Të dashur miq e mbështetës të Lëvizjes VETËVENDOSJE!. Si në çdo zgjedhje, ne i drejtohemi qytetarëve për mbështetje financiare. Si subjekti më transparent në Kosovë, ne e kemi patur një mbështetje financiare në rritje, e cila është përkthyer edhe në rezultat më të mirë elektoral.
Ne nuk pranojmë financime nga persona apo biznese të dyshimta. Nuk pranojmë shuma të mëdha. Fuqia jonë bazohet në ndihmat e vogla, që na i jepni shumë prej jush.
Andaj, me rastin e zgjedhjeve të 14 shkurtit dhe fitores plebishitare të Lëvizjes VETËVENDOSJE!, ne duhet të bëjmë një fushatë perfekte. Për ta arritur këtë, është e nevojshme ndihma juaj. Cilado shumë që keni mundësi, pa ju ngushtuar e pa ju vënë në vështirësi, neve na ndihmon që ta sjellim më pranë kthesën e madhe. Qeveria Kurti II do të jetë kthim i Kosovës kah e mbara, për të gjithë qytetarët e saj.
Bashkë drejt referendumit dhe krejt e në drejtimin e duhur.
Udhëzimet mund t’i gjeni në faqen apo në numrin e mëposhtëm: https://donacion.vetevendosje.org
Takim me Ambasadorin e Norvegjisë, z. Jens Erik Grøndahl
Ambasadorin e Norvegjisë, z. Jens Erik Grøndahl, sot e priti në zyren e tij, Kryetari i Lëvizjes VETËVENDOSJE! dhe kandidati ynë për kryeministër, z. Albin Kurti, bashkë me asistenten e tij, znj. Valë Gjonbalaj. Ata diskutuan për zgjedhjet e parakohshme të 14 shkurtit, përgatitjet që po i bën Lëvizja për fushatë, dhe veçanërisht për rëndësinë e mbarëvajtjes së procesit zgjedhor ditën e votimit.
Kryetari u shpreh se këto zgjedhje dallojnë shumë nga ato të mëparshmet për shkak se këtë herë ato më shumë do t’i ngjajnë një referendumi. Ambasadori e përgëzoi Kryetarin për përfshirjen e madhe të grave në listën tonë garuese dhe i uroj suksese në këto zgjedhje. Kryetari Kurti e falënderoi ambasadorin Grøndahl për mbështetjen e vazhdueshme të shtetit norvegjez për Kosovën.
Dy palët u pajtuan që të mbeten në kontakt dhe të avancojnë bashkëpunimin edhe në qeverisjen e ardhshme të Lëvizjes VETËVENDOSJE!
Homazhe për Jusuf e Bardhosh Gërvallën dhe Kadri Zekën
Sot pas 39 vitesh së vrasjes së veprimtarëve Jusuf e Bardhosh Gërvallës dhe Kadri Zekës, shqiptarët ecin ende në kërkesat dhe përpjekjet e tyre. Në përvjetorin e rënies së tyre, kandidati për kryeministër, kryetari Albin Kurti dhe ushtruesja e detyrës së Presidentes Vjosa Osmani bënë homazhe në vendlindjen e vëllezërve Gërvalla në Dubovik tek memoriali dhe vizituan shtëpinë muze. Ata u pritën nga bija e veprimtarit, aktivistit, intelektualit e artistit Jusuf Gërvalla, njëherësh edhe kandidate për deputete në listën e LV, Donika Gërvalla. Pjesë e këtij delegacioni ishin edhe kandidatët për deputetë: Hydajet Hyseni, Gani Krasniqi, Tinka Kurti, Liburn Aliu, Orges Tafilaj e Mirlinda Tishukaj.
Vrasja e Jusuf Gërvallës dhe Kadri Zekës ndodhi për ta ndaluar bashkimin politik të shqiptarëve. Sot, të bashkuar para përpjekjeve e sfidave të sotshme e të reja përkulemi ndaj veprave e sakrificave të tre dëshmorëve por edhe të Nënës Ajshe.
Jo vetëm ajo është ndikuar prej djemve të saj, por edhe ata ishin të ndikuar e frymëzuar prej nënës Ajshe. “Prandaj edhe ishin të tillë”, shpjegonte Donika Gërvalla. Cikli politik i tre dëshmorëve përmbyllet me nënën Ajshe.
Edhe oda e shtëpisë ka mbetur ashtu siç e mbante nëna Ajshe ku ka pritur vizitorë prej anekënd Kosovës. Rrethuar me fotografi, me tavolinën e punës së veprimtarit Jusuf Gërvalla e me shumë kujtime të freskëta edhe pas afër 4 dekadave. Frymëzimi nga ta do të jetojë edhe më gjatë. Përgjithmonë.
17 janari është plagë e rëndë e shqiptarëve. Bustet e të rënëve ftohen prej borës siç ishin ftohur zemrat e shqiptarëve kur kanë marrë vesh për vrasjet e tyre. Delegacioni i njëjtë bëri homazhe edhe para bustit të Kadri Zekës. I përjetshëm do të jetë kujtimi për këtë treshe që as vdekja s’mund ta ndajë.
Në 20 vjetorin e vrasjes së vëllezërve Gërvalla e Kadri Zekës ndodhi edhe vrasja zyrtarit të LDK-së Smajl Hajdaraj. Në këtë ditë delagacioni i LV-së vizitoi familjen Hajdaraj në përkujtim të jetës dhe veprës së Hajdarajt.
Kontaktet në Qendrat tona për asistencë për votimin nga Mërgata
Regjistrimi për votim nga Mërgata po vazhdon. Inkurajojmë bashkatdhetarët që të regjistrohen sa më shumë deri më datë 21 janar, në mënyrë që ta kenë të drejtën e votës nga mërgata mes datës 2-10 shkurt.
Më poshtë kemi shënuar kontaktet e aktivistëve tanë të cilët janë vënë në dispozicion për asistencë në rast se u paraqitet ndonjë vështirësi, të cilët gjinden në Gjermani, Zvicër, Austri, Angli, Belgjikë, Suedi, Norvegji, Danimarkë, Itali, SHBA dhe Australi.
Orari: E enjte: 12:00 – 20:00 E premte: 12:00 – 20:00 E shtunë: – E dielë: 12:00 – 20:00 E hënë: 12:00 – 20:00 E martë: – E mërkurë: 12:00 – 20:00 E enjte: 12:00 – 20:00
Oltnerstrasse 37 5012 Schönenwerd +41765059488 +41768044464 [email protected] E Hëne – Premte 18:00 – 21:00 E Shtunë – e Dielë 10:00 – 17:00
Restaurant Hirschen Besim Musliu Dottikerstrasse 10 5611 Anglikon 0791381717 0784040000 E Hëne – Premte 18:00 – 21:00 E Shtunë – e Dielë 10:00 – 17:00
Alte Zürcherstrasse 24, 5432 Neuenhof 0786554788 0764277454 E Hëne – Premte 18:00 – 21:00 E Shtunë – e Dielë 10:00 – 17:00
Hochhaus 7 / Shopping Center 7 (hyrja para Swarowski) 8975 Spreitenbach Tel. 076 327 76 36 Tel. 078 806 59 57 [email protected] [email protected] E Hëne – Premte 15:00 – 21:00 E Shtunë – e Dielë 13:00 – 18:00
Reinach / Menziken Restaurant Löwen Löwenstrasse 1 5736 Pfeffikon 0765796005 0794580499 E Shtunë – e Dielë 13:00 – 18:00
Nderim Ibrahimi Hauptstrasse 119b 5070 Frick AG +41799501439 [email protected] Çdo ditë 12.00 – 21.00
Rexhep Neziri Rosenweg 9 4303 Kaiseraugst +41797476844 Te hënen- marten 08:00-16:50 Te merkure 08:00-21:00 Te ejte-premte 12:30-17:00 Te shtune 08:00-13:00 E diele 08:00-21:00
Hysen Metaj KFZ-Service HAMZA Schildgasse 15A 79618 Rheinfelden / Gjermani +491633883399 +41762633631 Orari E Hëne-Premte 17:00-19:30 E Shtune / E Diele 10:00-19:30
Blerim Sadrija Muttenzerstrasse 84 4133 Pratteln BL +41 76 201 55 66 Diteve te punes nga 17:00 deri në 21:00h Vikend 12:00h deri në 18:00h
Rexhep Neziri Rosenweg 9 4303 Kaiseraugst +41 79 747 68 44 Te hënen- marten 08:00-16:50 Te merkure 08:00-21:00 Te ejte-premte 12:30-17:00 Te shtune 08:00-13:00 E diele 08:00-21:00
Nderim Ibrahimi Hauptstrasse 119b 5070 Frick AG +41799501439 [email protected] Çdo ditë 12.00 – 21.00
Auto Ecole Lemanique Rue de Lyon 16 1201 Genève Kontakt +41 76 693 48 89 +41 79 647 70 56 Gjatë javës 09:00-17:00 Shtune 14:00-20:00 E dielë 09:00-19:00
Promenade des Artisans 30 Meyrin, Isol – Coupefeu +41 79 102 13 88 +41 79 526 13 33 Gjatë javes 17:00-20:00 E shtuë 09:00-19:00 E dielë 09:00-19:00
Luzern
Restaurant Löwen Löwenstrasse 1 5736 Pfeffikon 0765796005 0794580499 E shtunë, e dielë 13:00-18:00
Conficienda AG Grundstrasse 16 6343 Rotkreuz 079 684 03 90 E dielle 10:00 – 19:00
St. Gallen
Trubenhofstrasse 30 9424 Rheineck 076 822 10 39 [email protected] çdo ditë nga ora 17.00-23.00 e Shtunë dhe e Dielë 10.00-23.00
Grossackerstrassse 1 9000 St.Gallen 078 960 25 69 [email protected] çdo ditë nga ora 10.00-16.00 e Shtunë dhe e Dielë 10.00 -16.00
Heinrich-Federerstrasse 2 9500 Wil 076 288 88 66 [email protected] çdo ditë nga ora 18.00-21.00 E Shtunë dhe e Dielë 13.00-18.00
Stadtbühlstrasse 4 9200 Gossau Sg 076 335 90 20 [email protected] E Shtunë nga ora 13.00-17.00
Gent: – Bekim Rexhaj, +32 472 55 83 67 – Agron Sabedini, +32 484 10 52 54 (ne fundjave si dhe pas ores 17.00 gjate javes se ardhshme)
Namur: – Blerim Tershana, +32 477 30 84 39 – Erblin Shala, +32 478 23 95 54 (ne fundjave si dhe pas ores 18.30 gjate javes se ardhshme)
Liege: – Valton Gula, +32 465 55 86 34
Hasselt: – Besim Berisha, +32 468 10 85 80 / +32 474 13 78 04 (nese nuk funksionon numri i pare, ky i dyti prej te henes e andej)
Holande: – Rizah Imeri, +31 610 45 30 11
Luksemburg: – Selman Zabeli, +352 691 813 596 (pas ores 16:30) – Genc Sinani, +352 691 774 242 (ne fundjave pas ores 22, prej te henes i lire deri ne ora 22)
Kontaktet në Qendrat tona për asistencë për votimin nga Mërgata
Regjistrimi për votim nga Mërgata po vazhdon. Inkurajojmë bashkatdhetarët që të regjistrohen sa më shumë deri më datë 21 janar, në mënyrë që ta kenë të drejtën e votës nga mërgata mes datës 2-10 shkurt.
Më poshtë kemi shënuar kontaktet e aktivistëve tanë të cilët janë vënë në dispozicion për asistencë në rast se u paraqitet ndonjë vështirësi, të cilët gjinden në Gjermani, Zvicër, Austri, Angli, Belgjikë, Suedi, Norvegji, Danimarkë, Itali, SHBA dhe Australi.
Orari: E enjte: 12:00 – 20:00 E premte: 12:00 – 20:00 E shtunë: – E dielë: 12:00 – 20:00 E hënë: 12:00 – 20:00 E martë: – E mërkurë: 12:00 – 20:00 E enjte: 12:00 – 20:00
Oltnerstrasse 37 5012 Schönenwerd +41765059488 +41768044464 [email protected] E Hëne – Premte 18:00 – 21:00 E Shtunë – e Dielë 10:00 – 17:00
Restaurant Hirschen Besim Musliu Dottikerstrasse 10 5611 Anglikon 0791381717 0784040000 E Hëne – Premte 18:00 – 21:00 E Shtunë – e Dielë 10:00 – 17:00
Alte Zürcherstrasse 24, 5432 Neuenhof 0786554788 0764277454 E Hëne – Premte 18:00 – 21:00 E Shtunë – e Dielë 10:00 – 17:00
Hochhaus 7 / Shopping Center 7 (hyrja para Swarowski) 8975 Spreitenbach Tel. 076 327 76 36 Tel. 078 806 59 57 [email protected] [email protected] E Hëne – Premte 15:00 – 21:00 E Shtunë – e Dielë 13:00 – 18:00
Reinach / Menziken Restaurant Löwen Löwenstrasse 1 5736 Pfeffikon 0765796005 0794580499 E Shtunë – e Dielë 13:00 – 18:00
Nderim Ibrahimi Hauptstrasse 119b 5070 Frick AG +41799501439 [email protected] Çdo ditë 12.00 – 21.00
Rexhep Neziri Rosenweg 9 4303 Kaiseraugst +41797476844 Te hënen- marten 08:00-16:50 Te merkure 08:00-21:00 Te ejte-premte 12:30-17:00 Te shtune 08:00-13:00 E diele 08:00-21:00
Hysen Metaj KFZ-Service HAMZA Schildgasse 15A 79618 Rheinfelden / Gjermani +491633883399 +41762633631 Orari E Hëne-Premte 17:00-19:30 E Shtune / E Diele 10:00-19:30
Blerim Sadrija Muttenzerstrasse 84 4133 Pratteln BL +41 76 201 55 66 Diteve te punes nga 17:00 deri në 21:00h Vikend 12:00h deri në 18:00h
Rexhep Neziri Rosenweg 9 4303 Kaiseraugst +41 79 747 68 44 Te hënen- marten 08:00-16:50 Te merkure 08:00-21:00 Te ejte-premte 12:30-17:00 Te shtune 08:00-13:00 E diele 08:00-21:00
Nderim Ibrahimi Hauptstrasse 119b 5070 Frick AG +41799501439 [email protected] Çdo ditë 12.00 – 21.00
Auto Ecole Lemanique Rue de Lyon 16 1201 Genève Kontakt +41 76 693 48 89 +41 79 647 70 56 Gjatë javës 09:00-17:00 Shtune 14:00-20:00 E dielë 09:00-19:00
Promenade des Artisans 30 Meyrin, Isol – Coupefeu +41 79 102 13 88 +41 79 526 13 33 Gjatë javes 17:00-20:00 E shtuë 09:00-19:00 E dielë 09:00-19:00
Luzern
Restaurant Löwen Löwenstrasse 1 5736 Pfeffikon 0765796005 0794580499 E shtunë, e dielë 13:00-18:00
Conficienda AG Grundstrasse 16 6343 Rotkreuz 079 684 03 90 E dielle 10:00 – 19:00
St. Gallen
Trubenhofstrasse 30 9424 Rheineck 076 822 10 39 [email protected] çdo ditë nga ora 17.00-23.00 e Shtunë dhe e Dielë 10.00-23.00
Grossackerstrassse 1 9000 St.Gallen 078 960 25 69 [email protected] çdo ditë nga ora 10.00-16.00 e Shtunë dhe e Dielë 10.00 -16.00
Heinrich-Federerstrasse 2 9500 Wil 076 288 88 66 [email protected] çdo ditë nga ora 18.00-21.00 E Shtunë dhe e Dielë 13.00-18.00
Stadtbühlstrasse 4 9200 Gossau Sg 076 335 90 20 [email protected] E Shtunë nga ora 13.00-17.00
Gent: – Bekim Rexhaj, +32 472 55 83 67 – Agron Sabedini, +32 484 10 52 54 (ne fundjave si dhe pas ores 17.00 gjate javes se ardhshme)
Namur: – Blerim Tershana, +32 477 30 84 39 – Erblin Shala, +32 478 23 95 54 (ne fundjave si dhe pas ores 18.30 gjate javes se ardhshme)
Liege: – Valton Gula, +32 465 55 86 34
Hasselt: – Besim Berisha, +32 468 10 85 80 / +32 474 13 78 04 (nese nuk funksionon numri i pare, ky i dyti prej te henes e andej)
Holande: – Rizah Imeri, +31 610 45 30 11
Luksemburg: – Selman Zabeli, +352 691 813 596 (pas ores 16:30) – Genc Sinani, +352 691 774 242 (ne fundjave pas ores 22, prej te henes i lire deri ne ora 22)
Sot, me rastin e 22 vjetorit të masakrës së Reçakut, kryetari i Lëvizjes VETËVENDOSJE!, Albin Kurti, së bashku me presidenten në detyrë, znj. Vjosa Osmani, bënë homazhe në Reçak dhe takuan familjarët e viktimave.
Një drejtësi e mohuar është një drejtësi e vazhdueshme, pra jo vetëm ndaj atyre që nuk janë më por edhe ndaj të afërmve të tyre dhe mbarë popullit tonë. Ne përkulemi para humbjes, vuajtjes e sakrificës së njerëzve tanë. Lavdia është e tyre e kujtimi i përjetshëm për ta është i yni.
Mbledhja e XLIII e Këshillit të Përgjithshëm të Lëvizjes VETËVENDOSJE!
Lëvizja VETËVENDOSJE! mbajti sot mbledhjen e XLIII të Këshillit të Përgjithshëm, ku anëtarët e organit më të lartë organizativ e votuan kryetarin Albin Kurti si kandidat për kryeministër në zgjedhjet e parakohshme parlamentare që do të mbahen me datë 14 shkurt. Gjithashtu, anëtarët e Këshillit votuan që autorizimi sa i përket finalizimit të listës së kandidatëve për deputet, dhe ndërtimit të bashkëpunimeve me subjekte të tjera politike t’i bartet Kryetarit dhe Kryesisë së Lëvizjes VETËVENDOSJE!.
Mbledhja u hap me fjalën e ish kryetarit të Kuvendit, ish ministrit të Punëve të Jashtme, ish Shefit të Grupit Parlamentar, tani anëtarit të Kryesisë së Lëvizjes dhe kandidatit për deputet, Glauk Konjufca, i cili foli për rrugëtimin e Lëvizjes VETËVENDOSJE! drejt mbështetjes gjithëpopullore që po e gëzon tani, dhe për rolin e themeluesit, kryetarit Albin Kurti ndër këto vite, të cilin edhe e propozoi si kandidat për kryeministër.
Konjufca tha se Lëvizja VETËVENDOSJE! me rrugëtimin e saj të gjatë sepse të drejtë tani gëzon besimin e popullit për t’i bërë ndryshimet e mëdha e të nevojshme në vend.
“Ky besim nuk është ndërtuar me klientelizëm e intervenca, nuk është ngritur me para e me favore, ai është kalitur me kurrizin drejtë e me ballin lartë për çdo ditë, për çdo javë, për çdo muaj, për çdo vit, e që 15 vite radhazi. Shumica e qytetarëve po e mbështesin konceptin dhe programin tonë sepse e duan çlirimin e drejtësisë së burgosur, e duan luftimin e krimit të organizuar që po kalëron mbi institucionet tona, dhe e duan çrrënjosjen e korrupsionit që po e gërryen shoqërinë tonë. Populli do drejtësi sociale, barazi dhe mirëqenie kurse ne do të qeverisim me ndershmëri, drejtësi dhe mençuri”, tha ai.
“Tash erdhi dita ta bëjmë një pyetje. Kush është më meritori për këtë rrugëtim të VETËVENDOSJE!-s? Kush është ai që VETËVENDOSJE!-n e konceptoi, e themeloi, dhe e drejtoi? Kush e ngriti atë deri këtu së bashku me ne? Cili prej nesh jetoi më së shumti, u zgjua e i mbylli sytë me VETËVENDOSJE!-n? Kush nuk u lodh bash asnjë sekondë duke ecur me VETËVENDOSJE!-n? Cili nga ne të gjithë ishte i pari në protesta e aktivitete, në Kuvend e në shesh, në përplasje me shtetin e korruptuar e nëpër burgje duke luftuar për drejtësi? Ju e dini shumë mirë se cili nga ne punoi më së shumti, ai që u tremb më së paku, e ai që për vete nuk kërkon kurrë asgjë. Zonja dhe zotërinj kam nderin e veçantë që ta prezantoj simbolin e VETËVENDOSJE!-s Albin Kurtin për Kryeministër të ardhshëm të Republikës së Kosovës.”
Pas Konjufcës fjalën e mori Kryetari i Lëvizjes VETËVENDOSJEJ!, kryeministri i ardhshëm, Albin Kurti, i cili foli shkurt për të kaluarën e afërt, keqpërdorimin e besimit popullor, dhe për të ardhmen e ndritshme të ndryshimeve që na presin me qeverisjen tonë të ndershme, të drejtë, e të përgatitur.
“25 marsi na dëshmoi atë që të gjithë e dinim por që shpresonim që pas 6 tetorit kishte ndryshuar.
Nga ne kërkohej që të bëjmë kompromis me të drejtën dhe të vërtetën. Por ne jemi Lëvizja VETËVENDOSJE! dhe nuk mund të bëjmë kompromis as për votë e as për pushtet, as atëherë as sot e as kurrë.
Ne jemi Lëvizje: meqë ecim përpara, nuk mund të kthehemi prapa. E rrugën përpara e dimë të gjithë. Në këto zgjedhje është bashkimi i të gjithë qytetarëve si kurrë më parë rreth projektit tonë të përbashkët për ta bërë Kosovën atdheun që të gjithë e dëshirojmë.”
“Me 14 shkurt na është dhënë një shans i dytë dhe kësaj radhe nuk rrezikojmë më sepse tanimë shoqëria jonë e ka parë, dhe e ka kuptuar dhe e ka mësuar se kush është ndryshimi i vërtetë. E ky ndryshim e ka emrin Lëvizja VETËVENDOSJE!.”
“Ne jemi të gjithë në të njëjtin projekt, atë që kemi pas kaherë. Është ky projekti i dëshmorëve të luftës dhe ndërtuesve të paqes. I atyre që rezistuan, i atyre që u flijuan, i atyre që u vranë e u burgosën, vetëm që ne të kemi lirinë dhe shtetin tonë. Është projekti i fëmijëve dhe të rinjve që kërkojnë përspektivë dhe progres. I prindërve e sidomos grave që kërkojnë punë dhe i mërgatës që dëshiron të kthehet e të investojë në vendin e vet.”
Kurti kërkoi që të peshohet mirë rëndësia historike e këtyre zgjedhjeve.
“Të rinj e të moshuar, vajza dhe djem, gra dhe burra, mërgimtarë e qytetarë të Kosovës kudo që jeni, që të gjithë bashkë duhet t’i përgjigjemi thirrjes për ndryshim dhe shtetndërtim, me votë, me 14 shkurt, sepse një e ardhme e ndritur na pret.”
Dhe cila është kjo e ardhme?
“Është e ardhmja ku fëmijët tanë marrin edukimin që meritojnë për t’u punësuar në një botë konkuruese dhe ku njohim intelegjencën e tyre.
E ardhmja ku investojmë në energji të qëndrueshme që fuqizon bizneset dhe prodhimin por mbron shëndetin dhe mjedisin për gjeneratat që vijnë.
E ardhmja ku biznesit nuk i vendoset ryshfeti për ta hapur e as haraçi për ta mbajtur atë.
E ardhmja ku bujku dhe fermeri jetojnë me dinjitet nga puna e tyre sepse shteti nxit dhe mbështet prodhimet vendore dhe i mbron nga konkurenca jolojale, duke vendosur masa të reciprocitetit dhe duke hapur dyert e eksportit.
E ardhmja ku secili qytetar, pavarësisht sa fiton, merr trajtimin e duhur shëndetësor. Jeta e secilit qytetar është e vlefshme dhe e barabartë njëlloj.
E ardhmja ku kemi një sistem të drejtë të taksave dhe ku ata që janë më me fat e fitojnë më shumë, ndajnë mirëqenien me ata që janë më keq e që janë në fund.
E ardhmja ku shteti lufton pabarazitë e çdo lloji, e sidomos pabarazitë historike dhe shoqërore në mes burrave dhe grave, mes qendres dhe periferisë, mes qytetit dhe fshatit, sepse në shtetin e së drejtës secili është i barabartë në mundësi dhe të drejta.
Sepse të drejtat e barabarta nuk kanë kuptim pa mundësitë e barabarta. Fëmija i një bujku në Kaçanik duhet të ketë mundësitë e barabarta për të zhvilluar talentin dhe për të jetësuar ëndërrat njëjtë sikurse fëmija i një avokati në Prishtinë.”
Kjo e ardhme është e mundur aq sa është i fuqishëm besimi ynë.
Në fund të fjalës së tij, Kryetari Kurti bëri thirrje për angazhim qytetarë për ta vulosur fitoren me datë 14 shkurt. Ai tha se në këto momente, sakrifica nga e kaluara dhe ëndrrat për të ardhmen, i bëjnë obligimin dhe dëshirën të njëjtën gjë për neve
Fjala e Kryetarit Albin Kurti në konferencën e sotme
Të nderuar gazetarë, të dashur qytetarë.
Sot, kur na ndajnë saktësisht një muaj nga zgjedhjet e reja parlamentare në Kosovë, jemi të gëzuar dhe kemi kënaqësinë t’ju njoftojmë që do të garojmë bashkë në një listë. Presidentja në detyrë Znj. Vjosa Osmani dhe unë, ish kryeministri, me subjektet tona politike do të na gjeni në të njëjtin vend e për të njëjtin qëllim.
Kemi bërë marrëveshjen e parimeve dhe synimeve politike, të cilën porsa e nënshkruam këtu para jush, për një shtet me drejtësi dhe pa korrupsion, për një shoqëri me shëndet, punësim e arsim për të gjithë qytetarët, pa dallime, diskriminime e favorizime.
Në fushatën zgjedhore do të jemi dhe angazhohemi bashkë. Të shtunën e 16 janarit e dorëzojmë listën e kandidatëve për zgjedhjet e 14 shkurtit 2021.
Viti 2020 ka treguar se Kosova ka nevojë për kryeministër të ri por edhe për presidente të re. Ne e kemi presidenten, ajo e ka kryer detyrën me përgjegjësi dhe dinjitet, e ka shprehur integritetin e institucionit dhe unitetin e popullit. Në këto zgjedhje që janë referendum, duhet ta rilegjitimojmë këtë.
Sigurisht se kemi shumë punë përpara por edhe një fitore të madhe. Jemi të zellshëm e të palodhshëm. Do të shërbejmë me përulësi për lirinë dhe barazinë e qytetarëve, për progresin dhe suksesin e shtetit.Ju falemnderit.
Lëvizja VETËVENDOSJE! dorëzon në PZAP ankesën mbi vendimin e KQZ-së në lidhje verifikimin e aplikacioneve për votim të mërgatës
Lëvizja VETËVENDOSJE! ka dorëzuar sot ankesë në PZAP në lidhje me vendim e KQZ-së për verifikimin e aplikacioneve të mërgatës për zgjedhjet e 14 shkurtit 2021 në mbledhjen e mbajtur më 11 janar 2021.
Sa i përket votimit të këtij vendimi nga përfaqësuesit e LV-së në KQZ duhet theksuar fillimisht se kërkesa e anëtarëve të tjerë të KQZ-së ka qenë që secili të aplikojë nga adresa elektronike personale, gjë e cila do të rezultonte në dërgesat individuale për votim dhe jo siç ka ndodhur deri tash ku votimet janë dorëzuar përmes një plikoje të përbashkët për anëtarët e ngushtë të një familjeje. Një gjë e tillë është kundërshtuar nga dy përfaqësuesit e LV-së, sepse kjo do të krijonte probleme dhe komplikime për bashkatdhetarët. Jo secili bashkatdhetar mund të ketë email adresë personale, sidomos më të moshuarit, derisa dërgimi individual i zarfeve për votim do të krijonte shpenzime shtesë dhe humbje kohe për secilin prej tyre, e rrjedhimisht mosaplikimin dhe mosvotimin.
Për të shmangur problemet dhe komplikimet e tilla, përfaqësuesit e LV-së janë pajtuar që aplikimi për regjistrim të verifikohet vetëm për rastet me mospërputhje sipas procedurave, kur nga një email adrese dërgohen shumë aplikacione me mbiemra të ndryshëm dhe numër të njëjtë telefoni. Për zbatimin e vendimit KQZ duhet të hartojë një Udhëzim Administrativ, i cili rregullon mënyrën e hollësishme të verifikimit. Ai pritet të miratohet sot. Ky udhëzim duhet të përjashtojë çdo mundësi të largimit të votuesve nga lista e votimit përmes një telefonate. Me këtë udhëzim, Sekretariati i KQZ-së duhet të udhëzohet t’i raportojë KQZ-së për të gjitha rastet me mospërputhje veç e veç që janë verifikuar dhe për hapat e verifikimit të ndërmarrë. Ky udhëzim administrativ duhet të bëhet publik menjëherë pas aprovimit.
Përfaqësuesit tanë për asnjë moment nuk kanë votuar që të verifikohen të gjitha aplikimet e bashkatdhetarëve dhe aq më pak që ato të anulohen përmes një thirrjeje të vetme nga KQZ-ja. Kjo teknikisht nuk është e mundshme dhe ligjërisht është e ndaluar! Por, pavarësisht se dëmi më i madh është evituar, e i cili vinte përmes komplikimeve dhe kufizimeve që përdorimi i email adresave personale dhe ndarja e zarfeve sjellte, ne sërish konsiderojmë që edhe me këtë vendim cenohet e drejta e bashkatdhetarëve tanë për të votuar. Andaj, në lidhje me të Lëvizja VETËVENDOSJE! tashmë iu është drejtuar PZAP-së.
Rikujtojmë që përfaqësuesit tanë disa herë kanë ngritur çështjen e aplikimit online të bashkatdhetarëve si mënyra më e lehtë, më e sigurtë dhe më efikase për aplikim, por një kërkesë e tillë është kundërshtuar dhe refuzuar nga anëtarët e subjekteve tjera. Ngjashëm ka ndodhur edhe në Kuvendin e Republikës së Kosovës ku subjektet e njëjta kanë kundërshtuar plotësim-ndryshimin e Ligjit për Zgjedhjet e Përgjithshme të propozuar nga LV-ja e që do të mundëson votimin e bashkatdhetarëve nëpër ambasada dhe konsullata të Republikës së Kosovës.
Këto subjekte politike që në vazhdimësi janë përpjekur të vështirësojnë dhe pamundësojnë pjesëmarrjen e mërgatës në vendimmarrje në vendlindjen e tyre janë kundërshtuar vazhdimisht nga Lëvizja VETËVENDOSJE!. Raporti i Lëvizjes më mërgatën është i qartë. Lehtësimi i procedurave të votimit për bashkatdhetarët dhe integriteti i procesit zgjedhur janë prioritet i Lëvizjes VETËVENDOSJE!, përfaqësuesve tanë në KQZ dhe qeverisjes sonë të ardhshme.
Lëvizja VETËVENDOSJE! shpall zgjedhjet e brendshme për kandidatë për deputetë
Demokracia e brendshme është një nga shtyllat më të rëndësishme të organizimit tonë. Në përputhje me Statutin e Lëvizjes VETËVENDOSJE! dhe Rregulloren e Zgjedhjeve të Brendshme, Komisioni Zgjedhor i Përgjithshëm i Lëvizjes VETËVENDOSJE! shpall zgjedhjet e brendshme për kandidatët për zgjedhjet e parakohshme parlamentare të 14 shkurt 2021.
Të gjithë anëtarët e Lëvizjes, të interesuar për të kandiduar në këto zgjedhje duhet të paraqesin deklaratën e kandidaturës me dokumentacionin shoqërues brenda 48 orëve nga publikimi i këtij njoftimi. Në secilën Qendër të Lëvizjes VETËVENDOSJE! janë ngritur Komisionet Zgjedhore ad hoc të Qendrave, ku anëtarët e interesuar mund të drejtohen për çdo informacion të mëtejshëm.
Me besimin e plotë në vlerat e demokracisë sonë të brendshme dhe në respektim të Statutit, ky proces synon të çojë përpara kandidatet dhe kandidatët më të përgatitur për fitoren plebishitare të Lëvizjes VETËVENDOSJE!.
Prishtinë 10.01.2021 Komisioni Zgjedhor i Përgjithshëm Lëvizja VETËVENDOSJE!
Lëvizja VETËVENDOSJE! mbajti sot mbledhjen XLII të organit të saj më të lartë, Këshillit të Përgjithshëm, ku u diskutuan shumë çështje politike dhe organizative, si dhe u morën vendime të rëndësishme, duke miratuar pakon e reformës organizative.
Në pjesën e parë të mbledhjes së Këshillit të Përgjithshëm, anëtarëve të Këshillit ju drejtua Kryetari i Lëvizjes VETËVENDOSJE!, Albin Kurti.
Në fjalën e tij hyrëse, Kryetari Albin Kurti kujtoi se viti 2020 ka qenë vit i vështirë për të gjithë. Gjatë këtij viti nga pandemia kemi humbur njerëz të dashur, shoqëria e kombi ka humbur anëtarë me vlerë. Kryetari Kurti vlerësoi dhe falënderoi punëtorët të cilët nuk kanë pasur mundësi që të punojnë nga shtëpitë, e nga puna e tyre në kushte dhe rrethana të vështira si në prodhim, transport, shëndetësi, pastrim, jemi varur të gjithë ne.
Lidhur me situatën politike, Kryetari Kurti kujtoi pengesat e shumta që kishte krijuar LDK gjatë krijimit të Qeverisë në fillim të vitit, refuzimin e tyre për të kuptuar se kishin humbur zgjedhjet, si dhe punët e mira që kishte bërë Qeveria përkundër pengesave të shumta. Por ne vazhduam të qeverisnim deri me 3 qershor, sepse ata që na rrëzuan nuk kishin vota që të krijonin qeveri. Madje edhe me 3 qershor nuk i bënë votat. U detyruan të shkonin natën nëpër shtëpi deputetësh, për t´i bindur ata me premtime të ndryshme, deri edhe duke u dhuruar konsullata për djemtë. Por, prapë nuk ia dolën. U desh të marrin edhe votën e deputetëve të dënuar me burg. Prandaj i thamë qeveri Koti. Se ishte e pafuqishme, e paligjshme dhe jokushtetuese.
Gjatë qeverisë sonë ne treguam se nuk ka nevojë të shkelësh parimet kombëtare për të ruajtur pushtetin. Nuk ka nevojë të jesh i dhunshëm për ta mbajtur pushtetin. Pushtetin ta jep vetëm qytetari, kurse pushteti që merret në mënyrë jokushtetuese nuk mbahet dot.
Por gjatë këtyre muajve mbështetja për VETËVENDOSJE!-n është rritur më shumë se dyfish. Njerëzit e kanë vlerësuar punën dhe qëllimet tona. Po ashtu, të gjithë janë të zhgënjyer prej padrejtësisë që na u bë me 25 mars dhe intrigave që vazhdimisht përpiqen të bëjnë kundër nesh. Prandaj, si kurrë ndonjëherë, mund të themi me plot gojën se ka ardhur koha e VETËVENDOSJE!-s.
Pas vendimit të fundit të Gjykatës Kushtetuese, zgjedhjet janë shumë pranë. Gjasat janë që në këto zgjedhje nga lista jonë të bëhen deputetë më shumë se 65 emra. Nga një anë, ky është lajm i mirë. Por, duhet të bëjmë kujdes që të mos e ulim standardin e listës. Duhet ta kthejmë në Kuvend vlerën e fjalës dhe peshën e mendimit.
Këshilli i Përgjithshëm sot shqyrtoi dhe miratoi ndryshimet statutore. Këto ndryshime në përgjithësi përfshijnë çështje që kemi hasur në rrugën tonë të deritanishme dhe të tjera që e forcojnë drejtimin tonë përpara. Ne ecim duke forcuar organizimin dhe përmirësuar aty ku konstatojmë bashkërisht që duhet përmirësuar.
Anëtarët e Këshillit të Përgjithshëm votuan harmonizimin e statusit të anëtarit me atë të aktivistit dhe shtimin e kategorisë së simpatizantit, shtrirjen e strukturave të Lëvizjes edhe në komunat me shumicë të popullsisë nga pakicat për t’iu mundësuar edhe shqiptarëve të veriut të Mitrovicës, të Kllokotit, të Zveçanit e të vendbanimeve tjera që të bëhen pjesë e organizatës tonë. Po ashtu u miratua formula dhe kriteri i përbërjes së Këshillit të Përgjithshëm dhe të Këshillave të qendrave, organizimi i qeverisjes lokale dhe raporti me Organizatën, procesi i përpilimit të listës së kandidatëve për deputetë, e organizim i veçantë në mërgatë, si dhe përfaqësim të mërgatës në listën e kandidatëve në zgjedhjet për Kuvendin e Kosovës. Një ndryshim tjetër shumë i rëndësishëm, është padyshim themelimi i strukturave të ndërvarura brenda Lëvizjes VETËVENDOSJE! siç janë “Gratë për Vetëvendosje” dhe “Rinia për Vetëvendosje”, si një pasqyrim i përkushtimit të Lëvizjes për barazi e solidaritet gjinor dhe pjesëmarrje sa më të madhe e të rinjve në vendimmarrje brenda Organizatës e jashtë saj.
Pas miratimit të reformës organizative, Këshilli i Përgjithshëm vazhdoi punimet me pika tjera të rendit të ditës, si miratimi i buxhetit për vitin 2021, raport të punës së Grupit parlamentar dhe diskutimin për situatën politike në vend. Në këtë mbledhje u ndanë edhe çertifikatat për aktivistët të cilët suksesshëm përfunduan shkollën politike.
Lëvizja VETËVENDOSJE! mbajti sot mbledhje me qendrat e saj, në të cilën morën pjesë kryetari i Lëvizjes, Albin Kurti, sekretarja organizative, Vlora Haxhimehmedi dhe koordinatori i qendrave, Valon Hoti.
Në pjesën e parë të mbledhjes, kryetari Kurti foli rreth zhvillimeve të fundit politike, me theks të veçantë krijimin e rrethanave drejt zgjedhjeve të parakohshme parlamentare. Teksa pritet vendimi zyrtar i Gjykatës Kushtetuese, Lëvizja VETËVENDOSJE! kërkon që data e mbajtjes së zgjedhjeve të jetë më e afërta e mundshme.
Në këtë takim po ashtu u fol edhe për rëndësinë e madhe që ka mërgata jonë. Shteti i Kosovës, përmes institucioneve kompetente, duhet ta bëjë sa më të lehtë mundësinë e votimit nga mërgata, e jo t’ua vështirësojë një gjë të tillë, siç është bërë në të kaluarën.
Pas këtyre diskutimeve mbledhja vazhdoi me çështjet organizative. Viti 2020, përkundër vështirësive që ka patur për shkak të pandemisë e zhvillimeve të tjera në vendin tonë, cilësohet si i suksesshëm organizativisht për Organizatën tonë. Në këtë vit, përmes procesit të brendshëm zgjedhor, kemi arritur të konsolidojmë një pjesë të madhe të strukturave tona organizative, teksa vitin po e përmbyllim me rreth 10 mijë anëtarësime të reja e me fitoret plebishitare në komunën e Besianës dhe në veriun e Mitrovicës.
Lëvizja VETËVENDOSJE! dhe strukturat e saj organizative janë gati për referendumin që do të ndodhë në këto zgjedhje. Ndryshimi aq shumë i nevojshëm dhe i kërkuar nga populli, nuk ka asnjë arsye të mos lejohet që të ndodhë.
Sot, Kryetari i Lëvizjes, Albin Kurti bashkë me ish Ministrin e Shëndetësisë Arben Vitia, ish Ministren e Ekonomisë Rozeta Hajdari, Kryetarin e Qendrës së Vitisë, Nijazi Isaku, e bashkëaktivistë shënuan Krishtlindjen në Kishën e Shën Jozefit me besimtarët e Stubllës së Epërme e bashkëatdhetarët që kanë ardhur këto ditë në familjet e tyre.
Pas Meshës, u mikpritën në ceremoninë e organizuar nga Famullia e drejtuar prej Dom Jeton Thaqit dhe më pas vizituan muzeun në Shkollën e parë shqipe.
Kryetari Kurti ia uroi Krishtlindjen gjithë besimtarëve katolikë dhe familjeve të tyre duke veçuar se solidariteti e dashuria për tjetrin ndihmoi kudo në vend për ta përballuar pandeminë.
Ndërsa Dom Jeton Thaqi fjalën e tij përshëndetëse bashkë me urimet e festës kumtoi për këtë rast se tejkalimi i vetvetes, ndihmesa për të tjerët, komunitetin e atdheun janë shërbesa për të mirën sikundër fides as ratio, besimi e arsyeja, mund e duhet të shkojnë bashkë.
Vizitën në Stubëll të Epërme e përmbyllën me mikpritjen e familjes së Mëhill Martinit (Gjergji) ku përzemërsisht u takuan me djalin Robertin e bashkëshorten Suzana bashkë me tre djemtë e tyre Nikollën, Gazmendin e Samuelin.Familja Martini u përballë e para në Kosovë me pasojat e pandemisë por falë urtësisë e kthjelltësisë së tyre dhe gjithë asaj zone shumë shpejt gjithçka u rikuperua në Stubëll.
Me mbresat më të veçanta e me mikpritjen bujare të secilit e të gjithëve që na mirëpritën sot, u shprehim të gjithë shqiptarëve të krishterë urimet më të mira për Krishtlindjen e këtij viti të vështirë.
Takim me përfaqësuesit e Partisë Egjiptase të Kosovës të prirë nga deputeti Elbert Krasniqi.
Kryetari i Lëvizjes VETËVENDOSJE! Albin Kurti priti në takim përfaqësuesit e Partisë Egjiptase të Kosovës të prirë nga deputeti Elbert Krasniqi.
Në takim u bisedua për situatën aktuale politike sidomos pas aktvendimit të Gjykatës Kushtetuese që e shpalli të paligjshme e jokushtetuese qeverinë aktuale. Partia IRDK përveçse ka mbështetur ndryshimin ajo nuk i është bashkuar regjimit të vjetër politik në planet e tyre për të penguar e rrëzuar qeverisjen e mirë e të mbështetur nga qytetarët e Kosovës në pranverën 2020.
Në takim po ashtu u diskutuan prioritetet që ky subjekt i ka në programin e tij me theks të veçantë nga luftimi i paragjykimeve, edukimi, strehimi e deri te punësimi, infrastruktura e biznesi gjithnjë në funksion të mirëqenies së qytetarëve të komunitetit egjiptas.
Takim me Ambasadorin e Turqisë në Kosovë, z. Çağrı Sakar
Kryetari i Lëvizjes VETËVENDOSJE!, z. Albin Kurti, së bashku me tre deputetet e Lëvizjes VETËVENDOSJE! që janë anëtare në Grupin e Miqësisë Kosovë-Turqi, znj. Labinotë Demi Murtezi, znj. Yllza Hoti, dhe znj. Fjolla Ujkani, priti në takim Ambasadorin e Turqisë në Kosovë, z. Çağrı Sakar, dhe Sekretaren e Tretë në ambasadën turke, znj. Dilara Köseoğlu.
Gjatë takimit u diskutua rreth bashkëpunimit të deritanishëm mes Kosovës e Turqisë dhe gatishmërisë së dyanshme për vazhdimin e një bashkëpunimi të tillë. Z. Sakar përmendi rëndësinë e solidaritetit shoqëror, shtetëror e ndërshtetëror në këto kohë të rënda të përballjes me pandeminë, duke theksuar njëkohësisht situatën e vështirë politike në Kosovë.
Kryetari Kurti shprehu falënderimin për përkrahjen dhe ndihmën e Republikës së Turqisë ndaj Republikës së Kosovës gjatë sfidës së vazhdueshme të ballafaqimit me pandeminë. Në këtë takim, u fol edhe për situatën politike në Kosovë pas Aktgjykimit të fundit të Gjykatës Kushtetuese e në prag të zgjedhjeve të reja.Të dy palët u shprehën të gatshëm të vazhdojnë bashkëpunimin dhe takimet.
Takim lamtumirës me Shefin e Misionit të OSBE-së në Kosovë, Ambasadorin z. Jan Braathu
Kryetari i Lëvizjes VETËVENDOSJE! Albin Kurti, së bashku me ish u.d. të ministrit të MPBAP, njëherit anëtarin e Kryesisë së Lëvizjes, Xhelal Sveçla, priti sot në takim lamtumirës Shefin e Misionit të OSBE-së në Kosovë, Ambasadorin z. Jan Braathu, dhe udhëheqësin për çështje politike dhe të komunikimit në OSBE, z. Jeff Bieley.
Ambasadori, z. Braathu, për 10 vite ka ndihmuar dhe mbështetur ndërtimin e institucioneve demokratike në Kosovë, njëherë si Ambasador i Norvegjisë e pastaj si kreu i OSBE-së në Kosovë. Ai ka shtyrë përpara shumë projekte që kanë mbrojtur të drejtat e njeriut e të komuniteteve pakicë, barazinë gjinore, lirinë e shprehjes dhe projekte të tjera që lidhen me luftimin e korrupsionit dhe krimit të organizuar në vend.
Ambasadori, z. Braathu shprehu falënderimin e tij për bashkëpunimin gjatë këtyre viteve, për çka e falënderoi edhe Kryetari Kurti, i cili i uroi z. Braathu sukses në angazhimet e mëtutjeshme duke ndarë bindjen se bashkëpunimi me OSBE-në do të vazhdojë me ardhjen e Shefit të ri të këtij misioni.
Seanca e Kuvendit u ndërpre sot për shkak të protestës së Lëvizjes VETËVENDOSJE! për praninë e zv. Kryeministrit Selmanaj në sallën e Kuvendit. Ne e kemi shprehur më herët qëndrimin tonë që Driton Selmanaj është i padëshirueshëm në sallën e Kuvendit për shkak të deklaratave të tij për të pagjeturit. Selmanaj konsideron që çështja e të pagjeturve është ezauruar. LDK dhe Grupi Parlamentar i saj, por edhe kjo qeveri e dinë qëndrimin tonë për këtë çështje, andaj prezenca e tij sot është provokim me vetëdije.
Ardhja e Selmanajt është bërë për ta evituar ballafaqimin e qeverisë me krizën e krijuar. Ju e patë që e ashtuquajtura shumicë i ka vetëm 34 vota sot, dhe ishim shumë më pak se 80 deputet prezent, ndërsa qeveria pothuajse asnjëherë nuk është prezente në Kuvend. Ata po dështojnë me numra në Kuvend. Po dështojnë me ligje. Ata po dështojnë dhe po e dëmtojnë për çdo ditë vendin me qeverisjen e dobët dhe moskokëçarëse ndaj çështjeve të rëndësishme të vendit tonë. Me këto dështime e kanë krijuar këtë gjendje të rëndë të krizës të cilën tani po duan ta fshehin.
Sot, është interpelanca për Ujmanin. Sot, pritet që Hoti të ballafaqohet me shpërfaqjen e dëmit që i ka bërë vendit duke pranuar Serbinë si hisedare të ndërmarrjeve të Kosovës, respektivisht Ujmanit. Ata duan të shmangen nga ballafaqimi dhe po e përdorin qëndrimin tonë parimor për Selmanajn. Selmanaj nuk duhet të jetë në Kuvend. Nuk duhet të jetë dhe nuk do të mundet. Reagimi ynë në kuvend është paqësor dhe brenda mjeteve që kemi. Kuvendi duhet ta vazhdojë punën, Hoti duhet të vijë dhe të ballafaqohet për Ujmanit e të mos fshihet pas Selmanajt.
Deputetët e Lëvizjes VETËVENDOSJE! dorëzuan kallëzim penal në Prokurorinë Speciale
Deputetët e Lëvizjes VETËVENDOSJE!, Labinotë Demi-Murtezi, Fitim Uka dhe Fitim Haziri, të shoqëruar nga këshilltari Getoar Mjeku, i dorëzuan Prokurorisë Speciale kallëzim penal ndaj dy zyrtarëve të lartë, Armend Zemaj dhe Valbon Krasniqi, përgjegjës për mungesën e oksigjenit mjekësor në spitalet e Kosovës. Kallëzimi përmbledh faktet e zbuluara nga hulumtimet e publikuara në media dhe nga puna e deputetëve për veprimet dhe mosveprimet e të dyshuarve në cilësitë e ministrit të Shëndetësisë përkatësisht drejtorit të përgjithshëm të ShSKUK-së.
Zemaj dhe Krasniqi dyshohen me arsye se kanë kryer vepra penale të keqpërdorimit të detyrës dhe të ushtrimit të kundërligjshëm të veprimtarisë mjekësore-farmaceutike kur kanë dështuar të furnizojnë rregullisht spitalet tona me oksigjen mjekësor për trajtimin e pacientëve me COVID-19 dhe kur më pas kanë urdhëruar furnizimin me oksigjen nga kompani të palicencuara. Kallëzimi i tre deputetëve vë në dijeni prokurorinë për faktet kryesore, të cilat prokuroria duhet t’i hetojë në hollësi dhe t’i ndjekë sipas detyrës zyrtare.
Keqmenaxhimi i pandemisë po rrezikon jetët e qytetarëve. Lëvizja VETËVENDOSJE! mbetet e përkushtuar ndaj parandalimit dhe luftimit të pandemisë COVID-19, ashtu siç angazhohet për sundimin e ligjit dhe shtetin e së drejtës.
Ambasadori i Hungarisë në Kosovë, Dr. József Bencze, viziton VETËVENDOSJE!-n
Sot, Kryetari i Lëvizjes VETËVENDOSJE!, z. Albin Kurti, së bashku me deputetët z. Hekuran Murati dhe znj. Yllza Hoti, priti në takim Ambasadorin e ri të Hungarisë në Kosovë, Dr. József Bencze, dhe sekretarin e dytë të Ambasadës Hungareze në Prishtinë, z. Márton Nikowitz-Holló.
Gjatë takimit u diskutua rreth bashkëpunimit mes Kosovës dhe Hungarisë, projekteve nga e kaluara e ato të planifikuara nga Ambasada Hungareze, dhe historisë së përbashkët të dy popujve tanë qysh nga mesjeta. Ambasadori Bencze tregoi për përvojën e tij të deritanishme në Kosovë, duke potencuar disa projekte të rëndësishme siç është funksionalizimi i Komisionit për Bashkëpunim Ekonomik dhe fuqizimi i bashkëpunimit të universiteteve të dy shteteve tona. Z. Bencze shfaqi gatishmërinë e tij për të forcuar marrëdhëniet mes Hungarisë e Kosovës përmes projekteve ekonomike, arsimore, kulturore e infrastrukturore.
Kryetari Kurti shprehu falenderimin për përkrahjen e vazhdueshme të Republikës së Hungarisë për Republikën e Kosovës, pëfshirë këtu ndihmën gjatë luftimit të pandemisë, përmes donacionit të 50 mijë maskave dhe 5 mijë uniformave mbrojtëse për personelin shëndetësor. Gjithashtu, u bisedua edhe rreth suksesit të programit të bursave Stipendium Hungaricum, i cili u mundëson studentëve nga Kosova të studiojnë me financim të plotë në universitete të Hungarisë.
Ambasadori Bencze përmendi disa nga barrierat e deritanishme për implementimin e projekteve në Kosovë, dhe gatishmërinë e tij për të punuar në tejkalimin e tyre përmes përpjekjeve të dyanshme. Kryetari Kurti nënvizoi gatishmërinë e tij për thellimin e bashkëpunimit mes dy shteteve, me theks të veçantë në eliminimin e ngecjeve të deritanishme.
Homazhe në kujtim të rënies së lavdishme të Komandant Mujë Krasniqit dhe 41 ushtarëve të UÇK-së
Sot, një delegacion i Lëvizjes VETËVENDOSJE! i prirë nga kryetari Albin Kurti bëri homazhe në kujtim të rënies së lavdishme të Komandant Mujë Krasniqit dhe 41 ushtarëve të UÇK-së, të cilët 22 vjet më parë po bartnin armë e municion nga Shqipëria për në Kosovë në mbështetje të luftës çlirimtare.
Në mëngjesin e acartë të 13 dhjetorit,1998, nga fshati malor Cahan në Shqipëri u nisën drejt Kosovës 143 ushtarë që po bartnin armatim të rëndë për ta mbështetur luftën çlirimtare në Kosovë. Nëpër bjeshkët e larta të Pashtrikut, e dëborën e madhe, atyre po u printe Mujë Krasniqi, apo siç e quanin bashkëluftëtarët Komandant ‘Kapuçi”. Edhe pse kishte fjalë që forcat serbe kishin zënë pozicione, Muja dhe bashkëluftëtarët tashmë kishin vendosur ta luftojnë okupatorin serb kudo që e hasin. Kjo ndodhi në mëngjesin e hershëm të datës 14 dhjetor, ku në relacionin Lkenet e Hasit-Gorozhup filloi ajo që tani quhet Beteja e Lavdishme e Pashtrikut. Pas luftimeve të gjata heroikisht ranë Mujë Krasniqi dhe 41 luftëtarë të tjerë të lirisë.
Komandant Mujë Krasniqi me bashkëluftëtarë na mësuan që vendosmëria për ta fituar lirinë nuk njeh rrugë të vështirë apo të rrezikshme. Sot, përkulemi para jetës dhe veprës së dëshmorëve tanë.
Sot, aktivistet dhe aktivistët e VETËVENDOSJE-s zhvilluan një aktivitet në përkujtim të grave dhe vajzave të vrara duke shprehur njëherit edhe indinjatën për femicidin në Kosovë. Ky krim ka marrë përmasa alarmante dhe institucionet po vazhdojnë të jenë neglizhente e pasive karshi këtij fenomeni. Në shenjë revolte dhe në përkujtim të 59 vajzave dhe grave të vrara nga burrat, ne sot para objektit të qeverisë ndezëm nga një qiri për secilën.
59 grave u është mohuar e drejta e jetës nga burrat që nga paslufta. Shumë gra të tjera rrezikojnë të vriten nga dhuna në familje. Institucionet me mosndërhyrjen e tyre të vazhdueshme po e nxisin dhe legjitimojnë dhunën dhe vrasjet ndaj grave. Ka shumë raste kur gratë kanë kërkuar paraprakisht ndihmë nga policia e kërkesat e tyre nuk janë marrë parasysh. Për më tepër, institucionet e drejtësisë, ku supozohet që këto veprime si dhuna e vrasja të ndëshkohen, janë treguar të njëanshme. Pra, lëre që policia nuk i dëgjon thirrjet në drejtim të saj, por edhe gjykatat që do të duhej të ishin të prera sa u përket krimeve, po bëjnë dallime gjinore në vendimet e tyre duke gjykuar kështu që jeta e grave peshon më pak se ajo e burrave në peshoren e drejtësisë. Me të tilla veprime e mosveprime, institucionet shtetërore janë bërë edhe vetë bashkëfajtore në këto krime.
Trajtimi që u bëhet rasteve të vrasjes së grave nga institucionet përveç se është plotësisht i padrejtë, me raste është edhe tejet i frikshëm. Ndonëse kjo dhunë ushtrohet direkt ndaj grave, disi gjendet gjithnjë një arsye për t’i bërë ato të duken fajtore. Kjo ndodhë për shkak se institucionet tona janë të kapura nga patriarkalizmi dhe funksionojnë si familje patriarkale. Kësisoj, çfarëdo veprimi i një gruaje, jashta asaj që konsiderohet si ‘normale’ për t’u bërë nga to, për ta është e dënueshme. Po flasim për jetë njerëzish. Pavarësisht gjinisë, vrasja duhet të ndëshkohet. Ne duam një polici që na del në ndihmë e na mbron, kur mendësia çnjerëzore na trajton më pak se njerëz. Ne duam gjykatës e prokurorë që vendimin nuk e bazojnë në atë çka kemi veshur. Ne duam drejtësi për gratë e përndjekura nga dhuna e vrasja, por edhe për gratë të cilat padrejtësia në procese gjyqësore po i mbanë padrejtësisht nëpër burgje.
