Carralluka e Malishevës është e sigurtë për Lëvizjen!
Mbrëmë së bashku me deputetin Arbër Rexhaj dhe kandidatët për asamble komunale Ilaz Krasniqi dhe Arbnore Hoti bashkëbiseduam me banorët e fshatit Carrallukë. Në këtë takim të përzemërt në mesin e bashkëvendasëve, përveç prezantimit të pikave programore njhëherit theksova para banorëve nevojën për ndryshimin e mendësisë së vjetruar qeverisëse që ka mbretëruar në komunën tonë, rëndësinë që Komuna të kthehet në shërbim të qytetarëve e për qytetarët.
Po ashtu u zotuam para qytetarëve se qeverisja e Lëvizjes VETËVENDOSJE! në komunën e Malishevës pas 17 tetorit, nënkupton trajtim të dinjitetshëm, kushte më të mira të jetesës, e mirëqenie për të gjithë qytetarët.
Mikëpritje e përzemërt nga banorët e fshatit Damanek të Malishevës
Në shkollën fillore “Ramadan Morina” në fshatin Damanek u mirëpritëm nga banorët e Damanekut, Bublit dhe Qupevës ku së bashku me kandidatin për asamble Bardhyl Krasniqi biseduam për problemet dhe prioritetet e këtyre vendbanimeve dhe shpalosëm programin tonë qeverisës.
Pritshmëritë e tyre për ndryshim të mendësisë qeverisëse në komunën e Malishevës, janë të mëdha, po aq sa edhe entuziazmi e shpresa për përditshmëri më të mirë. Komuna është e përbashkëta publike e të gjithë qytetarëve pa dallim, e si e tillë, pas 17 tetorit do u kthehet pikërisht qytetarëve, për t’u shërbyer atyre në mënyrë të drejtë e dinjitetshme. Këto janë zotime të cilat do të përmbushën pas 17 tetorit.
Baica e Krojmiri i Lipjanit janë të sigurtë për Lëvizjen!
Ditën e vazhduam me vizitën në fshatin Baicë, për të biseduar e shpalosur pjesë nga programi jonë para banorëve të këtij fshati. Baica, një lokalitet i bukur, me potencial turistik për shkak të pamjes e burimit të ujit termal, është lënë tërësisht pas dore përgjatë qeverisjeve të viteve të shkuara. Baica ka burimin e ujit termal, por nuk ka ujë të pijshëm, ndërsa ende mungojnë elemente bazike në fshat.
Ne i kemi dëgjuar idetë e shqetësimet e qytetarëve, pastaj kemi hartuar programin tonë, i cili ka në fokus vetëm interesat e qytetarëve. Prandaj, do ta bëjmë ndryshimin edhe për fshatin Baicë.
Pas Baicës, bashkë me Ministrin e Bujqësisë, Faton Peci, ndaluam për vizitë në fshatin Krojmir. Fshati Krojmir, njihet për luftëtarët e intelektualët që ja ka dhënë komunës sonë, prandaj secilën herë që vijmë këtu, ndihemi shumë mirë. Bashkë me ministrin, biseduam e shpalosëm para qytetarëve pjesë të programit tonë qeverisës për katërvjeçarin e ardhshëm.
Pas 17 tetorit, fillon epoka e re e një mendësie të re qeverisëse në Lipjan, e cila Komunën e sheh si mjet për të realizuar projekte në të mirë të qytetarëve të Krojmirit e gjithë komunës së Lipjanit, duke ia liruar hapsirën përmirsimit të kushteve të jetesës, zhvillimit ekonomik lokal e mirëqenies sociale.
Mbrëmë, në praninë e zv. Ministrit të Ekonomisë, z. Mentor Arifaj, kandidati ynë Prof. Dr. Lulzim Dragidella, bëri shpalosjen e zotimeve për komunën. Ky është fjalimi i plotë i tij: Të dashur kandidatë për asambleistë, të dashur aktivistë të Lëvizjes VETËVENDOSJE!, të dashur qytetarë të mirë të Komunës time shumë të dashur – Klinës, mirë se takohemi këtu në këtë ambient të ngrohtë.Klina është vend i luftëtarëve e trimave të mëdhenj si Sadik Rama që ishte bashkëluftëtar i Bajram Currit e Isa Boletinit.
Është vend i Ndue Përlleshit e Ymer Berishës. Klina është vend i çlirimtarëve si Mujë Krasniqi, e vend i sakrificës e rezistencës si të Ismet Racit.Klina është komunë paqësore, është komunë e qytetarëve aktivë, të dashur e të ndershëm. Klina është qytet i bashkëjetesës e bashkëpunimit fetar, si dhe bashkëveprimit qytetar. Klina është vend i produkteve natyrore e bujqësore. E gjithë Kosova di për gurët e bukur të Gllarevës, lakrat e Gremnikut e vishnjet e shijshme të Dollcit. Klina është vend i bujqësisë, andaj bujqësia do të jetë prioritet për ne. Klina është shumë shekuj e mileniume e vjetër ngase Dresniku ishte ndër qendrat e farefisit dardan.
Për këto e shumë arsye tjera ne themi që Klina meriton më shumë.Ne jemi këtu për të bërë ndryshimet që Klina i meriton. Në Klinë kalojnë gjashtë lumenj: kalon Drini i bardhë, Lumbardhi i Pejës, Lumi Klina, Lumi Mirusha, Lumi i Istogut dhe Lumbardhi i Deqanit. Por, pavarësisht të gjithë këtyre lumenjëve, problemi kryesor e esencial i Komunës sonë është mungesa e ujit.Por, me ne do të ketë ujë 24 orë për Klinën. E di që ky premtim është dhënë në të gjitha zgjedhjet lokale që 22 vite në Klinë, andaj për mua është e vështirë që ta premtoj sot, por pasi është problem esencial jemi të obliguar ta përmendim.
Ne zotohemi që problemi i ujit do të zgjidhet në këtë mandat timin dhe ju garantoj që në vitin 2025 nuk do të përmendet ky problem sepse atëherë nuk do të ekzistojë si problem, sepse unë personalisht zotohem këtu publikisht që nëse nuk e rregulloj problemin e ujit të pijshëm nuk do të garoj më në zgjedhje, ASNJËHERË.Në Administratë ne do të lehtësojmë procedurat e tërheqjes së dokumentave përmes digjitalizimit dhe aplikimit online në të gjitha proceset që mund të përfundohen online dhe dokumentet do të dërgohen me postë në shtëpinë e secilit qytetar të Klinës.
Kjo do të lehtësojë procedurat, si dhe do t’i përshpejtojë ato për qytetarët.Në Shëndetësi do të organizojmë vizita të rregullta shëndetësore e stomatologjike për nxënësit e shkollave fillore në çdo shkollë të Komunës sonë. Sepse nxënësit e rinj janë e ardhmja jonë, ndërsa shëndeti i tyre është primar për ne. Përmes vizitave shëndetësore të rregullta do të rritën gjenerata të shëndosha dhe çdo problem eventual do të evidentohet me kohë.
Pensionerëve do t’i ofrojmë ambiente të qeta që të organizojnë takime mes vete e të kalojnë momente të ndejave, lojës dhe rekracionit. Pensionerët janë përvoja jonë që na duhet, pensionerët janë e kaluara jonë që na e solli lirinë, andaj ua kemi borxh dhe kjo është më e pakta që mund të bëjmë për ta.Në Arsim do të realizojmë riorganizimin i sistemit arsimor, në shkolla ku ka më pak nxënës të organizohet procedurë e transportit të nxënësve në shkolla me më shumë persona. Kurse, për nxënësit duke filluar nga arsimi parafillor e deri në klasën e 9 do të ketë shujta ditore falas.
Arsimit në Klinë ne do t’i ofrojmë i arsim profesional në sistemin dual për një profil të kërkuar në ekonominë lokale, për ta replikuar këtë model edhe më tutje në të ardhmen. Ky sistem i arsimit do të jetë model gjerman, ku nxënësit vijojnë shkollimin, përderisa janë të punësuar në drejtimin e njëjtë.
Në Mbrojtje të Mjedisit do të bllokojmë projektin e Fabrikës së Çimentos në Gremnik. Sepse ajo fabrikë është e dëmshme për banorët dhe është aty pa dëshirën e tyre, andaj ne Bashkë do të Qeverisim dhe fabrika nuk do të vazhdojë punën asnjëherë aty. Për këtë ju garantoj ngase për këtë e kam mbështetjen e plotë edhe nga niveli qëndror.Ne do të ndërtojmë rrugën e tranzitit (udhëkryqin e rrugës Gjakovë – Pejë për Klinë, Skenderaj dhe Istog), në bashkëpunim me Ministrinë e Infrastrukturës së Republikës së Kosovës. Udhëkryqi aty është shumë i nevojshëm ngase kemi vështirësi dhe krijim të komunikacionit për shkak të mungesës së tij.
Aty jo rrallëherë bëhen edhe aksidente për shkak të organizimit jo të duhur urbanistik.Në Bujqësi do të organizojmë Tregun Lokal të bujqëve të Klinës në sheshin “Mujë Krasniqi” së paku një herë në javë, ku tregtarët lokal mund të shesin produktet e tyre. Do të investojmë në Serra, Bletari, dhe Blegtori. Si dhe do të organizojmë trajnime profesionale nga ekspertët e fushës për kultivimin e kulturave bujqësore.
Do ta krijojmë sistemin e Ujësjellësit për ujitje të tokave bujqësore nga Liqeni i Sferkës për fshatrat Sferkë e Volljakë, si dhe do të bëjmë ndërtimin e pendave për ujitje nëpër vendet rurale, ku ekzistojnë mundësitë dhe ku ka ujë të mjaftueshëm.
Në qeverisjen tonë katër vjeçare qyteti i Klinës do të ketë më shumë gjelbërim, kurse secili fshat do të ketë ndriçim përmes enërgjisë së ripërtëritshme.Me ne do të bëhet depolitizimi i çdo sektori, me ne do të ketë meritokraci, me ne do të ketë shpresë, SEPSE KLINA MERITON MË SHUMË!Ju, qytetarët e Komunës sime e keni mundësinë të bëni zgjedhjen tuaj dhe unë jam i gatshëm të jem shërbyes i juaji në Komunë, dëgjues i secilës ankesë që keni dhe zbatues i secilës kërkesë që ma bëni.
17 tetori është dita e juaj, 17 tetori do të jetë dita e ndryshimit, 17 tetori do të jetë dita e Klinës.Votoni 144 për ndryshim, votoni 144 për të ardhmen tuaj, votoni 144 që të Qeverisim Bashkë!
Bashkë me kandidatët për Kuvend Komunal, kandati për kryetar të Komunës së Obiliqit prezantoi planin qeverisës për 4 vitet e ardhshme. Në prezencen e anëtarëve dhe aktivistëve të Lëvizjes VËTËVENDOSJE! ai potencoi nevojën e ndryshimit të madh në Komunën e neglizhuar nga pushtetet e interesave personale.
Në këtë aktivitet ishin pjesëmarrës edhe deputetët e Lëvizjes VËTËVENDOSJE! znj. Fitore Pacolli dhe z.Mefail Bajqinovci.
Zhegra dhe fshatrat e Gjilanit përreth, në përkrahje masive për Lëvizjen VETËVENDOSJE!
Sot vizituam Zhegrën historike, me fshatrat Stançiq, e Demiraj, ku u njoftuam me problemet e shumta infrastrukturore dhe shqetësimet e mëdha me punësimet partiake.
Kandidati për kryetar Alban Hyseni, bashkë me kandidatët për asamble Shefqet Jakupi, Selvete Sylejmani e Bejtullah Osmani, u zotuan se pas 17 tetorit fshatrave do t’i kthehet vëmendja komunale.
Punësimet partiake e nepotiste do të marrin fund, si dhe palestra sportive do të rregullohet sepse atë e meritojnë Zhegrasit, meqë aty nuk mungojnë talentet e nevoja për palestër është e madhe.Zhegra për ndryshimin e madh, përmes numrit 144!
Kandidatja për kryetare të komunës së Gjakovës Mimoza Kusari-Lila e shoqëruar nga Kryetari i Kuvendit të Republikës së Kosovës Glauk Konjufca, deputetët Agon Batusha dhe Ardian Gola si dhe kandidatët për këshilltarë komunal, Ngadhnjim Dana dhe Kreshnik Alijaj, u takuan me banorët e fshatit Dujakë.
Logjika politike diskriminuese në investime në fshatra të ndryshme të komunës duke diskriminuar banorët për arsye të rezultatit zgjedhor, është logjikë të cilën banorët e këtij fshati e njohin dhe mendësi e cila me qeverisjen e Lëvizjes VETËVENDOSJE! dhe Mimoza Kusari-Lilan do marrë fund.
Gjatë fjalës së tyre Kryeparlamentari Konjufca dhe kandidatja për të parën e komunës së Gjakovës, Kusari-Lila, theksuan faktin që Gjakovës i duhet qeverisja e Lëvizjes me qëllim të avancimit të projekteve të mëdha zhvillimore.
Klubet e sportit në Ferizaj, meritojnë përkrahje, e sporti meriton vëmendje!
Gjatë takimit të sotëm me sportistët, ministri Hajrullah Çeku, e kryetari i ardhshëm, Valon Ramadani dhe kandidatët për asamble Hysnije Mustafa-Shamolli, Ramadan Ramushi dhe Visar Pajaziti dëgjuan me vëmendje kërkesat e sportistëve dhe po ashtu shpjeguan se qeveria e Lëvizja në planprogramin e saj në nivel lokal, ka në plan e do të realizoj ndërtimin e një stadiumi të ri të qytetit, renovimin e sallës së sporteve ” Bill Klinton ” , ndërtimin e Qendrës olimpike, e mbështetjen e klubeve sportive të secilës shkollë.
Sportistët tanë kanë dëshmuar se janë të talentuar, duke na përfaqësuar denjësisht në gara të ndryshme kombëtare e ndërkombëtare, andaj mbështetja për ta do të jetë e pakursyer.Bashkë do të lëvizim drejt fitoreve të reja!
Sot, Ministri i Ministrisë së Kulturës, Rinisë dhe Sportit, Hajrulla Çeku, kryetari i ardhshëm i Ferizajt, Valon Ramadani, deputetët Enver Haliti dhe Burim Karameta, si dhe kandidatët për asamble Rrahim Sadiku, Fatbardha Zogaj-Rekaj dhe Kushtrim Hyseni u takuan me artistë e artiste, kontributi i të cilëve për kulturën dhe jetën artistike në qytetin tonë është i pazëvendësueshëm.
Duke pasur parasysh vështirësitë me të cilat përballen artistët, kushtet jo të mira dhe mungesën e investimeve, Ministri premtoi se përkrahja e tij në realizimin e projekteve të parapara në planprogramin e Lëvizjes të nivelit lokal, siç janë ato për renovimin dhe modernizimin e kushteve të Teatrit Adriana, hapjen e nje kinemaje moderne në qendër të qytetit, si dhe ndërtimin e një objekti të ri për Muzeun e Qytetit, do të jetë e pakursyer deri në relalizimin e plotë të tyre.
Ferizaj ka nevojë për një qeverisje që i përkrahë artistët dhe e vlerëson artin, injoranca në këtë drejtim e zbehë kreativitetin e i dëmton idetë. Andaj më 17 tetor secili qytetar do të përcaktohet për qeverisjen e cila i përfshinë të gjithë dhe nuk e përjashton askënd!
Në vazhdën e takimeve me qytetarë, sot kandidati Lëvizjes VETËVENDOSJE! për kryetar komune, Prof. Enver Bajçinca, bashkë me Ministren e Drejtësisë, znj.Albulena Haxhiu, mbajtën takim me qytetarët e lagjes Dardania.
Me qytetarët diskutuan rreth prioriteteve që ka Lëvizja VETËVENDOSJE!, prioritete këto të caktuara në bazë të kërkesave që kanë dalë nga takimet me banorët e Fushë Kosovës. Në anën tjetër, znj.Haxhiu foli për nevojën për mobilizim, për ta ndryshuar gjendjen në komunën e Fushë Kosovës. Ndryshimi që ka filluar me 14 shkurt të këtij viti në nivel qendror, duhet vazhdojë edhe në nivelin lokal.
Kandidati i Lëvizjes VETËVENDOSJE! për kryetar të Istogut, Agron Avdijaj, së bashku me disa nga kandidatët për Kuvend Komunal, vizituan Klubin Basketbollistik “KB Istogu” ku u mirëpritëm nga trajneri Fikret Shatri dhe basketbollistë e basketbolliste të klubit.
Trajneri, Fikret Shatri, paraqiti problemet, shqetësimet dhe nevojat që kanë si klub. Qyteti i Istogut ka shumë talentë, por që nga institucionet lokale kanë pasur fare pak mbështetje. Sportistë pa palestër për shumë vite, e më pas palestër që nuk shfrytëzohet nga të gjitha klubet istogase, të cilat stervitjet e ndeshjet detyrohen t’i bëjnë në kushte të vështira, paralelisht me problemet e tjera si klube.
Qeverisja e ardhshme e Lëvizjes VETËVENDOSJE! në programin e saj për sportin parasheh mbështetje e fokus të veçantë për klubin dhe sportistët istogas.
Banorët e lagjes “Iliria” të Gjilanit masivisht për Lëvizjen!
Në takimin që mbajtëm me qytetarët e lagjes “Iliria”, përveç shqetësimeve e problemeve të shumta, aty gjetëm edhe një mobilizim të jashtëzakonshëm për fitoren e 17 tetorit.
Kandidati për kryetar Alban Hyseni, bashkë me zëvendës kryeministrin Besnik Bislimi dhe me kandidatët për asamble Mimoza Kadriu, Florentina Vokshi, Hekuran Rapuca e Armend Rexhepi, u zotuan për një model tjetër të qeverisjes pas 17 tetorit.
Në çdo projekt të lagjes, bashkëpunimi me banorët aty do të jetë i pashmangshëm, meqë ata do i gëzojnë të mirat e investimeve. Do të krijohen mundësi më të mëdha në zhvillim, dhe nepotizmi do të marrë fund. Krejt Gjilani me Lëvizjen VETËVENDOSJE!
Në ecjen përgjatë tregut të gjelbër të komunës tonë, në këtë ditë tregu, gjetëm frymën e ndryshimit, ndryshim i cili do vie më 17 tetor. Kandidati për kryetar Alban Hyseni, bashkë me kandidatët për asamble Ema Aliu, Krenare Latifi Kqiku e Blerim Haziri, u zotuan se pas 17 tetorit, kur Lëvizja VETËVENDOSJE! do jetë në krye të komunës, punëtorëve të tregut do t’iu ofrohen kushte më të mira për të zhvilluar veprimtarinë e tyre.Sepse më 17 tetor qytetarët masivisht do të votojnë për Lëvizjen VETËVENDOSJE!
Në ambient të hapur, e përballë qytetarëve, atyre para të cilëve zotohemi, e për të cilët do të punojmë, kryetari i ardhshëm i Ferizajt, Valon Ramadani, në prezencën e Kryekuvendarit Glauk Konjufca dhe deputetëve Shqipe Metaj-Isufi, Enver Haliti, Ekrem Mustafa, Alban Bajrami, Adelina Grainca dhe Burim Karameta, prezantoi programin tonë qeverisës për Ferizajn.
Ky program është ajo çka i duhet qytetit tonë; punë e ndershme, projekte reale e të prekshme, përfshirje e çdo sfere, përfaqësim i çdo nevoje, e angazhim maksimal për ofrimin e zgjidhjeve. Asnjë banor nuk do të mbetet pa përfaqësim dhe secili prej tyre do ta ndjej veten pjesë të integruar të projekteve tona për ata.
Qeverisje e cila nuk diskriminon por bashkon, që shkon përtej asfalltit e pritshmërive të secilit. Program i cili synon përfaqësim të denjë të çdonjërit, vajzave e grave, të rinjve, e të moshuarve, sportistëve e artistëve, prodhuesve e tregtarëve, bujqve e fermerëve. Qyteti kërkon dashni e udhëheqja angazhim.
Andaj BASHKË, MË MIRË, MË SHUMË, PUNOJMË, QEVERISIM!
Në Sharr 144 është numri i fitores e 17 tetori është data e referendumit për komunënSot, me prezencë të zv.kryeministres së dytë dhe ministres së MPDJ-së, znj.Gërvalla, kryetarit të Prizrenit, z.Haskuka, deputetëve nga komuna e Prizrenit: z.Avdyli dhe z.Rexhaj, kryetarja në ardhje, Kaltrina Salihu, shpalosi programin dhe ofertën më serioze për qytetin e Sharrit.
Nga funskionalizimi i plotë i administratës komunale, infrastruktura dhe shërbimet, arsimi, shëndetësia e mirëqenia sociale, zhvillimi ekonomik e zhvillimi i bujqësisë e blegtorisë, deri tek Turizmi, Ndërmarrjet e Vogla e të Mesme dhe Kultura, Rinia dhe Sporti, janë prioritetet tona kyqe, të cilat përmes politikave tona gjithpërfshirëse, edhe duhet, edhe mund të transformohen.
Nuk ka dyshim që po fitojmë në Sharr, sepse nuk ka dilemë që na duhet ndryshimi.Nuk ka dyshim se po triumfojmë bindshëm, sepse programi ynë është zgjidhja e duhur për qytetin dhe alternativa më serioze për qytetarin.
Kandidati i Lëvizjes VETËVENDOSJE! për kryetar komune, Prof. Enver Bajçinca, bashkë me kandidatët për asamble komunale dhe në praninë e deputetit të Kuvendit të Kosovës, Mefail Bajçinovci, para qytetarëve kanë shpalosur programin tonë qeverisës për Fushë Kosovën.
Programi ynë për qeverisjen e Fushë Kosovës, përbëhet nga gjashtë shtylla:
Sot patëm nderin të bëjmë shpalosjen e programit tonë përpara qytetarëve të Deçanit. Na nderuan me prezencën e tyre Ministri i Mbrojtjes Armend Mehaj dhe deputetja e Kuvendit të Republikës së Kosovës Fatmire Kollçaku.
Është me të vërtetë kënaqësi, kur shohim që përkrahësit e Lëvizjes VETËVENDOSJE! shtohen çdo ditë e më shumë edhe në komunën tonë. Ne besojmë se 17 tetori është dita e fitores, por jo vetëm fitores sonë por edhe fitores së qytetarëve.
Programi ynë përfshinë pika nga të gjitha fushat e jetës, probleme këto të cilat përkojnë me kërkesat e qytetarëve. Premtimet tona janë të mëdha por jo të parealizueshme, andaj besojmë në fitoren tonë ashtu siç besojmë në votën tuaj.
Sot është ditë tregu në Podujevë, së bashku me deputetë dhe kandidatë për asamble komunale vizituam tregun e qytetit dhe u informuam nga afër me telashet që ballafaqohen shitësit e produkteve bujqësore.
Para tyre u zotuam se me mandatin e ri tregu i gjelbër do të zhvendoset në brendi të qytetit, për t’iu lehtësuar shitjen atyre dhe furnizimin qytetarëve. Po ashtu, në vizitat tek bizneset dhe tubimet me qytetarë anë e kënd lagjeve e fshatrave, po gjejmë entuziazëm e gatishmëri si asnjëherë më parë për të vazhduar bashkëqeverisjen për të mirën e komunës dhe të qytetarëve!
Duke respektuar masat anti-covid, kryetari Shpejtim Bulliqi, mbrëmë në prani të aktivistëve, deputetëve dhe kandidatëve për asamble, shpalosi programin qeverisës për mandatin e ri katërvjeçar. Programi është i ndarë në shtatë fusha dhe prek direkt problematikat dhe nevojat e qytetarëve llapjan.
Sot kemi bërë shpalosjen e programit qeverisës për 4 vitet e ardhshme të Qeverisjes së Lëvizjes VETËVENDOSJE! në Artanë. Me prezencën e tyre na nderuan dy deputetet e Kuvendit të Republikës së Kosovës Labinotë Demi-Murtezi dhe Arbëreshë Kryeziu-Hyseni.
Në programin tonë qeverisës rendësi të veçantë i kemi kushtuar arsimit, shëndetësisë, bujqësisë dhe turizmit rural. Prandaj edhe kërkojmë mbështetjen tuaj që pas datës 17 tetor të qeverisim bashkë. Do të vazhdojmë me shpalosjen e programit qeverisës në secilën lagje e secilin fshat të Artanës, dhe do të keni mundësi që ta keni programin edhe në formë të shkruar.
Vizitë në fshatin Desivojcë dhe në fabrikën e ujit “Guri i Zi” në Tërstenë të Dardanës
Në natyrë dhe peizazh të bukur të fshatit Desivojcë, bashkë me Kryetarin e Qendrës së Lëvizjes në Dardanë, Bajram Mavriqi, dhe deputetin e Republikës Eman Rrahmani, ishim në një takim me banorët e këtij fshati.
Fshatrave të bukur si Desivojca u mungon infrastruktura rrugore në radhë të parë sipas banorëve. Edhe për kundër vështirësive me të cilat ballafaqohen ata, kjo nuk i dekurajon që në vendlindjen e tyre të investojnë në veprimtari të ndryshme e kryesisht në sektorin bujqësor.
Kurse, në fshatin Tërstenë, vizituam fabrikën e ujit “Guri i Zi”. Aty u mirëpritëm nga pronari dhe punëtorët. E shijuam ujin e freskët malor i cili është një pasuri e madhe e komunës sonë. Për një zonë rurale si Tërstena ky investim është jashtëzakonisht i rëndësishëm.
