban Hyseni është emri, për bashkëqeverisje e udhëheqje të re.

#përtëgjithafshatrat

Kandidati për kryetar, Alban Hyseni në vizitën që bëri dje në Spitalin Regjional të Gjilanit u mirëprit nga profesionistët shëndetësor, me ç’rast falenderoi mantelbardhët për angazhimin e madh gjatë periudhës së përballjes së vështirë me pandeminë.

Mantelbardhët si çdoherë në nivel të detyrës për të ju shërbyer qytarëve, kërkuan koordinim më të mirë të sistemit shëndetësor primar dhe atij sekondar në nivel të komunës, për ç’gjë u zotua edhe kryetari në ardhje Alban Hyseni.

Zë i ri, udhëheqje e re.

#përtëgjithaprofesionet

Në Koretinin e Dardanës që tashmë ka vendosur për Kadri Rahimajn Kryetar, u fol për qeverisjen e re që po vjen dhe për prioritetet e saj. Dardana me gjithë bukuritë natyrore që ka si qytet i gjelbër, si qytet i njerëzve të ndershëm e punëtorë, me një rini të talentuar, do ta ketë mbështetjen e qeverisjes qendrore për shkak se pikat programore të kandidatit tonë atje lidhen natyrshëm me prioritetet e qeverisjes qendrore në Prishtinë.

Kryetari i ardhshëm i Vitisë, Dr. Arsim Ademi së bashku me deputeten Mirlinda Sadiku dhe asambleistet, Liridona Bislimi e Majlinda Shabani vizituan bizneset e ndryshme të Vitisë, ku u njohën prej së afërmi me sfidat që ata kanë.Në Viti, veprojnë një numër i madh i bizneseve e me qeverisjen e Lëvizjes ne do të angazhohemi për krijimin e hapësirave që ofrojnë mundësi e mbështetje, kjo përmes politikave në mbështetje të bizneseve e sidomos të grave në Komunën tonë të cilat janë paraparë edhe në programin qeverisës së Lëvizjes VETËVENDOSJE!

#PërVitinë#meArsimAdemin

Një pjesë të së dieles e ndamë në fshatin Gjurkoc, me një ecje të këndshme me banorët. U përshëndetëm nga shumë bashkëfshatarë, që u ndalën të bisedojnë dhe të na shoqërojnë në ecje. Me ta diskutuam për nevojat kryesore të fshatit dhe prioritetet që do t’i kemi në mandatin tonë të ardhshëm. Me ne secili qytetar do të ndihet i vlerësuar, do të punojmë që bashkarisht të sjellim mirëqenien e banorëve në secilin vendbanim të komunës sonë.

#BashkëQeverisim+7

Fshatrat veriore të Prishtinës, Bardhoshi, Bërnica dhe Sinidolli, kanë potencial të madh të zhvillimit bujqësor andaj si komunë do t’i dyfishojmë subvencionet në bujqësi dhe do të sigurojmë qasje në treg për produktet e tyre.

-Komuna e Prishtinës do të ndërtojë një qendër grumbullimi të produkteve bujqësore me vlerë 2 milion euro.

-Do të ndërtohen tregje të vogla në disa lagje të qytetit ku bujqit mund të plasojnë produktet e tyre.

-Do të bëhet zgjerim i rrjetit të ujitjes, duke konsideruar inkuadrimin edhe të ujësjellësit nga Ibri në këtë zonë.

-Fshatrat do të jenë të barabarta në infrastrukturë me qytetin andaj do riparohen e rregullohen rrugët dhe do ndriqohen ato.

-Në planin tonë për çerdhe në çdo fshat me 100 fëmijë, do të ndërtohet edhe çerdhja në Bardhosh.

Prishtina u bë edhe me institucionin e operës. Në kryeqytet u shtua një shtyllë e rëndësishme kulturore për tërë Kosovën. Ishte ndjenjë e papërshkrueshme të përcjell shfaqjen e performuesëve të ndryshëm nga orkestra muzikore, trupa e baletit dhe kori muzikor.

Shfaqje kjo e parë e institucionit të ri.Në Prishtinë do ta bëjmë edhe sallën koncertale për Filharmoninë e Kosovës dhe gjithashtu të japim kontributin tonë që së bashku me MKRS të kemi edhe një teatër të denjë edhe për opera e balet.Urojmë të gjithë performuesit për shaqjen, e mbi të gjitha për rrugën plot sukses që padyshim e kanë përpara.

Në takimin e mbajtur me qytetarët e Lagjes së Vishnjeve, gjetëm një organizim të madh të tyre, si dhe pamë punën të cilën ata po e bëjnë për ta konfirmuar fitoren e Lëvizjes më 14 nëntor. Duke ju falenderuar për angazhimin e përkrahjen, ne u zotuam se me qeverisjen e re komunale, e cila do karakterizohet nga ndershmëria e profesionalizmi, qytetari do jetë në qendër dhe do ketë rol aktiv në vendimmarrje. Sepse bashkë qeverisim!

#përtëgjithalagjet

Në takimin e mbajtur në fshatin Pogragjë, të karakterit falenderues, shprehëm mirënjohje për qytetarët dhe strukturat tona atje, për fitoren e Lëvizjes VETËVENDOSJE!. Mobilizimi i madh atje për raundin e dytë është treguesi më i mirë për fitoren e madhe që na pret më 14 nëntor. Fryma e re qeverisëse, me energji të reja, i duhet Gjilanit.

#përtëgjithafshatrat

Sot, kanidati i Lëvizjes VETËVENDOSJE!, për Kryetar Komune, prof.Enver Bajçinca bashkë me deputeten e Kuvendit të Kosovës Yllza Hoti u takuan me një grup të grave nga komuna e Fushë Kosovës, të punësuara në sektorin privat. Në këtë takim u diskutua për të drejtat e punëtorëve të punësuar në këtë sektor. Lëvizja VETËVENDOSJE! synon trefishimin e inspektorëve të punës.Shkeljet në vendin e punës deri në rrezikimin e jetës kërkojnë masa urgjente dhe të plota. Puna mbi pesë ditë në javë, e papaguar, pa kontrata, ose me kontrata të përkohshme, po rëndon shumë gratë e vajzat dhe çdo punëtor. Deri në fuqizimin e ndërmarrjeve të mesme dhe të vogla sipas planit tonë zhvillimor, dhe forcimit të kontrollit për korporatat, nuk do të lejojmë në asnjë formë punën mbi 5 ditë në javë për punëtorët në pozita jomenaxheriale.

#BashkëpërFushëKosovën

#enverbajçinca144

Sot vizituam kompaninë që menaxhon me mbeturinat “Eco Higjiena”. Nga afër u njoftuam me punën e tyre, me vështirësitë në kryerjen e veprimtarisë dhe me problemet e tjera të cilat ata i kanë. Kompanive të tilla duhet krijuar kushte më të mira të punës, si dhe duhet qëndruar pranë tyre për t’i ndihmuar në aspekte të ndryshme. Sepse vetëm me bashkëpunim ecim përpara.

#përtëgjithabizneset

Alban Hyseni si më i votuari për kryetar të Gjilanit në rundin e parë të zgjedhjeve po vazhdon me një mbështetje edhe më të lartë ta prezantojë programin dhe prioritetet e qeverisjes së re në Gjilan.Sot, bashkë me Kryeministrin Kurti ai mbajti tubime në qytet, Zhegër, Livoq të poshtëm, Malishevë e Dobërçan ku u zotua se do të punojë ndershëm e me përkushtim të lartë për ta bërë ndryshimin e nevojshëm edhe në qytetin e Gjilanit. Mbështetja që ky qytet i ka dhënë Lëvizjes VETËVENDOSJE! duke e bërë të parën në vend e në komunë, është mbështetje që do t’i kthehet me punë të mira e zhvillimore këtij qyteti pas 14 nëntorit.

Në kuadër të takimeve të vazhdueshme me gra dhe vajza, kandidatja për kryetare të komunës së Gjakovës nga radhët e Lëvizjes VETËVENDOSJE! Mimoza Kusari-Lila, u takua me gra dhe vajza të profileve e moshave të ndryshme nga komuna jonë. Entuziazmi për ndryshim i këtyre grave dhe vajzave, rikonfirmon edhe një herë fitoren e madhe e të shumëpritur të datës 14 Nëntor me qeverisjen e Lëvizjes VETËVENDOSJE! dhe kryetaren Mimoza Kusari-Lila. Nevojat e këtyre zonjave dhe problemet e përditshmërisë së grave dhe vajzave nga komuna jonë pa dallim, do trajtohen me prioritet e seriozitet në qeverisjen e ardhshme katër vjeçare.

#bashkëQeverisim

#MimozaKusariLila

#LVV144

Në Krushën e Madhe e të njohur për banorët e ndershëm e punëtorë, Kryetari në ardhje, Visar Korenica, bashkë me Kryeministrin, Albin Kurti, bashkëbiseduan për mundësitë e zhvillimit ekonomik në atë anë, për prodhimin vendorë që me buxhetin e ri do të mbështetet fuqishëm, dhe për ndërlidhjen e qeverisjes lokale me atë qendrore drejt bashkëqeverisjes për katër vitet e ardhshme.

Dje, në Rogovë të Hasit, Kryetarja në ardhje, Mimoza Kusari Lila, bashkë me Kryeministrin, Albin Kurti, takuan banorët e këtij fshati ku bashkëbiseduan për qeverisjen e re që po vjen në Gjakovë. Investimi në infrastrukturë, përkatësisht në ndërtimin e urës në hyrje të këtij fshati, bashkë me investimet që tashmë janë paraparë brenda buxhetit të ri për bujqësi dhe prodhim vendorë, do t’i japin një shtysë zhvillimore këtij fshati duke ja rritur kështu mirëqenien edhe banorëve të saj.

Kryetari i Prizrenit, Mytaher Haskuka, bashkë me Kryeministrin, Albin Kurti, mbajtën dje disa takime me qytetarë në Prizren, ku folën për qeverisjen e mirë qendrore dhe atë lokale në këtë qytet të kulturës e të njerëzve të ndershëm e punëtorë. Katërvjeçari i parë i qeverisjes pavarësisht pengesave e diskriminimit që i është bërë Prizrenit ka qenë një katërvjeçarë i investimit në infrastrukturë, arsim, shëndet, e bujqësi. Në mandatin e ri, me ndihmën e qeverisjes së re, do të shtyhen përpara projekte si ai për Zonën ekonomike, Parkun e Inovacionit dhe Trajnimeve, rruga Prizren-Tetovë që tashmë ka hyrë në planifikim buxhetor, që do ta bëjnë Prizrenin qytet të prodhimit e zhvillimit, qytet të trashëgimisë kulturore e turizmit, të shëndetit e të zhvillimit të gjelbërt, për të gjithë e pa dallim.

Një lagje që pa dyshim i jep identitet qytetit tonë. Prandaj edhe e kemi një plan të rëndësishëm për investime, të cilat do t’ia lehtësojnë jetën banorëve por edhe bizneseve të lagjes. Plani për qendrën tregtare në Bregun e Diellit:

Në kuadër të investimit në polet ekonomike të qytetit, do të investohet edhe në qendrën tregtare të Bregut të Diellit si një hapësirë e rëndësishme komerciale për gjithë qytetin. Kjo do të bëhet përmes NPB-së.

Do të rregullohen hapësirat e përbashkëta, duke i funksionalizuar shkallët elektrike, ndriçimin, por edhe duke e bërë më atraktive qendrën për brende dhe kompani të njohura.

#bashkëqeverisim

Sot, në zyret tona prita disa prej grave pensionsite. Hanife Azemi, 88 vjeçare, erdhi në zyre vetëm për të na dëgjuar e për të na dhuruar përkrahje në këtë kohë para fushate për Prishtinën. Pensionimi është një prej fazave të rëndësishme të jetës. Pas kontributit të dhënë në shoqëri, vjen koha kur shteti e komuna duhet të jenë nën shërbimin e më të dashurve tanë. Këto gra e burra janë pjesë qenësore e jetës tonë, me përvojën e dijën dhe urtësinë e tyre, janë kompasi i shoqërisë sonë.

Si qeverisje e ardhshme do të krijojmë hapësira atraktive nëpër lagje ku, pensionistët, do ta kalojnë kohën e tyre.

Forcimi i rolit të infermierëve në vizita shtëpiake dhe jo vetëm. Komuniteti e sidomos të moshuarit dhe të sëmurit kronik do të kenë kujdesin e duhur në shtëpitë e tyre.

Do shtojmë numrin e qendrave për të moshuar në lagjet e qytetit.

Qeveria e Kosovës është duke punuar që pensionet të rriten krahas pagës minimale dhe kësisojë ta tejkalojmë varfërinë e të bëjmë jetë më të mirë.

Bashkë qeverisim!

Fjala e plotë e Kryeministrit dhe njëherit Kryetarit të LV-së, Albin Kurti:

Dje u mbajtën zgjedhjet lokale nëpër komunat e Kosovës. Ato ishin të lira, demokratike dhe fer, pa ndonjë incident të theksuar. Megjithatë, të gjitha ankesat do të trajtohen nga organet përkatëse shtetërore.

Si Kryeministër i Republikës së Kosovës jam fort krenar që kishim miq nga Bashkimi Evropian të cilët vëzhguan edhe demokracinë tonë e cila mund të shërbejë si shembull për vendet e rajonit dhe jo vetëm. Ata panë që përveç xhudos, filmit dhe programit të vaksinimit, Kosova shkëlqen edhe me organizimin e procesit zgjedhor.

Si kryetar i Lëvizjes VETËVENDOSJE! jam shumë i kënaqur që të shohë kaq shumë kandidatë tanë në balotazh. Njësoj siç jam i kënaqur me nivelin e lartë të besimit dhënë asamblistëve tanë gjithandej Kosovës. Ky është një shans që të vazhdojmë të flasim e diskutojmë me qytetarët e Kosovës se si t’i mbrojmë e avancojmë të arriturat e këtij gjysëm viti të qeverisjes së mirë, mbi luftën kundër korrupsionit e për sundim të ligjit, dhe se si të zgjerojmë mundësitë dhe shtojmë kujdesin për të gjithë.   

Ndryshimi real në nivelin qytetar është shumë më shumë se fjalë: do të thotë ujë më shumë e më të pastër, ajër më i mirë e i shëndetshëm, menaxhim efikas i mbeturinave, kanalizime moderne të ujërave të zeza.  

Ndryshimi i bërë realitet në rrafshin qytetar nuk është vetëm premtime të mëdha për probleme të vjetra si p.sh. trafiku i dendur, por nënkupton plane aktuale që funksionojnë brenda mundësive tona.  

Jam i etur të punoj e të bashkëpunoj me secilën komunë që të siguroj se vlerat tona të përbashkëta ta arrijnë çdo lagje e secilën shtëpi aty në mënyrë domethënëse. Do të qëndroj pranë dhe i gatshëm të punoj me secilin kryetar komune me të cilin ndajmë vlerat demokratike dhe që është i gatshëm të bëjë punën e vështirë të reformave të thella.      

Nuk e kemi luksin për asgjë më pak.

Urime të gjithë kandidatëve dhe mund t’ju them qysh tash se kjo është një festë e madhe e demokracisë si zgjedhje dhe e politikës si shërbim.   

Po ashtu më duhet t’ju them që kandidatët e VETËVENDOSJE!-s do të jenë gjithandej duke u angazhuar për secilën votë. 

Nuk e kemi luksin për asgjë më pak.

Ju falemnderit.

Kandidati ynë për Kryetar Salih Zyba, së bashku me Ministren Rozeta Hajdari, deputetin Mefail Bajqinovci dhe kandidatët për Kuvend Komunal Erlida Bajrami e Drilon Zyba, vizituan fabrikën e tekstilit “Arta Tex”. Bizneset e tilla të suksesshme e me punëtore kryesisht femra janë shumë të nevojshme për shoqërinë, pasi ndihma që i jep ekonomisë familjare është shumë e madhe.Në qeverisjen tonë të ardhshme, të gjitha bizneset që hapen nga gratë sipërmarrëse do të kenë subvencionim që të ndihmohen e të fuqizohen.

#BashkëQeverisim

#NdershëmpërTherandën

#144SalihZyba

Në përmbyllje të kësaj fushate, mbështetja vetëm sa po shtohet e fuqizohet.Takimin e radhës e patëm në Petrovë, në Lagjen Ademaj, bashkë me bartësin e listes Adnan Ademi si dhe kandidatë e aktivistë nga qendra jonë. Para të pranishmëve shpalosëm planprogramin tonë qeverisës dhe biseduam për nevojat dhe preokupimet që kanë banorët e fshatit Petrovë e që nuk janë të pakta.

Kudo që po shkojmë, vërejmë një opinion të përbashkët, që qytetarët janë të lodhur me këtë qeverisje të gjatë e të stërkequr. Diskriminimi, pabarazia, nepotizmi dhe përfitimet personale e kanë karakterizuar këtë qeverisje në ikje.Kjo do të ndryshoj pas 17 tetorit kur ne do qeverisim me qytetarin dhe për qytetarin.Kjo ditë është më afër se kurrë. Dita kur hapet një faqe e re në historinë politike të Shtimes.

BashkëQeverisim