Të dashur qytetarë jemi këtu në Vushtrrinë e Hasan Prishtinës, në Vushtrrinë e Jeton Tërstenës, emrin e të cilit e mban kjo palestër e cila është e stërmbushur aq shumë sa që nuk po ju zë brenda këtu. Në tubimet e Vetëvendosjes në Vushtrri, nuk mund të bësh fotografi por vetëm video që i përthakon të gjithë Cep më Cep.

Jemi këtu edhe në Vushtrrinë e Ukshin Kovaçicës e të Azem e Shotë Galicës, jemi në Vushtrrinë edhe të dëshmorëve Isë Mërnicës, Ferki Aliut e Ahmet Krasniqit, në Vushtrrinë e Enver Zymberit e të Afrim Bunjakut, të cilët e lanë me gjakun e tyre veriun e Kosovës, për ta bërë Kosovën tonë të dashur, Cep më Cep, me sovranitet dhe me integritet. Të nderuar të pranishëm, Vushtrria është qytet i urës e i kulturës, i luftës çlirimtare e i punës së ndershme.

E tash nga Prishtina në Vushtrri vi më shpejtë se kurr më parë, sepse e kemi rrugën e përfunduar, shpejtësia është vetë rruga e re, rruga që kishte mbetur rrugëve nga ish-Qeveritë që prej vitit 2009, e në të cilën për të mbërritur nga Prishtina në Vushtrri, nga Vushtrria në Prishtinë janë dashur më shumë se 1 orë, e tash mbërrihet për më pak se gjysmë ore. Punimet janë duke u zhvilluar edhe në pjesën tjetër, nga hyrja në Vushtrri deri në Gojëbulë, me gjatësi rreth 4.2 km. Gjithashtu, e kemi nënshkruar marrëveshjen edhe për segmentin nga Smërkovnica në Mitrovicë, me gjatësi 5 km, rruga përfundon në pranverë sivjet. 

Vushtrria është qytet i historisë, i traditës dhe i vlerave. Njerëzit e këtij vendi janë të fortë në shpirt, të lidhur me tokën, me punën dhe me besimin e tyre të palëkundur. Ky kombinim i shpirtit të fuqishëm dhe i zemrës së pastër, e bën Vushtrrinë zemër dhe shpirt të Republikës së Kosovës. Vushtrria ka dhënë shumë për çlirimin dhe pavarësinë e Kosovës. Në Vushtrri ka shumë veteranë e invalidë të luftës, Vushtrria i ka dhënë shumë dëshmorë dhe martirë kombit. E nga ky qytet kanë dalë shumë gra e burra që kanë bërë sakrifica të jashtëzakonshme, e kanë dhënë kontribut tejet të çmueshëm për vendin tonë mbarë. Me respekt të thellë, në veçanti nga këtu përshëndes familjen Zymberi dhe Bunjaku, të cilët janë simbol i flijimit, i sakrificës, i asaj çfarë Vushtrria ka dhënë për lirinë dhe sovranitetin e Kosovës. Familjet Zymberi dhe Bunjaku janë krenaria e Vushtrrisë dhe e Kosovës dhe e shqiptarisë!

Ushtrinë e Kosovës qeveria jonë, qeveria juaj, e kemi forcuar me armatim e me buxhet, Bajraktarë nga Turqia, Javelinë nga Amerika dhe së shpejti edhe helikopterë Black Hawk, apo Skiftera të Zi, nga Shtetet e Bashkuara të Amerikës. E në Vushtrrinë tuaj të dashur, e në Vushtrrinë tonë të dashur e të mirë, Policia e ka akademinë, e Ushtria e ka rininë.  Ne e kemi hapur derën e Ushtrisë sonë, për çdo të re e të ri, deri në moshën 25 vjeçare, dhe e kemi hequr tavanin prej 5000 pjesëtarësh. Kosova po e ndërton një Ushtri kompetente, me integritet dhe të avancuar, të aftë për ta mbrojtur vendin tonë. Ushtarët e Kosovës, oficerët e nën oficerët e Forcës së Sigurisë së Kosovës janë krenaria jonë e përbashkët!

Baba po me dalë në zgjedhje, por jo veç baba, edhe djemtë, edhe vajzat, edhe nënat, edhe dajtë, edhe hallat, edhe tezet, edhe kushërinjtë e të gjitha anëve, me dal me 9 shkurt e me votu Vetëvendosjen!, dhe numrin 118 që është e vetmja zgjidhje e zgjedhje e vërtetë. 

Në veri të vendit, ato partitë e vjetra të ish-qeverive, dërgonin banda kriminale e kontrabandistë, e bënin pazare të ulëta në kurriz të Kosovës, ndërkaq ne dërgojmë zhvillim, investim dhe siguri. Me qeverinë tonë, Kosova si Republikë e ka mbrojtur dhe e ka integruar çdo pëllëmbë të territorit të vet. Sot kushdo mund të shkojë, kurdo përtej Ibrit, e të pijë kafe atje, kushdo mund të shkojë atje, kurdo, e të fillojë të investojë, pavarësisht etnisë, sepse kryefjala e punës tonë është paqja dhe bashkëpunimi. Ne nuk e pranojmë as shantazhin, as kërcënimin. Nuk ka më letërnjoftime ilegale e patentëshofera të Serbisë, nuk ka më zyra ilegale, të ashtuquajtura struktura paralele, por ka kudo institucione dhe mekanizma të shtetit tonë të Republikës së Kosovës, ka demokraci, ka zhvillim, ka punësim, ka hapje të bizneseve të reja.

E të dashur vushtrrias, këto janë të mundura, për shkak se Ballkani e ka në Republikën e Kosovës shembullin e mirëqeverisjes dhe të demokracisë kampion. Duke qenë kampion në demokraci, ne arrijmë të integrojmë, të zhvillojmë, ta bëjmë shtetin me sovranitet dhe territorin me integritet. E pra, gjaku i Enver Zymberit dhe gjaku i Afrim Bunjakut nuk kanë shkuar kotë! Gjaku i tyre, mundi e sakrifica e tyre është shpaguar sepse Republika juaj ka fituar! Unë nuk lëshoj pe 3 vjet e 364 ditë, e vetëm një ditë, vetëm me 9 shkurt ju mos lëshoni pe! Mos lëshoni pe, votojeni numrin 118, të koalicionit tonë fitues, Lëvizja Vetëvendosje!, Partia Guxo dhe Partia Alternativa!

Të dashur pjesëmarrës të këtij tubimi madhështorë, në Vushtrri për këto 4 vjet, i kemi mbështetur direkt mbi 2700 nëna lehona, më shumë se 16,500 fëmijë deri në moshën 16 vjeçare, dhe gati 600 të rinj mes moshës 18 dhe 29 vjeçare. Nënat lehona dhe fëmijët i kemi mbështetur me shtesa, kurse të rinjtë punësim përmes Super-punës. Mbi 200 familje nga Vushtrria i kanë izoluar shtëpitë e tyre me mbështetjen tonë, dhe tash e kanë ngrohtë gjatë dimrit, e freskët gjatë verës. Ndërkaq bujqit dhe fermerët e zotë e punëtorë të Vushtrrisë, i kemi mbështetur me afër 20 milionë euro subvencione dhe grante. 

Qeveria jonë, koalicioni ynë, ka treguar se është forca e vetme politike në Republikën e Kosovës e cila qeverisë, me ndershmëri e përgjegjësi, me transparencë dhe përkushtim ndaj vendit, qytetarëve dhe interesit të përgjithshëm, interesit publik. E kemi luftuar korrupsionin, e kemi forcuar sundimin e ligjit duke goditur grupet kriminale në veri e në jug, në lindje, e në perëndim, Cep më Cep, dhe duke siguruar që askush nuk do të jetë asnjëherë, askund, më i fortë sesa ligji i drejtë i Republikës së pavarur e demokratike të Kosovës. 

E prandaj pra, Kosova jonë, është në top vendet me indeksin ma të lartë të ligjit dhe të rendit, është e para në Ballkanin Perëndimor, e dyta në Evropë, me pikë të barabarta me Estoninë, Finlandën, Luksemburgun dhe Zvicrën, dhe e pesta në botë.

Fitorja e Vetëvendosjes, prandaj të dashur qytetarë, është qelës, është dëshmi, është garanci për të vazhduar përparimin dhe sigurinë, me përgjegjësi dhe transparencë të çdo procesi, të çdo strukture e të secilit zyrtarë të shtetit.

Stadiumi i qytetit Ferki Aliu do të duket sikur të ishte i ri. I kemi ndarë 5 milion euro, punimet nisin sivjet përfundojnë gjatë mandatit tonë të ri. Vushtrrinë e Milot Rashicës do ta bëjmë me një ndër stadiumet më moderne në Kosovë dhe përtej.

Vushtrrinë, rajonin e Shalës, do ta mbështesim me agroturizëm, Vetëvendosja do ta mbështet me agroturizëm, e do të ju mundësojmë parkun energjetik në Qyqavicë, dhe do ta përkrahim industrinë prodhuese ushqimore, e të mobilieve në kuadër të programit të madh shtetëror të 1 miliardë eurove për industrinë prodhuese të vendit tonë.

Kemi investuar shumë edhe në shëndetësi, buxheti është 50% më i madh sesa në vitin e parë parapandemik në 2019. Shumë prej klinikave qendrore në Prishtinë, ku trajtohen pacientë nga mbarë Kosova, janë transformuar plotësisht e rrënjësisht. Në mandatin e ri në fokus do t’i kemi spitalet e qyteteve, pra pas vizionit tonë, klinikë pas klinike, në këtë mandat që po e përmbyllim dalë nga dalë, por sigurt në mandatin e ri të cilit po i afrohemi me shpejtësi, e sigurtë do ta kemi vizionin tonë, spital pas spitali. Kështu, në Mitrovicë do ta ndërtojmë spitalin e ri, në Ferizaj do ta ndërtojmë spitalin e ri, në Gjilan do ta transformojmë rrënjësisht atë, të gjitha spitalet do t’i modernizojmë, shërbimet do t’i decentralizojmë, dhe spitalin e Vushtrrisë do ta zgjerojmë me kapacitete infrastrukturore dhe pajisje të reja moderne, teknologjike, sepse duam ta bëjmë qendër të specializuar për ndërhyrjet minimale invazive.

Të dashur qytetarë të Vushtrrisë, me qeverinë tonë, e gjithë Kosova u mbulua nga rrjeti 5G. Ndërkaq në qeveritë e kaluara duhej me u ndalë në kafe për të kërkuar passwordin e WI-FI, e opozita, opozita ende sillet duke e kërkuar passwordin e WI-FI. Mirë do të ishte dikush prej jush që ka ndodnjë kontakt me ta, t’u tregojë se nuk ka nevojë më, sepse rrjeti është 5G, mos kërkoni më password të WI-FI nëpër kafet e çajtoret e Vushtrrisë. Me qeverinë tonë, në shkollat e mesme ka filluar që të studiohet e të mësohet kodimi, nga klasa e parë deri në të dymbëdhjetën. Aty do të krijohen programerët e rinj, hakerët e rinj, gamerët e rinj, shpikësit e rinj që do të kontribuojnë jo vetëm për Kosovën, por edhe për njerëzimin. 

E në shkollat tona nuk e kemi futur vetëm kodimin, por edhe edukimin për sigurinë. Kjo lëndë i aftëson fëmijët tanë për konceptet dhe praktikat e mbrojtjes së vendit. Shkolla, me qeverisjen tonë, është vend i aftësimit të të rinjëve, është vend i ardhmërisë tonë edhe të sigurtë edhe të ndritur.

Të nderuar të pranishëm, Vushtrria ka qenë gjithmonë  nëballë të mbështetjes për Lëvizjen Vetëvendosje!. Në zgjedhjet parlamentare të vitit 2021 kjo komunë na i dha mbi 60% të votave që ne i fituam, apo 61.5% qysh kanë qef me thonë Syla, Besimi, dhe aktivistët dhe deputetët tanë nga Vushtrria. E tash, në vitin 2025 ne synojmë gjysmë milioni vota, gjysmë milioni zemrat bëhen bashkë të votojnë bashkë, të fitojnë bashkë, të festojnë bashkë e të rrahin por si një. Por, para 4 vjetëve i kemi pasë 438 mijë vota, e tash prej 438 mijë vota i duam 500 mijë vota, sepse na duhen 500 mijë vota. Kjo i bjen gati 15% më shumë sesa para 4 vjetëve, prandaj në zgjedhjet e 9 shkurtit le të synojmë, le të punojmë, le të festojmë për 25 mijë vota këtu në Vushtrri. koalicioni ynë Lëvizja Vetëvendosje!, Partia Guxo dhe Partia Alternativa! Pra këtu në Vushtrri, këtu tek ju në Vushtrrinë tonë të dashur, na duhen 25 mijë vota për të ju bashkuar vargut të 500 mijë zemrave që rrahin bashkë, e punojnë bashkë. Ne të Vetëvendosjes, ne të qeverisë, ne pulsin e zemrës e kemi 118! Është pak puls i lartë, por nuk ka ndryshe kur punon shumë dhe ec shpejtë. 118 është pulsi jonë, ashtu qysh është numri i fitores me 9 shkurt.

E të dashur qytetarë të Vushtrrisë, duke na parë qytetarët sa shpejtë ecim e sa shpejtë punojmë, në një qytet, njëri prej pjesëmarrësve në tubim më ndali edhe me një seriozitet përplot dashuri, por jo edhe pa brengë, më tha Albin, a je lodhë? Unë i thashë, bac niher unë jam tu i lodhë opozitën! Edhe të dashur qytetarë, jo veq që jemi tu i lodhë, por edhe jemi tu i sosë, e jemi tu i skropit, e jemi tu i rraskapitë, e jemi tu i dërmu, e jemi tu i thërrmu, se kemi ndërmend t’i shpartallojmë me 9 shkurt, atëherë kur bashkë votojmë, fitojmë e festojmë!

Ju faleminderit përzemërsisht për përkrahjen e pa rezervë, për mbështetjen e pa kursyer, për solidaritetin në çdo stuhi e në çdo krizë për qeverinë tuaj, e për Lëvizjen tonë.

Zoti ju ruajtë, e ju bekoftë, rrnofshi e u gëzofshi, natën e mirë e mirëupafshim!

E dashura Pejë,
Kjo mikëpritje kaq e zjarrtë ma mbush zemrën me gëzim e mendjen me përgjegjësi. Faleminderit
shumë. Faleminderit për sonte, faleminderit per secilën ditë të secilës javë, të çdo muaji, përgjatë
këtyre shumë viteve që na keni mbështetë pa rezervë, pa kursim, pa pushim, në të gjitha stuhitë e
krizat qe i kemi kaluar si Qeveri e Republikës dhe si Lëvizje VETËVENDOSJE!.
Peja jonë e Peja juaj është qytet i bukur, me njerëz që i njohin bukuritë. Është qytet i bjeshkëve
dhe i lumit, është qytet i xeheve e i artit, është qytet ku prehen eshtrat e Haxhi Zekës e Ali Pashë
Gusisë, është qytet i zemrës, i besës dhe i shqiponjave.
Të dashur qytetarë të Pejës,
Fitoren e VETËVENDOSJES! nuk ka fuqi që mund ta ndalë. Fitoren e VETËVENDOSJE!-s, e
të koalicionit tonë me GUXO e Alternativën nuk mund ta ndalim as na vetë, sepse populli ka
vendos e po vendos vetë.
Ne tash, ne tash, si asnjëherë më parë jemi rritur shumë, e kur rritesh shumë rriten mundësitë për
t’u rritur. Por neve tash, na duhet që të rritemi edhe më shumë, na duhet ta rrisim fitoren tonë në
lartësinë e gjysmë milioni zemrave të qytetarëve të Republikës së Kosovës.
Katër vjet kemi qeverisur mirë, bashkë, drejtë. Katër vjet kemi vetëvendosë rekorde. Ne
vendosim rekorde dhe ne i thyejm ato. Kush e mendon politikën Krejt dhe Drejt, kush e sheh
atdheun Cep më Cep, nuk ja ka frikën as rekordit të vet e as imagjinates së vet. Ne i vendosim
vetë rekordet dhe vetë i thyejm ato.
Ende pa u bërë katër vjet mirëqeverisje, 30% është më i madh Bruto Produkti Vendor në vitin
2024 sesa në vitin 2021 kur e morëm qeverisjen. 40% janë më të larta të hyrat tatimore në vitin
që e lëmë pas 2024, sesa në vitin kur e morëm qeverisjen 2021. Dhe, 50% është më i madh
buxheti i shtetit sivjet sesa buxheti i shtetit në vitin 2021. Ne vendosim rekorde në fusha të jetës
e të punës, opozita vendosë rekorde në analista të studiove televizive. Ne veprimtarë ata analista.
Ne në frymë e në fakte ata në rrena e në shpifje.
E të dashur qytetarë,
Një nga rekordet më domethënëse, ne e ngritëm numrin e të punësuarve tonë në numrin rekord të
votuesve të 14 shkurtit 2021. Andaj, le ta thyejm edhe këtë rekord me 9 shkurt sivjet në vota dhe
ta thyejm rekordin në punësim. Rekord edhe në punësimin e grave. I ftojmë gratë ta rrisin
pjesëmarrjen në votim, me mijëra, siç po dalin me mijëra më shumë punë, Cëp më Cep
gjithandej, gjithnjë e më shumë.

Me mbi 500 mijë zemra që thurrin fitoren e vargut të numrit 118, le ta thyejm rekordin edhe në
punësim me mbi gjysmë milioni qytetarë të Republikës që punojnë për familje, për atdheun e
tyre, për mirëqenien e gjithësecilit.

E të dashur pejanë,
Nuk kemi thy rekorde vetëm ne, rekorde kanë thyer edhe opozita në borxhe në bizneseve ndaj
bizneseve të Kosovës dhe me deficit buxhetor që na i lanë trashëgimi. Në vitin 2021, prej
Qeverisë që shkoi, e që s’ka qysh kthehet më, prej Qeverisë që shkoi, i kemi trashëguar 141
milionë euro borxhe ndaj operatorëve ekonomik të Kosovës dhe 512 milionë euro deficit
buxhetor. Por asaj ish-qeverie, ne i kërkojmë falje që ja dëmtuam situatën që na i la dhe që e
ulëm borxhin. Nga 512 milionë euro deficit buxhetor në vitin 2021, tash janë vetëm 25 milionë
euro deficit buxhetor dhe nga 141 milionë euro borxhe bizneseve tona janë vetëm 33 milionë
euro broxhe ndaj tyre.
Të nderuar të pranishëm,
Gjendja në Kosovë është e mirë, është shumë më e mire, sepsë ajo është përmirësuar shumë. E
keqja nuk është gjendje, e keqja është strukturë, është strukturë e dobësuar dhe gjithnjë më e
dobët. Me 9 shkurt sivjet, me 500 mijë zemra, kësaj të keqe si strukturë ja japim goditjen
vdekjepruerëse dhe mdandej e mira nuk ka skaj, qoshe më qoshe, rreth më rreth, cep më cep.
E keqja si strukturë përbëhet prej oligarkëve. Oligarkët e duan shtetin jo si Republikë
demokratike, por si anije tregtare. Ai që ka mall më së shumti, ja përcakton kursin anijes.
Mirëpo, Kosova me qeverisjen tonë të mirë u bë shtet i taksapaguesve të rregullt dhe jo më i
pronarëve të mëdhenj. Ky ishte qëllimi i Qeverisë sonë. Ky është edhe qëllimi i realizuar i
bashkëqeverisjes sonë, nga trashëgimia e mbrashtë e merkantelistëve e feudalëve, tek ardhmëria
e ndritshme, zhvillimore e progresiste, evropiane e demokratike.
Faleminderit shumë për përkrahjen që ja keni dhënë Qeverisë në këtë mision të saj fisnik, në këtë
qëllim të saj madhor, në këtë princip të saj kombëtar.
E tash, e tash të dashur pejan, po vjen dita kur kemi nevojë për një brez të ri të biznesmenëve
prodhues, përtej këtyre që u pasuruan prej tranzicionit. Jo më aso biznesmenësh që milionin e
parë e kanë nga koha e Serbisë apo nga koha e Klanit Pronto. Republika e Kosovës, kombi
shqiptar, ka nevojë për biznesmen patriotë që thonë Peja – Republika e Kosovës, Gjakova –
Republika e Kosovë, e jo kurrë e asnjëherë Pec – Serbia a Djakovica – Serbia.
Të dashur qytetar,
Më mirë e më ndershëm, shumë më mirë e shumë më ndershëm, pa kufi më mirë e pa kufi ma
ndershëm është të rregullosh, është të ndreqësh rrota të biçikletave si Ibrahim Devolli, e jo si

djemtë e tij, që e regjistrojnë biznesin e tyre si të Serbisë në Maqedoni të Veriut, në emër të
tjetërkujt, për me ardhë si të huaj në Pejë e në Kosovë.
Prej kompanisë “Devolli” të dashur qytetarë, kërkoj publikisht t’ia kthejnë Telekomit të Kosovës
62.6 milionë euro që ja kanë marrë në arbitrazhe të kurdisura. Asisoj, Blerim edhe Shkelqim
Devolli, djemtë e fisnikut Ibrahim Devolli, do ta dëshmonin se po e ndihmojnë dhe po e duan
Republikën e Kosovës.
Ne nuk kemi asgjë kundër pasurimit dhe të pasurve, ne i duam qytetarët e Republikës, popullin
tonë, sa më të pasur. Mirëpo, ne konsiderojmë që të pasurit kanë përgjegjësi ta pasurojnë shtetin
ku janë pasuruar vetë. Ne besojmë, që të pasurit duhet ta pasurojnë shtetin e jo ta rjepin atë. E
shteti duhet t’i ndihmojë e t’i pasuroj të varfrit të cilët janë shumica e taksapaguesve të vendit
tonë prej nga mbushet buxheti i Republikës tonë të dashur.
Të dashur qytetarë të Pejës,
Unë nuk besoj që në rruzullin tokësor të ketë një lagje që ka nxjerr më shumë kampionë olimpik
se kjo lagjja e Asllan Çeshmja e Pejës. Jo vetëm kampionë olimpik, por edhe trajnerin më të mirë
në botë në sportin e xhudos. Andaj ne jemi zotuar dhe do të ndërtojmë Kompleksin e Qendrës
Nacionale të Xhudos në Pejë. Për këtë tashmë kemi ndarë 6 milionë euro. Ky kompleks do të jetë
një nga objektet sportive ku do të zhvillohen garat e Lojërave Mesdhetare 2030 – ngjarja më e
madhe sportive në histori të vendit. Salla e Sporteve “Karagaçi”, kjo sallë ku jemi sonte këtu kaq
masivisht, gjithashtu do të rinovohet thellësisht e tërësisht – për sportistët e Pejës dhe kjo për të
mirëpritur Lojërat Mesdhetare 2030.
Për Stadiumin “Shahin Haxhiislami” ku i ka zhvilluar historikisht ndjeshjet Klubi i Qytetit
BESA, i kemi ndarë 19 milionë euro. Stadiumi është në gjendje të mjerueshme, kush vjen këtu
në sallën e sporteve në Karagaç nuk mund ta sheh stadiumin as ditën se lëre më natën meqenëse
e kanë lënë si gërmadhë të shëmtuar. Por Qeveria jonë do ta shndërrojë në një stadium modern
me rreth 8 mijë ulëse. Ky investim në stadiumin e qytetit tuaj është pjesë e planit tonë 5-vjeçar
për infrastrukturën e futbollit: mbi 200 milionë euro për 20 stadiume, në 18 komuna Cep më Cep
Republikës së Kosovës. Peja e ka bërë Kosovën, shtet të xhudos. Me sukseset e saja në sport e
investimet tona ne do ta bëjmë qytetin tuaj, Kryeqytet të Sportit.
E di që të gjithë ju, sikurse të gjithë ne jemi të preukupuar me rrugën Pejë – Prishtinë, Prishtinë
Pejë, që e lidh Dukagjinin me Kryeqytetin. Projekti i atyre që shkuan me të madhe e devijonte
trasenë aktuale dhe kushtonte 240 milionë euro. Por ju e dini që ata kanë qenë shumë dorëshlirë
me para të shtetit edhe kriter për rruga e autostrada i kanë pasur arat e veta e pronat e miqve.
Me neve buxheti i shtetit ruhet e arat punohen. Andaj, edhe vendosëm që në vend të projektit të
ri e të kushtueshëm, të vazhdojmë me projektin që parasheh zgjerimin e rrugës aktuale. Me këtë
vendim tonin i kemi kursyer 150 milionë euro para të shtetit e buxhetit. Në vend se të kushtojë
240 milionë euro, prej të cilave 200 milionë ishin kredi e 40 milionë euro shpronësime, kjo rrugë
neve po na kushton vetëm 90 milionë, me gjithë shpronësimet.

Në segmentin Kijevë-Dollc puna po ecën shumë mirë dhe shumë shpejt. Eskavatorët po punojnë
pandalur. Ju që e kaloni këtë rrugë çdo ditë e dini shumë mirë. Kurse në segmentin Dollc-Zahaq,
puna fillon sivjet. Me Qeverinë tonë së pari bëhet analizë e mirëfilltë e planifikim i kujdesshëm,
e pastaj puna e madhe, e shpejtë, e mirë e që besa edhe më e lirë. Me neve ka edhe lirë edhe
mirë.
Poashtu, kemi edhe marrëveshje me Malin e Zi. Kemi zhvilluar edhe takime për rrugën e
rëndësishme për kombin shqiptar, për Kosovën, për Malin e Zi, që e lidh Pejën me Rozhajën.
Jemi optimistë dhe do të ecim sa më shpejtë përpara, për këtë aks kaq të rëndësishëm për
ekonominë, tregtinë dhe kulturën.
Projekti “Turizmi i Aventurës” është një tjetër gur i çmuar në kurorën e investimeve tona. Peja
është një thesar natyror, dhe përmes zhvillimit të infrastrukturës turistike, synojmë ta bëjmë këtë
qytet një destinacion të njohur ndërkombëtar për turizmin e aventurës, duke tërhequr më shumë
vizitorë dhe duke fuqizuar ekonominë lokale.
Gjatë këtyre katër vjetëve të mandatit tonë Peja i ka të regjistruar afër 400 mijë vizitorë. E në
mandatin tjetër, Peja do t’i ketë më shumë se 500 mijë vizitorë, sikurse Qeveria jonë që do t’i
ketë 500 mijë zemra nga secili skaj i Kosovës, për Republikë cep më cep.
Të dashur qytetarë të Pejës,
Solidariteti është politikë etike dhe është etikë në politik. Ne jemi dëshmuar solidar, si brenda
ashtu edhe jashtë vendit. Kemi pasur Pakon më të madhe për përballje me Inflacion dhe krizë
energjetike në të gjithë rajonin e Ballkanit, si përqindje e Bruto Produktit Vendor sipas raportit të
Bankës Botërore.
Kemi shpërblyer ata që kanë kursyer energji, kemi mbështetur nënat lehona, pensionistët,
fëmijët, studentët, pa dallim e gjithandej.
Ndërkaq nga pranimi i refugjatëve prej Afganistanit, e deri tek strehimi i gazetarëve nga Ukraina,
kemi dëshmuar humanitetin tonë, si shtet e si popull dhe besnikrinë tonë ndaj aleatëve e
partnerëve tonë ndërkombëtar.
Po, gjithandej në Kosovë e posaqërisht në veri të Kosovës, shtetit i kemi shtu sovranitet, territorit
i kemi shtu integritet, popullsisë i kemi shtu siguri, vendit atje i kemi shtu paqe. Kemi vendosë
ligjshmëri, kushtetutshmëri, jemi përballë me struktura paralele e me banda kriminale. Ata kanë
provuar të na destabilizojnë e të na cenojnë po sa herë që kanë provuar ata, ata kanë dështuar e

ne kemi fituar. Ne këtë nuk e kemi bërë kundër serbëve, po e kemi bërë kundër Serbisë sepse ajo
është kundër Kosovës dhe kombit tonë.
Gjatë mandatit tonë, në polici të Kosovës i kemi shtuar 2,452 zyrtarë gjithsej, prej të cilëve mbi
6% i takojnë pakicave të Kosovës, përveç asaj serbe. E pakicës serbe i takojnë 8% e kadetëve të
ri në policinë e Kosovës. Në këtë mënyrë ne kemi treguar që jemi kundër bashkëngjitjes së
strukturave paralele kriminale, e për integrimin e vërtetë të serbëve që e respektojnë ligjin dhe
gjithashtu e pranojnë Republikën e Kosovës.
Në veri të Kosovës veç vitin e kaluar janë hapur mbi 300 biznese dhe me qindra serb i kemi
punësuar dhe ata janë falenderues ndaj Qeverisë, shtetit dhe policisë së Kosovës. Andaj, nuk ka
se si të mos çuditemi kur dëgjojmë nga udhëheqja e LDK-së, se policia e Kosovës, Kryeministri i
Republikës, institucionet e shtetit tonë, na qenkan si Serbia e Millosheviqit. Por, këtu siç e dini
edhe ju vetë, LDKyhi dhe PDKyhi janë bashkë në koalicion. Ata mund të jenë nostalgjik për të
kaluarën kur kanë keqqeverisë bashkë por nuk mund të jenë më ëndrrimtar që kjo përsëritet në të
ardhmen, sepse e ardhmja është e numrit 118, e koalicionit VETËVENDOSJE!, Guxo,
Alternativa, e ardhmja është e Pejës, e ardhmja është e Kosovës, e ardhmja është e Republikës, e
gjithë qytetarëve Cep më Cep. 
Prandaj, kur na rastis të ndëgjojmë ndonjë udhëheqës të LDKyhit që thotë që po i pëlqen populli
apo që populli ka simpati për ta, kjo mua mi ngjan asaj mizës që thoshte “kudo që po shkoj po
më presin me duartrokitje”. Pra, kur ata thonë që populli po i pëlqen ata është si ajo miza që
lavdohej që njerëzit po e presin me duartrokitje. E ju e dini shumë mirë se me ato duar që
duartrokasin çfarë janë duke provuar ti bëjnë asaj mize.
Të dashur qytetarë të Pejës,
Ne brezi ynë ndodhemi midis dëshmorëve në varre dhe fëmijëve në djep. Shtetin e kemi më së
shumti prej dëshmorëve, ata e kanë bërë pjesën më të madhe e kryesore të punës, e neve që na ka
mbetur një pjesë më e vogël e punës, por jo më pak e rëndësishme, shtetin duhet ta kemi më së
pari për të rinjtë, për fëmijët. Pra, për një shtet që i mirëmban idealet dhe amanetin e dëshmorëve
dhe i realizon dëshirat e rinisë e ëndrrat e fëmijëve, më 9 shkurt dilni masivisht në zgjedhje.
Zgjedhni VETËVENDOSJEN!, koalicionin me Guxo e Alternativën, numrin 118 dhe vazhdoni
progresin tonë të përbashkët në ekonomi, në politikë, në shtet, në kulturë, në shëndetësi, në
arsim, e çdo fushë të jetës e punës sonë shoqërore.
Me tradita, kulturë dhe histori të pasur, Peja ka qenë gjithmonë qendër e rezistencës dhe burim i
krenarisë kombëtare. Ta vazhdojmë këtë trashëgimi, për ta ndërtuar bashkë të ardhmen që qyteti
juaj e meriton e Republika jonë e meriton.
Poeti juaj, poeti jonë, Azem Shkreli me vargje te urta na kujton, po e citoj: “Me folë pa hile me
mikun” e “Me ndezë kandila të fikun”. E që gjithmonë me “mat me dorë në zemër”. Andaj, me
dorë në zemër, në 500 mijë zemra të përbashkohemi te numri i fitores 118!  

Prandaj, unë ju pyes ju qytetarë të Pejës a do të votoni me 9 shkurt? A do ta votoni Lëvizjen
VETËVENDOSJE!? A do ta votoni partinë Guxo? A do ta votoni partinë Alternativa? A do ta
votoni numrin 118? A e doni Pejën? A e doni Kosovën? A e doni Republikën? A e doni
shqiptarinë? Urime fitorja!

Zhvillim cep më cep! Sovranitet cep më cep! Integritet cep më cep! Veç a e dini çka nuk po
mundemi me bë cep më cep, nuk po mundemi me bë një fotografi që ju përthekon cep më cep.
Të dashur qytetarë të Prizrenit,
Kjo është toka jonë, të parët na e kanë lënë, kush të mos na e preki se vdesim te tanë.
Kështu kanë kënduar delegatët e Lidhjes nëpër rrugët e Prizrenit në vitin e largët 1878, misionin
e vizionin e tyre. E për 3 vjet kismet do të festojmë 150 vjetorin e kësaj ngjarje e cila shënon
momentin e lindjes së kombit modern shqiptar. Kismet pas 3 vitesh do të bëjmë një festë të
madhe për ditëlindjen e kombit tonë, më të vjetrit në Gadishullin tonë, e i cili që nga ajo kohë ka
lyp vendin e vet të barabartë në mesin e popujve të Evropës së qytetruar. Në histori ne kurrë nuk
kemi luftuar për të zabtuar toka të huaja, mirëpo qysh nga Lidhja ne kurrë nuk e kemi ndal luftën
për tokat tona. Në dy shekujt e kaluar na patë rënë hise ky fat i keq, mirëpo gjërat kanë ndryshuar
krejtësisht me fillimin e këtij shekulli të ri, shekulli XXI na takon ne.
Të dashur qytetarë në Prizren më të bukrin vend, është një këngë tjetër që i këndohet këtij qyteti
ku ruhet historia e gadishullit tonë. Në këtë qytet ruhen krejt dinet e imanet, krejt gjuhët dhe krejt
fetë e popujve të Ballkanit, kala, shtëpitë xhamitë, kishat e hamamet nga krejt periudhat e
ndryshme të cilivizimit, krejt shtresat e historisë këtu palohen mbi njëra tjetrën si askund tjetër.
E pra, krejt i ka Prizreni, edhe malet e larta ku ngjizet djathi me kobëza, edhe fushat e ulëta ku
gatuhet ajvari, edhe vreshtat e verës edhe krejt ujin e dynjasë. Për këtë Prizreni është i bukur,
prandaj, bukur mirë po e lidhim Prizrenin. Nuk po e di sa jeni në dijeni, por lart aty në malet e
Sharrit, Qeveria jonë veç ja ka nisë rrugës për Tetovë. Kismet po planifikojmë që për atë festë të
madhe që do ta shënojmë pas tre vitesh, një pjesë të mysafirëve që na vijnë me i çu edhe nëpër
bujtinat e Tetovës, se veç në këto tonat frikohem që nuk na i zënë. E këta mysafirë me i përcjell
në mbrëmje, për 40 minuta në Tetovë, asnjë mysafiri nuk i mbetet hatri.
Prizreni është qyteti i Lidhjes së Prizrenit, qyteti i Shoqërisë Kulturore Agimi, i Zambakut të
Prizrenit, i shkollës së parë shqipe, i radios dhe gazetës Rilindja, i Dokufestit, kryeqytet i
kulturës, kryeqytet i fundjavës, muzikës, muzeve, e i artit. Prizreni juaj dhe Prizreni ynë i dashur
për të gjithë është kryeqytet i furrtarëve nga Hasi, i ëmbëltorëve gorane, i peshkatarëve nga
Kukësi, i bujqve nga Anadrini, i pekmezit të Rahovecit apo edhe pekmezit të dardhave të
Suharekës.
Të nderuar të pranishëm, të dashur pjesëmarrës, me 9 shkurt, votojmë për të ardhmen, votojmë
për punëtorin e për bujkun, votojmë për studentin, profesorin, mësuesin, arsimtarin, votojmë për
mjekun, për inxhinierin, votojmë për pensionistin, votojmë për menaxherin e për pronarin,
votojmë për nënat e fëmijët, votojmë për veteranët e për invalidët, votojmë për përparimin,
votojmë numrin 118, votojmë Lëvizjen VETËVENDOSJE!, partinë Guxo, partinë Alternativa,
gjithandej Prizrenit e cep më cep Kosovës, votojmë për fitoren e Republikës së zhvilluar e të
sigurtë, me mirëqenie për familjet e me sovranitet për shtet. Prandaj, thërrisni e flisni me të

gjithë, me çdonjërin, mos pushoni asnjë ditë, punoni shumë, ditë e natë, natë e ditë, sepse erdhi
dita që të shohim shumë dritë. E shumë dritë që ndriçon të ardhmen për popullin dhe miqtë, dhe
shumë dritë që verbon kriminelët dhe armiqtë, e që na vjen, e që na sjell te 500 mijë zemrat që do
të rrahin porsi nji, të dielën e 9 shkurtit, me pulsin 118, me pulsin e atyre që ecin shpejt e
punojnë shumë.
Të dashur qytetarë të Prizrenit, që nga pas luftës, Prizreni asnjëherë nuk ka qenë më i përfaqësuar
në nivelin qendror, si këto katër vite të mirëqeverisjes demokratike të Lëvizjes
VETËVENDOSJE!. Ne kishim një zëvendëskryeministre nga Prizreni, dy ministra nga Prizreni,
tre zëvendësministra nga Prizreni dhe pesë deputetë nga Prizreni. Në komunën e Prizrenit nga
qeverisja qendrore në total janë investuar 241 milionë euro, vit pas viti investimet në Prizren i
kemi rritur. Nga viti 2021 në 2024 investimet i kemi rritur për gati 1 të 3tën, nga afër 50 milionë
në vitin 2021, në mbi 63 milionë në vitin që lamë pas, 2024.
Spitali i Prizrenit mbulon zonën rajonale të dyten më të madhe në Kosovë për nga numri i
popullsisë pas kryeqytetit Prishtinës, si dhe ofron shërbime edhe për qytetarët e Shqipërisë nga
rrethi i Kukësit. Prandaj, krahas shërbimeve të reja që nisën gjatë këtij mandati, si ajo e
rezonancës magnetike, një nga tri rezonancat në mandatin tonë, dhe 20 vjet me parë ishin vetëm
2 rezonanca, e këto tri rezonanca ishin në spitalin e Pejës, spitalin e Prizrenit dhe në Klinikën
Pedriatrike të Qendrës Klinike Universitare të Kosovës. Pra, edhe investime të cilat po vijojnë në
renovimin e plotë të repartave, në barnatoren qendrore dhe në depon e barnave, dhe shërbime të
reja moderne që po shtohen, në mandatin tjetër me investime që do t’i bëjmë aty në spitalin e
Prizrenit, ai do të jetë spital model për Kosovën e rajonin më gjërë.
Në rajonin e Prizrenit i kemi asfaltuar për më pak se 4 vjet, më shumë se 100 km rrugë. Por në
Prizren e kemi një projekt shumë për zemër. Është projekti që ka entuziazmin tonë më të madh e
vëmendjen tonë më të lartë, rruga Prizren – Tetovë. Me këtë rrugë ne vendosim drejtësi historike
ndaj një padrejtësie gjeografike. Malet i kemi për të na mbrojtur, jo për të na ndarë. Punimet për
rrugën që lidh Prizrenin me Tetovën, Kosovën me Maqedonin e Veriut, shqiptarët në të dyjat
anët e kufirit, kanë filluar dhe po ecin me shpejtësi. Vlera e gjithmbarshme e projektit llogaritet
të jetë rreth 200 milionë euro. Tuneli pritet të kushtojë rreth 150 milionë euro. Me Qeverinë e
Maqedonisë së Veriut kemi marrëveshjen për financimin dhe projektimin e tunelit. Tuneli do të i
bie mes për mes malit të Vërtopit. Ai do të jetë i gjatë gati 6.5 km dhe do të jetë edhe më i gjatë
se tuneli i Kalimashit, për përafërsisht 600m.
Rritja ekonomike e këtyre katër vjetëve, që është e paparë, jo vetëm në Kosovën e pavarur, jo
vetëm në Kosoven e çliruar, por edhe në rajon, nuk është ngecur tek shteti por është shpërndarë
te shoqëria.
Me shtesa për nënat lehona e fëmijët, në komunën e Prizrenit kanë përfituar, mbi 38 mijë fëmijë
e gati 6 mijë nëna lehona, që përafërsisht i bie sa krejt komuna e Malishevëssa ka banorë. Në
komunën e Prizrenit, fshtrave cep më cep, i kemi mbështetur mbi 4100 bujq e fermerë, me afër
11 milionë euro subvencione dhe grante. Rreth 3100 familje kanë përfituar subvecione për
blerjen e paisjeve efikase për ngrohje me vlerë prej 1.4 milionë euro, dhe 140 familje nga
Prizreni kanë përfituar për izolimin e shtëpive të tyre me një vlerë prej gjysmë milioni euro.

Mbi 2 milionë euro për mbi 80 biznese përfituese nga skemat për makineri, certifikim, artizanatë
dhe inovacion, dhe shumë ndërmarrje nga Prizreni me mbështetjen tonë kanë marrë pjesë në 32
panaire në vende të ndryshme të botës që i përkasin industrive ushqimore, përpunuese, si dhe në
turizëm.
Në Prizren e kemi edhe Parkun e Inovacionit e Trajnimit. 2 milionë euro i kemi ndarë për këtë
park në mandatin e parë, e në mandatin e dytë e kemi trefishuar mbështetjen financiare për ITP.
Pra, kemi mbështetur shoqërinë, kemi mbështetur sektorin privat, kemi mbështetur ndërmarrjet
publike. Por, a i keni dëgjuar të dashur qytetarë të Prizrenit, altoparlantët e oligarevë kur thonë
VETËVENDOSJE! nuk po e mbështet biznesin. Hajde rren, hajde.
Në katër vjet qeverisje, rritja mesatare ekonomike ishte 6%, asnjëherë pa ra nën 4%. Duhet të
jesh fort i kufizuar me dije, të besosh se nuk ja ka pa hajrin biznesi kësaj rritje të qëndrueshme.
Por edhe krejt sikur i padijshëm të jesh, megjithatë nuk mund të mos e kuptosh, se përmirësimi i
raportit eksport-import, nga 1 me 9 në 1 me 6, siç ka ndodhur në qeverinë tonë, nuk mund të
realizohet pa forcim të biznesit vendor, pa zgjërim të prodhuesve vendorë. Investimet direkte nga
jashtë gjatë qeverisjes sonë kanë qenë 2.3 herë më të larta sesa të qeverive të kaluara. Qarkullimi
i bizneseve kosovare është rritur nga 12.5 miliardë në 22 miliardë euro, ndërkaq në qeverinë e
atyre, kishte kontrabandë që nuk bëhet më, kriminalitet që është ndalur e ndaluar dhe gjithashtu
keqfunksionim të institucioneve, që na e solli përtokë imazhin e vendit jashtë në arenën
ndërkombëtare. Prandaj, rritja e eksporteve, rritja e investimeve, rritja e punësimit, rritja e
ekonomisë, rritja e buxhetit, rritja e shtesave, rritja e pensioneve, që të gjitha këto tregojnë, që
biznesi, me qeverinë tonë, po shkon zjarr, po punon dhe po rritet.
Mirëpo, të dashur qytetarë të Prizrenit, korporata Devolli, 62.6 milionë euro, ja ka zhvatur
Telekomit të Kosovës, që do të thotë se secilit prej jush, secilit qytetar të Kosovës, ja ka marrë
përafërsisht 40 euro. Andaj, unë kërkoj përsëri, nga pronari i korporatës Devolli, t’ia kthejë
menjëherë Telekomit Kosovës 62.6 milionë euro, dhe t’iu kërkojë falje për arbitrazhin e kurdisur.
Malli i huj, nuk bëhët i yti. Shtetin tënd, s’bën me vjedh. Ktheni paret, fitoni shëlbim e shpagim.
Ku është Z-Mobile sot? Zyrtarisht Z-Mobile vetem një të punësuar e ka, sepse nuk ju duhen më
meqë e kanë kry plaçkitjen. E krerët e prokurorisë, qartazi kanë vdek për së gjalli. Na duhet
doemos, me doemos, na nevojitet, një kryeprokuror i ri, profesionist, patriot, i ndershëm. Të
dashur qytetarë të Prizrenit, bandat e Serbisë dikur pasuroheshin në veri, e këta oligarkët
pasuroheshin në arbitrazhe ndërkombëtare. Të dy grupet kundër Kosovës. Tash shtrohet pyetja: a
me koordinim, a pa koordinim? Bandat i shporëm dhe i shpartalluam, kurse këtyre edhe njëherë
po i bëjmë kërkesë publike që menjëherë t’i kthejnë 62.6 milionë euro te Telekomi i Kosovës.
Të dashur qytetarë të Prizrenit, VETËVENDOSJE! është lëvizje. Esat Mekuli e ka një varg
fantastik,thotë: “Njeriu asht lëvizje e pandalshme, klithmë gjaku që vlon”. E këtu në mesin tuaj,
sonte i kemi këtu bashkë, axhën Avni e tezen Xhemile. Astriti e Arbënori nuk janë më fizikisht
me ne, por shpirti i tyre rron sepse shpirti i tyre na bashkon, sonte në Prizren dhe çdo ditë
anembanë Kosovës dhe cep më cep të shqiptarisë. Prandaj, për lëvizjen tonë, për
VETËVENDOSJE!, për Ushtrinë Clirimtare të Kosovës, për Republikën e pavarur, për kombin
shqiptar, buxhetin për ushtrinë që na mbron, e kemi rritur tre herë. Tre herë më shumë sesa ka
qenë në qeveritë e kaluara. Trajnimet për ushtarët i kemi rritur katër herë, katër herë më shumë

se në qeveritë e kaluara. Numrin e ushtarëve, e kemi dyfishuar, ndërkaq armatimin e municionet,
i kemi shumëfishuar. Tash dy vjet, Kosova ka arritur standardin buxhetor të vendeve të NATO-s,
pra shpenzon ma shumë se 2%, të bruto produktit vendor për ushtrinë, dhe këtë ne do të
vazhdojmë ta rrisim edhe më tej. Te shumëfishimi i investimeve në armatim, duhet përmendur
veç një fakt; Për vitet 2018-2020, shpenzimet kanë qenë më pak se katër milionë euro, e për vitet
2021 deri në vitin e kaluar, shpenzimet kanë arritur më shumë se 319 milionë euro. Kemi marrë
armatimin më modern, Bayraktarët luftarakë nga Turqia e Javelinët anti-tank nga Amerika. E në
këtë javë na erdhi edhe konfirmimi nga Shtetet e Bashkuara të Amerikës për helikopterët
amerikanë Black Hawks, që do t’i bashkohen flotës së ushtrisë së Kosovës, Forcës së Sigurisë së
Kosovës. E pra të dashur prizrenas, kështu realizohet ma në fund rezoluta e Lidhjes së Prizrenit.
Kështu bëhet realitet ruajtja e tokave dhe trojeve tona. Kështu e këtu, atdhedashuria tregohet. Ata
tjerët, që mburren me muskuj, me reklama dhe me pallavra, ushtrinë tonë e dobësuan dhe e
vodhën. Ne e rritëm dhe e forcuam sovranitetin e Kosovës, dhe ushtrinë e Kosovës, dhe do të
vazhdojmë ta rrisim, ta forcojmë, me ndihmën e me përkrahjen tuaj, e me qeverinë tonë e tuajën.
Të dashur qytetarë të Prizrenit, barazia edhe drejtësia e bëjnë rritjen zhvillim dhe zhvillimin
progres. Kush punon, fiton; kush fiton, investon; kush investon, punëson; kush punëson, fiton
edhe më shumë. Kjo është Qeveria jonë! Prandaj, me datën 9 shkurt, gishtin në kokë dhe dorën
në zemër, voto këtë numër e këtë emër – numri 118, emri VETËVENDOSJE!.
118, 118…. është zgjidhja dhe zgjedhja e vërtetë për Prizrenin dhe, cep më cep, për Kosoven!
Të dashur qytetarë të Prizrenit, të nderuar të pranishëm, me 9 shkurt, mos e zgjatni fort. Numri
118, koalicioni VETËVENDOSJE!, Guxo, Alternativa, 110 kandidatët secili ma i mirë se tjetri,
dhe këta bashkë lista më e mirë që e keni pa, dëgju e lexu, jo veç në Kosovën e pavarur por që
nga çlirimi para çerekshekulli. Andaj të jeni të sigurt, që njetin e kemi të mirë, hyzmetin po e
bëjmë, ymytin e kemi të madh, e me kismet, me 9 shkurt lezet dhe selamet, cep më cep! E për
opozitën, hajmedet!
Faleminderit shumë, faleminderit përzemërsisht. Ju dua fort! Mirupafshim dhe natën e mirë!

Kryetari Aliu, doktor Qemajli, sot në Shtime më ka pritur me 118 anëtarësime të reja në Lëvizjen
VETËVENDOSJE! Dhe, kur i takova këta të rinj, e këto të reja, 118 gjithsej, që posa u
anëtarësuan sot në VETËVENDOSJE!, njëri prej tyre tha që na e kemi pulsin e zemrës 118.
Është e vërtetë që pulsi 118 është i lartë, por ata që ecin shpejt e punojnë shumë, e kanë pulsin e
lartë të zemrës, 118!
Ju faleminderit shumë, të dashur qytetarë të Shtimes, për këtë mikpritje kaq të ngrohtë e kaq të
përzemërt, që na e ka sjellë verën në dimër, se duhet ta përshpejtojmë pranverën, e sivjet ajo
fillon me 9 shkurt, e jo me 21 mars!
Unë ju jam shumë falënderues, e thellësisht mirënjohës për mbështetjen, përkrahjen, ndihmën, e
solidaritetin që na e keni dhënë ndër shumë vite, jo vetëm qeverisë, por edhe Lëvizjes,
pavarësisht krizave e stuhive nëpër të cilat kemi kaluar, dhe e kemi dëshmuar që Shtimja është
një vendbanim i moçëm, ndër komunat më të vjetra të Kosovës, vend i ushtarëve në luftë, e i
punëtorëve në paqe që i ka qëndruar pranë gjithmonë Vetëvendosjes dhe qeverisë sonë të
Kosovës, dhe e cila do t’ju qëndrojë gjithmonë pranë juve, për një jetë më të mirë, pa dallim, pa
diskriminim, pa favorizime, e pa privilegje për askënd.

Po pra, Shtimja është komunë e Ushtrisë Çlirimtare të Kosovës, sepse vetëm në luftën e fundit
çlirimtare, Shtimja i dha 51 dëshmorë, e 87 martirë. Qeveria e Republikës, me mua si
kryeministër, me grupin tonë parlamentar, me kolegët nga qeveria, me Lëvizjen Vetëvendosje,
jemi munduar me krejt çfarë kemi ditur e mundur, që në një anë t’i qëndrojmë besnik idealeve e
amaneteve të dëshmorëve, e në anën tjetër t’i realizojmë sa më shumë, e sa më shpejt dëshirat e
rinisë, e ëndrrat e fëmijëve të atdheut tonë të dashur. Prandaj, me qeverinë tonë, ia kemi rritur
bujkut arenë, punëtorit rrogën, ndërmarrësit fabrikën, studentëve bursën, e ushtarit pushkën!
Qeveria e Vetëvendosjes ia ktheu ekonomisë së vendit prodhimin bujqësor, tregtar e industrial.
Të moshuarve që kanë kontribuar aq shumë gjatë jetës së tyre për jetën tonë ua rriti pensionet,
veteranëve e invalidëve të luftës ua rriti benefitet dhe përkrahjen institucionale shtetërore, kurse
këtyre institucioneve të shtetit ia ktheu historinë kombëtare, dhe lavdinë e luftës çlirimtare.
Ky pra është shteti që e duam, sepse na duhet, që na duhet sepse e duam. Shteti i cili është i
domosdoshëm, për brezin tonë, për zhvillim, për mbrojtje, për siguri, për mirëqenie, por edhe për
brezat që do të vijnë, të rinisë, të fëmijëve, e madje edhe të fëmijëve që ende s’kanë lindur e ndaj
të cilëve poashtu ne kemi përgjegjësi, dhe duhet të jemi në nivel të detyrës kombëtare e historike.
E ky shtet është shtet solidar që kujdeset për të gjithë, pavarësisht prej nga vijnë njerëzit e ku
jetojnë qytetarët. Një shtet solidar mes të rinjve e të moshuarve, mes burave e grave, mes brezit
tonë e gjeneratave të ardhshme, me kujdes për ambientin, për borxhin publik, për edukimin e
shëndetësinë, që të gjithëve u jep mundësi të barabarta për zhvillim, e cili nuk lë askënd mbrapa,
por harton politika që rrisin punësimin, rrisin pagat dhe rrisin mirëqenien për të gjithë. Këta jemi
ne pra, e numri jonë është 118, e data jonë e fitores është 9 shkurti, e katër vjet të reja zgjatje të
qeverisjes sonë na presin pas atyre zgjedhjeve me të cilat ne do të shënojmë fitore historike,
rekord të paparë me 500 mijë zemra që do të rrahin por si një!

Me Qeverinë tonë qendrore, e me qeverisjen tuaj lokale, komuna e Shtimes e ka observatorin dhe
planetariumin kombëtar të parë e të vetëm në Kosovë, me teleskopin më të madh diellor në krejt
Europën Lindore, dhe i ftoj të gjithë qytetarët e Shtimes që tashmë nuk e kanë bërë këtë, dhe i
ftoj të gjithë qytetarët e Kosovës që tashmë nuk e kanë bërë këtë, bashkë me fëmijët e tyre ta
vizitojnë observatorin dhe planetariumin, sepse aty krijojnë përvoja unike dhe mësojnë për
qenien, e natyrën, e qiellësinë si askund tjetër në atdheun tonë, Kosovën Republikë.
Me qeverinë tonë qendrore, e me qeverisjen tuaj lokale, komuna e Shtimes tashmë ka bibliotekën
e qytetit, sepse e kemi një qeverisje lokale që i do librat dhe i do njerëzit që i duan librat.
Shtimen e kemi gjetur vetëm me një qerdhe për fëmijë, pra, 20 vjet një qerdhe. Në katër vitet
tona, po ia shtojmë Shtimes edhe 4 qerdhe të reja. Qerdhja në Muzeqinë ka përfunduar dhe ka
filluar punën për 40 fëmijë, qerdhja në Godan ka përfunduar ndërtimin, dhe shumë shpejt do të
hapet. Qerdhja në Shtime është renovuar totalisht, dhe gjithashtu shumë shpejt do të përurohet,
kurse këtë muaj do të hedhim gurthemelin për qerdhën e re në Petrovë. Të trija këto qerdhe për
60 fëmijë secila, e në plan është edhe një qerdhe tjetër në fshatin Carralevë.
Në mandatin tonë të radhës, në mandatin tonë të ardhshëm, në katër vitet në vijim që menxi po
na presin, ka edhe shumë punë, sepse ka edhe shumë projekte për komunën e Shtimes. Ndërtimi i
kompleksit memorial të masakrës Reçakut, i dyti në vend pas atij për epopenë e UÇK-së, për
kryekomandantin Adem Jashari në Prekaz.
Do ta vazhdojmë autostradën Duhël – Shtime – Banullë me gjatësi 31 kilometra. Dy vjet bëhen
përgatitjet, vitin tjetër fillon puna në terren. Ky projekt ka prioritet të lartë në qeverinë tonë,
sepse praktikisht është nyja që i lidh 3 autostrada: Ibrahim Rugova, Arbën Xhaferi dhe
autostrada e Gjilanit, duke e funksionalizuar kështu tërësisht rrjetin e autostradave në vendin
tonë. Tjetra, ndërtimi i Qendrës së Mjekësisë Familjare, investim rreth 3 milion euro, dhe
ndërtimi i Entit Special të Shtimes, investim prej 6 milion euro, e gurthemelin do ta vendosim së
shpejti së bashku. Pastaj, renovimi i parkut teknologjik me kontratë 170,000 euro, që tani më
është duke u bërë, si dhe ndërtimi i nënstacionit të transmisionit 110 KW, zgjidhje e problemeve
me ngarkesën e energjisë elektrike.
Të dashur qytetarë të Shtimes, të nderuar të pranishëm, në ato 2 dekadat e pasluftës kishim
politikanë që defiluan për pushtet, që e kishin pushtetin sfilatë. Atyre u ka rënë zilja!
Atyre u ka rënë zilja pa kthim, koha e tyre ka ikur, afati i tyre ka skaduar. Faleminderit kush i ra
ziles, e të e parashikonte fjalimin tim. Këta që defilonin në pushtet, e pushtetin e kishin sfilatë,
disa prej tyre nuk kishin mend, disa prej tyre nuk kishin zemër, e jo pak prej tyre as mend, as
zemër. E ne, në këto 4 vjet, me mend kemi planifikuar, e me zemër kemi realizuar. Pas luftës, mu
këto parti që tash janë në opozitë e paraqesin ish-qeverinë, ish-ish-ish qeverinë, e ndanë dhe e
përçanë popullin. E këta që e ndanë dhe e përçanë popullin, u ka rënë zilja. Ne tash po e
bashkojmë popullin në Lëvizje. Faleminderit shumë për këtë bashkim të jashtëzakonshëm,
Lëvizjen tonë të përbashkët!

Me qeverisjen tonë, të gjithë që punojnë do të fitojnë. Gjithnjë e më shumë njerëz do të punojnë,
e gjithnjë e më shumë do të fitojnë. E kur të themelohet byroja për konfiskimin e pasurisë së
pajustifikueshme, politikanët e korruptuar edhe do t’i nxjerrim në pension të dinjitetshëm, edhe

do t’ua konfiskojmë pasurinë e paligjshme, edhe Prokuroria dhe Gjykata e re e shtetit do të
merret me ta, sepse viktimat kërkojnë drejtësi!
Korrupsioni i tyre, të dashur Shtimjanë, na e ka vlerësuar shtetin tonë. Por, përkundër këtij
zgjerimi që ata e kanë bërë për 2 dekada, mirëqeverisja jonë për vetëm 4 vjet e ka lartësuar
shtetin lartë si asnjëherë më parë, në lartësi të paparë, si ekonomi e si buxhet, si pasaportë e si
sovranitet.
Me qeverisjen tonë, kemi dyfishuar numrin e ushtarëve, kemi trefishuar buxhetin për mbrojtje,
kemi katërfishuar trajnimet e ushtarëve jashtë vendit, dhe kemi qindfishuar buxhetin dhe
shpenzimet për armatim dhe municion. Me qeverisjen tonë, policisë kompetente, profesionale,
me integritet të Republikës së Kosovës, ja kemi rritur buxhetin për 66%. Në këto katër vite, rreth
kufirit me Serbinë, veri, kemi 9 stacione të reja policore, të cilat na e mbrojnë vendin, paqen,
sigurinë, ligjshmërinë, kushtetutshmërinë, stabilitetin e vendit tonë të dashur.
Mbi 300 milion euro subvencione e grante për 118 mijë përfitues. Për herë të parë, në vitin 2024
kemi më shumë kërkesa prej bujqve e fermerëve që të punojnë tokën si asnjëherë më parë, dhe si
rezultat kemi 50% më shumë tokë të punuar sesa në vitin e parë parapandemik 2019. Buka jonë,
në sofrën tonë, nga toka jonë, me Ministrinë e Bujqësisë, Zhvillimit Rural e Pylltarisë që e
udhëheq kryetari, bashkëkryetari i partisë Guxo me të cilin ne jemi në koalicion, Faton Peci.
Dhe, përveç me partinë Guxo, jemi në koalicion edhe me partinë Alternativa që e udhëheq
Mimoza Kusari Lila. Koalicioni ynë është dëshmi që ne jemi bashkë, koalicioni ynë është
dëshmi që ata janë të ndarë, po ndarjeve e përçarjeve u ka kaluar koha, tash jemi në kohën e
bashkimit e të fitoreve të numrit 118, me datën 9 shkurt, cep më cep të Shtimes dhe Republikës
së Kosovës.

Në këto 4 vjet qeverisje, i kemi ndarë mbi 15 milion euro për mbi 11 mijë bursa për studentët
tanë. Përveç se e kemi bërë arsimin publik në çdo nivel, edhe universitar, bachelor e master pa
pagesë. Arsimit ia kemi rritur buxhetin gati 30%, ndërkaq shëndetësisë 50%. Tash, lista e
barnave esenciale ka shumë barna të reja, dhe buxhet gati trefish sa që kishte në vitin 2019.
Ndërkaq, mbrëmë, cilido mjek specialist në Republikën e Kosovës, që ka kujdestaruar 24 orë, i
ka marrë 285 euro. Pra, mjekët specialistë, infermierët janë në fokus të mbështetjes së qeverisë
sonë.
Prandaj, kur kemi parasysh punët e mbara e të mira që i kemi bërë bashkë në këto 4 vjet, le të
vazhdojmë bashkëqeverisjen edhe për 4 vjet tjera. Në Shtime e në Kosovë, në Kosovë e në
Shtime, ashtu që kur votat numërohen më 9 shkurt, të dielën e 9 shkurtit, pra sonte 3 javë, e kur
ta shpallin fitoren, dijeni se ju jeni më meritore, pa juve nuk ka progres, pa juve nuk ka fitim. Ju
jeni populli që e bëni Kosovën shtet sovran dhe Kosova është ajo që ju bën juve qytetarë të
Republikës.
Votoni më 9 shkurt numrin 118 për veten tuaj, për familjet tuaja, dhe për të mirën tonë të
përbashkët! E kryetar Aliu, doktor Qemajl, sot 3 javë votojmë bashkë, fitojmë bashkë, por siç e
ke organizuar këtë tubim madhështor sot, sot 3 javë, sonte 3 javë na e organizo tubimin tjetër
festiv, sepse pas fitores së përbashkët, e kemi festën e përbashkët. Festën e Lëvizjes
Vetëvendosje dhe të fitores së numrit 118!
E tash, qytetarë të Shtimes, pas kësaj pasdite të shkëlqyeshme që e kalova në komunën tuaj të
mrekullueshme, ne duhet të vazhdojmë me kandidatët tanë për Ferizaj.

Atje e kemi në sallën Bill Clinton tubimin e radhës. E kur të na pyesin atje, a e ka Shtimja pulsin
e zemrës 118, çka t’u themi ne? Sot 3 javë, të dielën e 9 shkurtit në Shtime, a po fiton numri 118,
çka t’u themi ne? Më 9 shkurt, në zgjedhje të rregullta e parlamentare, kush do të votohet anë e
mbanë, anë e kënd, gjithandej Shtimes dhe cep më cep të Republikës së Kosovës? A do t’i bëjmë
500 mijë zemra që rrahin por si një?
Faleminderit shumë, urime fitorja! Jua dua fort, përzemërsisht, natën e mirë e mirupafshim!

Dy zemra t’i kisha pasë, dyjat t’i kisha falë Mitrovicë.
Mirë se ju gjej këtu në qytetin e Isë Boletinit e të Hasan Prishtinës.
Mirë se ju gjej në Mitrovicën e Trepçës, të Ibrit e të Sitnicës.
Në këtë qytet të njerëzve të dashur, puntorë, patriotë të mëdhenj që kanë dhënë aq shumë për
Kosovën dhe Shqiptarinë, jo vetëm të luftarëve nga e kaluara, por edhe të dëshmorëve të luftës së
fundit si Mehë Uka, Artim Jashari, Fatime Hetemi, Shemsi Ahmeti, Xhevat Jusufi, Agim Sadiku,
Agim Ramadani e Adem Trepcca.
Mirë se ju gjejmë edhe në Mitrovicën e UÇK-së. E në Mitrovicën e veprimtarëve të pa epur, të
vrarë gjatë luftës së fundit në Kosovë si Latif Berisha dhe Agim Hajrizi e të këngëtarit martir,
Haki Misini.
Të nderuar të pranishëm, më lejoni të përshëndes shtatë kryetarë që i kemi këtu në rreshtin e parë në këtë tubim madhështor në Mitrovicë. Kryetarin e Kuvendit të Republikës së Kosovës Glauk Konjufcën,
bashkë kryetarët e partisë “Guxo”, Donika Gërvallën dhe Faton Peci. Kryetaren e partisë
“Alternativa” Mimoza Kusari, dhe dy kryetarë fort të veçantë që i kemi fort për zemër, Erden
Atiqi nga veriu i Mitrovicës dhe Lulzim Hetemi nga Leposaviqi.
Të dashur qytetarë, ne e mbrojmë vendin tonë duke e dashur atë, e kush më mirë se ju e ka bërë këtë në këto 25 vitet e fundit. Përkundër vështirësive që keni kaluar, ju nuk keni rreshtur së dashuri qytetin tuaj,
Mitrovicën tonë. Duke e dashur e keni mbrojtur, ju falemnderit!
Bashkë e kemi dëshmuar se kushtetutshmëria dhe ligjshmëria në vendin tonë, sovraniteti, paqja
dhe rendi, e populli dhe Republika jonë nuk mund të mposhten asnjëherë nga askush.
Nuk ka më e nuk do të ketë kurrë më sundim të bandave kriminale, nuk ka më e nuk do të ketë
kurrë më qarkullim të targave ilegale, nuk ka më e nuk do të ketë kurrë më ngritje të barrikadave,
nuk ka më e nuk do të ketë kurrë më prodhim të kriptovalutave.
Fuqia e ligjit të drejtë në Republikën demokratike të Kosovës ngadhënjen gjithmonë, çdo kund,
cep më cep Mitrovicës e të Republikës së Kosovës. Gjatë këtyre më pak se katër vite, 65 km
rrugë të asfaltuara janë shtruar në veri, edhe 100 km tjera rrugë shtesë janë në proces e sipër. Në
veri të Ibrit janë regjistruar vetëm ne vitin që lamë pas 300 biznese te reja dhe qindra qytetarë
janë punësuar. Kush integrohet përfiton, kush respekton ligjin e mbështetë Qeveria.
Për këto katër vite, Qeverisë tonë e tuaj, ne i kemi shtuar gati dyfish më shumë vende pune sesa
këta tjerët para nesh për 8 vite. Për çdo vit të qeverisjes tonë ia kemi shtuar ekonomisë nga 1 miliardë euro, e atyre para neve iu nevojiteshin 3 vite për 1 miliardë. Prandaj, për rritje ekonomike jemi tri herë më të shpejtë se ata, e për rritje të punësimit gati katër herë më të shpejtë
se ata. Ne punojmë më shumë sepse ne punojmë shumë, ne ecim më shpejtë sepse ne ecim
shpejtë, ne jemi në lëvizje andaj zemra jonë rreh fort dhe pulsin në këtë fushatë e kemi 118. 500
mijë zemra tek ky numri 118 janë zgjidhja e vërtetë, janë fitorja Cep më Cep.
Të dashur qytetarë,
Vizitën sot në Mitrovicë e nisëm tek flotacioni i Trepçës. Trepça është ballafaquar me borxhe të
trashëguara rreth 20 milionë euro, uzurpim të pronës në jug e në veri, tendencë për t’i
përvetësuar rezervat e saj të plumbit e të zinkut dhe me keqadministrim të vazhdueshëm. Mirëpo.
miniera e Stantërgut vetëm në periudhën ndërmjet shtatorit dhe dhjetorit të vitit 2024 ka arritur
nxjerrje mujore të xehes 14 mijë deri në 15 mijë tonë xehe, rekord që nga paslufta. Kjo është
arritur në saje të përmirësimit të menaxhimit, rikthimit të punëtoreve në minierë dhe prodhim,
rikthimit të pronave dhe ndalimit të plaçkitjes së pasurisë së Trepçës nga uzurpatorë privat.
Përpjekja për përvetësim të rezervave është ndaluar dhe ndalur, dhe për këto tri vjet kemi
mbështetur si Qeveri e Republikës, Trepçën tonë e tuaj të dashur me mbi 30 milionë euro.
Qëllimi ynë është që Trepça të përfshihet në Fondin Sovran të Republikës së Kosovës, të
zgjerohet prodhimi përmes hapjes së punishteve të reja të nxjerrjes së xehes, dhe nga 250 mijë
tonë të nxjerrim rreth 500 mijë tonë, përmirësimi i procesit të flotimit të xehes dhe rikthimi i
industrisë së plumbit dhe të zinkut. Trepçës ia kemi kthyer edhe terminalin rajonal, të cilin ish
qeveritarët, ish ish ish qeveritarët e patën privatizuar.
Por, të dashur qytetarë të Mitrovicës, neve pra na duhet mandati i ri edhe për punishte të reja.
500 mijë vota me zemër për 500 mijë tonë xehe Trepcës kur t’i bashkohet Fondit Sovran të Republikës së Kosovës.
Të nderuar pjesëmarrës, Ndërmarrja Ibër – Lepenc 16 vjet ka operuar me humbje, vetëm në vitet 2016 – 2021 ka pësuar 22.3 milionë euro humbje. Me Qeverinë tonë ka filluar të dalë nga kriza e të fitojë 380 mijë euro fitim në vitin 2022, 632 mijë euro fitim në vitin 2023, dhe nga humbja prej 2.9 milionë euro në
vitin e parë të qeverisjes tonë në vitin 2021 për vetëm 3 vite e ka përmbyllur vitin 2024 me fitim
1.6 milion euro. Ndërmarrja Ibër – Lepenc e ka menaxhuar me sukses dëmin që na u shkaktua
nga sulmi terrorist i atyre që janë të orkestruar, dirixhuar e financuar nga Beogradi e Moska, dhe
përveç kësaj po e bën ndërmarrjën Ibër – Lepenc nga e cila varet edhe uji e ujitja për Kosovën
edhe energjia elektrike, shembull të suksesit se si qeveriset mirë me një ndërmarrje publike.
Në përgjithësi kur jemi zgjedhur para 4 viteve prej jush, 17 ndërmarrje publike qendrore i kemi
gjetur me humbje të gjithmbarshme 59 milionë euro, e në vitin 2024 17 ndërmarrjet publike
qendrore i kemi sjellë në fitimin në nivelin, në lartësinë 139.6 milionë euro. Pra, Qeveria jonë
edhe din edhe don edhe guxon. Ne nuk e kërkojmë thjeshtë atë që është e mundur, ne e bëjmë të
mundur atë që e kërkojmë, atë që kemi të drejtë, atë që e meritojmë, atë që na duhet.
Të dashur qytetarë të Mitrovicës,

Punët e mira, rezultatet e pamohueshme janë në çdo fushë. Në Mitrovicë dy çerdhe të reja, në
Iliridë ndërtim e sipër 480 mijë euro dhe po ashtu në Shipol. Investime në infrastrukturën e
arsimit para-universitar, në shkollat “Avdullah Shabani” në Iliridë, “Ismail Qemaili” në Bajr,
“Skënderbeu” në Paganicë dhe “Nonda Bulka” e “Aziz Sylejmani”. Kemi bërë investime
thelbësore në kampusin modern të Universitetit “Isa Boletini” në Mitrovicë, kemi rehabilituar
Qendrën e Kulturës, xhaminë e Maziqit, kemi renovuar dhe modernizuar stadiumin “Adem
Jashari” një nga projektet më të mëdha të Mitrovicës e me rëndësi jetike edhe për Lojërat Mesdhetare 2030. E kemi renovuar spitalin e pediatrisë në Mitrovicë dhe Qeveria po e mbështetë
rindërtimin e 200 shtëpive në Mitrovicën veriore e është në proces të përzgjedhjes së lokacioneve
për banim social në pjesën veriore të qytetit të Mitrovicës. Po ashtu, duhet theksuar rruga
Mitrovicë – Bajgorë – Podujevë, investim i madh që ka filluar e pritet të vazhdojë rehabilitimi.
Rruga është e rëndësisë thelbësore për lidhjen e Mitrovicës me Podujevën përmes Shalës së
Bajgorës. Mandej, rruga Bare – Selac, një rrugë e rëndësisë së posaçme për Shalën e Bajgorës,
rruga Maxherë – Dedi, rruga e Bistricës, Cerajës dhe Kushtovës së Vllahisë, rruga Suhodoll –
Vidimiriq – Zveqan, impianti i ujërave të zeza – projekt në vlerë mbi 30 milionë euro për
rehabilitim të ujësjellësit dhe ujërave të zeza si në Mitrovicë, ashtu edhe në Vushtrri.
Vlera e përgjithshme e projektit për rrugën Mitrovicë – Prishtinë, për rrugën Prishtinë –
Mitrovicë është 25 milionë euro. Projekti merreni me mend ka nisë në vitin 2009, ma shumë se
para 15 vjetëve, herë nuk bëhej shpronësimi, e herë nuk kryheshin punimet.
Mirëpo, tash që po flasim, ka përfunduar dhe është lëshuar për qarkullim segmenti i parë, i cili
shkon deri në hyrje të Vushtrrisë. Paralelisht janë zhvilluar punimet deri në Gojbulë, me gjatësi
rreth 4.2 km, e gjithashtu e kemi nënshkruar marrëveshjen edhe për segmentin nga Smrekonicë –
Mitrovicë me gjatësi 5 km. Në qershor parvjet, Ministria e ka rishpallur tenderin për ndërtimin e
rrugës dhe pas përzgjedhjes së operatorit ekonomik është nënshkruar kontrata me 5 shkurt 2024
me afat 1 vit për kryerjen e punimeve, pra deri me 5 shkurt 2025.
Ne 4 vjeçarin e ardhshëm, pas fitores sonë, të mbi gjysmë milioni zemrave, do të kemi
mbështetje deri 1 miliard për investime të mesme e të mëdha në ndërmarrje prodhuese, do të
kemi program multidimensional për turizmin, me investime deri në 500 milionë euro në
kompleksin turistik në Brezovicë, në partneritet me investitorët privatë.
Do ta kompletojmë infrastrukturën sportive, mbi 200 milionë euro për 20 stadiume në 18
komuna. Do ta përzgjedhim këtë pranverë përfundimisht dhe do të fillojmë sa më shpejt me
hekurudhën Prishtinë – Durrës, Kosovë – Shqipëri. Porti i thatë i Prishtinës me portin e ri të
Durrësit.
Do ta rrisim aktivitetin e gruas në ekonomi me një sërë masash, përfshirë edhe programin
Superpuna për gratë. Do ta rrisim harmoninë e kohezionin shoqëror përmes mbështetjes
financiare për gjyshet e gjyshërit që kujdesen për mbesat e nipërit e tyre nga mosha 1- 3 vjeç për
rastet kur punojnë të dy prindërit e fëmijëve.

Do të bëjmë investime të mëdha, gjithnjë e më të mëdha, në mbrojtje e funksionalizim të fabrikës
së municionit, por edhe për ndërmarrjet tjera nga fusha e ekonomisë ushtarake. Për vit do ta
mirëmbajmë e do ta rrisim mbështetjen e përkrahjen financiare për Sanxhakun e për Luginën.
Ferizajn e Gjilanin do t’i bëjmë me ngrohtore të re, e dyfishim të kapaciteteve të ngrohtores në
Prishtinë. Klinika të reja në Qendrën Klinike Universitare të Kosovës, spital të ri në Mitrovicë,
spital të ri në Ferizaj, Qendër Kryesore të Mjekësisë Familjare si në Fushë Kosovë, ashtu edhe në
Therandë.
Do ta bëjmë mbrojtjen efektive të infrastrukturës kritike të vendit, mbi 75 milionë euro për masa
të cilat bëjnë rritjen e efiçiencës në konsumin e energjisë dhe 10 profile të reja të mësimit dual që
e lidhin tregun e punës me arsimin profesional, ashtu që për çdo diplomë shkolle të kemi për të
rejat e të rinjtë tanë një vend pune.
Të dashur qytetarë të Mitrovicës, të dashur pjesëmarrës,
Njerëzit e shitur e patën vënë Kosovën në pazar politik dhe ekonomik. Qeveria jonë e ka nxjerr
Kosovën nga pazari dhe i ka nxjerr pazargjitë jashtë nga pushteti. E në këto zgjedhje të rregullta
parlamentare, zgjedhja e vërtetë është kur qytetarët vendosin vetë e për veten.
Kjo zgjedhje është zgjidhja, dhe ajo e ka numrin 118 të dielën e 9 shkurtit të motit 2025.
Premtimet e këtyre të tjerëve, premtimet e atyne të tjerëve, të dashur qytetarë, i ngjajnë hajnit që
don me ta vjedhë shpinë, por ta premton një bakshish.
Kur i dëgjoni ata duke ju premtuar dijeni që ata duan me ta lon bakshishin masi që ta vjedhin
shpinë. Por ka kaluar koha kur ata bëjnë sfilatë në pushtet e vjedhin shpinë e popullit. Opozita e
ka vendin më së shumti në opozitë.
Dhe a e dini pse ata nuk vijnë më dot në pushtet? Për shkak të popullit, për shkak të popullit që
kurrë nuk i shërbyen me nder e asnjëherë nuk e kuptuan tamam.
Për dallim prej tyre, aleancën me perëndimin Qeveria jonë e ka përdorur për ta forcuar ushtrinë,
për ta mbrojtur kufirin, për ta luftuar Serbinë, për t’i eliminuar strukturat paralele. Për këto ne e
kemi përdorur aleancën me perëndimin.
Forca e Sigurisë së Kosovës i ka dyfishuar ushtarët, e ka rrit tavanin e moshës nga 23 në 25 vjeç,
Forca e Sigurisë së Kosovës e ka hequr tavanin prej 5 mijë pjesëtarëve, e ka katërfishuar
trajnimet jashtë vendit, ja kemi trefishuar buxhetin mbrojes e e kemi shumëfishuar buxhetin për
armatim e municion, 319 milionë euro në Qeverisjen tonë. Kjo është aleanca jonë me
perëndimin, aleancë që na bën më të fortë, aleancë që na ngrit, na lartëson, na madhnon, na
fuqizon, na forcon ushtrinë tonë, ushtrinë e Republikës, ushtrinë e popullit – për këtë duhet
përdorur aleanca me perëndimin. Aleancën me perëndimin e kemi përdorur për bashkë-zbarkim
me Shtetet e Bashkuara të Amerikës në Kuvajt, bashkë-zbarkim me Mbretërinë e Bashkuar në
Belize dhe Ishujt Falkland, për Defender Europe 21, për Defender Europe 23 dhe sivjet për
Defender Europe 25, ku do të jemi edhe pjesëmarrës edhe nikoqir. Prandaj, vetëm kështu

përdoret aleanca me perëndimin. Aleancë nga e cila nuk forcohet Qeveria, por forcohet shteti,
forcohet ushtria, forcohet populli.
E të dashur qytetarë të Mitrovicës, për çka e kanë përdor këta që tash janë në opozitë dikur
aleancën me perëndimin, e kanë përdor, e kanë keqpërdor aleancën me perëndimin për me
ambalazhu ose hajninë ose tradhtinë e tyre.
Prandaj, ata u larguan nga pushteti dhe prandaj ata nuk do të kthehen më në pushtet. Aleanca me
perëndimin, partneriteti me perëndimin, miqësia me perëndimin përdoret për ta forcuar ushtrinë,
e kurrë për ta ambalazhuar hajninë apo tradhtinë siç bënë ata që ishin në pushtet, e tash janë në
opozitë, e do të plaken në opozitë, e do të rrokaten në opozitë.
Të dashur qytetarë të Mitrovicës,
Ne i kemi motivet e larta, qëllimet e përbashkëta, misionin fisnik. Vullneti, të drejtat dhe nevojat
e qytetarëve janë ligji për Qeverinë tonë, andaj, ne e kemi nderin të i shërbejmë një populli të
mrekullueshëm, të jashtëzakonshëm, qysh është populli i Kosovës, qysh janë shqiptarët, qysh
janë qytetarët e Republikës. Lëvizja jonë, koalicioni ynë me Guxo dhe Alternativën është e para,
lista jonë është e para, numri 118 do të fitojë sepse 500 mije zemra, gjysmë milioni zemra do të
rrahin porsi një më 9 shkurt sivjetit.
Të nderuar të pranishëm,
Në popullsinë e shoqërinë tonë, në politikën e institucionet tona nuk ka krah të luftës e krah të
paqes, se shqiptarët gjithmonë kanë luftu prej zorit, e jo për qejf. Por ka të krahut materialist të
luftës dhe të krahut idealist të luftës, e ata të krahut idealist të luftës janë në lëvizje, si nga hera,
si përherë, si gjithnjë, si përgjithmonë.
Rilindësi ynë i madh, ndër rilindësit e fundit, Faik Konica, Faik Konica ka thënë një shprehje
lapidare, i ka shumë të tilla, por unë përzgjodha njërën sonte, po e citoj “Shqiptarët nuk ndahen
në të krishterë e muhamedanë, por ndahen në dy anë, ana e kombëtarëve, në të cilën ka shqiptarë
nga të gjitha besimet dhe ana e zuzarëve”. Ne jemi nga ana e kombëtarëve.
Të dashur qytetarë të Mitrovicës, të nderuar të pranishëm, kolegë nga qeveria, ministra e
zëvendësministra, deputetë aktual e të ardhshëm, anëtarë e aktivistë.
Në Republikën tonë sot 4 javë mbahen zgjedhjet parlamentare, zgjedhjet e lira e të ndershme dhe
të pavendosur kanë mbetur pak, fare pak. Por edhe ata pak të pavendosur le të vendosin vetë, sa
më shumë që vendosin vetë, aq më shumë rritet fitorja e numrit 118 në mbarë Kosovën Cep më
Cep.
Të pavendosurit, le të vendosin vet. Prandaj, secilën javë, çdo ditë, në secilën orë, në çdo rrugë,
secilës lagje, qyteti e fshati, të komunës së Mitrovicës e anë e mbanë Kosovës le të punojmë pa
pushim, pa rezervë, pa kursim. Po garojmë bashkë, le të fitojmë bashkë, e do të festojmë bashkë.
Për numrin 118 votojmë të gjithë, me numrin 118 fitojmë të gjithë, për Mitrovicën fitojmë, me
Mitrovicën dhe mbarë Kosovën festojmë.

Ju faleminderit Mitrovicë, ju faleminderit Kosovë, ju faleminderit përzemërsisht.
Ju dua fort! Me zemër Cep më Cep atdheut tonë të dashur. Dy zemra t’i kisha, dyjat t’i kisha fal!
Mirupafshim e natën e mirë!

Gjakova është vend i luftëtarëve të mëdhenj në luftë dhe i punëtorëve të mëdhenj në paqe. Ju
falemnderit për këtë mikëpritje kaq të ngrohtë në këtë ditë të bardhë dimri.
Fushatën sivjet, fushatën kësaj radhe e nisëm në qytetin e bukur, në qytetin e kulturës, në
qytetin historik të Gjakovës, së pari në Dushkajë, në Cërrmjan e në Bec, e më pastaj me vizita
nëpër familje, e organizata, e shoqata të ndryshme këtu, për tu mbledhur në palestrën e
sporteve “Shani Nushi” të këtij dëshmori, të këtij luftëtari të pa epur, i cili ra në betejë këtu e
8 dekada më parë duke e mbrojtur babain e shkrimtarit Agim Gjakova që aso kohe ishte
Gjeneral i ushtrisë së Fan Nolit.
E nga ky qytet i cili sakrifikoi aq shumë, që e pësoi aq rëndë gjatë luftës nesër vazhdojmë
fushatën në një qytet tjetër të zemrës, në qytetin i cili e pësoi më së shumti pas luftës, në
Mitrovicën tonë të dashur, në palestrën e sporteve “Minatori”, atje.
Të dashur qytetarë, të nderuar të pranishëm, motra e vëllezër, zonja e zotërinj,
e nderuara Zëvendëskryeministre, ministre e Punëve të Jashtme dhe Diasporës dhe Kryetare,
bashkëkryetare e partisë Guxo, Donika Gërvalla.
E nderuara Kryetare e Grupit tonë parlamentar dhe Kryetare e partisë Alternativa, Mimoza Kusari Lila.
I nderuari kryetar i Kuvendit të Republikës, Glauk Konjufca.
Të nderuar ministra e zëvendësministra, deputetë, e deputetë të ardhshëm të Kuvendit, anëtarë të kryesive tona, aktivistë nga Gjakova e Kosova.
Në asnjë vend tjetër ngado që kam shkuar, ngado që kam takuar, nuk kam parë njerëz bujar,
mikëpritës, dashamirës, të durueshëm e të qëndrueshëm si neve qytetarët e Gjakovës, e të
Kosovës. Dhe në asnjë vend tjetër nuk kam parë e nuk kam takuar rini dinamike, masive e të
shëndoshë sikur rinia jonë dhe gra e burra të ndershëm e punëtorë si njerëzit tanë.
Prandaj, të dashur qytetarë, energjitë e popullit tanë të mbarë, potenciali i kësaj rinie, duhen
për ta zhvilluar e përparuar vendin tonë. Për ta drejtuar e rregulluar shtetin, ne jemi mundësia
institucionale dhe garancia politike për këtë.
Të jeni të sigurt që qeveria jonë nuk do t’ju gënjej asnjëherë dhe kurr nuk do t’ju zhgënjejë, të
drejtat ju garantojmë, nevojat i plotësojmë.
Prandaj të nderuar pjesëmarrës, të dashur të pranishëm, për rininë e kemi punësiminin, për
gratë e kemi barazinë, për fëmijët i kemi shtesat, për opozitën e kemi opozitën, për Serbinë e
kemi Policinë e Ushtrinë, e dialogun, për pleqt e kemi pensionin dhe për të gjithë e kemi
Shëndetësinë. Pra, secili në vend t’vetin. E pas fitores me 9 shkurt dhe Qeverisë sonë të re, të
mbarë, të mirë, të vërtetë, të drejtë, nivele të reja të papara të progresit, Cep më Cep,
gjithandej dhe anëembanë Republikës sonë.

Me neve në Qeveri, me Qeverisjen tonë, partnerja kryesore tregtare në rajon ëdhtë Shqipëria
dhe orientimi ynë është evropian dhe euroatlantik.
Ne bashkë me Alternativën dhe Guxo edhe dijmë, edhe duam, dhe me këtë dituri tonë dhe me
këtë dashuri tonën me datën 9 shkurt le të votojmë, le të fitojmë, le të festojmë. Por që nesër
katër javë të votojmë, të fitojmë, e të festojmë. Në këtë fushatë duhet të na vjetërohen
këpucët, e të na rinohet vullneti, duke takuar e biseduar me qytetarë lagje më lagje, e fshat më
fshat, e shtëpi më shtëpi, Cep më Cep duke shpalosur programin tonë e duke prezantuar
kandidatët tanë, duke dëgjuar njerëzit për hallet e tyre e duke ua shpjeguar zgjidhjet tona.
Me qeverisjen tonë të mirë e demokratike, Kosovën e pavarur e bëmë të pavarur edhe nga
korrupsioni i politikanëve të vjetër dhe nga pazaret e vjetra me Serbinë. Ne Kosovës ja
shtojmë zhvillimin e ja heqim korrupsionin, ja shtojmë prodhimin e ja heqim mjerimin, ja
shtojmë drejtësinë e ia heqim krimin dhe ja shtojmë barazinë e ia heqim varfninë. Prandaj në
këtë punë tonë fisnike, në këtë mision të madh kombëtar, kemi nderin edhe kënaqësinë që t’ju
shërbejmë juve, qytetarëve të Republikës, popullit tonë të dashur pa dallime, pa privilegje, pa
favorizime, pa diskriminime, duke mos e lënë asnjëri mrapa.
Dhe për këtë jemi ballëhapur para jush, me të arriturat e qeverisjes katër vjeçare, që e ka rritur
ekonominë, që e ka ngrutur demokracinë, që e ka shpërndarë mirëqenien, që e ka bërë të
paprekshme sigurinë dhe në anën tjetër me 110 kandidatët tanë të listës me numër 118 që janë
njerëz të ndershëm e profesionistë, të guximshëm e punëtorë sepse pas 9 shkurtit e tillë duhet
të jetë edhe Qeveria jonë, e guximshme dhe profesioniste, punëtore dhe e ndershme.
Ne nuk bëjmë gjëra për inat të fqinjit tonë verior, ne bëjmë gjëra për shkak se e duam vendin
tonë, e duam popullin tonë, e respektojmë historinë tonë, kurr se harrojmë prej nga vijmë,
gjithmonë e përkujtojmë nga shkojmë, por në të njejtën kohë, nxjerrim mësime prej atyre
para nesh, të cilët e lulëzuan korrupsionin brenda e na e cenuan dinjitetin jashtë.
Jaë dy parti të cilët kanë qeverisur më së gjati, herë bashkë e herë ndaras, por të cilat na e
kanë bë dëmin ma të madh, në raport me kojshinë tonë të keq. Ne nuk mund ta ndryshojmë
gjeografinë dhe historinë por ne mund ta ndryshojmë të ardhmen duke punuar qysh tash.
Njëra prej këtyre partive, LDK-ja, është e tillë që presidentit të Serbisë i thotë “razumem”, e
partia tjetër PDK-ja, është e tillë që presidentit të Serbisë i thotë “we are not problematic
guys”. Por koalicioni jonë, VETËVENDOSJE, Guxo dhe Alternativa, i thot atij ashtu qysh
është: ministër i Millosheviqit, aparati shtetëror kriminal i të cilit nuk do të ketë vend sepse
do ta ndjekim në çdo kënd Cep më Cep në Republikën e pavarur, demokratike e progresiste
të Kosovës.
Qeverisja jonë në katër vjetët që po mbushen së shpejti por edhe në së paku katër vitet e
ardhshme do të jetë qeverisje edhe me laps edhe me gomë. Këta ish-pushtetarët nuk kanë
pasur as laps as gomë, ata kanë qeverisur me lëpirëse, ne kemi edhe gomë edhe laps. Goma e
fshin korrupsionin kurse lapsi e shkruan zhvillimin, e për këtë qeverisje edhe me laps për
zhvillim edhe me gomë kundër korrupsionit, 9 shkurti është data, e dielë është dita, Kosova
është shteti, shteti është Republika, shkolla është vendvotimi, me zemër është vota, 118 është
numri, e jona është fitorja.
Të dashur qytetarë në katër javët në vijim, do të shpalosim edhe zotimet tona të reja, që do të
shndërrohen në programin e ri katër vjeçar qeveritar, do të bëjmë mbështetje deri në 1
miliardë euro për investime të mesme e të mëdha në ndërrmarje prodhuese, Cep më Cep

Kosovës do ta shtojmë prodhimin, do ta shtojmë investimin, do ta mundësojmë riinvestimin,
e do ta rrisim eksportin.
Do të bëjmë program multidimensional për turizmin me investime deri në 500 milion euro në
kompleksin turistik në Brezovicë, në partneritet me investitorë privat, do ta kompletojmë
infrastrukturën sportive dhe modernizimin e infrastrukturës përcjellëse për lojërat mesdhetare
Prishtina 2030 në 10 komuna të Kosovës dhe bashkë me Durrësin në Shqipëri përfshirë këtu
mbi 200 milion euro për 20 stadiume në 18 komuna, pa dyshim edhe për stadiumin në
Gjakovë, ku tashmë i kemi ndarë 9 milionë euro e i cili do të përfundohet tërësisht.
Në Gjakovë i kemi nda në Babaj të Bogës edhe 4500 hektarë për bazën moderne të Forcës së
Sigurisë së Kosovës, me qindra hektarë të shpronësuar, me 4000 të shtetit e ku do t’i kemi
dhe hangarët për fluturaket e FSK-së dhe gjithashtu do ta avancojmë edhe më tej këtë
aeroport kaq të rëndësishëm për Gjakovën e për Kosovën.
Muajin e ardhshëm publikohet studimi i fizibilitetit me tri opcione për hekurudhën Prishtinë-
Durrës, që do ta lidh portin e ri të thatë të Prishtinës me portin e ri të Durrësit. Njëri prej
opcioneve që edhe ju edhe unë e kemi më së shumti për zemër është ai që përfshin segmentin
Gjakovë-Shkodër.
Në katër vjeçarin e ardhshëm do ta rrisim ndjeshëm shkallën e aktivitetit të gruas në ekonomi,
përmes një sërë masash përfshirë edhe programin SuperPuna për grate. Më tej, do ta rrisim
kohezionin shoqëror përmes mbështetjes financiare për gjyshet dhe për gjyshërit që kujdesen
për nipërit dhe mbesat e tyre nga mosha 1-3 vjet, për raster ku punojnë të dy prindërit e
fëmijëve. Se, të dashur qytetarë, ne të gjithë bashkë e dijmë një të vërtetë të madhe, se gjyshet
edhe gjyshërit janë tu i rrit dy parë fëmijë, edhe neve edhe fëmijët tonë. Prandaj shteti do t’i
mbështes ata.
Do të kemi investime edhe më të mëdha në mbrojtje dhe funsionalizim të fabrikës së
municionit, angazhim edhe në ndërmmarje të tjera nga fusha e ekonomisë ushtarake. Rritje të
përvjetme të mbështetjes për Luginën dhe pë Sanxhakun, mbrojtje efektive të infrastrukturës
kritike të vendit, mbi 75 milionë euro për masa që targetojnë rritjen e efiçiencës në konsumin
e energjisë, ngrohtore të reja në Ferizaj e në Gjilan, dyfishim të kapacitetit të ngrohtores në
Prishtinë, klinika të reja në QKUK, spitale të reja nëpër Kosovë përfshirë Mitrovicën e
Ferizajin, Qendra Kryesore të Mjekësisë Familjare nëpër komuna, përfshirë Fushë Kosovën e
Therandën, 10 profile të reja të mësimit dual etj., në katër vjeçarin e ardhshëm të Qeverisë
sonë të përbashkët.
Të dashur qytetarë të Gjakovës, të nderuar pjesëmarrës. Në këto zgjedhje do të dëgjoni
ndokënd duke thënë që Albini ka ndryshuar. Që nuk është i njëjti. Është e vërtetë. Unë nuk
jam më kandidati për Kryeministër, unë jam Kryeministri. Jam Kryeministri i Republikës por
kreu i një Qeverie me kolegë që ju bëjnë edhe juve edhe mua krenar, sepse përbëjnë një ekip
të shkëlqyeshëm. Qeverisjet e mëhershme i kanë dhënë popullit pak apo aspak dhe i kanë
marr shumë ose tepër shumë, e kjo Qeveri e jona i jep popullit shumë, gjithnjë e më shumë.
Para qeverisë sonë qytetarët u patën lodhë nga papunësia, e tash nga 350 mijë të punësuar që i
gjetëm në pranverën e vitit 2021 e kemi ngritur numrin në 430 mijë tash që po flasim, andaj
nga lodhja prej papunësisë tash edhe punojmë edhe pushojmë, për të mirën e shtetit, të
familjeve e të qytetarëve mbarë.
Të dashur qytetarë, më lejoni që me këtë rast t’i falëmnderoj të gjitha partitë kudo që jetojnë

shqiptarët në Ballkan që mbështesin Lëvizjen VETËVENDOSJE! dhe posaçërisht të
falëmnderoj Aleancën Progresiste Internacionalen Socialiste, të falëmnderoj Kryetarin e
Socialistëve të rinj mikun tim Enrikun per mbështetjen e pa rezervë dhe të pa kursyer pë
Lëvizjen VETËVENDOSJE! dhe Qeverinë tonë fituese.
Vota juaj është shërbimi ynë, vullneti juaj është përgjegjësia jonë, prandaj edhe vendimi juaj
është vendi ynë. Ne do të punojmë bashkë me juve, për juve për një katër vjeçar Cep më Cep
Republikës sonë, që siguron zhvillim me punësim, që garanton të drejta për të gjithë dhe që
njëkohësisht është vazhdimësi e funksionimit të mirë institucional. Kurr Kosova nuk ka pasur
këso stabiliteti institucional, që është përkthyer në luftim të suksesshëm të korrupsionit dhe
në rritje ekonomike për vendin tonë. Andaj faleminderit për pëkrahjen dhe ndihmën e juaj
pavarësisht stuhive e krizave nëpr të cilat kemi kaluar.
Shumë gjëra të dashur pjesëmarrës të nderuar qytetarë, shumë gjëra që janë dukur të
pamundura janë realizuar, dhe a e dini pse, vetëm dhe vetëm pse jemi bërë bashkë, bashkësia
e lindë mundësinë, bashkësia e realizon mundësinë, bashkësia është fitorja. E konkretisht tash
bashkësia është VETËVENDOSJE!, Guxo, Alternativa, bashkësia është kur 500 mijë vota
bëhen bashkë te numri 118 me datën 9 shkurt.
Andaj ne kemi nevojë që për ditë, për çdo orë, gjithandej, të ngriheni bashkë me neve, të
dëgjoheni bashkë me neve, të punoni bashkë me neve, të angazhoheni bashkë me neve, të
bëhemi bashkë, të jemi bashkë, sepse bashkë fitojmë, sepse vetëm bashkë duhet të fitojmë,
sepse së bashku duhet ta përparojmë Gjakovën dhe krej Kosovën Cep më Cep.
Ju faleminderit shumë. E le të jemi bashkë në punë, me barazi, për begati, nga populli te
Republika, nga Gjakova te Kosova, Cep më Cep, pa korrupsion, me zemër drejt fitores, drejt
500 mijë zemrave që rrahin por si një te numri 118.
Faleminderit e ju dua fort!

Kryeparlamentari Glauk Konjufca, Kryetarja e Grave në VETËVENDOSJE!, Albulena Haxhiu, Ministri Hekuran Murati dhe kandidatë për deputetë, u pritën me shumë zemërgjërësi nga gratë e vajzat mitrovicase.

118 është numri me të cilin fiton barazia, drejtësia e mirëqenia. Bashkë me vajzat dhe gratë, cep më cep, për 500 mijë zemrat e 9 shkurtit.

Ministrja e Drejtësisë, Albulena Haxhiu, nënkryetarja e Kuvendit, Saranda Bogujevci, ministri i Financave, Hekuran Murati së bashku me kryetarin e Podujevës, Shpejtim Bulliqi mbajtën sot tubim me vajza e gra të kësaj komune.

Gratë janë motori i fitores sonë, ato janë potenciali i pashterueshëm për vazhdimin e progresit shoqëror e barazisë cep më cep!

Në sallën e sporteve Bill Clinton këtu në Ferizaj, temperatura paska arritur 118 gradë Fahrenheit. Ferizaji është vendi i demonstratave, është komuna e guximit, është rajoni i punës dhe është popullsia e kontributit për Republikën dhe për shqiptarinë. Në luftën e Ushtrisë Çlirimtare të Kosovës, Ferizaji dha shumë dëshmorë të cilët nuk kursyen asgjë, as jetën, për lirinë dhe çlirimin, për pavarësinë dhe bashkimin. Ferizaji është krenar që pati Nazmi Ugzmailin, si dëshmori i parë i UÇK-së, pastaj Ahmet Hoxhën dhe Rexhep Bislimin, si dhe Ahmet Kaçikun e Vezir Jasharin, të cilët sot kanë përvjetorin e rënies së tyre heroike. Po ashtu, Hyr Emini, Enver Topalli, Naim Beka dhe Ali Ivaja, e shumë e shumë të tjerë, të cilët i nderojmë për jetë dhe ju përulemi gjithmonë para veprës së tyre sublime. Lavdi!

Më lejoni, të dashur ferizajli, që sonte këtu, përveç 110 kandidatëve tanë, secili më i mirë se tjetri, e të gjithë bashkë më të mirët që i ka parë ndonjëherë Kosova e pavarur e Kosova e çliruar, gjithashtu të përshëndes edhe një grup miqsh nga Shkupi, janë të rinj e të reja nga Shkupi, por edhe politikanë e zyrtarë, si Besart Durmishi, Ministër i Ekonomisë dhe deputetët Adnan Azizi, Riad Shaqiri dhe Bekim Qoku. Mirë se keni ardhur.

Me këtë rast, i ftoj të gjithë qytetarët e Maqedonisë së Veriut që kanë nënshtetësi të Republikës së Kosovës, që më datën 9 shkurt, të vijnë dhe të na bashkohen në votimin historik për fitoren rekord dhe në festën e madhe të përbashkët të Lëvizjes Vetëvendosje!, me partinë Guxo dhe me partinë Alternativa, me numrin 118.

Të nderuar të pranishëm, prodhimin po ia kthejmë ekonomisë, e mirëqenien po ja sjellim shoqërisë, nga progresi drejt demokracisë, Kosova ka ndërtuar progres demokratik. Puna jonë nuk motivohet nga fitimi apo përfitimi personal, por nga rritja ekonomike dhe nga zhvillimi demokratik. Puna dhe talenti, e në fund, edhe fati. Andaj, le të punojmë shumë dhe bashkë, bashkë dhe shumë, punoni tërë kohën, kudo e çdokund, cep më cep, me të gjithë e secilin, dhe gjithnjë e përgjithmonë, teksa punoni mendoni për popullin.

E në ditën e zgjedhjeve të lira e demokratike, të rregullta e të ndershme, punojmë me votë, ndërkaq ditëve tjera të vitit e në vitet pa zgjedhje, votojmë me punë. Gjatë këtyre ditëve të fushatës, moti ka qenë i ftohtë, por unë po ndihem më shumë se ngrohtë këtu, mes jush në Ferizaj, midis zemrave të nxehta të këtij qyteti madhështor të Republikës, e të dashur për ju dhe për ne.

Një shok që e kam këtu në Ferizaj më ka thënë se në Ferizaj çdo gur ka nga një histori qëndrese, e tash, nëse çdo gur ka nga një histori, unë po them se në Ferizaj, çdo zemër ka nga një zjarr. Kur vijmë në Ferizaj, të gjithë marrim zemër edhe më shumë. Ferizaji është zjarri i 500 mijë zemrave që do të rrahin, por si një, të dielën e 9 shkurtit, tri javë larg, e ja po ja them qysh në fillim: ky zjarr i 500 zemrave, a e dini pse na duhet? Që ta ndezim motorrin, që t’i ndezim turbinat e drejtësisë, e drejtësisë me re që ndëshkon kriminelët dhe shpaguan viktimat. Me votën tuaj, para 4 viteve ndryshoi parlamenti dhe u bë shumë më cilësor, me votën tuaj u formua qeveria e re, u bë më punëtore, me 500 mijë zemra do të ndryshojmë brenda 5 muajve edhe drejtësinë.

Sepse asnjë punë nuk na lodh, por na lodh mospuna e drejtësisë. Qytetari i thjeshtë i vendit tonë pret me vite e vite për një lëndë që mrizon nëpër sirtarët e gjykatave dhe nuk i vjen asnjëherë rendi për adresim e trajtim, ndërkaq krimineli i cili arrestohet në veri të Kosovës lirohet brenda pak ditëve, nëse nuk ia kanë hequr urdhrin e arrestit paraprakisht, sepse për këtë punë po gjejnë kollaj e shpejtë shumë kohë. Prandaj kjo gjë, të dashur ferizajli, nuk durohet më dhe duhet të marrë fund. Për të marrë fund padrejtësia, për të ardhur drejtësia e re, garancia jeni ju, mundësia jemi ne, shansi është 9 shkurti dhe numri është 118. Fushata e partive opozitare është fushatë për harresë, por qytetarët nuk i harruan plagët që i shkaktuan këta, sepse edhe ato plagë nuk janë mbyllur dhe populli s’do t’i mbyllë dot sytë, për shkak se nuk u akuzuan nga Prokuroria, për shkak se nuk u ndëshkuan nga gjykatat dhe për shkak se na e vonuan byronë për konfiskimin e pasurisë së pajustifikueshme. Aman zaman, ata i ndëshkoni me votë më 9 shkurt.

Kur ende nuk kemi dënime të gjykatave kundër peshkaqenëve të korrupsionit, populli duhet t’i dënojë me votë në zgjedhje. 9 shkurti është dita e gjyqit, 12 orë zgjat procesi gjyqësor kundër atyre që e plaqkitën buxhetin e shtetit dhe pasuritë e vendit, kundër strukturave të Serbisë dhe bandave të saj kriminale që financohen në Beograd dhe trajtohen në Rashkë. Të dashur qytetarë të Ferizajit, me 9 shkurt, a fiton gjyqin populli kundër kriminelëve?
Me 9 shkurt, a i fitojmë zgjedhjet si referendum dhe referendumin si gjyq popullor? E pra, kur ta fitojmë gjyqin dhe referendumin me 500 mijë zemra, atëherë nis agimi i drejtësisë së re, me Prokurori të re, me Gjykatë të re, me ndëshkime të reja për kriminelë të vjetër.

Të dashur pjesëmarrës të nderuar, këta të LDK-së janë bërë si PDK-ja, para edhe reklamë, e kundërta e Rugovës, e këta të PDK-së janë bërë si LDK-ja, pacifistë dhe të hutuar, e kundërta e UÇK-së. Pra, PDK-ja është bërë si LDK-ja, LDK-ja është bërë si PDK-ja dhe sa më shumë që bëjnë gara për vendin e dytë, aq më shumë po bëhen të njejta, sepse ndryshimi është Vetëvendosja, sepse ajo që është ndryshe është Lëvizja jonë, sepse ndryshimi ka ndodhur më 14 shkurt 2021, sepse ndryshimi vazhdon, sepse ndryshimi forcohet me 9 shkurt 2025 dhe sepse PDK dhe LDK, LDK dhe PDK, nuk janë ndryshimi, por janë ndryshku i cili mbaroi dhe shkoi.

Të dashur qytetarë, e di që Ferizaji ka një lidhje të veçantë me Amerikën. Bondsteel-i ka ndihmuar punësimin e mijëra ferizajlinjve këtu, përveç që ka garantuar sigurinë për rrafshin e Kosovës në të gjithë Republikën tonë, por edhe plot prej jush i keni shërbyer Shteteve të Bashkuara të Amerikës, mikut, partnerit, aleatit tonë në vendet e ndryshme, e sidomos në Lindjen e Mesme. E ne që jemi mbledhur sonte këtu e dijmë shumë mirë që Presidenti amerikan Bill Clinton na e pati dhënë një mesazh të fuqishëm, po në këtë sallë që mban emrin e tij, gjatë vizitës së parë pas luftës, ai pati thënë: “Ne e fituam luftën, ju fitoni paqen”. Po, luftën e fituam bashkë, intervenimi i NATO-s dhe heroizmi i UÇK-së, por në paqe, të dashur qytetarë, na ndërroi hesapi. Pati shumë abuzime me kuletën e shtetit dhe me paratë e juaja, dhe me pasuritë e vendit tonë të dashur. Ju që keni punuar për amerikanë dhe me amerikanë e dini që Amerika nuk i do keqpërdoruesit, pra as nuk bashkëpunon me ta. Nuk mundesh me e pasur aleat Amerikën kur e vjedh vendin tënd. Amerika i do patriotët që paguajnë tatim dhe që i shërbejnë publikes. Amerika i do ferizajlinjtë, sepse janë biznesmenë të zotë që e duan punën e hajrit. Me amerikanë je kur e mbështet bujkun në ara, e jo kur e shet për falë pronën e shtetit më lirë se badihava. Me amerikanë je kur e mbështet Policinë dhe ushtarin me armatim, e jo kur krijon monopole me homologim. Me amerikanë je kur krijon skema si Superpuna për të mbështetur punëtorët dhe bizneset, e jo kur i jep oligarkëve terminale. Me amerikanë je kur investon për të lidhur Prizrenin me Tetovën, jo kur kqyr të bësh pazare për ta shitur Kosovën.

Me amerikanë je kur bën fabrikë për të prodhuar municion, me amerikanë je kur e forcon shtetin, e fuqizon pasaportën, e lartëson dinjitetin e Republikës, e pikërisht e tillë është qeveria jonë dhe qeveria juaj, pasi edhe ju, ferizajli, liri-dashës dhe punëtorë të mëdhenj. Qytetarë të nderuar të Ferizajit dhe të Republikës, ne e ndërtojmë raportin me aleatët tanë sepse ndajmë vlera të përbashkëta me ta. Amerika mbetet aleati ynë më i mirë dhe mbështetësi ynë më i madh. Dhe po nga kjo Amerikë, po nga kjo Amerikë mike, po nga kjo Amerikë partnere aleate, po blejmë raketa anti-tank Javelin dhe do të blejmë edhe helikoptera Black Hawk, edhe helikoptera që, nëse i përktheni, i bie “shkifteri i zi”, dhe të cilët ju këtu i njihni shumë mirë, sepse i keni parë shpesh teksa fluturojnë në qiellin e Ferizajit dhe aterojnë në Bondsteel. E pra, të njëjtit helikopterë do t’i kenë edhe pilotët tanë, edhe Ushtria jonë, dhe të njëjtit helikopterë do të aterojnë në kazermat e Forcës së Sigurisë së Kosovës.

Ferizaji është qytet i rinisë, është qytet i të rinjve dhe të rejave. Kosova është shteti me moshën më të re në rajon. Vetëvendosja është partia, është subjekti i të rinjve. Qeveria jonë është qeveri në shërbim të të rejave dhe të rinjve. Me qeverisjen tonë të mirë, e kemi rritur më shumë se dyfish numrin e të rinjve të punësuar. Në fillim të vitit 2021, në vitin tonë të parë të qeverisjes, gjithsej kishte më pak se 30 mijë të punësuar, që ishin të rinj, e në vitin 2023, për më pak se 3 vjet, i punësuam më shumë se 30 mijë të reja dhe të rinj, pra u bënë më shumë se 60 mijë të rinj të punësuar, dhe më shumë se 14,000 prej tyre përmes programit Superpuna, i cili i punësoi të rinjtë dhe të rejat në Ferizaj dhe anembanë, cep më cep të Republikës sonë. Pra, Superpuna është super e suksesshme për vajzat dhe djemtë nga mosha 18-29 vjeç, përveç që u punësuan për vete, gjithashtu po ndihmojnë dhe kontribuojnë në 9500 biznese ku janë angazhuar tashmë.

Të nderuar të pranishëm, në 4 vitet në vijim do të bëjmë shumë punë të reja, të tjera, të mira, të mbara. Do të kemi mbështetje deri në 1 miliardë euro për investime të mesme dhe të mëdha në ndërmarrjet prodhuese, sepse ne duam ta rrisim prodhimin, ta rrisim eksportin dhe ta zvogëlojmë deficitin tregtar. Po ashtu, do të bëjmë program multidimensional për turizmin me investime deri në 500 milion euro në Kompleksin turistik në Brezovicë, në partneritet me investitorë privatë. Do ta kompletojmë infrastrukturën sportive dhe do ta modernizojmë infrastrukturën përcjellëse për Lojërat Mesdhetare 2030 me mbi 200 milion euro për 20 stadiume në 18 komuna, në mënyrë që kjo ngjarje historike të jetë ngjarje e ardhmërisë që e vendos shtetin tonë në mesin e shteteve që organizojnë ngjarje ndërkombëtare, ngjarje botërore.

Në Ferizaj do të kemi ngrohtore të re dhe gjithashtu spital të ri. Pra, ngrohtore të re dhe spital të ri, me qenë edhe ngrohtë edhe shëndoshë. Do të kemi mbrojtje efektive të infrastrukturës kritike të vendit, 10 profile të reja shtesë të mësimit dual dhe mbi 75 milion euro për masa që bëjnë rritjen e efiçiencës në konsumin e energjisë, e te bateritë akumuluese që i kemi marrë nga granti amerikan i korporatës së sfidës së Mijëvjeçarit (MCC), do t’i vendosim në Ferizaj.

Të dashur qytetarë të Ferizajit, mos e humbni kohën me këto partitë opozitare që ju kanë humbur lëmshin, por fitoni edhe 4 vjet të tjera rritje e zhvillim me qeverinë tonë, me Lëvizjen tuaj, e cila nuk lëshon pe për asnjë çast askund në Kosovë, por e mbrojmë Republikën tonë, ia shtojmë shtetit sovranitetin, ia shtojmë territorit integritetin, cep më cep, gjithandej. Për veprim duhet mendim, por për veprim duhet edhe guxim, e guximi ynë vjen nga dashuria që kemi për popullin dhe për vendin. Unë jam i nderuar që i përkas këtij populli dhe sa më shumë që i shërbej këtij populli, aq më shumë më mbushet zemra me gëzim. Por, gëzimi ynë i do 500 mijë zemra. I do gjysmë milioni zemra, me 9 shkurt. Andaj, votojeni numrin 118, 118, se vetëm ashtu vendosni vetë për njerëz që guxojnë të vetëvendosin.

Të dashur qytetarë të Ferizajit, ne fitojmë sepse luftojmë, ne luftojmë sepse fitojmë, luftojmë me idetë tona për popull në demokraci. Ne jemi këtu për të fituar, ne që jemi këtu fitojmë. Ne fitojmë kudo që jemi dhe ne jemi kudo. Ne fitojmë këtu dhe kudo, cep më cep.

Andaj, ju faleminderit për mbështetjen e madhe, për përkrahjen e pa kursyer, për ndihmën e parezervë që na e keni dhënë këto 4 vjet qeverisje dhe në këto dy dekada Lëvizje Vetëvendosje! E deri më 9 shkurt mirë u pafshim në aktivitete, në tubime dhe në takime, cep më cep të Kosovës, duke takuar njerëz në çdo lagje, në çdo rrugë, në çdo shtëpi, të secilit fshat të krejt komunës dhe gjithë andej Republikës së Kosovës.

Ashtu që, sot tri javë në këtë orë, kur të numërohen votat nëpër vendvotime dhe komisionerët t’i hapin kutitë dhe t’i nxjerrin fletat e vendvotimeve dhe t’i numërojnë ato, të thonë: Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje.

Faleminderit shumë! Ju dua fort, përzemërsisht! Natën e mirë dhe mirëupafshim!

Nën himnin e flamurit, me një entuziazëm të jashtëzakonshëm mes mijëra përkrahësve, filloi tubimi në Vushtrri. Në qytetin e Hasan Prishtinës – qytet i traditës, kulturës dhe bujarisë – brohoritjet e mijëra zemrave u dëgjuan fuqishëm, duke ngritur temperaturat në këtë muaj dimri.

Kandidati për deputet, Sylejman Meholli, hapi tubimin duke u uruar mirëseardhje të gjithëve në stadiumin që mban emrin e dëshmorit “Jeton Tërstena”, i cili gërsheton heroizëm, sport dhe trashëgimi.

Gjatë fjalës së tij Meholli tha: “Vushtrria gjen frymëzimin nga biri i saj kombëtar, Hasan Prishtina. Vushtrria është qyteti ku rezistencën e bën bashkë Azem e Shote Galica. Vushtrria është qyteti që i fali artit e kulturës Adem Mikollovcin, që bën bashkë Shalën e Drenicën e që ruan Mitrovicën. Vushtrria është qyteti që jep heronj sa herë që Kosova të ketë nevojë.”

Pragu për Vetëvendosjen në vitin 2021 ishte 61%, i tillë duket të jetë edhe sonte. Vushtrriasit kanë mbushur stadiumin dhe oborrin, duke treguar përkrahje të pakursyer për kryeministrin Albin Kurti.

Ministrja e Drejtësisë , Albulena Haxhiu në fjalën e saj tha se 9 shkurti do të jetë data e fitores më të madhe historike që ka njohur Kosova dhe se pas 9 shkurtit opozita do të bindet që paratë e oligarkëve nuk i bëjnë punë përballë vendimit të qytetarëve.

Ministrja Haxhiu theksoi që opozita nuk do të mund të na ndalë, ndonëse kanë miq prokurorë e kryeprokurorë.

“Prokurori i Vicianumit e ka mbyllur lëndën e keqpërdorimit e po merret me Kryeministrin, por jo më pas 9 shkurtit. Nuk mund të na ndalin që Kosova të bëhet shtet i së drejtës”.

Më pas, ajo vazhdoi duke shpalosur programin për vitin 2025 – të shpallur nga kryeministri Kurti si Viti i Grave – gjatë të cilit do të ketë iniciativa për të mundësuar jo vetëm integrimin, por edhe pavarësimin e tyre në aspektin financiar.

Fjalën e radhës e mori Ministri i Punëve të Brendshme, Xhelal Sveçla, i cili tha se Vushtrria është pikënisja e mijëra kadetëve policorë, të cilët hapin e parë e morën pikërisht në këtë qytet e sot shërbejnë për sigurinë në çdo cep të Kosovës.

“Ata sot janë faktorë kyç për çlirimin e Kosovës nga Serbia dhe elementet e saj kriminale. Pavarësisht nga pengesat e Serbisë dhe bashkëpunëtorëve të saj, ne nuk jemi ndalur dhe kemi dalë fitimtarë.

Sot në Kosovë nuk ka Serbi. Me ne nuk do të ketë kurrë Serbi. Me ne do të ketë municione ‘Made in Kosova’.

Me ata Republika ishte copë-copë, me ne sovraniteti është në çdo cep.

Më 9 shkurt partitë e vjetëruara duhet t’i dërgojmë në pensionim të përjetshëm. Andaj, më 9 shkurt le të mos ndalemi asnjëherë: votoni numrin 118.”

Ndërkaq, në fjalën e tij kryeministri Albin Kurti tha se tani nga Prishtina në Vushtrri vijmë shumë shpejt, sepse rruga është përfunduar.

“Rruga që kishte mbetur e papërfunduar me qeveritë e kaluara, me qeverinë Kurti është kryer dhe na sjell në Vushtrri për gjysmë ore.

Në Vushtrrinë tuaj e tonën të dashur, Policia ka Akademinë, e Ushtria ka rininë. Në veri të vendit, partitë e vjetra opozitare dërgonin banda kriminale, ndërsa ne dërgojmë sovranitet, biznese dhe zhvillim.

Ne nuk e pranojmë as shantazhin e as kërcënimin. Gjaku i Enver Zymberit e i Afrim Bunjakut nuk ka shkuar kot, sepse Republika ka fituar.”

Mandej, ai vazhdoi me planin e investimeve katërvjeçare në Vushtrri, duke theksuar se në Qeverinë Kurti 3, Vushtrria dhe rajoni i Shalës do të mbështeten me agroturizëm dhe do të mundësohet ndërtimi i një parku energjetik. Po ashtu, do të ndërtohet një Spital Regjional Specialistik për ndërhyrje minimalisht invazive, si dhe do të restaurohet stadiumi.

Kryeministri e përfundoi fjalimin duke u bërë thirrje vushtrriasve për votim:

“Tash, në vitin 2025, synojmë gjysmë milioni vota, gjysmë milioni zemra të bëhemi bashkë: të votojmë bashkë, të festojmë bashkë e të bëhemi si një. Të bëhemi bashkë për 25 mijë vota këtu në Vushtrri.

Ne pulsin e zemrës e kemi 118, është pak i lartë, por nuk ka ndryshe kur punon e ecën shpejt.”

Tubimi, mes brohoritjesh, përfundoi me falënderime për përkrahjen e parezervë.

Në Ferizaj vijoi rrugëtimi fitues drejt 9 shkurtit i Lëvizjes VETËVENDOSJE!

Salla e mbushur plot cep më cep, e ndezur kuq flakë së jashtmi e së brendshmi në zemrat e qytetarëve të Ferizajit, të cilët do t’i bashkohen 500 mijë qytetarëve e votave në zgjedhjet e ardhshme.

Tubimi përshkoi nga tingujt e këngëve patriotike e atmosferës elektrizuese, tek fjalimet e bashkimit njëzëri në mbështetje të Lëvizjes VETËVENDOSJE!, listës së saj fituese në numrin 118 e kandidatëve dhe kryeministrit të tashëm e të ardhshëm, Albin Kurti.

Kandidatja për deputete Fatbardha Zogaj Reka tha se qeveria Kurti është qeveri për të gjithë, e cila mundësoi shtesat për fëmijë, mbështetje për nenat lehona, rritje të pensioneve për të gjitha kategoritë, subvencionim të pagesës së energjisë elektrike dhe pajisjeve efiçiente për ngrohje, rritje të subvencioneve për bujqit, arsim publik të lartë falas, e programin Superpuna, që janë vetëm disa nga shembujt se paraja e shtetit nuk shkon më në xhepat e politikanëve zhvatës, por drejt familjeve e qytetarëve.

Ministri i Financave, Punës dhe Transfereve, Hekuran Murati, shprehu se për herë të parë në historinë e vendit ka patur mbështetje për bizneset prodhuese, duke ua subvencionuar kreditë investuese deri në 20 për qind, ku vetëm në Ferizaj janë 71 biznese që janë mbështetë me 2.7 milionë euro për të investuar në kapacitete prodhuese. “Ka qenë qeveria Kurti ajo që e ka thy rekordin e investimeve kapitale me 654 milionë euro në vitin 2024, po për më tepër edhe e ka ulur borxhin e faturave të papaguara ndaj bizneseve nga 140 milionë në vetëm 30 milionë euro, pra kështu mbështeten bizneset.”

Fjalën e radhës e pati Ministrja e Drejtësisë, Albulena Haxhiu, e cila tha se “Reforma në drejtësi dhe ligji për Byronë për Konfiskimin e Pasurisë së Pajustifikueshme është bërë kërcënim për opozitën, sa herë flasim për byronë, ata ndihen të kërcënuar. Ne insistojmë aq shumë në vetting, e këta, opozitë e prokurori, insistojnë e angazhohen kaq shumë kundër vettingut sepse janë bërë bashkë. Ne jemi bërë bashkë me popullin e ata me njëri tjetrin, për ta penguar reformën, zhvillimin dhe përparimin e vendit.”

“Prodhimin po ia kthejmë ekonomisë e mirëqenien po ia sjellim shoqërisë. Nga progresi, drejt demokracisë, Kosova ka ndërtuar progres demokratik. Puna jonë nuk motivohet nga fitimi apo përfitimi personal, por nga rritja ekonomike dhe zhvillimi demokratik.” e hapi fjalën e tij kryeministri dhe njëherësh kryetari i Lëvizjes VETËVENDOSJE! Albin Kurti, duke shtuar se gjithnjë e përgjithmonë teksa punoni, mendoni për popullin.

“Ferizaji është zjarri i 500 mijë zemrave që do të rrahin porsi një, të dielën e 9 shkurtit. E ky zjarr i 500 mijë zemrave, na duhet që ta ndezim motorrin, që t’i ndezim turbinat e drejtësisë, që ndëshkon kriminelët dhe shpaguan viktimat.” kumboi ai, gjersa qytetarët pjesëmarrës përkrahnin thirrjen e kryeministrit Kurti. Ferizaji është qytet i rinisë, Kosova është shteti me moshën më të re në rajonin e Ballkanit, VETËVENDOSJE! është subjekti i të rinjve e qeveria jonë është në shërbim të të rinjve.

Shtimja me shumë zemra për VETËVENDOSJE!-n, cep më cep 118

Në Shtimen e Reçakut të lavdishëm, të dëshmorëve dhe martirëve që na e sollën lirinë. Në Shtimen e Ahmet Shtimës, Imer Devetakut dhe të Qorr Ilazit. Në Shtimen e qeverisur nga Vetëvendosja dhe kryetari Qemajl Aliu, u zhvillua një tubim madhështor me pjesëmarrjen e qindra qytetarëve që me zemër janë me qeverisjen e Kryeministrit Albin Kurti.

Kryetari i Shtimes, z. Qemajl Aliu, u shpreh se udhëheqja e Kryeministrit Albin Kurti ka dëshmuar rezultatet që mund të arrihen kur populli dhe shteti janë mbi çdo gjë tjetër. “Pas lirisë, për herë të parë është vendosur rendi dhe ligji në çdo cep të territorit të Kosovës, duke treguar qartë se vendi ynë është i pandashëm. Ushtria jonë po forcohet çdo ditë, policia është ndër më të përgatiturat në rajon, dhe qytetarët ndihen të sigurt kudo.”

“Opozita e oligarkëve le të shpifë sa të dojë, sepse neve na flasin punët dhe rezultatet, e populli e di mirë se kush punon për të dhe kush e ka tradhtuar. Më 9 shkurt është dita kur vendosim për fëmijët, shtetin dhe ëndrrat tona”, tha Kryetari Aliu.

Ministrja e Drejtësisë, znj. Albulena Haxhiu, theksoi se mandati i Qeverisë Kurti 3 do të jetë mandati ku do të realizohen të gjitha reformat e nisura në Drejtësi. “Byroja për konfiskimin e pasurisë së pajustifikueshme, që na u bllokua për 17 muaj, do të bëhet shpejt realitet. Kosova do të jetë shtet i së drejtës, i mbështetur mbi parimet e barazisë, drejtësisë dhe transparencës.”

Ministrja Haxhiu kujtoi që në asnjë periudhë të mëparshme nuk ka pasur një qeverisje që ka adresuar sfidat e vajzave dhe grave siç ka bërë Qeveria Kurti 2. “Përmes mbështetjes së studimeve, nënave lehona dhe grave në punësim, po punojmë për një shoqëri ku gratë janë pjesë e pandashme e forcës punuese, zhvillimit dhe udhëheqjes së vendit”, tha ajo.

Kryeministri i Republikës së Kosovës, z. Albin Kurti, në fjalën e tij përmendi projektet e realizuara nga bashkëpunimi i qeverisë me komunën e drejtuar nga z. Qemajl Aliu.

“Në Shtime kemi ndërtuar Observatorin dhe Planetariumin Kombëtar, të parin dhe të vetmin në Kosovë, me teleskopin më të madh diellor në krejt Evropën Lindore. Gjithashtu kemi ndërtuar Bibliotekën e Qytetit. “E gjetëm Shtimen me vetëm një çerdhe, pra për 20 vjet vetëm një çerdhe, dhe ne tash i kemi shtuar katër të tjera”, tha ai.

“Në mandatin e ardhshëm, kemi ende shumë punë përpara. Ndër projektet kryesore janë: Ndërtimi i Kompleksit Memorial të Masakrës së Reçakut, i dyti pas atij të Epopesë në Prekaz. Vazhdimi i autostradës Duhël–Shtime–Banullë, me gjatësi 31 km. Ndërtimi i Qendrës së Mjekësisë Familjare, me vlerë 3 milionë euro. Ndërtimi i Entit Special të Shtimes, investim prej 6 milionë eurosh. Rinovimi i Parkut Teknologjik dhe ndërtimi i nënstacionit të transmisionit 110 kV për furnizim të qëndrueshëm me energji elektrike”, tha Kryeministri Kurti.

“Ata që defilonin në pushtet e trajtonin atë si sfilatë: disa prej tyre nuk kishin mend, disa nuk kishin zemër dhe disa të tjerë nuk kishin as mend as zemër. Ndërsa ne, përgjatë këtyre katër viteve, kemi planifikuar me mençuri dhe kemi realizuar me zemër.”

Kryeministri Kurti tha se atyre që përçanin dikur popullin u ka rënë zilja dhe janë jashtë garës. Ndërkaq ne po e bashkojmë popullin në lëvizje, po qeverisim me ta e për ta, cep më cep Republikës.

Të dashur qytetarë të Gjilanit, këto zgjedhje janë dy numra, njërin numër e kemi, tjetrin numër do ta bëjmë. Numrin që e kemi është 118, e numrin që do ta bëjmë është 500 mijë vota!

Mirë se ju gjej këtu në Gjilan, në këtë kryeqytet të Anamoravës, të lindjes së Kosovës, e të Kosovës lindore, të maleve të Karadakut e të Luginës së Preshevës.

Gjilani është djep i veprimtarëve të shumtë, aq shumë sa që të pa numërt, çështjes kombëtare, legal e ilegal, paqësor e të armatosur dhe vatër e rezistencës shqiptare për çlirim e bashkim.
Gjilani dhe Anamorava i përkasin dëshmorëve dhe veprimtarëve dhe luftëtarëve të përjetshëm dhe të paepur për kombin, si Mulla Idriz Gjilani, Haki Sermaxhaj, Rexhep Elmazi, Ramiz Cërrnica, Xheladin Kurbalia, Hasan Remniki, Kadri Zeka, Rexhep Mala, Nuhi Berisha, Zija Shemsiu, Metush Krasniqi, Reshat Ymeri, Agim Rashiti e deri te dëshmorët e luftës së fundit të Ushtrisë Çlirimtare të Kosovës, si Agim Ramadani, Isa Kastrati, Abdullah Tahiri, Alban Ajeti, Pajazit Ahmeti, Naser Azemi, Hanumshahe Zymberi, Tefik Zymberi, Ibrahim Oruqi, Bashkim Selishta, Urim Mehmeti, Nijazi Azemi, Skifter Arifi, Rrahim Beqiri e qindra e qindra të tjerë. Gjilanit i jemi mirënjohës e falënderues, të gjithë cep më cep, për gjithmonë!

Të dashur qytetarë të Gjilanit, në shekullin XX-të, shqiptarët si popull në Ballkan, si qytetarë në shtete të ndryshme, si qytetarë të dorës së dytë në shtete të ndryshme, si refugjatë nëpër botë, përgjithësisht nuk kanë vendosur për veten e tyre. Shekulli XXI për dallim do të jetë shekulli shqiptarëve, sepse shekull i fuqizimit të Republikës dhe i vetëvendosjes së shqiptarëve. E në këtë shekull të shqiptarëve, viti 2025 do të mbahet mend, do të kujtohet, do të përkujtohet, do të shënohet si vit i fitores rekord historike e të paparë të Lëvizjes Vetëvendosje!
E do të jetë kështu, sepse gjatë këtyre katër viteve, Kosovën bashkë e bëmë të pavarur nga korrupsioni qeveritar dhe nga pazaret me Serbinë.
Nuk ka më korrupsion në qeveri dhe nuk ka më pazare me Serbinë. Qeveria jonë, qeveria juaj, pavarësisë së shtetit ia shtoi sovranitetin, ia hoqi zhvatjen, ia shtoi prodhimin dhe ia zvogëloi papunësinë, ia shtoi barazinë dhe ia zbuti varfërinë. Andaj, numri 118 është vula e mirëqeverisjes me 9 shkurt!

Gjatë këtyre katër viteve, tash pas katër viteve, reputacioni i shtetit të Kosovës, për nga qartësia e pastërtia financiare, për nga ngritja e demokracisë dhe rënia e korrupsionit, e sidomos për nga pesha e rritjes ekonomike dhe fuqizimit ushtarak, kemi arritur në nivelin ku edhe negociatat që i bën qeveria jonë, si bilaterale ashtu edhe multilateral, janë me sukses të plotë. Ndërkaq, mirëqenia e shpërndarë gjithandej ka rezultate të papara, jo vetëm për këtë shekull. Prandaj, në fund të këtij mandati tonë, s’ka dyshim që mund të themi që këto katër vite ishin katër vitet më të mira, jo vetëm në Kosovën e pavarur, por që nga çlirimi. Andaj, 9 shkurti është dita e data e zgjedhjeve, është data e dita jonë, sepse Vetëvendosja është emri i progresit dhe 118 është numri i fitores!

Këtu, në Gjilanin tuaj e tonë të dashur, e kemi kazermën e Ushtrisë sonë, kazermën e FSK-së. Aty është vendosur Regjimenti i parë i Këmbësorisë, përgjigjja për tu mbrojtur ndaj çfarëdo rreziku për Republikën tonë. Ky regjiment është validuar nga ekipet e Shteteve të Bashkuara të Amerikës, për të kryer edhe operacione luftarake.
Këtu e kemi edhe një fakt interesant: në vitin 2008, gjatë vizitës së Sekretarit të Mbrojtjes, Robert Gates, ai kishte ateruar në kazermën e FSK-së, atëherë në kampin ushtarak amerikan Montei me helikopterin Black Hawk. E pikërisht me Amerikën dhe prej Amerikës, flota jonë ajrore e FSK-së do të ketë edhe helikopterë, dhe në mesin e tyre edhe këta Black Hawk të famshëm. Pra, përveç që po e blejmë sistemin amerikan Javelin antitank, përveç që kemi blerë drona luftarak Bayraktar, gjithashtu po blejmë edhe helikopterë luftarak që do të na e mbrojnë Kosovën cep më cep nga çfarëdo rreziku.

Në mandatin e parë, i kemi transformuar shumë klinika gjithandej Kosovës, me moton “klinikë pas klinike”. Në mandatin që po na pret këtë pranverë motoja jonë për Shëndetësi do të jetë “spital pas spitali”, e tashmë, të dashur qytetarë të Gjilanit, i kemi ndarë 8 milion euro për spitalin e Gjilanit.
Me këto 8 milion euro, do ta transformojmë repartin e Kirurgjisë, Gjinekologjisë, Emergjencës dhe Intenzivës, dhe do ta ndërtojmë një aneks të ri për Radiologji me aparatura të reja e bashkëkohore. Spitali i Gjilanit do të jetë Qendër Spitalore në shërbim të pacientëve nga qyteti i Gjilanit, nga rajoni i Anamoravës, por edhe shqiptarëve nga Presheva, Medvegja, Bujanoci dhe Kumanova. Na i kemi rritur si askush më parë, si asnjëherë më parë edhe pagat për mjekë specialistë e për infermierë. Sonte është e shtunë, të gjithë mjekët specialistë që kujdestarojnë 24 orë sonte, i marrin 285 euro. Kjo pra tregon se si rritja ekonomike e vendit tonë e ka rritur edhe cilësinë e kujdesit e shërbimit shëndetësor, por edhe pagën për mjekët e personelin shëndetësor në përgjithësi.

Ne e kemi për Gjilanin edhe një projekt shumë të rëndësishëm, diga e Firajës. Gjilani e ka Pendën e Përlepnicës, por kjo Pendë është ndërtuar për Gjilanin e para gjysmë shekulli. Kur të rritet qyteti, duhet t’i rrisim edhe rezervat ujore. Diga e Firajës siguron ujë të pijshëm për mbi çerek milioni banorë dhe për ujë për ujitjen e 40 mijë hektarëve tokë bujqësore. Nga kjo digë përfiton edhe Gjilani, pas kësaj nuk do të ketë më vera pa ujë dhe vështirësi për bizneset, fermerët dhe familjet këtu.
Kemi besuar që autostrada kryhet dhe jemi angazhuar fort që të përfundohet, por u desh më shumë kohë sesa që kemi menduar, sepse e pamë se sa keq e sa mbrapsht është filluar ajo. Projekt pa studim të mirëfilltë, pa elaborat shpronësimi dhe pa mbikëqyrje, tash që i dimë telashet, i dimë defektet, e dimë edhe çfarë duhet bërë që ajo të kryhet shpejtë. Autostrada e Gjilanit ka me u bë, autostradën do ta bëjmë edhe atë jo vetëm deri në Gjilan, por deri te Dheu i Bardhë.
Në krejt Kosovën, ata që shkuan prej qeverisë e mos u kthefshin, ata ish-qeveria. Në krejt Kosovën ata na e kanë lënë veç një stadium për ndeshje ndërkombëtare, stadiumin e Prishtinës “Fadil Vokrri”, edhe atë po mos të ishte Ministria jonë e Kulturës, Rinisë dhe Sportit, një shi i vogël e bënte fushën lloç. E tash është bërë me fushë krejtësisht të re. Para dy vitesh e kemi nisur planin për infrastrukturën e futbollit cep më cep, punimet vazhdojnë në shumë stadiume, disa të tjera janë në procedurë e disa do të nisin shpejtë. Në mandatin tonë të dytë, përgatitjet për Lojërat Mesdhetare 2030, me 200 milionë investime në total, do t’i kemi 20 stadiume moderne në 18 komuna të Kosovës, përfshirë Gjilanin pa dyshim aty. Stadiumin e Gjilanit do ta përfundojmë. Me vonuar, na kanë vonuar, me na ndalë s’ka mundësi, na kanë vonuar ata që kontratën e kaluar e kanë bërë me shkelje, ato i ka evidentuar auditori dhe do të ketë hetime. Do të ketë edhe drejtësi për mospunë, edhe përfundim të punëve.

Qeveritë e kaluara thoshin që shqiptarëve të Preshevës, të Medvegjës e Bujanocit nuk u ka ardhur rendi ende, mirëpo e kanë mbështetjen tonë morale, thoshin ata. Shqiptarët e Preshevës, Medvegjës dhe Bujanocit, shqiptarët nën Serbinë nuk kanë nevojë për mbështetje morale, se ata moralin e kanë shumë të lartë për çdo ditë, kudo që janë ata e kanë moralin e lartë, sepse i qëndrojnë ballëhapur e përballë Serbisë. Por kur filluan që ta shohin Luginën, si shpëtim për fatin e tyre në pushtet, ju kujtohet që ja nisën ta përmendin Luginën në çdo të dytën fjalë dhe ndarjen e Kosovës e ambalazhonin si bashkim të shqiptarëve.
Me qeverinë tonë, Presheva, Medvegja dhe Bujanoci kanë linjë të rregullt buxhetore, që e kemi rritur vit pas viti. Në vitin 2022 i kishte 2 milionë, sivjet dyfish më shumë – 4 milionë, e veç përpjetë do të shkojmë me mbështetje për Luginën. Me qeverinë tonë, studentët nga Presheva, Medvegja dhe Bujanoci janë të barabartë në universitetet tona publike. Me qeverinë tonë, pacientët nga Presheva, Medvegja e Bujanoci kanë trajtim të barabartë në spitalet tona, sikurse të gjithë shtetasit e Republikës së Kosovës. E me qeverinë tonë, edhe specialistët shqiptarë nga Presheva, Medvegja e Bujanoci kanë mbështetje financiare të barabartë me specializantët nga Kosova. Tash, shqiptarët e Luginës po ashtu mund të bëhen pronarë të ligjshëm të pasurive të paluajtshme në Kosovën e pavarur.
Andaj, për shqiptarët përtej kufirit e pjesë të këtij pellgu të Anamoravës, me Gjilanin si kryeqytet, ne sigurojmë të drejta të barabarta me qytetarët e Republikës sonë. Për shqiptarët atje ka vëmendje të veçantë e mbështetje financiare nga qeveria jonë, e cila sa vjen e do të shtohet.

Të dashur qytetarë të Gjilanit, tabelat RKS më nuk mbulohen kur e kalojmë kufirin me Serbinë. Stema e Republikës së Kosovës udhëton lirshëm gjithandej Evropës, fletën e bardhë në kufi nuk na e lypë më askush. Rrymën në Kosovë e paguajnë të gjithë, cep më cep, në veri e në jug. Para ambasadave, nuk presim më tash vetëm pasaportën dhe biletën në xhep dhe drejt Evropës udhëtojmë cep më cep, po edhe kthehemi në Kosovën tonë të dashur e në Gjilanin tonë madhështor, sepse me mirëqeverisjen tonë, kemi ku kthehemi, kemi ku jetojmë, kemi ku banojmë, kemi ku punojmë, kemi ku kontribuojmë.

Të dashur qytetarë të Gjilanit, të nderuar të pranishëm, ne nuk mund të presim që Amerika dhe Evropa do të na mbështesin e simpatizojnë sikurse në pranverën e vitit 1999, sepse ne nuk duhet të lejojmë e kurr më nuk do të lejojmë masakra e dhunime të Serbisë në Kosovë. Ne tash jemi shtet i pavarur, ne jemi shtet sovran, me integritet territorial, me zhvillim ekonomik, me ushtri të fuqishme e me Polici të jashtëzakonshme, profesionale, me integritet e kompetencë, cep më cep.
Pra, ne tash i dalim zot vetes, ne i dalim zot atdheut, ne jemi më të fortë e më të qëndrueshëm se Serbia! Kombi shqiptar është më i lashtë e më i madh! Amerika dhe Evropa janë miqtë, partnerët, aleatët tanë që na mbrojnë nga Rusia. Kurse për mbrojtje nga Serbia, e kemi ushtrinë tonë dhe komandantin Bashkim Jashari! E uniteti kombëtar, politik dhe institucional, dhe aleanca e vlerave demokratike dhe perëndimore janë shinat e binarëve të ardhmërisë tonë të përbashkët.

Të dashur gjilanas, të tjerët mund të përpiqen të jenë komplementar ose suplementar me Lëvizjen Vetëvendosje! për ta ndihmuar zhvillimin e shtetit dhe fuqizimin e Republikës, por jo edhe të jenë rival me ne. Rivaliteti me Lëvizjen Vetëvendosje është gabim i kotë. Suplementar ose komplementar, rivaliteti është kot fare!
Se ne kemi qenë gjatë në opozitë, gati nja 20 vjet, kemi përvojë shumë, kemi beteja që na kanë kalitur dhe ne e dijmë më mirë se kushdo tjetër, më mirë se në çdo kohë tjetër, se për të qenë në opozitë duhet të kesh edhe ideale, edhe ide, e kjo opozitë si ka asnjërën. Tash, unë nuk po them që krejt ata që kanë qenë para neve, të gjithë e secili kanë qenë të këqij, por unë po ju tregoj diçka: ata para nesh, nëse nuk kanë qenë të këqij, kanë qenë zakonisht dembelë të pa ditur, e si dembelë të paditur, nëse s’kanë qenë të këqij, ata i përngjajnë atyre që i kanë përpara miellin, vezët, sheqerin, qumështin, dredhëzat dhe kakaon, dhe thonë “çka po më hahet një tortë?”.
Por, ja që kjo nuk ndodh, sepse nuk lëvizin, nuk punojnë, nuk angazhohen, nuk sakrifikojnë, nuk kontribuojnë, pa çka se i kanë përpara të gjitha elementet përbërëse për ta bërë atë që duhet. Për atë që duhet, kanë çfarë u duhet, por kot. U dashtë me ardhë qeveria e Vetëvendosjes me dhënë shtesa për fëmijë, me i rritur pensionet 20%, me i subvencionu kamatat për kredi investimi, me i ndihmu bujqit e fermerët, me fuqizuar Ushtrinë e Policinë, me e rritur ekonominë, me i bërë 9 stacione Policore rrotull kufirit në veri me Serbinë. U dashtë me ardhë Lëvizja Vetëvendosje! në qeverisje bashkë me partinë Guxo, e partinë Alternativa, me i eliminuar strukturat ilegale e kriminale të Serbisë, u deshtë me ardhë qeveria jonë që mos me pas më as “razumem”, e as “we are not problematic guys”, qysh bojshin ata.
E pra, përbërësit kanë qenë aty, por edhe kur s’kanë qenë të këqij e të ligë, kanë qenë dembelë të pa ditur. Por tash e keni një listë të kandidatëve me numrin 118, me njerëz edhe punëtorë, edhe të ditur, edhe të mire!

Ajo që duhet të ndryshojë në mandatin tonë të ardhshëm është Prokuroria e Shtetit. Na duhen gjithë zemrat e mundshme të këtij vendi e të këtij shteti për një Prokurori të re të Shtetit. Frika, të gjitha llojet e saj, nga droja te mos suksesi e deri te trembja nga shantazhi, e mban të ngujuar Prokurorinë e Shtetit në Kosovë. Prokuroria e Shtetit është e kapur nga krerët e saj. Aty ka prokurorë të mirë, ka shumë prokurorë shumë të mirë, por Këshilli Prokurorial nuk i lejon që të ngjiten lartë, nuk u jep lëndë të rëndësishme dhe ja u bart lëndët e dështuara ka fundi. Krerët e Prokurorisë së Shtetit janë bërë persekutues politikë, ata sulmojnë qeverinë sepse po e mbrojnë vetveten. Punët e mbrapshta dhe punët e munguara në këto më shumë se dy dekada nuk na ndihmojnë t’i luftojmë strukturat e Serbisë dhe as zhvatësit e oligarkisë. Por me 9 shkurt, 500 mijë zemra ku rrahin por si një, sjellin jo vetëm Kuvend të ri, jo vetëm qeveri të re, por edhe Prokurori të re që i ndjek e i përndjek kriminelët e të gjitha ngjyrave dhe sjell drejtësi një herë e përgjithmonë, me një herë e gjithmonë për popullin e Kosovës, për viktimat e shumta të të gjitha kohërave.
Me qeverisjen tonë, me neve, për qytetarët më shumë punësim, më shumë arsim, më shumë shëndet, më shumë përfaqësim, e me juve për mua më shumë shërbim pa dallim.
Në Gjilan, në Kosovë, cep më cep.

Të dashur pjesëmarrës, të nderuar të pranishëm, ekziston interesi i përgjithshëm publik, në politika që bazohen në vlera. E kemi dëshmuar këtë vetë ne, duke shndërruar antikorrupsionin në rritje ekonomike dhe lirinë e qytetarëve në zhvillim shoqëror, por përparimi shoqëror dhe ekonomik, kombëtar dhe kulturor e do udhëheqjen politike që ka energji për të vrapuar në fushë, forcë për t’ju ngjitur malit tatëpjetë, frena për të zbritur malit te poshtë dhe nerva për të ecur edhe buzë greminës. Qeveria që unë drejtoj i ka të gjitha këto virtyte dhe aftësi.

Andaj, të dashur qytetarë të Gjilanit, me datën 9 shkurt, me numrin 118, vazhdojmë për ditë. 118 shkojmë përpjetë, na 500 mijë zemra e ata as te thembra.
Prandaj, duke votuar masivisht, fitojmë masivisht, festojmë bashkë masivisht dhe në mbrëmjen e 9 shkurtit, atëherë kur komisionerët anembanë Gjilanit e cep më cep Kosovës do t’i numërojnë votat, pasi që të hapen kutitë, do të thonë: Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje, Vetëvendosje! 500 mijë herë Vetëvendosje! Fitorja është e Vetëvendosjes, fitorja është e Gjilanit, fitorja është e numrit 118! Fitorja është e numrit 118! Fitorja është e gjithë juve, gjitha familjeve të juaja, secilës e secilit prej jush, për 4 vjet mirëqeverisje ku i vazhdojmë punët tona të mira dhe do të bëjmë edhe shumë punë të tjera të reja, po ashtu të mbara dhe të mira.

Faleminderit shumë për të gjithë përkrahjen nga zemra, për të gjithë mbështetjen e pakursyer, në këto gati 20 vjet të Lëvizjes! Ju dua fort, përzemërsisht, mirëupafshim e natën e mirë Gjilan i dashur!

Në Prizrenin e kulturës dhe historisë, që mbetet përherë simbol i krenarisë kombëtare dhe një prej qendrave më të rëndësishme politike e shpirtërore të shqiptarëve, mijëra qytetarë u mblodhën për të pritur kryeministrin e Kosovës, Albin Kurti.

“Prizreni i grave Heroina”, ishte epiteti që kandidatja për deputete, Edona Llalloshi i dha qytetit të Prizrenit, qytetarët e të cilit ishin nikoqir të kryeministrit Albin Kurti, ministrave e kandidatëve për deputetë.

Artan Abrashi, kandidat për deputet nga Prizreni, tha se vizionin tonë nuk ka forcë opozitare që mund ta shuaj.

Arbërie Nagavci, ministre e Arsimit, tha se nga zotimet te progresi ecet me Vetëvendosje! dhe kryeministrin Kurti.

Ministri i Kulturës, Hajrullah Çeku tha se shpirti i qytetarëve të Prizrenit janë zemrat e këtij qyteti që bëhen bashkë cep më cep, anë e këndë Republikës tonë, drejt fitores rekorde dhe historike.

Palestra “Sezai Surroi” ishte e mbushur cep më cep, nga qytetarë të cilët nuk pushonin thirrjet në drejtim të Albin Kurtit, kryeministrit të tashëm dhe të ardhshëm të Kosovë.

Duke garantuar për punën vigjilente në mbrojtje dhe siguri, kryeministri kujtoi se në të kaluarën për ushtrinë tonë ndaheshin nga 4 milionë euro, kurse me qeverisjen tonë u ndanë mbi 360 milionë. Kryeministri ngriti pyetjen se kur bandat në veri pasuroheshin nga strukturat kriminale, kurse oligarket në arbitrazhe, a ishte me koordinim a pa koordinim kjo qasje?

“Kjo asht toka e jonë, t’parët na e kanë lanë, kush mos të na e prekin, se vdesim të tanë!” – ishin vargjet që risolli Kryeministri, të kohës kur këndoheshin nga ata që e bënë Lidhjen e Prizrenit.

Për lidhjen e Prizrenit me Tetovën, kryeministri Kurti tha se kjo është një drejtësi historike ndaj një “padrejtësie gjeografike”, pasi malet i kemi për të na mbrojtur, e jo për të na ndarë, vijoi ai.

Ky aktivitet i mbushur me energji dhe entuziazëm konfirmoi edhe njëherë përkushtimin e qytetarëve të Prizrenit për mbështetjen ndaj Kryeministrit dhe Qeverisë Kurti.

Fushata e Lëvizjes VETËVENDOSJE! në këtë qytet dëshmoi unitetin dhe vendosmërinë për të vazhduar punën drejt një të ardhme me zhvillim, me drejtësi dhe me siguri për të gjithë qytetarët, pa dallim.

Në Bresanën e Sharrit, të gjithë ishin mbledhur për të takuar njëri-tjetrin, për të dëgjuar projektet e Qeverisë Kurti 3 dhe për t’u bërë pjesë e 500 mijë zemrave.

Në këtë tubim fjalën hyrëse e pati kandidati për deputet Jetmir Ajdini, i cili kujtoi që nuk ka më komuna paralele as në Sharr e as në Kosovë. Ai falënderoi qytetarët e Bresanës për mbështetjen e tyre te madhe për Lëvizjen. Ai u bëri thirrje atyre që me 9 shkurt të ftojnë edhe të tjerë t’i bashkohen votës për numrin 118, për 500 mijë votat cep më cep Republikës.

Ministrja Arbërie Nagavci përmendi kategoritë shoqërore që qeveria ka mbështetur gjatë mandatit të fundit, sidomos politikat drejtpërdrejtë për vajza dhe gra. Ajo bëri thirrje që secili nga ne, me votën tonë, ta mundësojmë vazhdimin e qeverisjes së mirë, cep më cep, për gjithë Kosovën.

Kryeministri i Republikës së Kosovës, Albin Kurti, u shpreh se numri jonë, numri 118, është i bardhë si Sharri dhe ftoi qytetarët që ta votojnë masivisht. Ai theksoi se fitorja jonë është fitore e përbashkët, fitore për të gjithë qytetarët pa dallim, fitore për zhvillim, mirëqenie, drejtësi dhe siguri. Prandaj, më 9 shkurt, kryeministri Kurti kërkoi që të bëhen thirrje për të arritur secilin skeptik dhe t’i bashkohen 500 mijë zemrave.

Kryeministri vazhdoi duke përmendur punët e mira të Qeverisë gjatë katër viteve të fundit, duke theksuar se vetëm në infrastrukturë rrugore janë investuar më shumë se 64 km rrugë, një shifër më e lartë se e qeverive të kaluara në 10 vitet e fundit. Ai gjithashtu u zotua se në mandatin tjetër, qeveria do të ndërtojë një Poliklinikë specialistike në komunën e Sharrit.

Kryeministri Kurti i falënderoi qytetarët e Bresanës dhe të gjithë Sharrit për vendosmërinë dhe përkrahjen e tyre për Qeverinë Kurti 3.

Perjashta dimër me akull, në sallë në Istog verë e nxehte.
Ju faleminderit shumë qytetarë të Istogut për këtë mikpritje kaq të përzemërt e kaq të ngrohtë, e cila na bën të sigurt që marrshimi jonë me numrin 118 drejt zgjedhjeve të 9 shkurtit do të realizojë malin e madh prej 500 mijë zemrave, që sjell fitoren e koalicionit tonë, Vetevendosje, Guxo, Alternativa.

Gjatë këtyre katër viteve të qeverisjes tonë të përbashkët i kemi bërë bashkë rritjen e ekonomisë, punësimin e grave e të rinisë, qarkullimin e shtuar të bizneseve, shpërndarjen e mirëqenies për qytetarët, sovranitetin për shtetin edhe në veri, integritetin territorial për shtetin edhe në veri, sigurinë, paqen, rendin edhe në veri, por gjithashtu edhe ngritjen e Ushtrisë së Kosovës, dhe Policisë së Republikës.
Faleminderit për këtë mbështetje të madhe, për këtë përkrahje të pakursyer, për këtë ndihmë të jashtëzakonshme që ia keni dhënë edhe lëvizjes edhe qeverisë.

Në këtë rrugëtim tonë katërvjeçar, ne nuk e kemi harruar asnjëherë Istogun. Këtë komunë, këtë vend të intelektualëve brilantë, të luftëtarëve të paepur e të punëtorëve të mëdhenj.
Në arsim i kemi ndarë 4 milionë e gjysmë euro për infrastrukturë, prej tyre 1.2 milionë për ndërtimin e shkollave në Uçë edhe Llukafc të Begut. Në Uçë përfundimi i punimeve ka ndodhur, ndërkaq në Llukafc të Begut punimet po vazhdojnë me shpejtësi.

E mbi 1.7 milionë euro i kemi ndarë për ndërtimin e tri qerdheve, njëra qerdhe për 100 mijë fëmijë, për 100 fëmijë i ka përfunduar në vitin 2022, tjetra qerdhe është duke u ndërtuar e përfundon sivjet në 2025., e kjo e dyta edhe më e madhe se e para, pra për më shumë se 100 fëmijë, dhe ndër më të mëdhatë që do të jetë në Kosovë, ndërkaq një tjetër do ta ndërtojmë, qerdhë për fëmijë në Gurrakoc.

Në bujqësi, me qeverinë tone, e Faton Pecin, ministër të bujqësisë, pylltarisë dhe zhvillimit rural, bujqit edhe fermerët e Istogut, mbi 4600 prej tyre i kemi mbështetur me 15 milionë euro grante e subvencione. E këtu, në fushën e bujqësisë, të dashur qytetarë të Istogut, korrupsionin e kemi lodh me një të rënë (nuk jam e sigurt për këtë fjalë, 54:58). Si i kemi hequr fletat poseduese, korrupsioni menjëherë e përgjithmonë ra për tokë. Tash, bujqit, fermerët meritorë marrin subvencione dhe fitojnë grante me meritë, dhe vetëm me meritë.

Përveç arsimit e bujqësisë, këtu e kemi vëmendjen edhe tek ushtria, sepse në Istog e kemi kazermën e ushtrisë sonë, në të cilën është vendosur Komanda e Forcës Tokësore, dhe Regjimenti i Dytë i Këmbësorisë, për të garantuar mbrojtje dhe siguri në pjesën Veri-perëndimore të Kosovës.

Kjo kazermë te ju në Istog ka rëndësi strategjike për mbrojtjen cep me cep të territorit tonë, dhe për këtë arsye, gjatë mandatit tonë qeverisës kemi investuar mbi 2 milionë euro në ndërtimin e standardeve më të larta dhe infrastrukturë moderne për kazermën e Forcës së Sigurisë së Kosovës në komunën e Istogut.

Këto investime do të vazhdojnë edhe në mandatin e ardhshëm katërvjeçar, sepse me ne në qeveri Kosova është më e fortë në ushtri.

Nuk mjafton vetëm të ndërtojmë qerdhe e të shtojmë shkolla. Shkollat gjithashtu i kemi lidhur me internet të shpejtë, në mënyrë që digjitalizimi të jetë i garantuar për të gjithë nxënësit. Prandaj, me rrjetin kosovar për edukim e hulumtim, KREn i kemi lidhur këto shkolla në komunën tuaj të mirë e të dashur, shkollën Bajram Curri, Hysni Zajmi, Martin Qamaj, Ndre Mjeda, Tre Dëshmorët, Trepça,,Zymer Zeka dhe Haxhi Zeka, në mënyrë që nxënësit e mësimdhënësit të kenë mundësi më të mëdha për mësimdhënie cilësore e për mësimnxënie gjithëpërfshirëse.

Përveç arsimit, bujqësisë, ushtrisë, digjitalizimit, kemi investuar e po investojmë në Istog edhe në shëndetësi. 2.1 milionë euro për ndërtimin e Qendrës Kryesore Familjare këtu në Istog. Për qendrën kryesore të mjekësisë familjare në Istog, punimet kanë filluar e Istogu do të ketë një qendër të re bashkëkohore, moderne. Pra, për Istogun të dashur qytetarë, në arsim janë 4.7 milionë euro, në bujqësi 15 milionë euro, në ushtri mbi 2 milionë euro e në shëndetësi 2.3 milionë euro, vetëm për lapsin, bukën, dhe pushkën, dhe për shëndetin në Istog janë mbi 24 milionë euro investime që kanë nisur e po vazhdojnë, sepse ne bashkë do të vazhdojmë me partinë Guxo, me partinë Alternativa, me këta 110 kandidatët tanë që janë deputetë të ardhshëm në Kuvendin e Republikës së Kosovës, në legjislaturën e në mbështetje tonë të pavarur.

E përveç shëndetësisë, në Istog jemi fokusuar edhe për çështjen e energjisë. 5 ndërtesa publike i kemi rinovuar për efiçence të energjisë, dy shkolla, një qerdhe, ndërtesën e Kuvendit Komunal, dhe Qendrën Kulturore këtu ku jemi sot. Këto ndërtesa dimrit janë më të ngrohta, verës janë më të freskëta, dhe shpenzimet e energjisë elektrike i kanë ulur për gati 70%.

Përveç këtyre ndërtesave publike, 112 familje të Istogut i kemi përkrahur për t’i izoluar shtëpitë e tyre. E ndërkohë, qytetarëve të Istogut i kemi ndihmuar që ta ruajnë energjinë elektrike. Në Istog, Republika jonë do ta ruajë energjinë elektrike për mbarë shtetin, sepse këtu do të vendosen bateritë akumuluese të energjisë elektrike me kapacitet 125 MW, që janë donacion i Shteteve të Bashkuara të Amerikës, të Korporatës së sfidës së Mijëvjeçarit në një vlerë të gjithmbarshme të një granti prej 202 milionë dollarë. Pra, bateritë akumuluese që e ruajnë energjinë e prodhuar nga qielli dhe nga era, do t’i ruajmë në dy komuna të Kosovës, në Istog dhe në Ferizaj.

Kjo është dëshmi, kjo qeveria e Kosovës, unë si kryeministër i Republikës nuk jemi kryeministra e qeverisë partiake, por të shtetit. Kurrë nuk kanë pasur komunat e Kosovës kaq shumë buxhet, kaq shumë ngritje të buxhetit, sikurse me qeverinë tonë.

Krahasuar me vitin 2021, kur kemi ardhur për herë të parë në detyrë, në këtë mandat e kemi rritur buxhetin prej 547 milionë euro për të gjitha komunat, në 778 milionë euro për të gjitha komunat, apo rritje prej 44% të buxhetit për komunat e Kosovës, cep me cep, anembanë, gjithandej.

Pra, të dashur qytetarë të Istogut, të nderuar të pranishëm, të dashur pjesëmarrës, Lëvizja Vetevendosje prej 38 komunave që i ka Kosova, e ka kryetarin vetëm në 6 prej tyre, 6 prej 38. Bile këto 6 përfshirë edhe Leposaviqin edhe Veriun e Mitrovicës.

Mirëpo, buxhetin për komuna e kemi rritur për 44%, ani pse në shumicën dërmuese të komunave ne nuk qeverisim. Ne ja duam të mirën komunave, ashtu siç ja duam të mirën Republikës, sepse ne e dimë që njerëzit tanë, teksa janë qytetarë të republikës, janë banorë të komunave.

E në vitin 2021, kur e kam marrë detyrën më datën 23 mars, të dashur qytetarë, të nderuar pjesëmarrës, e kemi pasur një ekonomi ku çdo i katërti ka qenë i papunë. E sot po e përmbyllim mandatin tonë me ulje të papunësisë, prej çdo të katërti që ka qenë i papunë, në çdo të nëntin që është i papunë. Domethënë, para qeverisjes sonë, në çdo familje ka qenë nga një i papunë, e tash në dy familje mesatare, zor që ke me gjetë një të papunë.

Në vitin 2020, qeveria paraprake i ka lënë borxhet e papaguara, 141.6 milionë euro ndaj operatorëve ekonomikë të sektorit privat të Republikës së Kosovës. 141.6 milionë euro shteti, për shkak të keq-qeverisjes, ia ka pasur borxh sektorit privat. E a e dini sa është 141.6 milionë euro që shteti me ato ish-qeveritë ia ka pas sektorit privat të ndërmarrësve në Kosovë? Sa buxheti i kombinuar i Istogut, Podujevës, Gjilanit, Shtimes, Junikut, Kamenicës e Hanit të Elezit marrë së bashku. Kaq borxh i kanë pasur ndërmarrësit tonë që e kanë barrën kryesore të punësimit të qytetarëve, ish-qeveria në emër të shtetit.

E tash, pas më pak se 4 vjet qeverisje, me neve ky borxh ka rënë në 33 milionë euro, apo më pak se buxheti i komunës së Gjakovës. Këtë rritje të ekonomisë për 50% krahasuar me vitin 2019, që është para pandemisë, se në 2020. është “furrë ekonomia.” Apo, këtë rritje të ekonomisë për 30% më shumë se sa në vitin 2021, kur e kemi marrë detyrën, ne e kemi shpërndarë te qytetarët, a thua si ju kemi ndihmuar bizneseve, ju kemi ndihmuar edhe kategorive shoqërore që kanë më shumë nevoje. Bizneset e kanë rritur qarkullimin prej 12 miliardë euro në 22 miliardë euro.

 Mirëpo, ne kemi ndihmuar 60 mijë nëna lehona, 2 të tretat e tyre të papuna, dhe mbi 400 mijë fëmijë të cilët marrin shtesat në emër të nenës, prej 0-16 vjeç, ku e kemi dyfishuar, dhe e kemi trefishuar mbështetjen për ta. A e dini sa janë 60 mijë nëna lehona, sa dyfishi i numrit të banorëve të Istogut. Dyfishi i numrit të banorëve të Istogut bëjnë 60 mijë nëna lehona që na i kemi mbështetur qysh nga viti i parë i qeverisjes e për herë të parë në Kosovën e pavarur e të çliruar. E prej këtyre 60 mijë nënave lehona që i kemi mbështetur, 1200 nëna lehona të tilla janë në komunën e Istogut, që me i mbledhë bashkë në këtë sallë ku jemi sonte, kishte me qenë me mbush dyfish sallën, cep më cep.

Si rezultat i mbështetjes direkte, gjithsej janë 480 të punësuar këtu në Istog përmes mbështetjes, 333 përmes Superpunes, ku të rinjve e të rejave prej moshave 18 deri në 29 vjet, në ua japim pagën minimale si bonus prej 350 eurosh, në secilën ndërmarrje që punojnë, dhe 147 të punësuar të tjerë përmes programit Qeveria për Familjet, me qëllim që të mos e lëmë asnjë familje pa së paku një të punësuar.

Pra, këtë sallë të kulturës ku ndodhemi sonte, ne nuk e mbushim thjesht për tubime e për festë si sot, por e mbushim, e stërmbushim shumë herë me përfitues të shumfishtë e të drejtpërdrejtë të politikave të mira, dhe programeve të nevojshme që e rrisin mirëqenien e qytetarëve, krah për krah, cep më cep, zhvillimit të qëndrueshëm.

Të dashur qytetarë të Istogut, më lejoni që në këtë tubimin tonë ta përshëndes në veçanti bashkëpunëtoren time të ngushtë, kolegen time të jashtëzakonshme, Donika Gërvallën. Gjatë këtyre katër viteve, prej fushatës së kaluar, e në fushatën ku jemi tash, kemi punuar bashkë për të gjitha çështjet, dhe më besoni, nuk ka as stuhi, as fortunë që e lëkund Donika Gërvallën. Nuk ka krizë, as vështirësi që e dobëson Donikën, dhe nga bashkëpunimi me Donika Gërvallën unë ndjej që më shumë kam marrë energji e mbështetje, sesa që i kam dhënë.

E tash, po, është e vërtetë, me Donikën ndoshta, nganjëherë, për ndonjë çështje nuk jemi pajtuar 100%, po jo rrallë herë, ajo e ka pasur më mirë se unë. E unë besoj që biri juaj, presidenti historik, Ibrahim Rugova, po të kishte qenë gjallë sot, për mbesën tuaj, Donika Gërvallën, që i ka dajët prej Istogut, do të kishte thënë që LDK me të vërtetë se Donika Gërvallën në Kosovë e në shqiptari nuk mundeni me gjëte.

Të dashur qytetarë të Istogut, këto qeveritë e mëhershme, këto ish-, e ish-, ish-, ish-qeveritë, ju e dini shumë mirë që kanë pasur polici vetëm për Vetëvendosje. Nuk kanë pasur polici as për të korruptuarit, as për kriminelët, as për strukturat e Serbisë, veç për neve Vetëvendosje kanë pasur polici.

Pra, u deshtë me ardhur me qeverisje Vetëvendosja, që të integrojë Veriun, që të luftojë korrupsionin, që të luftojë krimin. A e kuptoni pro sa e rëndësishme është udhëheqja politike, sa e rëndësishme është qeveria e Republikës? Këta policë të shkëlqyeshëm, me integritet personal e kompetencë profesionale, këta kanë mundur me i luftuar këto struktura ilegale shumë moti, por s’më kanë pasur mua kryeministër, se kanë pasur Donikën zëvendëskryeministre, se kanë pasur Xhelal Sveçlën ministër të brendshëm.

Policia e Kosovës e ka dëshmuar, e ka vërtetuar që e ka edhe gatishmërinë, edhe vullnetin, edhe interesin për t’i luftuar strukturat ilegale, kriminale të Serbisë në Kosovë. Mirëpo, ajo tash, me këtë mandat që po ju afrohet fundi, e që bashkë me juve, me 500 mijë zemra do ta vazhdojmë edhe për 4 vjet, ka fituar qeverinë e cila është e gatshme, e interesuar, dhe e vullnetshme që askund e asnjëherë mos t’ia le asnjë vend e asnjë strukturë ilegale kriminale të Serbisë, cep e më cep të Republikës së Kosovës.

Por, shtrohet pyetja të dashur qytetarë, pse këta nuk i luftonin strukturat ilegale kriminale të Serbisë? Vetëm këto 4 vjet kemi shkatërruar aq shumë grupe kriminale, kemi mbyllur aq shumë rrugë ilegale të kontrabandës, kemi eliminuar aq shumë laboratore të drogës e të kriptovalutave, kemi shkatërruar aq shumë struktura paralele, sa që në fund krijohet përshtypja që këtu më shumë kishte pasur grupe kriminale e struktura paralele sesa institucione shtetërore!

Por, le të kthehemi te pyetja themelore. Pse këta i toleruan, pse këta bashkëjetuan me këto grupe kriminale, e me këto struktura ilegale? Bindja ime e fuqishme, të dashur qytetarë, është për shkak se këta u korruptuan, e pas korrupsionit nuk ke më ideale. Edhe nëse flet për ideale, nuk të beson më kush, as jashtë as brenda, dhe të korruptuarit nuk mund ta luftojnë Serbinë. Ata që korruptohen, siç thotë populli ynë, e kanë bishtin e nxënë me derë. Kur e ki bishtin e nxënë me derë, atëherë është vendimtare kush e ka dorën te brava.

Pra, kur politikani ndahet prej qytetarëve, fizikisht, emocionalisht, shpirtërisht, materialisht, ai e vendos interesin e vetë mbi interesin e përgjithshëm, dhe mu aty nis korrupsioni. Politikanët e Vetëvendosjes, të Guxo, e të Alternativës, nuk do të pasurohen asnjëherë, asnjëri nga politika, dhe do të jenë gjithmonë pranë e të dashur me popullin, pran tij, e bashkë me të, dhe larg prej krimeve, e kundër tyre.

Me numrin 118 ne mbërrijmë bashkë te ato 500 mijë vota. Me numrat e tjerë edhe mbeten në gjysmë të rrugës, edhe të largët. E tash, luftimi i krimit dhe i korrupsionit, i këtyne strukturave ilegale e kriminale, i elementëve terroristë të financuara, dirigjuara, orkestruara nga Serbia e ministrit Miloševiq, do të bëhej shumë më i shpejtë, më i plotë, më efikas, sikur ta kishim një prokurori profesionale edhe patriotike. Mirëpo, të dashur qytetarë, me keqardhje më duhet ta them që prokuroria e shtetit tonë është e kalbur.

Aty në prokurori, ka prokurorë të mirë, por Këshilli Prokurorial nuk i lë ata me u ngjit lart, nuk i jep lëndë të rëndësishme, dhe ju bart lëndët e dështuar.

Kur e shikoni prokurorinë e shtetit, hierarkia e saj, struktura vertikale, është edhe më rigoroze sesa e ushtrisë. Kjo do të thotë që ata kanë shumë frikë, kjo do të thotë që në mesin e rreth 200 prokurorëve ka shumë prokurorë të mirë, po ata janë në fund të piramidës. E kupolla e piramidës atje, që është e frikësuar, përpiqet t’i frikësojë edhe të tjerët. Mirëpo, pas 9 shkurtit, kur ne fitojmë, me mbi 500 mijë vota, rendi i vjen një prokurorie të re, një prokurorie patriotike e profesionale.

Ju e keni parë që krerët e prokurorisë nuk po na mbështetin në luftimin e krimit të organizuar, dhe po ashtu po na pengojnë në luftimin e strukturave të Serbisë. Kjo prokurori si mos me qenë e Kosovës. Për kësi prokurorie Kosova nuk ka nevojë. Kjo prokurori ka nevojë për një prokurori të re të Kosovës që vjen pra pas fitorës tonë të re, për mandatin tonë të ri qeverisjës në Republikën e Kosovës.

E në mënyrë që përpjekjeve të përbashkëta për rritje ekonomike, për mirëqenie sociale, për luftim të pabarazisë në shoqëri, t’ia bashkangjesim edhe luftimin e krimit, e të korrupsionit, edhe në Jug edhe në Veri, të dashur qytetarë, ne kemi nevojë që ta kuptoni se 9 shkurti është moment historic, edhe ata që ndoshta ende mendojnë ose të mos votojnë, ose të votojnë ndonjë numër tjetër në fletëvotim. Prandaj, unë të gjithë atyre ju drejtohem me fjalët se nuk është gabim ta ndryshosh mendjen për këto parti të tjera që mund t’i keni votuar më herët në të kaluarën, por është dobësi të mos e korrigjosh gabimin, dhe është fuqi të lëvizësh, të guxosh, e të vendosësh vetë ta votosh numrin e fitores, numrin 118 në fletëvotimin e 9 shkurtit.”

Tash, unë e di që të gjithë, ama bash të gjithë do të na votojnë në vitin 2029. Por, meqenëse do të na votojnë të gjithë, ama bash të gjithë në vitin 2029, pse mos të na votojnë qysh tash, pse mos të na votojnë në vitin 2025.

Të gjithë ju qytetarë që do të na votoni në vitin 2029, mos prisni 4 vjet, mos prisni as 4 javë, votojeni numrin 118 më 9 shkurt, 2025.

Këto partitë e tjera janë bërë bashkë në të kaluarën për me e ndarë buxhetin e shtetit kundër popullit të Kosovës. Qeveria jonë u bë bashkë me popullin për ta rritur buxhetin e për ta ndarë mirëqenien. Me ne u kthyen guximi dhe shpresa, u kthyen nderi dhe besa, sepse ne jemi me ballin lartë, e me kurrizin drejt, me fytyrën dritë, e me syrin pish, me mendjen top, e me zemrën plot.

E nga ky tubim sonte, unë nuk kam dyshim në fitoren e koalicionit tonë, sepse kam besim në ju qytetarë të Istogut. Me numrin 118, ju e dini më mirë se kushdo tjetër që na presin ditë të mbara, muaj të mirë e vite të bardha. Prandaj, të gjithë ju, bashkë, secili prej jush, sërish bashkë, me 9 shkurt lëvizni, me 9 shkurt vendosni, me 9 shkurt vendosni vetë, me 9 shkurt vetevendosni, në fshat e në qytet, çdo banor i secilës shtëpi, në çdo lagje, e në secilën rrugë, gra e burra, djem e vajza, pleq e të rinj, bashkërisht e masivisht, drejt fitores e deri në fitore, në Kosovë, e në Istog, në Republikën Cep me Cep, me numrin 118, drejt 500 mijë votave me zemër!

Ju faleminderit, ju dua fort! Mirë u pafshim e natën e mirë! Faleminderit!

Të dashur qytetarë të Fushë Kosovës,

Faleminderit shumë për këtë mikpritje kaq të ngrohtë në këtë mot të ftohtë që s’po e ndjej fare.

Faleminderit shumë për këtë mikpritje në Fushë Kosovë, në këtë mal të zemrave që marshojnë drejt, sigurt 9 shkurtit, atëherë kur do të fitojë Lëvizja VETËVENDOSJE!, koalicioni ynë me partinë Guxo dhe partinë Alternativa.

E fitorja jonë i ka dy numra, e ka numrin 118 në fletëvotim dhe e ka numrin 500 mijë vota në mbrëmjen e 9 shkurtit, atëherë kur do të numërohen ato prej komisionerëve tanë cep më cep të Republikës sonë.

Gjatë këtyre katër vitëve, ne ja kemi shtuar prodhimin ekonomisë, ja kemi shtuar sovranitetit shtetit, ja kemi shtuar integritetin territorit, ja kemi hequr korrupsionin institucioneve, ja kemi shtuar barazinë shoqërisë. Andaj, këto 4 vjet janë vitet më të mira në Kosovën e çliruar e të pavarur për të gjithë qytetarët dhe secilën familje të popullit tonë.

Ekonomia e Kosovës është rritur 50% në vitin që e lamë pas, krahasuar me vitin e parë para-pandemik 2019, se me 2020 nuk po e krahasojmë meqë u patë tkurrur ekonomia. Dhe jo vetëm kaq, 40% janë rritur të hyrat tatimore në vitin 2024 krahasuar me vitin 2021, andaj në vitin 2025 e kemi 50% më të madh buxhetin e shtetit sesa në vitin 2021 kur e kemi marrë detyrën si Qeveri e rikthyer në pushtet. E këtë rritje ekonomike e ka bërë populli ynë me konsumin e shtuar, e ka bërë sektori privat, me ndërmarrësin dhe qarkullimin e shtuar, e ka bërë edhe Qeveria me investimet kapitale të shtuara dhe e kemi bërë të gjithë bashkë duke mundësuar dyfishim të eksporteve të Kosovës brenda më pak se 4 viteve.

Por, këtë rritje ekonomike nuk e kemi mbajtur vetëm për shtetin, e kemi shpërndarë te shoqëria me shtesa për fëmijë, me rritje të pensioneve, me mbështetje financiare për nëna lehona, me subvencionim të kamatave të kredive investuese të ndërmarrësve, me shpërblim të atyre që kursejnë energji elektrike. Dhe në këtë mënyrë, rritja ekonomike është bërë mirëqenie sociale.

Për herë të parë në Republikën e Kosovës nuk ka familje që nuk e ka ndjerë disa herë dorën e mirë të shtetit të Republikës së Kosovës. Po ashtu, i kemi mbështetur edhe studentët e universiteteve. Mbi 173 mijë studentë janë liruar nga pagesat e semestrave prej fillimit të mandatit tonë dhe studentët vetëm le të studiojnë, e ne gjithsesi do t’ua lehtësojmë.

Këta që ishin dikur në pushtet, e kurrë mos u kthefshin, këta ish-at, këta paguanin lobist për shkëmbime territoriale, ndërsa ne i paguajmë studentët për Master në Amerikë e Evropë. Neve na duhen ekspertët tanë për përsosjen e Republikës, e jo ekspertët e huaj për shkëmbimin e territorit të shtetit.

Përveç se kemi investuar në shkencë e teknologji, në bursa, e sidomos për vajza studente, gjithashtu kemi investuar shumë edhe në kulturë e në art. I kemi dhënë artit e institucioneve të artit 6 herë më shumë buxhet, sepse e dimë se arti e kthen 60 herë e 600 herë më shumë. Ata i shtyjnë mercenarët e tyre, ne i ngrisim talentet e popullit tonë. Mbi 200 milionë euro i kemi ndarë për 20 stadiume në 18 komuna, sepse përveç artit edhe sporti është edukim e forcim për rininë tonë. Prandaj, ju po e shihni kontrastin e thellë para referendumit të 9 shkurtit. Ata me studio televizive e ne me stadiume sporti.

E ne jemi popull i energjisë, e ata janë panelista të plogështisë. Por të gjithë ju e dini, secili prej juve, edhe më mirë se unë vetë, se nuk ka analista që i ndalin turbinat e rinisë e popullit të Kosovës. Rinia jonë duhet të jetë arsim, kulturë, shkencë, art, sport, e për këtë Qeveria jonë, Qeveria juaj, është edhe mundësia, edhe dëshmia, edhe garancia.

Një popull, një shtet, e mbajnë lartë dy gjëra kryesore: kapaciteti për të prodhuar dhe aftësia për t’u mbrojtur. Në qeverisjen tonë në mandatin e ardhshëm do t’i ndajmë 1 miliard euro për ndërmarrjet prodhuese të Kosovës. Duam që ta zvogëlojmë deficitin tregtar, t’i rrisim eksportet, investimin e ri-investimin, ta rrisim punësimin, dhe brendet, markat, prodhimet, shërbimet që dalin nga Kosova të bëhen pjesë e identitetit tonë shtetëror e popullor që na e mban dinjitetin lartë e imazhin të respektuar cep më cep botës.

E në anën tjetër, na duhet edhe aftësia jonë për siguri e për t’u mbrojtur. Prandaj, edhe kemi investuar në ushtrinë tonë. Edhe rekordet tona më të fuqishme ne nuk i kemi frikë, sepse nuk ka rekord të vetes sonë që ne nuk e thyejmë, e me të tjerët ju e dini që nuk krahasohemi më. Ne e dimë se ku është drejtësia, aty sigurisht është edhe forca. Trefish buxhetimi për ushtrinë, trefish forcë drejtësisë sonë për t’u mbrojtur. Drejtësia pa forcë nuk bën, po edhe forca pa drejtësi nuk ka kuptim. Në vullnet, në buxhetim, në armatim, në municion, e në numër ne jemi tashmë ushtri e NATO-s. Prandaj, Qeveria jonë është Qeveri për mbrojtje në edukim, dhe edukim në mbrojtje. Forcë në drejtësi dhe drejtësi në forcë. Kështu funksionon shteti i një kombi, e jo pushteti i disa komandantëve.

E ne, të dashur qytetarë, ne nuk premtojmë, ne zotohemi, sepse ne e dimë dallimin. Premtim do të thotë premtim ndaj një tjetri, ndërsa zotim do të thotë t’i premtosh tjetrit sa edhe vetes. Ne zotohemi, pra ne i dalim zot vetvetes.

Kur ne flisnim për veriun e vendit tonë, na thoshin se po shohim ëndrra. Ne e integruam veriun. E, të dashur qytetarë, e integruam veriun, ndërkaq ata që na thoshin që po shohim ëndrra, ata as ëndrra nuk kanë më. E ata neve nuk na mirëkuptojnë, sepse nuk na kuptojnë. Ata nuk e dijnë që ëndrrat tona janë qëllimet tona, që me doemos i bëjmë realitet të popullit. E nëse ata e shohin ndonjë ëndërr, ajo është ëndërr për financa, është ëndërr për para, nuk është ëndërr për Republikën cep më cep, por është ëndërr për financat cep më cep. E ne edhe ëndrrat i kemi sovrane, prandaj edhe ato ëndrra bëhen realitet i sovranitetit. Kurse ata edhe ëndrrat eventuale i kanë të korruptuara, ata janë të korruptuar edhe në ëndrra, jo veç në realitet, prandaj nuk mund të jenë kurrë më ëndrrat e tyre realiteti i shtetit e i pushtetit të Republikës së pavarur demokratike të Kosovës tonë të dashur. Por le të mos harrojmë edhe ne një gjë, ata kanë prag për vota por nuk kanë tavan për rrena. Ne nuk kemi prag për vota, por kemi linja të kuqe për rrenat dhe për rrencat. Prandaj, edhe nuk ka më mirë se kaq, zgjedhësi i Kosovës, qytetari votues, kurrë nuk e ka pasur më lehtë të zgjedh.

Të vendos vetë, të vetëvendos me guxim për koalicionin tonë me numër 118, të dielën e 9 shkurtit të motmotit 2025.

Unë nuk lëshoj pe kurrë, e atyre të tjerëve ju ka humbur edhe lëmshi.

Të nderuar pjesëmarrës, të dashur të pranishëm,

Prej projekteve infrastrukturore, më të dashurat të Qeverisë sonë, është edhe linja hekurudhore Han i Elezit – Leshak, cep më cep, prej jugut në veri, prej veriut në jug, me mbi 200 milionë euro investime e që kalon nëpër Fushë Kosovën tuaj të dashur.

Dje kemi qenë në Han të Elezit e sonte jemi në Fushë Kosovë. Pjesa e parë e këtij projekti që e lidh Hanin e Elezit dhe Fushë Kosovën drejt Leshakut, e më pastaj, pjesa e dytë është që e lidh Fushë Kosovën me Mitrovicën në jug. Pra, Kosovën qendrore me veriun e Kosovës. Por, mos ta harrojmë edhe projektin tjetër shumë të rëndësishëm, hekurudhën Prishtinë – Durrës, që e lidh Prishtinën me detin Adriatik, që e lidh Kosovën me Shqipërinë, që e lidh portin e ri, të thatë të Kosovës në afërsi të Fushë Kosovës me portin e ri të Durrësit. E ky është padyshim njëri prej projekteve më të rëndësishme infrastrukturore, ekonomike, kulturore, e tregtare të historikut tonë pas çlirimit të vendit.

Treni më i shpejtë hekurudhat në Kosovë është ai Prishtinë – Pejë 70 km/h. Por, treni Han i Elezit – Fushë Kosovë – Mitrovicë – Leshak do të jetë 120 km/h. Linja hekurudhore 10 është e rëndësisë jetike për neve. Pra, ky treni Prishtinë – Pejë 70 km/h i përket shpejtësisë së rrugëve regjionale, ndërkaq ky që e lidh Hanin e Elezit me Fushë Kosovë e tutje, deri në cepin e sipërm të Kosovës në veri, do ta ketë shpejtësinë e autostradave. Prandaj, do të jetë hekurudhë si autostradë e trenave. Fusha Kosova është menduar si një hap hekurudhor, pra një udhëkryq ku kryqëzohen linjat e shumta, deri diku edhe ka funksionuar si e tillë. Me ndërtimin e linjës 10, dhe me hekurudhen për Durrës, Fushë Kosova do të kthehet në nyje të hekurudhave të Republikës së Kosovës. Pra, përmes Fushë Kosovës po e lidhim edhe më fort jugun e Kosovës me veriun e Kosovës, e në mandatin tjetër përmes Fushë Kosovës do ta lidhim edhe Kosovën me Shqipërinë.

Më lejoni të dashur qytetarë të Fushë Kosovës që bashkërisht me juve të falënderoj ministrat e zëvendësministrat e Qeverisë së Kosovës, deputetët e grupit tonë parlamentar, aktivistët e anëtarët e panumërt që e kanë bërë Lëvizjen VETËVENDOSJE!, lëvizjen më të mrekullueshme jo vetëm të popullit shqiptar për shekullin XXI. Por, me këtë rast dua t’i përshëndes dy persona të veçantë që janë në mesin tonë këtu. E para është kryetarja e komunës së Preshevës, Ardita Sinani, dhe i dyti është veterani i UÇPMB-së, luftëtari i paepur Lulzim Ibishi. Ne jemi sonte këtu në Fushë Kosovë dhe e dijmë shumë mirë që në këtë komunë kemi shumë bashkëkombas nga Presheva, Medvegja e Bujanoci, që jetojnë, banojnë e punojnë këtu mes nesh. Bile dikush më tha që themelet e Fushë Kosovës së re, i kanë çitë preshevasit e medvegjasit, e një tjetër më tha që Fushë Kosova është kryeqyteti i tyre në Republikën e Kosovës. Të dyja këto më gëzojnë fort, por edhe na mbushin të gjithëve bashkë me përgjegjësi e obligim.

Qeveritë e kaluara thoshin që shqiptarëve të Preshevës, Medvegjës e Bujanocit nuk u ka ardhur rendi ende, mirëpo mbështetjen tonë morale e kanë. Shqiptarët e Preshevës, Medvegjës e Bujanocit, shqiptarët nën Serbi, nuk kanë nevojë për mbështetje morale, se ata moralin e kanë të lartë për çdo ditë, kudo që janë. Ata e kanë moralin e lartë se i qëndrojnë e përballen me Serbinë, por kur filluan ta shohin Luginën si shpëtim për fatin e tyre në pushtet, ju kujtohet që ja nisën ta përmendin ata në çdo të dytën fjalë dhe ndarjen e Kosovës e amballazhonin si bashkim me shqiptarët. Me Qeverinë tonë, Presheva, Medvegja e Bujanoci kanë linjë të rregullt buxhetore, që e kemi rritur vit pas viti. Në vitin 2022 i kishte 2 milionë, sivjet do t’i ketë dyfish më shumë, 4 milionë, dhe veç përpjetë do të shkojmë me mbështetje për Preshevën, Medvegjën e Bujanocin.

Ne i mbështesim shqiptarët atje, sepse e dijmë sa shumë kanë sakrifikuar e kontribuar edhe për pavarësinë e Shqipërisë edhe për çlirimin e pavarësinë e Kosovës, dhe kanë mbetur jashtë të dyjave. Por ajo çka duhet të bëjmë ne, e atë çka po bëjmë e do ta bëjmë, është ta faktorizojmë kombin shqiptar atje për të drejtat, qëllimet dhe nevojat e tij legjitime. Me Qeverinë tonë, studentët nga Presheva, Medvegja e Bujanoci janë të barabartë në universitetet tona publike, me Qeverinë tonë pacientët nga Presheva, Medvegja e Bujanoci kanë trajtim të barabartë në spitalet tona, sikurse shtetasit e Republikës së Kosovës. Me Qeverinë tonë specialistët shqiptar nga Presheva, Medvegja e Bujanoci kanë mbështetje financiare të barabartë me specializantët nga Kosova. Dhe me Qeverinë tonë shqiptarët e Luginës tash mund të bëhen pronarë të ligjshëm të pasurive të paluajtshme në Kosovën e pavarur. Pra, për shqiptarët e Preshevës, Medvegjës e Bujanocit që janë këtu, ka të drejta të barabarta me qytetarët e Republikës së Kosovës. Për shqiptarët që janë atje ka vëmendje të veçantë e mbështetje financiare nga Qeveria e Republikës së Kosovës, e cila sa vjen e do të shtohet.

Të dashur qytetarë të Fushë Kosovës,

Lëvizja jonë është Krejt dhe Drejt. Opozita është krejt kot. Me datën 9 shkurt nuk do të kemi zgjedhje të thjeshta e të zakonshme, ndonëse janë të rregullta. Ato janë më shumë se zgjedhje, ato janë referendum për këto 4 vjet; çfarë kemi bërë me ekonominë, çfarë kemi bërë me mbrojtjen sociale, çfarë kemi bërë me sigurinë, çfarë kemi bërë me veriun e Kosovës, çfarë kemi bërë kundër strukturave të Serbisë. Janë referendum ku votohet po numri 118, dhe jo ata numrat tjerë të dallavergjive, të mashtruesve, të zhvatësve, të korruptuarve, të kriminelëve, të atyre të cilët e konsideruan popullin e Kosovës si bankë për pasurimin e tyre privat. Përqendrohuni, 10 minuta kohë, të dielën e 9 shkurtit deri te vendvotimi te shkolla, deri te kthimi në shtëpi, sepse për vetëm 10 minuta me 9 shkurt fitoni katër vjet gjatë-qeverisje të mirë, për secilin prej jush, për të gjitha familjet e juaja.

Ja kushtoni 10 minuta kohë votimit për numrin 118, e për numrat tjerë nuk keni pse humbni kohë, sepse atyre ju ka kaluar koha.

118, 118, 118,….

118 është zgjidhja e vërtetë.

Tri vjet e 364 ditë unë lëshoj pe, e ju mos lëshoni pe veç një ditë. Veç një ditë mos lëshoni pe! Me 9 shkurt votoni Lëvizjen VETËVENDOSJE!, koalicionin me partinë Guxo e me partinë Alternativa, numrin 118. Veç një ditë ju mos lëshoni pe, e unë nuk lëshoj pe 3 vjet e 364 ditë për asnjë gjë që është në interes publik, të Republikës sonë, të Fushë Kosovës, e i Kosovës cep më cep.

Po i shoh edhe nja dy duar atje në fund, që po ma bëjnë me dorë por po ma bëjnë edhe kështu (tregon me gjest te ora në dorë), ata janë të protokollit, të protokollit të qeverisë, ata po më thonë hajde tash se duhet të shkosh në tubimin tjetër. Dhe është e vërtetë se jemi vonuar këtu e do të vonohemi edhe për tubimin e ardhshëm që e kemi në Llap, Besianë, Podujevë. E kur të shkoj në Podujevë, ata më pyesin si ishte Fushë Kosova. E tash, më duhet të pyes ju, që të di se si të përgjigjem atyre. Me datën 9 shkurt, a voton Krejt dhe Drejt, cep më cep Fushë Kosova per numrin 118? A e don Fushë Kosova Republiken e Kosovës? A e don Fushë Kosova kombin shqiptar? A e don Fushë Kosova VETËVENDOSJEN? A e don Fushë Kosova partinë Guxo? A e don Fushë Kosova partinë Alternativa? A e don Fushë Kosova fitorën e VETËVENDOSJES? Atëherë, data është 9 shkurt, dita është e diel, numri është 118, emri është VETËVENDOSJE, e fitorja është Republika e Kosovës, qeveria jonë në mandatin e ardhshëm 4-vjeçar, dhe mirëqënia që nuk ka skaj për secilin prej jush, zhvillimi ekonomik, siguria cep më cep, dhe progresi i pandalshëm, i pakursyër, pa pushim për popullin tone, për Fushë Kosovën, për republikën tone, për VETËVENDOSJEN, dhe për këta 110 kandidatë, deputetë të ardshëm në legjislaturën tone të nëntë!

Faleminderit shumë e mirupafshim në aktivitete! Këto 25 ditë drejt 9 shkurtit le ta bëjmë diten 25 orë! Faleminderit, mirupafshim e natën e mirë!

Sot, kryeministri Albin Kurti, bashkë me Shpëtim Hajdarajn – djalin e heroit Smajl Hajdaraj, i cili tani është kandidat për deputet nga radhët tona, dhe bashkëkryetarin e Guxo, ministrin Faton Peci, bënë homazhe duke nderuar kujtimin e Smajl Hajdarajt pranë shtatores së tij në Pejë.

Armiqtë e Kosovës, ata që dënuan lirinë dhe demokracinë, i morën jetën Smajl Hajdarajt në vitin 2002, duke lënë një plagë të thellë në shoqërinë tonë.

Për të ruajtur trashëgiminë e tyre, është detyrë e çdo institucioni dhe qytetari që kërkon drejtësi të vazhdojë luftën për zbardhjen e këtyre krimeve. Pa sjellë para drejtësisë autorët, drejtësia jonë nuk mund të ecë përpara.

Lavdi dëshmorëve dhe heronjve tanë!

Hani i Elezit është komunë e vogël, por me zemër të madhe.

E Hani i Elezit është me zemër të madhe sepse njerëzit këtu e kanë zemrën e madhe. E kanë zemrën e madhe përplot dashuri për kombin shqiptar, për Lëvizjen VETËVENDOSJE!, për Qeverinë e Republikës.

E kur shumë njerëz bëhen bashkë me zemër të madhe, ata punojnë drejt dhe mirë për të fituar krejt gjysmë milion zemra më 9 shkurt sivjet.

Të dashur qytetarë të Hanit të Elezit,

Së pari, ju kërkoj falje që u vonuam, për shkak se ishim në Kaçanik dhe na mbajtën më gjatë sesa që kishim menduar. Por, pas Hanit të Elezit nuk do të shkojmë në ndonjë komunë tjetër sonte, kështu që nuk do të ngutemi që ta përfundojmë këtë tubim.

E pas këtij tubimi, nuk përfundon qëndrimi ynë në Han të Elezit, sepse i kemi disa takime e tubime të tjera, prapë në Han të Elezit. E kësisoj po dua t’ju tregoj që ju e keni zemrën e madhe, por edhe ne e kemi zemrën e madhe, edhe e duam Hanin e Elezit, andaj do të vazhdojmë të qëndrojmë deri kah mesnata në Han të Elezit.

Unë ju falënderoj nga zemra dhe shpreh mirënjohjen e thellë të Lëvizjes tonë dhe Qeverisë së Republikës për mbështetjen e pakursyer, të parezervë, të papushim dhe të palëkundur që na e keni dhënë në të gjitha fazat, etapat e Lëvizjes dhe Qeverisë sonë.

E tash, në prag të zgjedhjeve të 9 shkurtit, 3 javë e gjysmë larg, koalicioni ynë është Lëvizja VETËVENDOSJE!, partia Guxo dhe partia Alternativa.

Ky koalicion është një mori gjërash. Është dëshmi edhe e shpresës edhe e mundësisë për Hanin e Elezit dhe për popullin e Kosovës. Është dëshmi edhe e idesë edhe e programit të koalicionit tonë dhe Qeverisjes së përbashkët. Edhe qëndresë edhe zhvillim për Hanin e Elezit e për ekonominë mbarë. Por, ajo çfarë nuk është ky koalicion, nuk është kurrë korrupsion e krim.

Korrupsioni dhe krimi i takojnë së kaluarës që nuk kthehet, sepse edhe ne, edhe ju, populli i Kosovës mbarë, kurrë nuk lejon më që ajo e kaluar e hidhur, ajo përvojë e mbrapsht, ai krim dhe ai korrupsion të kthehet në institucionet e shtetit apo në shoqërinë kosovare.

Por, nuk mjafton të mos bëjmë keq; ne duhet të bëjmë mirë. Duhet të bëjmë mirë me dije dhe me shkathtësitë tona, me qytetari dhe me atdhedashuri, dhe të gjitha këto i mësojmë gjithandej Kosovës, cep më cep, tërë kohën ngado që shkojmë edhe kur vijmë këtu në Hanin e Elezit tuaj dhe tonë të dashur.

Partitë opozitare i patën katër vjet kohë që të reformohen, ato në pranverë thoshin që në vjeshtë ka zgjedhje, në vjeshtë thoshin që në pranverë ka zgjedhje, dhe vitin e kaluar kur ju thashë “Hajde e shpërndajmë Kuvendin edhe shkojmë bashkë në zgjedhje”, ato thanë “Jo, rri ti se mirë jemi ne”.

Pra, atëherë kur ne nuk donim zgjedhje sepse qeverisnim mirë, ata mbanin shpresa të gabueshme, lajthitje të vazhdueshme, ëndrra të kota, se do të ketë zgjedhje në sezonën e ardhshme. E kur ne na mbetën edhe disa muaj në mandat, unë ju thashë mos t’i mbajmë zgjedhjet dimrit, t’i mbajmë ose në pranverë ose në vjeshtë, thanë “Jo, qoje mandatin deri në fund”, sepse nuk ja u mbanë.

Tash ka shumë libra që janë shkruar si opozita nuk bën ta lërë rehat Qeverinë, mirëpo, për besë, nuk ka libra qysh Qeveria nuk bën me ia prish rahatinë opozitës. Ata rahat në opozitë, ne tu qeverisë mirë, andaj populli është i gëzuar dhe i përparuar. Dhe meqë është kështu, atëherë edhe pas 9 shkurtit, ne e vazhdojmë qeverisjen e mirë, e ata e vazhdojnë opozitarizmin koti.

Por problemi i tyre, siç e nisa, është që ata nuk janë reformuar. Partitë opozitare nuk janë demokratike. Ne jemi subjekt, lëvizje, koalicion demokratik. Ato janë parti dokratike. Jo demokratike. Dokratike. Por me 9 shkurt fiton edhe njëherë, më fuqishëm se kurrë më parë, me mbi gjysmë milioni vota, subjekti, koalicioni, Lëvizja jonë demokratike VETËVENDOSJE!, Guxo, Alternativa, dhe partitë e tyre dokratike marrin fund, dhe dokracia nuk do të shfaqet më askund në opinionin publik. Me 9 shkurt dokracisë ia jepni goditjen fatale, vdekjeprurëse, njëherë e përgjithmonë, cep më cep të Republikës së Kosovës.

Këto dy partitë që gjithmonë kanë qeverisur bashkë, por shtireshin si ndaras, e kemi fjalën për partitë të cilat ju i njihni shumë mirë, i njihni edhe më mirë se unë. I keni pasur në qeverisje edhe këtu, i keni në Qeveri edhe tani këtu. Mua këto dy parti, pra PDK-yhi dhe LDK-yhi, a e dini si mu dukën këta? Këta mu duken si ata dy hajnat që vjedhshin bashkë.

Dy hajna vjedhshin bashkë dhe një natë shkuan të vjedhin bashkë një kope dele, një tufë dhenë. Edhe shkuan natën të vjedhin bashkë, vodhën sa mundën, dhe kur zbardhi dita, njëri hajn po i thotë tjetrit “E paskemi vjedhur edhe një thi / një derr”. E ky tjetri hajn po i thotë atij “haram është”.

Merreni me mend, pra as që ju shkon mendja që me i vjedh delet është haram, me i vjedh dhenët është haram, se me vjedh është haram. E këtu në Han të Elezit kanë vjedhur më shumë se dhenë. Kanë vjedhur më shumë se tufë delesh. Këtu e keni pasur një terminal doganor privat që ka vjedhur. 20 vjet kanë vjedhur me atë terminal edhe kur ne filluam t’i kthejmë terminalet private në ato publike, të shtetit, a e dini çfarë na thanë? “Në Han të Elezit nuk mundeni, sepse ai është i fortë”. Nuk ka asnjë individ, asnjë grup, asnjë fraksion, asnjë strukturë, asnjë bond, asnjë parti që është më e fortë se shteti i pavarur i Kosovës, Republika jonë demokratike.

Një nga një, të gjitha terminalet private do t’i kthejmë në publike, shtetërore, sepse ato janë e mirë e përgjithshme dhe interes publik, e jo për xhepa privatë.

Tash, një prej projekteve infrastrukturore më të dashura të Qeverisë tonë është ai i linjës hekurudhore Han i Elezit – Leshak. Hani i Elezit në jug, Leshaku në veri, cep më cep të Republikës së Kosovës. Për këtë hekurudhë ne i kemi paraparë mbi 200 milionë euro investime. Pjesa e parë e këtij projekti të rëndësishëm është pikërisht pjesa Han i Elezit – Fushë Kosovë. Dy vitet e fundit të rehabilitimit të linjës, të urave dhe të tuneleve, kanë ecur shumë mirë. Jemi të interesuar që puna në vitet përpara të shkojë edhe më shpejtë, edhe më mirë, edhe më mbarë, dhe treni prej Hanit të Elezit në Fushë Kosovë do të jetë tren i shpejtë me 120 km/h shpejtësi. Treni më i shpejtë është Prishtinë – Pejë me 70 km/h, por ky Han i Elezit – Fushë Kosovë do të jetë 120 km/h. Pra, tek hekurudhat tona, në linjën që e lidh Hanin e Elezit me Fushë Kosovën do të kalojnë nga shpejtësia e rrugëve rajonale në shpejtësinë e autostradave. Me linjën hekurudhore 10 po ndërtojmë autostradën e trenave. E mos ta harrojmë edhe një linjë hekurudhore shumë të rëndësishme, Prishtinë – Durrës, që do ta lidh portin e ri të thatë të Prishtinës me portin e ri të Durrësit, dhe që do t’i afrojë e integrojë Kosovën dhe Shqipërinë, si ekonomi, si ushtri, si kulturë, si tregti.

Me modernizimin e hekurudhave do t’i forcojmë dhe do t’i shpeshtojmë lidhjet e qyteteve dhe të gjitha vendbanimeve, si dhe do ta mbrojmë mjedisin nga ndotja, sepse transporti hekurudhor është transport i gjelbër. Pra, më pranë, më shpejt dhe më pastër.

1 miliard euro investime për ndërmarrjet prodhuese. Duhet ta rrisim prodhimin, sepse prodhimi na bën edhe më shumë bashkë, na rrit kapitalin e shtetit tonë, e shton dinjitetin, vetëbesimin dhe imazhin e vendit tonë, por në të njëjtën kohë na bën edhe më shumë bashkë. Sepse, siç e dimë secili prej nesh, konsumi na individualizon, sepse konsumin e bëjmë secili për vete. Kur hajmë, secili e ka gojën e vet edhe fytin e vet, grykën e vet edhe lukthin e vet. Çkado që pijmë e hajmë secili e bën për vete, pra konsumi. Ose kur vishemi, secili vishemi për vete. Pra, konsumi – çka bëjmë në fushën e konsumit, e bëjmë për veten si individ. Ama për ta prodhuar ushqimin, për t’i prodhuar rrobat, pijet, duhet të bëhemi bashkë, sepse nuk mundet një me i prodhu. Pra, prodhimi kolektivizon, konsumi individualizon. Prandaj, duke investuar në prodhim ne do të bëhemi dhe më shumë bashkë, do të rritet ekonomia jonë, do të shtohen eksportet tona dhe njëkohësisht vetëbesimi, dinjiteti i të krejt popullsisë, e në veçanti i rinisë e i fëmijëve do të lartësohet.

Mos harroni, një popull që prodhon është popull më krenar sesa një popull që veç konsumon. Populli që prodhon ka dinjitet më të lartë, prandaj neve na duhet ta shtojmë prodhimin. Përveç kësaj, përveç shtimit të prodhimit, ajo që e rrit dinjitetin e qytetarëve është aftësia me mbrojt veten.

Prandaj, kemi investu në polici e në ushtri. 66% e kemi rrit buxhetin për polici, e e kemi trefishu buxhetin për ushtri. Kapaciteti prodhues i një populli, dhe aftësia mbrojtëse e një shteti, janë dy këmbët mbi të cilat ec dinjiteti i një populli, i një kombi. Andaj, Qeveria jonë për këto katër vite nuk ka humbur asnjë ditë dhe kemi arritur që deficitin tregtar ta zvogëlojmë duke e sjellur nga 1 me 9, si e kemi gjetur raportin eksport – import në 1 me 6, edhe po shkon gjithnjë e më mirë.

Meqënëse po rritet ekonomia, 6% e Bruto Produktit Vendor mesatarisht në këto katër vjet, asnjëherë pa rënë nën 4%, ne duhet ta rrisim edhe punësimin. Ishim në fabrika sot ku thanë po na mungojnë punëtorët. Po vijnë punëtorë edhe prej Bangladeshit e Filipineve. 430 mijë të punësuar janë në Kosovë, 350 mijë i kemi gjetur. Por a e dini pse ka mungesë të fuqisë punëtore? Sepse këta nuk kanë planifikuar për ekonomi e për shoqëri. Krejt rininë i kanë qu me studiu juridik, ekonomik, marrëdhënie ndërkombëtare, shkenca politike, e diplomaci. E 30 ambasada i kemi, ku me i çu ata ma përpara? Prandaj, me ministren Arbërie Nagavci kemi filluar programin qysh me lidh tregun e punës me aftësimin profesional. S’ka kush me ta ndreç energjinë elektrike kur ke prishje në shtëpi, me ta ndreç ujësjellësin e kanalizimin, me ta ndreç kulmin edhe dritaret. Na mungojnë elektrikistët, agjustratorët, na mungojnë. Ai me shkenca politike nuk din çka t’i bëj kabllove. E këtë model ne e kemi mësuar nga diaspora jonë e dashur, e cila masivisht po e mbështet VETËVENDOSJEN!, e masivisht do të vijë me 9 shkurt. Të rejat e të rinjtë prej moshës 15 vjeçare po shkojnë 2-3 ditë në shkolla profesionale, 2-3 ditë po shkojnë nëpër fabrika të ndryshme. Dijen teorike po e bëjnë ushtrim praktik, zbatim praktik dhe në këtë mënyrë edhe po mësojnë zanat edhe po fitojnë për vete. Sistemi dual është duke e kriju lidhjen në kokat e të rejave edhe të rinjve tanë midis punës edhe fitimit. Puna dhe fitimi janë të lidhura ngushtë. Fitimi vjen nga puna, puna vjen nga investimi i fitimit. Prandaj, Qeveria jonë ka bërë revolucion në marrëdhëniet ekonomike në Republikën e Kosovës.

E meqenëse shkalla e rritjes ekonomike duhet të ndiqet edhe nga shkalla e punësimit, gjithnjë e më shumë burra e djem do të punojnë, gjithnjë e më shumë gra e vajza do të punojnë. E meqenëse do të punojnë gjithnjë e më shumë gra e burra, djem e vajza, do të ketë gjithnjë e më shumë familje ku të dy prindërit punojnë. E meqenëse të dy prindërit do të punojnë, atëherë fëmijët e tyre, siç e dijmë, në masë të madhe, i kqyrin gjyshi e gjyshja. E ne ashtu si nëpër çerdhe i kemi edukatoret që i mësojnë fëmijët e moshës 1-3 vjeç, këto çerdhe familjare ku gjyshja e gjyshi i kqyrin mbesat e nipërit, do të marrin mbështetje financiare si edukatorë të çerdhes familjare nga shteti i Kosovës, nga Qeveria e Republikës.

Të dashur qytetar të Hanit të Elezit,

Është tejet e rëndësishme që ditët në vijim të punoni në çdo lagje të fshatit, në çdo rrugë e rrugicë, shtëpi më shtëpi dhe mos e konsideroni që rezultati është i garantuar. Që ne jemi të parët, këtë e dijnë krejt, por nuk mjafton të jemi të parët. Duhet ta kalojmë 500 mijë votëshin me 9 shkurt. Ne e kemi si Lëvizje VETËVENDOSJE! pragun 50%, ata e kanë pragun 5%. Pra, ata po luten ditë-natë, jo vet me kalu pragun, por ne mos me i mbërri 50%. Sepse ata nuk e pranojnë, por ëndrra e tyre është që VETËVENDOSJA! mos me i mbërri 50%, e pastaj ata krejt me u bë bashkë, edhe me Listën Serbe, edhe me u kthy te ajo Qeveria Hoti e gjysmës së dytë të vitit 2020. Qaty e kanë ëndrrën ata. Por, larg qoftë. Larg qoftë! Qoftë larg me u realizu ajo ëndërr e tyre, jo, inshalla. Atëherë, herën e kaluar, kanë qenë bashkë 6 muaj, e tash thojnë a të bëhemi kryeministra me rotacion, se ata qashtu si rrota janë. Hajde në rotacion 1 vit, nëse rrijnë ata, larg qoftë, qoftë larg, jo inshalla, pastaj ne e kemi të sigurt pushtetin 20 vjet.

Por, të dashur qytetar të Hanit të Elezit,

Pse me i provu 1 vit kur e dijmë çka bëjnë? Pse me i provu ata? I kemi provu e i kemi stër-provu. Ata janë të njëjtit. Ata janë si ata dy hajnat që i përshkruajta më herët që vjedhin bashkë, e në dritë kqyrin çka u bë. Njerëzit si ata që e vjedhin shpinë, e pastaj ta premtojnë një bakshin, s’kanë çka lypin as në politikë, e le më në Qeveri. Prandaj, me 9 shkurt duhet ta kuptoni, nuk na nevojitet vetëm fitorja ku dalim të parët, por na nevojitet fitorja me mbi gjysmë milioni vota, që është rekord historik në Kosovën e lirë e të pavarur.

9 shkurti e ka formën e referendumit për këto 4 vjet. A ja kemi bërë mirë strukturave paralele ilegale serbe, a jo? Prandaj është referendumi me 9 shkurt. A ja kemi bërë mirë krimit e korrupsionit? Prandaj është referendumi me 9 shkurt. A ja kemi bërë mirë rritjes ekonomike, shtesave për fëmijë, mbështetjes financiare për nënat lehona, rritjes 20% të pensioneve, 15 mijë bursa për studentë, arsimi publik falas edhe në Bachelor edhe në Master, pagën minimale 350 euro, 300 milionë euro subvencion për 120 mijë fermerë, 275% rritje e mbështetjes për grurë, shtim i subvencioneve për naftën për bujq, për plehun artificial, e sipas rendimentit 4 cent për kg të drithit që i çon në mulli. A ja kemi bërë mirë për krejt këto? Nëse ja kemi bërë mirë për krejt këto, 9 shkurti është referendum. Dhe a e dini çka, të dashur qytetar të Hanit të Elezit, kur të dalim fitues në këtë referendum edhe bashkësia ndërkombëtare edhe qytetarët brenda, por edhe Serbia e merr mesazhin e duhur.

9 stacione policore rrotull kufirit me Serbinë, 4 stacione policore në Zveçan, Zubin Potok, Leposaviq dhe Veri të Mitrovicës e kanë komandantin që i përgjigjet Gazmend Hoxhës në Prishtinë, Xhelal Sveçlës në Prishtinë dhe mua në Prishtinë dhe nuk i marrin më nga dy rroga, njërën prej Beogradit për urdhëra të natës e njërën prej Prishtinës për urdhëra të ditës. 29 rrugë ilegale i kemi mbyllur në veri të Kosovës. Me 9 shkurt mbyllja e rrugëve ilegale del në referendum. A ja kemi bërë mirë a s’ja kemi bërë mirë? Na e sulmuan policinë në stacion, na e sulmuan komunën në ndërtesë, na e vranë rreshterin policor – Heroin e Kosovës Afrim Bunjakun, na e shkatërruan kanalin Ibër – Lepenc, mirëpo ne qëndruam, ne fituam, ata dështuan dhe do të dështojnë sa herë të provojnë. Tre terrorista janë vrarë, e të tjerët ikën malit përpjetë, i harruan shokët e plagosur e të vrarë pas vetes.

E tash me 9 shkurt pyetja është “A ja kemi bërë mirë po apo jo?”. A e kuptoni në çfarë pozite ka rënë opozita? Ata nuk janë duke e marrë vesh që pakrahasimisht më shumë mbështetje popullore fitojnë nëse na lavdojnë neve, sesa duke na sharë e duke na sulmuar siç po bëjnë. Pasha Zotin.  këto 3 javë e gjysmë këta të opozitës, nëse na lavdojnë rrezik nuk mund t’i marrim këto 500 mijë vota. Por kështu, sa të na shajnë, e fyejnë, e ofendojnë, 500 mijë është pragu, e jo tavani, 500 mijë është dyshemeja, e jo kulmi. Andaj, le ta realizojmë këtë fitore të madhe, le të mos merremi fort me armiqtë e me kundërshtarët, le të punojmë ditë e natë që i madh, e i vogël, prej 18 e deri në 98 vjeç, gra e burra, pa dallim feje, pa dallim prejardhje, pa dallim a je prej fshatit a prej qytetit, pa dallim a je i diplomuar apo i padiplomuar, të bëhemi bashkë e ta thurrim vargun e 500 mijë zemrave prej Hanit të Elezit e deri në Leshak, prej Kamenicës e deri në Pejë, prej Podujevës e deri në Dragash, prej Istogut deri në Viti.

Faleminderit shumë, ju dua fort, mirupafshim për çdo ditë nëpër takime e tubime, në Han të Elezit, e cep më cep të Republikës së Kosovës. E me datën 9 shkurt, votojmë bashkë, fitojmë bashkë, e festojmë bashkë!

Faleminderit e natën e mirë!

Të dashur pjesëmarrës, të nderuar të pranishëm, qytetarë të Llapit, ju faleminderit shumë për këtë mikëpritje kaq të përzemërt e kaq të ngrohtë në këtë palestër të sporteve që mban emrin e dëshmorit të kombit, e luftëtarit të paepur të UÇK-së, Hakif Zejnullahu.

Në mandatin tonë të ardhshëm, kjo mbrëmje na tregon, na e konfirmon, na e dëshmon që na duhet një palestër më e madhe e sporteve. Bashkë me kryetarin Shpejtimin do ta ndërtojmë një palestër më të madhe, shumë më të madhe, mirëpo duhet prapë se prapë të kemi kujdes në projektim, se kurrë nuk e dijmë a është mjaftueshëm e madhe në Llap apo jo. Nuk kemi hesap me ua maru edhe një palestër të re të sporteve dhe juve mos me ju nxënë prapë.

Mirëse e gjejmë njëri-tjetrin në këtë tubim madhështor të koalicionit tonë, ku Lëvizja VETËVENDOSJE! është bashkë me partinë Guxo, kryetarët Donika Gërvalla e Faton Peci dhe me partinë Alternativa, kryetaren Mimoza Kusari. E gjithë ne bashkë, 110 kandidatë të listës më të mirë në histori të Kosovës dhe jo vetëm, që janë të profileve të ndryshme, dy gjinive, me prejardhje prej Kosovës cep më cep, por që i bashkon qëllimi për Republikën e Kosovës demokratike e progresive. Jemi këtu bashkë me juve, para jush, në Llapin e bacës Adem, Adem Demaçit, të Shaban Shalës e të Ali Ajetit. Në Besjanën e Afrimit, Zahirit e të Ilirit, në Podujevën e Ylfete Humollit e të Mon Balajt. Në Llapin e Gollakun e Fadil Vokrrit e të Ismet Bogujevcit.

Të dashur qytetarë, ne shqiptarët në Ballkan jetojmë prej aty e deri aty ku e kemi ndalur e ndaluar okupatorin e fundit. Këtu në Llap kanë ngecur Serbia dhe këtu në Llap gjithmonë ka ecur Lëvizja, e në shekullin 21 Lëvizja e ka emrin VETËVENDOSJE! Ne e mbajmë këtë emër me zemër, ne e mbajmë këtë emër në zemër, këtë emër që ishte parulla kryesore e demonstratave të vitit 1968, të cilat e sollën Universitetin e Prishtinës e në ballë të të cilave ishin veprimtarët Ilaz Pireva e Xheladin Rekaliu. E ne të gjithë bashkë e dijmë shumë mirë se gjatë luftës, Prishtina ishte në zonën operative të Llapit, e tash në paqe ne do ta bëjmë Llapin zonë operative të Prishtinës. Do ta bëjmë zonë operative. Do ta bëjmë zonë operative me investime e zhvillim ekonomik, por edhe me ish aeroportin e Dumoshit që tash e ka ushtria jonë, Forca e Sigurisë së Kosovës.

Për neve, të nderuar të pranishëm, zhvillimi nuk është çështje fati apo rastësie, me ne fitojnë kategoritë shoqërore, e jo persona të veçantë. Kur japim 118 mijë subvencione për bujqit, ne ndihmojmë zhvillimin e qëndrueshëm të Republikës, e jo pasurimin e disa personave privatë. Kur kemi ofruar më shumë se 1 mijë grante, ne e kemi menduar deri në detaje, për naftë, për plehrim, për shtalla, për solare, për studentë të bujqësisë e për partneritet zhvillimor. 300 milionë euro subvencione për bujqësi nga qeveria jonë e mbi 300 milionë euro armatim për ushtrinë tonë. Sepse buka dhe pushka janë dy siguritë më urgjente, më prioritare, më të domosdoshme për një shtet e për një komb. E pra, ne nuk japim subvencion për dikë apo për diçka. Ne mendojmë për gjithçka. Ne mendojmë cep me cep, skaj e m’skaj.

Me qeverinë tonë, me qeverinë tuaj, nuk mbetet asnjë pëllëmbë toke djerrë. Ne i rrisim edhe fermat, edhe rendimentet, edhe cilësinë e prodhimeve bujqësore. Partitë e tjera nuk janë në tokë të bukës. Me qeverinë tonë, në sofrën tonë, e kemi bukën tonë, nga toka jonë. Rekord të mbjelljeve dhe rekord të korrjeve në vitin 2024. E pasha bukën me neve edhe mrapsht me qitë mbarë po del.

Me qeverisjen tonë, me vlerat e koalicionit tonë, përfundon edhe diskriminimi edhe privilegjet. Të gjithë pasurohen me punë, të gjithë angazhohen sepse punojnë, ne ja shtojmë shoqërisë ekonominë e zhvilluar, ekonomisë prodhimin vendor dhe prodhimit vendor arsimin cilësor, sepse prodhimi i bën njerëzit punëtorë dhe punëtorët qytetarë. E qytetari në Republikën demokratike, në shtetin e pavarur të Kosovës tonë të dashur, nuk duhet të kryejë punë përmes një njeriu në sistem, por përmes një sistemi që u shërben të gjithë njerëzve. Para neve kishte punësime pa kontratë, dhe kontrata punësimi pa punë. Me qeverinë tonë, kriter për punësim dhe avancim është profesionalizmi dhe aftësia, ndershmëria e devotshmëria, dhe jo lojaliteti partiak, a mbiemri i farefisit. Ne punojmë sipas ligjit dhe me program. Fitohet sipas meritës dhe punës. Andaj edhe populli na don neve shumë, na don porsi mjeshtri që e don çekiçin: bam, bam, bam, bam, 118, 118, 118, 118, 118, 118, 118. Është zgjidhja e vërtetë me 9 shkurt në zgjedhjet e rregullta parlamentare, kur ne e fitojmë gjykimin pozitiv për katër vjet mirëqeverisje, dhe njëkohësisht lejen tuaj për të vazhduar punët e mira e për të bërë edhe shumë punë të tjera, gjithsesi të reja e të mira.

Rritjen ekonomike nuk e kemi mbajtur për shtet, por e kemi shpërndarë për mirëqenie sociale dhe për cilësi të shërbimeve publike. Mjeku po ju vjen në shtëpi tash. Mbi 67 mijë vizita në shtëpi në vitin 2024 cep më cep Republikës. Sepse një fëmijë i rritur shëndetshëm është një Kosovë e cila rritet fuqishëm. Mbulimi i plotë i shpenzimeve për trajtim mjekësor të invalidëve të luftës lidhur me protezat bëhet pikërisht me qeverinë tonë e me qeverinë tuaj. Gjatë qeverisjes sonë, për vetëm tri vjet, i kemi 370 infermier më shumë, 300 mjekë më shumë në kujdesin parësor shëndetësor dhe 250 specialista më shumë në kujdesin sekondar e terciar. Specialistit ju ka rritur rroga për 110% nga 660 euro në 1375 euro, e bashkë me kujdesin, bashkë me kujdestarinë, bashkë me shtesat, e kalon rrogën e Kryeministrit e të Presidentes. A e dini çka të dashur llapjanë? Para 6 vjetëve ish-kryeministri e ka pasur pagën pesë herë më të madhe sesa kirurgu, e tash e ka më të madhe se kryeministri, kirurgu. Për mjekun e përgjithshëm, kemi rritje mbi 65%, prej 565 euro sa janë kemi gjetur rrogën, ja kemi ngritur në 935. Për infermierin me studime baçellor, e ka pasur 425 euro, ju ka bërë 671 euro, pra rritje 58%. E për infermierin me shkollë të mesme, afër 70% rritje të pagës, nga 377 euro në 638 euro. Kjo është qeveria që kujdeset për mjekun, që kujdeset për pacientin. Kjo është qeveria që kujdeset për infermierin, që kujdeset për qytetarin, e nga korriku pagat do të rriten sërish edhe për 55 euro, të gjitha kategorive.

Kur kemi ardhur ne në qeverisje, në administratën publike, të dashur llapjanë, raporti midis pagës më të lartë dhe pagës më të ulët ka qenë 20 me 1. Njëzetfish e ka pasur rrogën më të madhe sesa ai që ka pasur pagën më të ulët, merrni me mend, njëzetfish! Atij i duhen gati 2 vjet me i marrë ato para për ato që i ka marrë ai veç për një muaj. Me qeverisjen tonë, sivjet raporti ndërmjet pagës më të lartë dhe pagës më të ulët në administratën publike bie nga 20 me 1 në 4 me 1.

Ne, rrugën Prishtinë-Podujevë, jemi zotuar se do të bëhet, rruga Prishtinë-Podujevë, Podujevë-Prishtinë, po bëhet në këtë pranverë, në pranverën 2025 përfundojnë edhe urat, dhe kështu kësaj pritje të gjatë të llapjanëve prej gati një dekade po i vjen fundi dhe po ashtu po i vjen fundi sepse qeveria jonë e mirë, e qeveria juaj e dashur kanë punuar edhe sa i përket problemeve me mangësitë në shpronësime edhe sa i përket problemeve me projektimet e këqija. Rruga Prishtinë-Podujevë mbaron për juve, për neve në pranverën e sivjetshme.

Jemi kujdesur shumë për fëmijët se fëmijët janë edhe e tashmja edhe e ardhmja jonë. Llapin e kemi gjetur me 1 çerdhe, e po i bëjmë 9 çerdhe bashkë me kryetar Shpejtimin. Por, në katër vjeçarin e ardhshëm e kemi ndërmend me punësuar sa më shumë gra e burra, vajza e djem, se shkalla e punësimit mund të rritet edhe shumë më tepër për ta arritur shkallën e rritjes ekonomike. Dhe në krejt familjet ku punojnë edhe burri edhe gruaja, edhe nëna edhe babai, e ku gjyshja e gjyshi i kqyrin fëmijët prej 1-3 vjeç, do t’u japim gjyshërve, gjysheve mbështetje financiare nga shteti. Prandaj, nuse e dhëndur, e kemi ndërmend me iu dhënë para vjehrrave e vjehrrive pavarësisht çka mendoni ju për ata. Ne po i paguajmë edukatorët nëpër çerdhe, por kurr mos të harrojmë se nëpër familjet tona i kemi disa çerdhe të vogla ku prindërit tanë po e përfundojnë jetën duke i rritur dy palë fëmijë, edhe neve edhe fëmijët tanë. E këta edukatorë në çerdhet familjare duhet ta ndjejnë dorën e mirë të shtetit të mirë, të qeverisë së mirë, të Republikës së mirë të Kosovës.

Po ashtu 1 miliardë euro do t’i mbështesim për 4 vjet ndërmarrjet prodhuese në Kosovë. Raportin eksport-import që e kemi gjetur 1 me 9 në vitin 2021, e kemi bërë 1 me 6, i kemi dyfishuar eksportet, mirëpo duhet të vazhdojmë t’i shtojmë eksportet, e kjo bëhet duke e rritur prodhimtarinë e ndërmarrjeve tek ne. Kush prodhon fiton, kush prodhon mbështetet nga shteti, kush fiton investon, kush investon fiton edhe më shumë e kush fiton edhe punëson, e ata që punësohen fitojnë dhe në këtë mënyrë edhe rritet ekonomia e vendit tonë, por gjithashtu edhe mirëqenia e të gjitha familjeve, skej më skej, cep më cep, qosh më qosh të Republikës së Kosovës.

Tash neve po na duhet me dalë në fushatë. Kanë mbetur edhe 25 ditë deri në zgjedhje. Po e bëjnë ditën 25 orë duke shkuar në 3 komuna më së paku, e shumë fshatra në secilën prej tyre, por duhet ta bëjmë fushatën se në atë listën zgjedhore nuk jemi veç ne me numrin 118, janë edhe disa të tjerë aty. E për ata të tjerët që janë aty diçka duhet ta pranojmë, në një pikë ata kanë qenë koherent e konsistent, në fushata zgjedhore ata nuk kanë ndryshuar, duke e parë se autobusi nuk i çoi shumë larg në fushatën 2021, morën me qera me dhjetëra autobusa, për me e shty atë autobusin e tyre të prishur që s’iu prehke menja që duhet me thirrë mjeshtrin, por ne duhet ta pranojmë në këtë pikë që ata nuk ndryshojnë, gjithçka e shohin te autobusi. Çdo katër vjet me autobus, një herë me autobusin e tyre të prishtë, e herën tjetër me dhjetëra autobusa të marrë me qera për me e bartë anëtarësinë prej një qyteti në një qytet tjetër. Gjatë katër viteve të fundit nga 350 mijë të punësuar në Kosovë, e kemi rritur fuqinë punëtore të vendit tonë në 430 mijë. 22% në periudhën prej vitit 2015 deri në vitin 2020, ju e dini kush kanë qenë kryeministra e presidentë atëherë, punësimi është rritur mesatarisht as 1.5% në vit, për këto katër vjet sa jemi ne në qeverisje, punësimi është rritur mbi 7% mesatarisht në vit.

E kjo do të thotë, që për këto gati 4 vite, mesatarisht 55 vende të reja të punës në Kosovë janë hapur për çdo ditë, që i bie 55 veta sa me mbush një autobus. Pra, ne për çdo ditë e kemi mbushur nga një autobus me punëtorë, për këto katër vjet, me punëtorë të rinj duke hapur vende të reja pune për qytetarët tanë. Këtu pra është dallimi, ata me autobusa të prishur që duhet me i shty n’përpjetëze, e ne me autobusa me punëtorë të rinj që e shtyjnë ekonominë e Republikës tonë. Ata me autobusa me qera për të mbushur salla, e ne me autobusa me punëtorë të rinj që mbushin buxhetin edhe të shtetit edhe të familjeve të tyre.

Të dashur qytetarë të Llapit, LDK-yhi, Lidhja Demokratike e Kosovës, nuk është Lidhje, por është Lodhje dhe nuk është Demokratike, por është Dokratike. E në përgjithësi, me nder ta themi, opozita po i japin zor mule anej – mule knej për vend të dytë, po get e kanë pa edhe ata vetë që s’ka ymyt, se kështu si Shpejtimi i ka mbytur në Llap, Vetëvendosja po i mbyt cep më cep në Republikën e Kosovës.

Andaj të dashur llapjanë, a po fitojmë me ka krejt a? Me ka krejtë a? Skej më skej? Qosh më qosh? Rreth më rreth? Cep më Cep? Faleminderit shumë, urime fitorja, e me 9 shkurt, numri ynë 118 fiton, votojmë bashkë Cep më Cep, fitojmë bashkë Cep më Cep, festojmë bashkë Cep më Cep të Llapit, Cep më Cep Republikës së Kosovës, Cep më Cep Shqiptarisë tonë të dashur.

Natën e mirë e mirëupafshim. Ju dua fort!

500 mijë zemra është mali i fitores tonë me 9 shkurt të vitit 2025.

Kur u nisa sot prej Prishtinës, më thanë “veshu trashë se sonte është ftohtë”, e unë ju thash “Po n’Kaçanik po shkoj”. E masanej m’thanë “Eh mirë je pra. Se ajri janë njerëzit.”

Mirë se ju gjej këtu, të dashur qytetarë, në Kaçanikun e Idriz Seferit, n’Kaçanikun shkëmb e gurë, që e mban lart këtë flamur, n’Kaçanikun e Sali Bajrës e të Ismail Rakës, n’Kaçanikun e Kushtetutës dhe në Kaçanikun që i raftë pika, se nuk e din se çka është frika.

Sa më shumë që i afrohemi datës 9 shkurt, aq më shumë i afrohemi fitores së Vetëvendosjes, së koalicionit tonë me partinë Guxo, e me partinë Alternativa.

Të dielën e 9 shkurtit, do t’i kushtoni vetëm 10 minuta shkuarje-ardhje deri në vendvotim dhe me ato 10 minuta të vendosni vet, të vetëvendosni dhe t’i fitoni 4 vjet jetë me mirëqenie dhe dinjitet për të gjithë ju, për secilën familje, për çdo qytetar të Kaçanikut, e të Kosovës mbarë.

Por shtrohet pyetja: Pse do të fitojmë ne me 9 shkurt? Sepse ish-qeveritarët që populli i njeh mire, sepse i ka përjetuar edhe n’lëkurë edhe n’asht, ishin mendjelehtë e zemërgurë, e ne që jemi bashkë në këtë listën me numër 118, 110 kandidatë për Kuvendin e ri të Republikës, jemi edhe mendjemprehtë edhe zemërgjerë. Ne bashkë me mendje sjellim shpresë sepse me zemër kemi besë. E ish-qeveritarët janë edhe të pashpresë edhe të pa besë. E po, sërish shtrohet pyetja: Pse është kështu? Sepse të dashur qytetarë, ne merremi me politikë jo nga dëshira për pushtet, por nga dashuria për shtet, për liri, për drejtësi, për zhvillim, për komb edhe për barazi.

Gjatë këtyre katër viteve kemi pasur rekord të investimeve, të shpenzimeve kapitale, kemi vendosur standard të ri sa i përket buxhetimit të projekteve kapitale. Gjatë periudhës 2021-2024, mesatarja vjetore për projektet kapitale është rritur me plot 35%, krahasuar me periudhën pas pavarësisë e para neve, 2008-2020, dhe ja qysh duket kjo rritje: 25% më shumë buxhet nga qeveria, 65% më shumë komunave, 15% nga institucionet e pavarura publike.

Të dashur qytetarë të Kaçanikut, Lëvizja VETËVENDOSJE! qeverisë në vetëm gjashtë komuna të Kosovës, dy prej tyre në veri, veriu i Mitrovicës dhe Leposaviqi, edhe katër në jug. Mirëpo, a e dini çka? 44% e kemi rritur buxhetin për komunat e Kosovës, nga 547 milionë në 788 milionë. Kjo është dëshmi që unë nuk jam thjesht Kryetar dhe Kryeministër i Vetëvendosjes, por Kryeministër i Republikës së Kosovës duke i ndihmuar komunat e Kosovës, banorët e Kosovës, Cep më Cep gjithandej, anembanë, pa diskriminim.

Prandaj, pikërisht pse i ndihmojmë kësisoj banorët pa dallim, të të gjitha komunave ku qeverisim e ku nuk qeverisim, kemi rekord të investimeve kapitale, rekord që ja kemi thyer edhe vetvetes në vitin e fundit, 561 milionë euro në 2023 dhe 654 milionë euro në 2024. Por, nuk janë rritur vetëm investimet kapitale, është rritur edhe konsumi, është rritur edhe eksporti, e janë rritur edhe investimet e huaja direkte. Konsumi është rritur se kur populli ka shpresë edhe është optimist, më shumë shpenzon se kursen, e kjo është mirë edhe për qytetarët, ëdhe për familjen edhe për ekonominë e vendit.

Eksportet janë dyfishuar, investimet e huaja direkte më shumë sesa që janë dyfishuar, por a e dini çka? Është rritur njëkohësisht edhe punësimi, e sidomos punësimi i të rinjve. Kosovën e kemi gjetur me 350 mijë të punësuar, tash i kemi 430 mijë të punësuar. Kjo do të thotë që i kemi për më pak se katër vjet, 80 mijë më shumë të punësuar në Republikën e Kosovës Cep më Cep. E a e dini sa janë 80 mijë për katër vjet? Janë 55 të punësuar mesatarisht për çdo ditë. Për çdo ditë Kosovës gjatë katër vjet qeverisje ju kanë shtuar nga 55 të punësuar të rinj, që do të thotë, për çdo ditë në këto katër vjet është themeluar një kompani e re, një firmë e re, një biznes i ri me 55 të punësuar të rinj në Republikën tonë të dashur.

Me programin “Superpuna” janë punësuar 14 mijë të reja e të rinj, gjysma vajza e gjysma djem përafërsisht, dhe kanë përfituar 9500 biznese vetëm me programin “Superpuna”. Prej moshës 18-29 vjeç janë punësuar 14 mijë të reja e të rinj që për 6 muaj e marrin pagën minimale, tashmë të rritur në 350 euro, si bonus të pagës që ua jep punëdhënësi nëpër ndërmarrje të ndryshme në Kosovë. Dhe të dashur kaçanikas, a e dini sa janë 14 mijë të punësuar të rinj vetëm me një program? Stadiumi “Fadil Vokrri” në Prishtinë përplot i mbushur me punësime të reja, të rejave dhe të rinjve të Kosovës. E tash, neve na nevojitet një fitore më e madhe se kurdoherë më parë, e si askush tjetër, gjysmë milioni zemra me 9 shkurt te numri 118.

Disa thanë shumë bre 500 mijë! 438 mijë i kemi pasur me 14 shkurt 2021. Shumë 500 mijë, a mund t’i bëjmë a s’mund t’i bëjmë, por unë po ua tregoj cila është qasja jonë, cila është mënyra jonë. Paramendojeni kur ngjiteni në maje të një kodre, edhe me sukses keni arritur që përkundër mundimeve e vështirësive, të mbërrini në maje, dhe çka me pa kur të mbërrish në maje të kodrës, e qon kokën lartë, një mal edhe më i madh përpara. E shtrohet pyetja, masi t’i ngjitesh kodrës në maje, e përpara del një mal me maje edhe më të lartë, çka duhet me bë? Natyrisht, buzëqesh shkurtimisht edhe ia mësyn edhe malit. Ja mësyn edhe malit me gëzim në zemër, e me vullnet në qenie dhe e bën atë që din më së miri, të ngjitesh përpjetë, të shkosh lartë e më lartë, sërish e ja mësyn edhe malit, malit të madh të 500 mijë zemrave, Cep më Cep të Republikës së Kosovës.

Të dashur qytetarë të Kaçanikut, ne e dimë se me demokracinë mund të realizosh një shoqëri tanë të mrekullueshme, por edhe mund të abuzosh në ekstrem, e ta ndrydhësh emocionin e një shoqërie të tanë. Për dy dekadat e ish-qeverive kemi pasur periudhën kur me demokracinë është abuzuar tej mase, dhe e kanë hedhur popullin në varësi të rastësisë, por atdheu e shteti nuk janë vende të rastësisë. Atdheu e shteti janë vende ku duhet të ndihesh më i sigurt se kudo tjetër. Ashtu sikur kur lind një foshnjë dhe ndihet e sigurt në gjirin prindëror, po ashtu edhe në atdhe e në shtet duhet të ndjehesh i sigurt sado e ngarkuar të jetë gjendja botërore. Ky është synimi ynë, një Kosovë e sigurt me qytetarë të sigurt. Jeta e pasigurt në atdhe e ka shpikur kurbetin, por nuk kishte asnjë kuptim që edhe në Kosovën e pavarur e sovrane të kishim gjendje rastësore për popullsinë. Kosova është shteti ynë më i mrekullueshëm dhe jo dheu i rastësisë. Prandaj e quajmë dheu i mëmës dhe i atit, sepse e krahasojmë me ngrohtësinë e dy prindërve tanë.

Në katër vjeçarin e ardhshëm, pas fitores tonë, do t’i ndajmë 1 miliardë euro për investime të mesme e të mëdha në ndërmarrje prodhuese, sepse kemi nevojë që edhe t’i shtojmë bizneset tona, por edhe ta shtojmë prodhimtarinë e atyre bizneseve që të punësojmë sa më shumë të reja e të rinjë, dhe me këtë rast do të punësohen sa më shumë djem e vajza, burra e gra dhe do të ketë gjithnjë e më shumë familje ku punojnë të dy prindërit. Prandaj, në ato familje ku punojnë të dy prindërit, ne do të kemi mbështetje financiare për gjyshet edhe për gjyshërit që kujdesen për fëmijët e prindërve punëtorë, për nipërit e mbesat e tyre, prej moshës 1-3 vjeç. Se ne i paguajmë edukatorët nëpër çerdhe, do t’i paguajmë edhe gjyshet dhe gjyshërit nëpër shtëpi. Kështu që dhëndurëve që punojnë, e nuseve që punojnë do t’ua paguajmë vjehrrat e vjehrritë.

Do të bëjmë investime në industri ushtarake, e kemi dyfishuar numrin e ushtarëve, e kemi trefishuar buxhetin për mbrojtje, i kemi katërfishuar trajnimet jashtë vendit, por do ta bëjmë edhe fabrikën e municionit që kurrë më të mos ketë mungesa për ushtrinë tonë që na mbron vendin tonë Cep më Cep.

Unë si demokrat e si socialdemokrat nuk kisha dashtë me shpenzu buxhet në ushtri, mirëpo kur e ki kojshinë e keq, duhet me u bë ma i fortë. E na e kena ni kojshi të keq, gjeografinë e historinë nuk mund t’i ndryshojmë, por mund ta ndryshojmë të ardhmen, duke u forcuar në të tashmen, në mënyrë që fëmijët dhe rinia kurrë më të mos përjetojnë luftërat, e vuajtjet, e humbjet, e pikëllimet që i ka përjetuar brezi ynë dhe brezat para neve.

Të dashur qytetarë të Kaçanikut, këto tri javë, këto tri javë e gjysmë, ne nuk duhet t’i përjetojmë si javë normale, por duhet t’i kthejmë në javë të mobilizimit mbarë komunal, gjithë shtetëror e mbarë kombëtar, sepse 9 shkurti është ditë e datë historike, është ditë dhe datë kur qytetarët e të gjitha shtresave, komunave, moshave, feve, prejardhjeve do t’ju drejtohen kutive të votimit, ku do ta kenë një zgjedhje që është zgjidhje dhe e cila e mban numrin tuaj, e numrin tonë të dashur, 118.

118, 118, 118, 118…

Prandaj, le të jenë këto tri javë e gjysmë, kur ne sakrifikojmë pak nga jeta e përditshme dhe punojmë shumë, në mënyrë që të mos na ngelet asnjë merak apo pishman pas zgjedhjeve. Votat numërohen prej fillimit deri sa të bëhen 500 mijë, e deri sa ta tejkalojmë 500 mijëshin, gjysmë milioni zemra, për fitoren më të madhe që e ka pa Kosova ndonjëherë. Andaj me anëtarë të familjes e të farefisit, daja, tezet, hallat, kushërinjtë, me kolegë të punës, e me shoqe e shokë të klasës te shkollës fillore, e të mesme, me kojshi e miq e të njohshëm, mobilizoni që të gjithë, që ta mbërrijmë majën e këtij mali të 500 mijë zemrave. Unë ju falënderoj nga zemra, për krejt mbështetjen, përkrahjen, ndihmën, solidaritetin, që e keni pasur me Qeverinë e Republikës dhe me Lëvizjen Vetëvendosje!, jo vetëm në këto katër vjet, po në këto gati 20 vjet prej se ekzistojmë pavarësisht stuhive, krizave, vështirësive, nëpër të cilat kemi kaluar. Mirënjohje e thellë, falënderim i përzemërt për Kaçanikun.

Kemi bërë shumë punë të mira, do t’i vazhdojmë punët e mira e do të bëjmë edhe shumë punë të reja, tjera, të mira edhe më të mira. Për këto e për shumëçka tjetër, për këto e për gjithçka tjetër, zgjedhjet e reja janë mundësia, kurse qeverisja jonë është garancia.

Të dashur qytetarë të Kaçanikut, partitë opozitare i kanë kufijtë sociologjik. Lëvizja jonë ka kufij vetëm historik. Secili vit i Lëvizjes ka treguar që Lëvizja nuk mund të shkatërrohet prej jasht. Vitet e fundit kanë treguar edhe që Lëvizja nuk mund të rrënohet nga brenda. E tash ky vit, viti 2025, ky vit, duhet të tregojë e do të tregojë që Lëvizja mund të fitojë, duhet të fitojë, e do të fitojë, me rekord historik gjysmë milioni zemra. Viti 2025 është viti i fitores më të madhe e të paparë. Fitorja është e Lëvizjes sepse Lëvizja e ka historinë përpara e jo mbrapa, Lëvizja e ka historinë përpara.

Të dashur pjesëmarrës, të nderuar të pranishëm të këtij tubimi madhështor në Kaçanik, ne nga këtu do të vazhdojmë për Han të Elezit sepse e kemi bërë ditën 24 orë, po përpiqemi që ndoshta ta bëjmë edhe 25 orë. E tash, meqenëse nga Kaçaniku vazhdojmë për Han të Elezit, ju duhet t’i tregoni vetes, mua, Kaçanikut dhe mbarë Kosovës Cep më Cep, çka t’i themi Hanit të Elezit, a do të votoj Kaçaniku me 9 shkurt? A do të votoj Kaçaniku të dielën e 9 shkurtit? A do të fitoj numri 118? A do ta votojnë të gjithë, secila e secili Lëvizjen Vetëvendosje!? A do të festojnë qytetarët e Kaçanikut e të Republikës, në mbrëmjen e të dielës së 9 shkurtit?

Atëherë urime fitorja Kaçanik, urime fitorja Kosovë, e mirëupafshim në aktivitetet e përditshme, në rrugicat e qytetit, në rrugët e secilës lagje, të secilit fshat të Kaçanikut, shtëpi më shtëpi drejt 9 shkurtit, drejt fitores së Vetëvendosjes, Guxo, Alternativës dhe numrit 118!

Faleminderit shumë, mirëupafshim e natën e mirë!