Mbi 300 biznese janë hapur dhe afër 500 qytetarë nga komuniteti serb janë punësuar në veri të Kosovës gjatë vitit 2024. Sot, Banka Ekonomike e hapi degën e 33-të të saj në Kosovë, kësaj radhe në Leposaviq, duke ofruar shërbime moderne për biznese dhe qytetarë, e të cilat i ofron edhe në secilën pikë tjetër në Kosovë, vetëm se këtu tash me pajisje të reja të teknologjisë së fundit. Banka aktualisht ka pesë punëtorë, tre serbë e dy shqiptarë.

PodujeVVa me pa fund zemra për VETËVENDOSJE!-n

E vendosur si përherë, e qartë si gjithmonë – Podujeva jonë, Cep më Cep 118.

Salla e sporteve “Hakif Zejnullahu” ishte e pamjaftueshme për numrin e pafund të pjesëmarrësve sonte. Akustikë e papërshtatshme për brohorimat e mëdha mbështetëse për qeverinë më të suksesshme të pasluftës së Kosovës dhe për kryeministrin Albin Kurti.

Tubimi në Podujevë filloi me një minutë heshtje për nderë të viktimave të masakrës së Reçakut.

Në Podujevën e zemrave pa fund, fjalën hyrëse e pati Kryetari i Komunës, Shpejtim Bulliqi, i cili, duke kujtuar arritjet e komunës dhe të qeverisë qendrore gjatë katër viteve të fundit, theksoi se në Republikë dhe në Podujevë është bërë më shumë sesa gjatë të gjitha qeverisjeve qendrore e lokale të së kaluarës. Në frymën e kësaj të vërtete dhe për rrugën përpara, Kryetari Bulliqi kërkoi nga llapjanët mbështetje edhe më të fuqishme për Qeverinë Kurti 3, për 500 mijë vota “cep më cep” Podujevës.

Ministrja e Drejtësisë, Albulena Haxhiu, përshëndeti aksionin e sotëm të Policisë së Kosovës dhe të ministrit të Punëve të Brendshme, Xhelal Sveçla, për mbylljen e të gjitha komunave paralele të Serbisë në Kosovë. Ajo falënderoi qytetarët e Podujevës për mbështetjen e pashoq, duke theksuar se kjo përkrahje na motivon edhe ne si qeveri për vazhdimin e qeverisjes së mirë. Ministrja Haxhiu kërkoi një rekord të ri për datën 9 shkurt, duke theksuar se ashtu siç kemi ecur bashkë me qytetarët si qeveri, duhet të vazhdojë ky përbashkim që nga cepi në cep, të mblidhet çdo zemër e të mundësohet fitorja rekord e Qeverisë Kurti 3.

Ministri i Punëve të Brendshme të Kosovës, Xhelal Sveçla, pas brohoritjeve të gjata mbështetëse, e nisi fjalimin duke kujtuar punën e jashtëzakonshme që ka mundësuar shtrirjen e sovranitetit në të gjithë territorin e Kosovës, mbylljen e institucioneve ilegale, shkatërrimin e laboratorëve të drogës dhe mbylljen e rrugëve ilegale—gjë që, sipas tij, dikur ishte e pamundur. Lidhur me akuzat e opozitës se sulmet terroriste në Bajnskë dhe Ibër–Lepenc ishin të orkestruara nga qeveria, ministri Sveçla tha se, megjithëse kundërshtarët politikë mund të mos japin llogari ligjërisht, ai është i bindur se ata do të japin përgjegjësi në ditën e zgjedhjeve, para qytetarëve të Republikës së Kosovës.

Kryeministri Albin Kurti, në fjalën e tij hyrëse, u shpreh se shqiptarët në Ballkan jetojnë prej aty ku e kanë ndalur okupatorin e fundit. Në Llap, gjithmonë ka ngecur Serbia, e në Llap gjithmonë ka ecur Lëvizja, e cila në shekullin XXI mban emrin VETËVENDOSJE!. Këtë emër e mbajmë me zemër, emër që ishte parulla kryesore e demonstratave të vitit 1968, të cilat sollën Universitetin e Prishtinës, ku në ballë ishin veprimtarët Ilaz Pireva dhe Xheladin Rekaliu. Ne të gjithë e dimë mirë se gjatë luftës, Prishtina ishte në zonën operative të Llapit, ndërsa tash, në paqe, do ta bëjmë Llapin zonë operative të Prishtinës.

Mes brohoritjeve, Kryeministri Kurti përmendi edhe të arriturat e shumta gjatë qeverisjes katërvjeçare, ku theksoi se me ne në qeverisje fitojnë kategoritë shoqërore, e jo personat privat:

“Kur japim 118 mijë subvencione për bujqit, ne ndihmojmë zhvillimin e qëndrueshëm të Republikës, e jo pasurimin e disa personave privat. Kur kemi ofruar më shumë se 1 mijë grante, kemi menduar deri në detaje për naftë, plehërim, shtalla, solare, për studentët e bujqësisë dhe për partneritet zhvillimor. Kemi ndarë 300 milionë euro subvencione për bujqësinë dhe mbi 300 milionë euro për armatimin e ushtrisë, sepse buka dhe pushka janë dy siguritë më urgjente, më prioritare e më të domosdoshme për një shtet dhe një komb.”

Në fund, Kryeministri Albin Kurti uroi fitoren e pakontestueshme të Lëvizjes VETËVENDOSJE! për qytetarët e Podujevës dhe të gjithë Kosovës, duke ftuar që të votojmë bashkë cep më cep, të fitojmë bashkë cep më cep dhe të festojmë bashkë cep më cep të Llapit, cep më cep të Republikës së Kosovës e cep më cep të shqiptarisë.

Fushë Kosova i bashkohet 500 mijë zemrave Cep më Cep.

Tubimi i sotëm në Fushë Kosovë filloi me një minutë heshtje për nder të masakrës së Reçakut.

Shpend Bardiqi, kandidati për deputet nga radhët e Lëvizjes VETËVENDOSJE!, e filloi fjalimin duke rikujtuar problemet e Fushë Kosovës, sidomos mungesën e ujit të pijshëm. Ai theksoi se Qeveria Kurti është e vetmja që është marrë seriozisht me këto probleme duke provuar t’i zgjidhë ato. Ajo ka inicuar ndërtimin e çerdheve në Fushë Kosovë, dhe projekte të tjera që prekin drejtpërdrejt jetën e banorëve të Fushë Kosovës. Kandidati Bardiqi bëri thirrje për mobilizim për ta siguruar secilën votë brenda 500 mijë votave që synojmë më 9 shkurt.

Në fjalën e saj, ministrja e Drejtësisë, znj. Albulena Haxhiu, përshëndeti aksionin e sotëm të institucioneve të Kosovës për mbylljen e komunave paralele të Serbisë në qytete të ndryshme të Kosovës, përfshirë edhe Skenderajn. Ministrja Haxhiu theksoi se, pavarësisht përpjekjeve të ndryshme për ta penguar rrugën e progresit që ka marrë Kosova, institucionet tona nuk u ndalën asnjëherë dhe nuk do të ndalen asnjëherë në kryerjen e detyrave të tyre. Ajo shtoi se do të fitojmë përherë, duke u bazuar te drejtësia dhe barazia. Ministrja Haxhiu, bëri thirrje që të angazhohemi secili për ta mundësuar fitoren me mbi 500 mijë zemra dhe për të vazhduar punën e mirë të qeverisë më të suksesshme deri më tani.

Kryeministri i Republikës së Kosovës, Albin Kurti, falënderoi qytetarët e Fushë Kosovës për mbështetjen madhështore në tubimin e sotëm. Ai theksoi se gjatë këtyre katër viteve si qeveri i kemi shtuar vendit zhvillimin ekonomik, sigurinë, kujdesin social dhe kemi shtrirë sovranitetin në tërë territorin e Republikës së Kosovës. Kryeministri Kurti përmendi në detaje të arriturat dhe kujdesin shtetëror ndaj qytetarëve, duke theksuar se nuk ka pasur familje që nuk e ka ndjerë dorën ndihmëse të shtetit gjatë mandatit të tij. Prandaj, bëri thirrje që deri në ditën e votimit të angazhohemi secili në rrethet tona shoqërore e familjare, që ta mbërrijmë numrin e 500 mijë zemrave anë e mbanë Kosovës, në mënyrë që të vazhdojë puna e mirë për Republikën dhe qytetarin e Kosovës.

Me 9 Shkurt, përbashkohemi te numri 118, te numri i fitores ku jemi bashkë me 500 mijë zemra të tjera që rrahin si një.

Hani i Elezit, ashtu si e gjithë Kosova, Cep më Cep ka vendosur për Kryeministër Albin Kurti.

Në orët e mbrëmjes, me padurim qindra qytetarë të Hanit të Elezit po e prisnin me entuziasëm të madh, kryeministrin Albin Kurti.

Gryka e Kaçanikut sikur kishte ushtuar aq shumë sa që kishte elektrizuar edhe Hanin e Elezit, ku qytetarët thërrisnin në vazhdimësi, emrin Albin Kurti.

Atë që skeptikët me përbuzje trumbetonin si të pamundur, qeverisja Kurti i kishte zhgënjyer: Terminali në Hanin e Elezit iu kthye shtetit, iu kthye Republikës, nga ata që zhvatën për mbi 20 vite në Hanin e Elezit.

Kryeministri Kurti shprehu zotimin e palëkundur, për prosperitetin e Kosovës, në ekonomi e siguri, në bujqësi e shëndetësi, në arsim e në drejtësi, me bindjen e thellë për prosperitet, cep më cep të Republikës.

Duke iu përgjigjur thirrjeve të qytetarëve për fitore, kryeministri Kurti inkurajoi ata të angazhohen secilën ditë, në çdo lagje e fshat, për fitoren rekorde, drejt 500 mijë zemrave për numrin 118.

118 është numri, 9 shkurt është data, VETËVENDOSJE!, Guxo dhe Alternativa është koalicioni, mbi 500 mijë zemra që rrahin si një është fitorja jonë në Republikën e Kosovës.

“NE jemi Cep më Cep Kaçanikut e ata janë gjithnjë e më afër panikut”

Edhe në Kaçanik, me sallën plot qytetarë, u dëshmua vullneti shkëmb e gurë për ta vazhduar qeverisjen e mire dhe progresiste të Lëvizjes VETËVENDOSJE! me Albin Kurtin kryeministër të Republikës së Kosovës.

Kryetari i Qendrës së Kaçanikut, zv. ministri i Mjedisit, Planifikimit Hapësinor dhe Infrastrukturës, Jeton Raka, në fjalën e tij theksoi se dikur kishte PDK e LDK në qeverisje bashkë, se Kaçaniku kishte ministra e zëvendësministra, por se, Kaçaniku pastaj nuk kishte madje as një çerdhe për fëmijë se mos të flasim për ndonjë projekt milionësh. Tani, kujtoi ai, Kaçaniku është qyteti i projekteve, qyteti i shpresës, nën qeverisjen e Kryeministrit Kurti dhe me mbështetjen e Lëvizjes VETËVENDOSJE! Kaçaniku i ka të buxhetuara mbi 25 milionë euro për projekte infrastrukturore. Me Qeverinë Kurti 3, po jetësohen dhe po vijnë projekte madhore për Kaçanikun.

Duke iu referuar tubimeve të vogla të partive opozitare në Kaçanik, kandidati për deputet, Jeton Raka, tha se në Kaçanik të tjerët mundohen shumë ta mbushin Shtëpinë e Kulturës kurse ne po mbushim palestrën e sportit. Kjo ndodhë, shtoi ai, për shkak se ne jemi Cep më Cep Kaçanikut e ata janë gjithnjë e më afër panikut.

Ministrja Arbërie Nagavci, duke rikujtuar veprimet konkrete të Qeverisë Kurti 2, bëri thirrje që të gjithë bashkë ta mundësojmë edhe Qeverinë Kurti 3 duke votuar numrin 118.

“Nga shtesat për fëmijë te bursat për studentë. Nga shtesat për nënat lehona te mbështetja për pensionistët. Nga punësimi i të rinjve dhe grave e deri te rritja e buxhetit për policinë dhe ushtrinë. Nga mirëqenia te siguria. Nga drejtësia te punësimi. Nga zotimet te progresi”, kjo është qeveria Kurti, tha ministrja Nagavci.

Mes brohoritjeve të shumta VETËVENDOSJE! e 118, mes thirrjeve Albin Kurti, fitore, e sërish 118, mori fjalën kryeministri Albin Kurti.

Duke theksuar se angazhimi në politikë vjen nga dashuria për shtet, për Republikë dhe për kombin, e jo nga dëshira për pushtet, Kryeministri Kurti i kujtoi të arriturat e qeverisjes që ai drejton, rritjen e investimeve të huaja, rritjen e eksporteve, rritjen e vendeve të punës.

“Kosovën e gjetëm me 350 mijë të punësuar, tash i kemi 430 mijë. Kjo do të thotë se, për më pak se katër vjet, kemi 80 mijë vende pune më shumë në Republikën e Kosovës, cep më cep. A e dini sa janë 80 mijë për katër vjet? Janë 55 të punësuar mesatarisht për çdo ditë. Gjatë këtyre katër viteve qeverisje, Kosovës i janë shtuar 55 të punësuar të rinj për çdo ditë, që do të thotë se çdo ditë është themeluar një kompani, një firmë ose një biznes i ri me 55 vende të reja pune në Republikën tonë të dashur.”

Në fund, kryetari i Lëvizjes VETËVENDOSJE! dhe kryeministri ynë bëri thirrje që i gjithë Kaçaniku dhe e gjithë Kosova, më 9 shkurt, të bashkohen si një – plot 500 mijë zemra – për ta votuar numrin 118 dhe për ta vazhduar punën e mirë që e bën atdheun tonë vend të sigurt për të gjithë qytetarët.

Shtërpca me VETËVENDOSJE! Cep më Cep 118

Tubimet e Lëvizjes VETËVENDOSJE! vazhdojnë me përkrahje të madhe nga qytetarët Cep më Cep të vendit. Këtë herë, Shtërpca u bë qendra e një entuziazmi, ku qytetarët u mblodhën për ta shprehur mbështetjen e tyre për Kryeministrin Albin Kurtin.

Kryetari ynë i qendrës në Shtërpcë, Shpejtim Arifi, në hapjen e fjalës së tij, komunikoi një mesazh të rëndësishëm për komunitetin serb që jeton në Kosovë, duke kujtuar se Lëvizja VETËVENDOSJE! nuk është kundër serbëve, por kundër Listës Serbe, e cila në vahzdimësi vepron për të minuar shtetësinë e Kosovës me udhëzime nga Beogradi.

Ministrja Arbërie Nagavci tha se përkrahja e madhe dhe emocionet që po përjetohen kudo në Kosovë, përfshirë Shtërpcën, janë dëshmi e qartë e punës dhe parimeve të Qeverisë Kurti 2.

Kryeministri Albin Kurti falënderoi qytetarët e Shtërpcës për mbështetjen e tyre të vazhdueshme, duke garantuar se Lëvizja VETËVENDOSJE! nuk do t’i lërë kurrë vetëm. Ai premtoi më shumë zhvillim, mirëqenie dhe drejtësi, duke theksuar se qeveria nuk do të zmbrapset përballë kriminelëve dhe grupeve kriminale, të cilët do të përgjigjen para ligjit.

“Qytetarët serbë, si këtu në Shtërpcë ashtu edhe në veri të Kosovës, po e rrisin besimin në qeverinë tonë sepse po kuptojnë se vetëm kjo qeveri i mbron nga bandat kriminale,” theksoi kryeministri Kurti.

Ai shtoi se tubimi u mbajt në një restorant për shkak të gjendjes së keqe të Shtëpisë së Kulturës në Shtërpcë. Kryeministri premtoi se Qeveria, në bashkëpunim me qeverisjen lokale, do të investojë për ta rikthyer këtë institucion në një hapësirë dinjitoze për aktivitete kulturore.

Në Brezovicë, ai kujtoi, që do të investohen rreth 500 milionë euro për përmirësimin e kushteve të turizmit, duke e kthyer këtë zonë në një destinacion të zhvilluar dhe atraktiv.

Në mbyllje, qytetarët treguan vendosmërinë e tyre për të forcuar këtë energji që po dominon Cep më Cep për fitoren tonë të madhe me numrin 118.

Peja Cep më Cep 118

Në një sallë të tejmbushur Cep më Cep, në pallatin e sportit të qytetit të Pejës “Karagaçi”, me një atmosferë elektrizuese e pjesëmarrës e aktivistë të të gjitha moshave, u mbajt tubimi i tretë i Lëvizjes VETËVENDOSJE!. Qytetarë të shumtë, aktivistë palodhshëm, kandidatë për deputetë, miq e dashamirës, dëshmuan fuqishëm mbështetjen për Lëvizjen tonë, kryetarin e saj e Kryeministrin e tashëm e të ardhshëm, Albin Kurti.

Kryetari i Qendrës tonë në Pejë, zëvendësministri i Arsimit, Shkencës, Teknologjisë dhe Inovacionit e kandidati për deputet, Taulant Kelmendi, tha se Kosova nuk meriton me u qeverisë copa copa, por Cep më Cep nga qeveria e VETËVENDOSJE! dhe Kryeministrit Albin Kurti. “Vazhdojmë rrugën më 9 shkurt, për të forcuar shtetin e përfaqësuar interesin e qytetarëve.”

Deputetja dhe kandidatja për deputete, Fatmire Mulhaxha-Kollçaku, tha se zemrat e Pejës rrahin sinkron me të gjitha zemrat e tjera në Kosovë e mergatë, edhe Peja do të jetë e Lëvizjes VETËVENDOSJE!. “Nuk mund ta harroj rrëzimin e qeverisë Kurti në kohë pandemie, por ne u rikthyem me qeverinë Kurti II e shumë shpejt edhe me Kurti III.” u shpreh ajo gjersa theksoi dhe mbështetjen e qeverisë për vajzat e gratë, bursa e rritje të punësimit, pushimi i lehonisë edhe për grate e papuna, shtesat për fëmijë, hapjen e çerdheve, strehimoret për grate viktima të dhunës, e ato që do të vijnë në mandatin e ardhshëm si mbështetje edhe për gjyshet që përkujdesen për nipat e mbesat, apo edhe Superpuna për Gratë.

Teksa Zëvendëskryeminstrja dhe Ministrja e Punëve të Jashtme dhe Diasporës, bashkëkryetare e partisë Guxo, Donika Gërvalla Schwarz, kujtoi se Peja e djegur dhe dëmtuar gjatë luftës, diti gjithmonë të ringritet, të rilindë e të rikthehet. “Pulsi i çeliktë i Dukagjinit ndihet fuqishëm në Kosovë e mërgatën tonë. Kosova dhe mërgata e saj janë si dy dhomat e një zemre: ato gjithmonë rrahin së bashku.” Ajo tha se opozita ka zgjedhur të jetë kundër qytetarëve në lindje, jug, perendim e edhe në veri. “Të rënda sulmet me të cilat është përballur shteti ynë, e më të rënda deklaratat e ardhura nga opozita” u shpreh ajo.

Mes brohorimave e thirrjeve mbështetëse të të pranishmëve, në skenë ishte dhe Kryeministri i Republikës së Kosovës, Albin Kurti. “Kjo mikpritje kaq e zjarrtë, ma mbush zemrën me gëzim e mendjen me përgjegjësi. Qytet i bjeshkëve dhe lumit, zejeve e artit, ku prehen eshtrat e Kadri Zekës dhe Ali Pashë Gucisë, i besës, zemrës dhe shqiponjave. Fitoren e VETËVENDOSJE! nuk ka fuqi që mund ta ndalë.” u shpreh kryeministri në hyrje të fjalës së tij.

Kryeministri Kurti shtoi se për katër vjet kemi qeverisur mirë, bashkë dhe drejtë, kemi vetëvendosë rekorde. “Ne vendosim rekorde e ne i thyejmë ato. Kush e mendon politikën krejt dhe drejt, e cep më cep, nuk ia ka frikën punës e imagjinatës së vet. Vetë i vendosim rekordet, vetë i thyejmë ato. 30 për qind më i madh është Bruto Produkti Vendor në 2024 sesa në 2021 kur e morëm qeverisjen. 40 për qind më të larta të hyrat tatimore në 2024 sesa në 2021. E 50 për qind është më i madh buxheti i shtetit sivjet sesa në 2021.

Nga Mitrovica e krenarisë kombëtare, vazhdojmë ritmin e lëvizjes drejt përbashkimit të 500 mijë qytetarëve që, me vendimin e tyre, më 9 shkurt, do t’i japin forcë rrugës së zhvillimit dhe sovranitetit, Cep më Cep në Kosovë.

Me entuziazmin e bashkimit dhe në atmosferën e fitoreve, mijëra qytetarë e pritën kryeministrin Albin Kurti, për të shprehur mbështetjen e plotë në drejtimin e mëtejmë të Republikës së Kosovës.

Kryetari i Qendrës së Mitrovicës, kandidati për deputet, Armend Muja, duke iu uruar mirëseardhje të pranishmëve, ritheksoi zotimin e palëkundur se Mitrovica dhe veriu i vendit janë jetike për Kosovën, për të cilën po punohet pandërprerë dhe me vendosmëri.

I pritur me ovacione dhe duartrokitje të vazhdueshme, ministri i Punëve të Brendshme, Xhelal Sveçla, iu adresua qytetarëve me fjalë që mbështeteshin vazhdimisht nga të pranishmit e shumtë në sallë, duke ofruar përkrahje dhe kurajo për punën e palodhshme që është bërë, vendosjen e rendit dhe të ligjit, Cep më Cep Republikës tone.

Kryetari i Partisë Guxo, njëherazi ministri i Bujqësisë, Pylltarisë dhe Zhvillimit Rural, Faton Peci, tha se ditët e mira për Mitrovicën erdhën me qeverisjen Kurti dhe se edhe më të mira do të vijnë në gjithë Kosovën, Cep më Cep të Republikës.

Të sigurt në ecjen drejt shtrirjes së sovranitetit, reformimit të sistemit të drejtësisë dhe avancimit të pozitës së gruas në shoqëri, ministrja e Drejtësisë, Albulena Haxhiu, tha se në zemër të qëllimit tonë qëndron përkushtimi për drejtësi dhe barazi, pa u ndalur, me guxim, për sovranitet dhe për zhvillim; në tërësi për progres në shoqëri.

Entuziazmi në sallë shtohej vazhdimisht, duke thirrur njëzëri: “Kryeministri Albin Kurti!”

“Dy zemra t’i kisha, të dyja do t’i dhuroja ty, Mitrovicë,” – kështu e nisi fjalën e tij, me krenari e vlerësim për Mitrovicën e Trepçës dhe Mitrovicën e UÇK-së.

Kryeministri Kurti rikujtoi se, të bashkuar, kemi treguar që kushtetuta, sovraniteti, paqja dhe rendi, bashkë me Republikën tonë, nuk mund të mposhten kurrë.

Kryeministri nënvizoi se nga qeveria e drejtuar prej tij, aleanca me perëndimin është përdorë për ta forcuar ushtrinë dhe shtetin tonë më tej, ndryshe pra nga ata që sot janë në opozitë e që më herët e keqpërdornin këtë aleancë për ta ambalazhuar hajninë apo tradhtinë e tyre. “Ata që dikur ishin në pushtet e keqpërdorën aleancën me perëndimin, prandaj sot janë larguar dhe s’do të kthehen më,” theksoi ai.

Tutje, për premtimet boshe të opozitës, Kryeministri Kurti tha se i “ngjajnë hajnit i cili do me ta vjedhë shtëpinë por ta premton një bakshish pastaj”. “Ka kaluar ajo kohë” vijoi ai, “sepse populli i Kosovës nuk pranon as hajni e as mashtrim.”

Në fund, Kryeministri citoi rilindasin e madh shqiptar, Faik Konicën: “Shqiptarët nuk ndahen në të krishterë e në muhamedanë, po ndahen në dy anë: ana e kombëtarëve, në të cilën ka shqiptarë nga të gjitha besimet, dhe ana e zuzarëve”, duke theksuar se ne jemi nga ana e kombëtarëve.

Për punësim e për mirëqenie, për siguri e për ekonomi, zgjedhja është zgjidhja me numër 118, të zgjedhjeve të 9 shkurtit të vitit 2025

Nga Mitrovica e krenarisë kombëtare, vazhdojmë ritmin e lëvizjes drejt përbashkimit të 500 mijë qytetarëve që, me vendimin e tyre, më 9 shkurt, do t’i japin forcë rrugës së zhvillimit dhe sovranitetit, Cep më Cep në Kosovë.

Me entuziazmin e bashkimit dhe në atmosferën e fitoreve, mijëra qytetarë e pritën kryeministrin Albin Kurti, për të shprehur mbështetjen e plotë në drejtimin e mëtejmë të Republikës së Kosovës.

Kryetari i Qendrës së Mitrovicës, kandidati për deputet, Armend Muja, duke iu uruar mirëseardhje të pranishmëve, ritheksoi zotimin e palëkundur se Mitrovica dhe veriu i vendit janë jetike për Kosovën, për të cilën po punohet pandërprerë dhe me vendosmëri.

I pritur me ovacione dhe duartrokitje të vazhdueshme, ministri i Punëve të Brendshme, Xhelal Sveçla, iu adresua qytetarëve me fjalë që mbështeteshin vazhdimisht nga të pranishmit e shumtë në sallë, duke ofruar përkrahje dhe kurajo për punën e palodhshme që është bërë, vendosjen e rendit dhe të ligjit, Cep më Cep Republikës tone.

Kryetari i Partisë Guxo, njëherazi ministri i Bujqësisë, Pylltarisë dhe Zhvillimit Rural, Faton Peci, tha se ditët e mira për Mitrovicën erdhën me qeverisjen Kurti dhe se edhe më të mira do të vijnë në gjithë Kosovën, Cep më Cep të Republikës.

Të sigurt në ecjen drejt shtrirjes së sovranitetit, reformimit të sistemit të drejtësisë dhe avancimit të pozitës së gruas në shoqëri, ministrja e Drejtësisë, Albulena Haxhiu, tha se në zemër të qëllimit tonë qëndron përkushtimi për drejtësi dhe barazi, pa u ndalur, me guxim, për sovranitet dhe për zhvillim; në tërësi për progres në shoqëri.

Entuziazmi në sallë shtohej vazhdimisht, duke thirrur njëzëri: “Kryeministri Albin Kurti!”

“Dy zemra t’i kisha, të dyja do t’i dhuroja ty, Mitrovicë,” – kështu e nisi fjalën e tij, me krenari e vlerësim për Mitrovicën e Trepçës dhe Mitrovicën e UÇK-së.

Kryeministri Kurti rikujtoi se, të bashkuar, kemi treguar që kushtetuta, sovraniteti, paqja dhe rendi, bashkë me Republikën tonë, nuk mund të mposhten kurrë.

Kryeministri nënvizoi se nga qeveria e drejtuar prej tij, aleanca me perëndimin është përdorë për ta forcuar ushtrinë dhe shtetin tonë më tej, ndryshe pra nga ata që sot janë në opozitë e që më herët e keqpërdornin këtë aleancë për ta ambalazhuar hajninë apo tradhtinë e tyre. “Ata që dikur ishin në pushtet e keqpërdorën aleancën me perëndimin, prandaj sot janë larguar dhe s’do të kthehen më,” theksoi ai.

Tutje, për premtimet boshe të opozitës, Kryeministri Kurti tha se i “ngjajnë hajnit i cili do me ta vjedhë shtëpinë por ta premton një bakshish pastaj”. “Ka kaluar ajo kohë” vijoi ai, “sepse populli i Kosovës nuk pranon as hajni e as mashtrim.”

Në fund, Kryeministri citoi rilindasin e madh shqiptar, Faik Konicën: “Shqiptarët nuk ndahen në të krishterë e në muhamedanë, po ndahen në dy anë: ana e kombëtarëve, në të cilën ka shqiptarë nga të gjitha besimet, dhe ana e zuzarëve”, duke theksuar se ne jemi nga ana e kombëtarëve.

Për punësim e për mirëqenie, për siguri e për ekonomi, zgjedhja është zgjidhja me numër 118, të zgjedhjeve të 9 shkurtit të vitit 2025.

Mes entuziazmit dhe etjes për vazhdimin përpara, sot Lëvizja VETËVENDOSJE! e nisi fushatën me një tubim madhështor në Gjakovën e yjeve, ku u prezantua projekti për katër vitet e ardhshme, me qëllim vazhdimin dhe plotësimin e nevojave, kërkesave dhe qëllimeve të përbashkëta qytetare e kombëtare të Republikës së Kosovës.

Në fjalën hyrëse, kandidati për deputet, z. Agon Batusha, theksoi se jo rastësisht Lëvizja VETËVENDOSJE! po e fillon tubimin e fitores së madhe në Gjakovë, pikërisht në qytetin që është simbol i rezistencës dhe qëndresës për liri e pavarësi. Ai u shpreh i bindur se kjo qëndresë do të vazhdojë edhe në katërvjeçarin e ardhshëm të mandatit qeverisës.

Nënkryetari i parë dhe Kryetari i Kuvendit të Republikës së Kosovës, z. Glauk Konjufca, në fjalën e tij deklaroi se me mbështetjen në Gjakovë e Cep më Cep Kosovës, do ta urojmë edhe për një mandat tjetër z. Albin Kurti në udhëheqjen e Republikës. Ai e përmbylli fjalën e tij me thënien popullore: “Rruga e mirë nuk ndërrohet”.

Kryetarja e partisë Alternativa dhe Kryesuese e Grupit Parlamentar të Lëvizjes VETËVENDOSJE!, znj. Mimoza Kusari, theksoi se fitorja e Lëvizjes VETËVENDOSJE! po fillon mbarë nga Gjakova. Ajo vlerësoi mbështetjen e lartë të qytetarëve të Gjakovës për këtë qeverisje, duke theksuar se “nuk ka rrugë tjetër e nuk ka më mirë” dhe se fitorja edhe më e fuqishme do të vijë më 9 shkurt.

Pas saj, mysafiri i veçantë nga Partia e Socialistëve Evropian (PES) z. Enric López Jurado, i cili ka ardhur për ta mbështetur fushatën zgjedhore të Lëvizjes VETËVENDOSJE!, duke ndarë mahnitjen e tij me organizatën tonë dhe sidomos të rinjtë që angazhohen, tha se me çfarë ka parë deri tani është i bindur në fitorën tonë të madhe me datë 9 shkurt.

Ministrja e Punëve të Jashtme dhe Diasporës, bashkëkryetarja e partisë Guxo dhe kandidate për deputete, znj. Donika Gërvalla, renditi fitoret e qytetarëve me qeverisjen Kurti 2 dhe theksoi se qeveria nën udhëheqjen e z. Albin Kurti është pa dyshim qeveria më e mirë ndonjëherë. Znj. Gërvalla shtoi se epoka e atyre që nuk e dinë çfarë është ligji ka përfunduar në Kosovë dhe nuk do të kthehet më.

Para se Kryeministri dhe Kryetari i Lëvizjes VETËVENDOSJE!, z. Albin Kurti, të merrte fjalën, kandidatja për deputete, këngëtarja e mirënjohur znj. Edona Llalloshi, ndërhyri me një pikë muzikore, e cila ngriti edhe më tej atmosferën entuziaste në sallë.

Në fjalën përmbyllëse, z. Albin Kurti falënderoi Gjakovën për përkrahjen e madhe që i ka dhënë qeverisë dhe shtetit nëpër sfidat që kemi kaluar. Ai u zotua se qeverisja e Lëvizjes VETËVENDOSJE! nuk do t’i gënjejë e as zhgënjejë qytetarët dhe se bashkë me ta do të angazhohet Cep më Cep për një qeverisje që sjell zhvillim me punësim dhe garanton të drejtat e liritë për secilin pa dallim në Republikë.

“Kemi nevojë që përditë, për çdo orë, gjithandej, të ngriheni bashkë me ne, të dëgjoheni bashkë me ne, të punoni bashkë me ne, të angazhoheni bashkë me ne, të bëhemi bashkë, të jemi bashkë, sepse bashkë fitojmë dhe vetëm bashkë duhet të fitojmë. Vetëm së bashku mund ta përparojmë Gjakovën dhe krejt Kosovën cep më cep. Le të jemi bashkë në punë, në barazi e për begati, nga populli te Republika, nga Gjakova te Kosova, Cep më Cep pa korrupsion, me zemër drejt fitores, drejt 500 mijë zemrave që rrahin si një në numrin 118”, theksoi Kryeministri Kurti.

Mes entuziazmit dhe etjes për vazhdimin përpara, sot Lëvizja VETËVENDOSJE! e nisi fushatën me një tubim madhështor në Gjakovën e yjeve, ku u prezantua projekti për katër vitet e ardhshme, me qëllim vazhdimin dhe plotësimin e nevojave, kërkesave dhe qëllimeve të përbashkëta qytetare e kombëtare të Republikës së Kosovës.

Në fjalën hyrëse, kandidati për deputet, z. Agon Batusha, theksoi se jo rastësisht Lëvizja VETËVENDOSJE! po e fillon tubimin e fitores së madhe në Gjakovë, pikërisht në qytetin që është simbol i rezistencës dhe qëndresës për liri e pavarësi. Ai u shpreh i bindur se kjo qëndresë do të vazhdojë edhe në katërvjeçarin e ardhshëm të mandatit qeverisës.

Nënkryetari i parë dhe Kryetari i Kuvendit të Republikës së Kosovës, z. Glauk Konjufca, në fjalën e tij deklaroi se me mbështetjen në Gjakovë e Cep më Cep Kosovës, do ta urojmë edhe për një mandat tjetër z. Albin Kurti në udhëheqjen e Republikës. Ai e përmbylli fjalën e tij me thënien popullore: “Rruga e mirë nuk ndërrohet”.

Kryetarja e partisë Alternativa dhe Kryesuese e Grupit Parlamentar të Lëvizjes VETËVENDOSJE!, znj. Mimoza Kusari, theksoi se fitorja e Lëvizjes VETËVENDOSJE! po fillon mbarë nga Gjakova. Ajo vlerësoi mbështetjen e lartë të qytetarëve të Gjakovës për këtë qeverisje, duke theksuar se “nuk ka rrugë tjetër e nuk ka më mirë” dhe se fitorja edhe më e fuqishme do të vijë më 9 shkurt.

Pas saj, mysafiri i veçantë nga Partia e Socialistëve Evropian (PES) z. Enric López Jurado, i cili ka ardhur për ta mbështetur fushatën zgjedhore të Lëvizjes VETËVENDOSJE!, duke ndarë mahnitjen e tij me organizatën tonë dhe sidomos të rinjtë që angazhohen, tha se me çfarë ka parë deri tani është i bindur në fitorën tonë të madhe me datë 9 shkurt.

Ministrja e Punëve të Jashtme dhe Diasporës, bashkëkryetarja e partisë Guxo dhe kandidate për deputete, znj. Donika Gërvalla, renditi fitoret e qytetarëve me qeverisjen Kurti 2 dhe theksoi se qeveria nën udhëheqjen e z. Albin Kurti është pa dyshim qeveria më e mirë ndonjëherë. Znj. Gërvalla shtoi se epoka e atyre që nuk e dinë çfarë është ligji ka përfunduar në Kosovë dhe nuk do të kthehet më.

Para se Kryeministri dhe Kryetari i Lëvizjes VETËVENDOSJE!, z. Albin Kurti, të merrte fjalën, kandidatja për deputete, këngëtarja e mirënjohur znj. Edona Llalloshi, ndërhyri me një pikë muzikore, e cila ngriti edhe më tej atmosferën entuziaste në sallë.

Në fjalën përmbyllëse, z. Albin Kurti falënderoi Gjakovën për përkrahjen e madhe që i ka dhënë qeverisë dhe shtetit nëpër sfidat që kemi kaluar. Ai u zotua se qeverisja e Lëvizjes VETËVENDOSJE! nuk do t’i gënjejë e as zhgënjejë qytetarët dhe se bashkë me ta do të angazhohet Cep më Cep për një qeverisje që sjell zhvillim me punësim dhe garanton të drejtat e liritë për secilin pa dallim në Republikë.

“Kemi nevojë që përditë, për çdo orë, gjithandej, të ngriheni bashkë me ne, të dëgjoheni bashkë me ne, të punoni bashkë me ne, të angazhoheni bashkë me ne, të bëhemi bashkë, të jemi bashkë, sepse bashkë fitojmë dhe vetëm bashkë duhet të fitojmë. Vetëm së bashku mund ta përparojmë Gjakovën dhe krejt Kosovën cep më cep. Le të jemi bashkë në punë, në barazi e për begati, nga populli te Republika, nga Gjakova te Kosova, Cep më Cep pa korrupsion, me zemër drejt fitores, drejt 500 mijë zemrave që rrahin si një në numrin 118”, theksoi Kryeministri Kurti.

Sallat në Mynih, Stuttgart, Köln dhe Berlin ishin të stërmbushura me bashkëatdhetarët tanë, të cilët gjithmonë tregojnë përkushtimin dhe dashurinë e tyre të lartë për Kosovën.

Tubime të tjera do të mbahen në qytete të tjera të Evropës, ku mërgata jonë jeton dhe punon. Së bashku, do të vazhdojmë përpjekjet tona, punën tonë, për një Kosovë më të zhvilluar e më të drejtë, për një Kosovë ku secili/a ka një të ardhme prosperuese.

Faleminderit për mbështetjen tuaj të jashtëzakonshme!

Në Köln, atmosfera ishte e mbushur me emocion dhe pritshmëri! Bashkatdhetarët tanë u bashkuan për ta pritur Kryeministrin Albin Kurti. Besimi në reformat transformuese të qeverisë Kurti është aq i lartë sa që tubime madhështore si këto janë edhe ngjarje festive plot shpresë dhe entuziazëm për të ardhmen. Bashkime kaq të mëdha të shqiptarëve jashtë vendit tregojnë se diaspora jonë është më e vendosur se kurrë për të ndihmuar në ndërtimin e një të ardhmeje më të ndritur për Kosovën.

Qindra bashkatdhetarë u mblodhën në takimin e mbajtur në Stuttgart me Kryeministrin e Republikës së Kosovës, Albin Kurti, duke krijuar një atmosferë e një pritje të jashtëzakonshme. Shprehim keqardhje për të gjithë ata që udhëtuan gjatë për të qenë pjesë e këtij tubimi, por që për shkak të mungesës së kapacitetit nuk patën mundësi të marrin pjesë. Ju sigurojme se do të kemi organizime të tjera shumë shpejt de do të shihemi sërish në to. Kërkojmë ndjesë të sinqertë dhe mirëkuptimin tuaj!

Në këtë takim madhështor, Kryeministri Kurti foli për arritjet e qeverisë që ai drejton për këto tre vite e gjysmë. Ai përmendi rritjen e Bruto Produktit Vendor për 33%, rritjen e buxhetit shtetëror për 35%, përmirësimet e ndjeshme në shëndetësi, përparimet në drejtësi dhe siguri, luftën ndaj korrupsionit. Kurti tha se qeveria e drejtuar prej tij ka ngritur numrin e të punësuarve nga 350 mijë në 425 mijë duke krijuar 75 mijë vendeve të reja të punës.

Kryeministri Kurti në këtë takim kujtoi rëndësinë që ka pjesëmarrja e diasporës në Kosovë si në aspektin ekonomik po ashtu në atë politik. Ai ftoi bashkatdhetarët të investojnë në Kosovë, të hapin biznese dhe të përfitojnë nga lehtësimet dhe masat që qeveria ka vendosur për të mbështetur aktivitetet e tyre në vendlindje. Gjithashtu, Kurti i ftoi të gjithë të ushtrojnë të drejtën e votës, duke nënvizuar se procesi i votimit tashmë është bërë më i lehtë dhe mund të realizohet në konsullatat apo ambasadat e Kosovës nëpër botë.

Të marrim pjesë masivisht në zgjedhje që po afrojnë duke u kujdesur kështu që reformat tona të kompletohen e të jetësohen në plotninë e tyre. Përparimi në Kosovë në zemër ka mërgatën.

Takim madhështor dhe atmosferë kombëtare e plotë atdhedashuri, takimi i Kryeministrit Albin Kurti me bashkatdhetarët në Mynih.

Kryeministri i Republikës së Kosovës, Albin Kurti, vlerësoi rolin e rëndësishëm të diasporës në zhvillimin dhe çlirimin e Kosovës. Duke njohur kontributin e mërgatës, kryeministri Kurti ftoi bashkatdhetarët të kthehen dhe të investojnë në atdhe ku edhe do të mund të përfitojnë ekonomikisht po edhe do ta fuqizonin tutje vendin.

Kryeministri Kurti foli për arritjet e qeverisë në tre vitet e fundit, rritjen e vendeve të punës nga 350 mijë në 425 mijë. Rritjen e Bruto Produktit Vendor për 33% dhe buxhetin shtetëror për 35%. Përmirësimet në sistemin shëndetësor si dhe përparimet që janë bërë në luftën kundër krimit të organizuar dhe korrupsionit.

Në përmbyllje, kryeministri theksoi rëndësinë jetike të pjesëmarrjes së diasporës në proceset demokratike, duke kujtuar lehtësimin e procesit të votimit dhe duke ftuar të gjithë të ushtrojnë të drejtën e tyre të votës për të kontribuar në një të ardhme edhe më të ndritur për Kosovën.

Fuqizimi i sistemit të drejtësisë: rezultatet e reformave dhe rruga përpara

Në Mbledhjen e Këshillit të Përgjithshëm të Lëvizjes VETËVENDOSJE!, u mbajt paneli për drejtësi, i cili u fokusua në temat kryesore që lidhen me sundimin e ligjit, reformën në drejtësi dhe luftën kundër korrupsionit, duke diskutuar përpara delegatëve lidhur me të arriturat dhe sfidat kryesore gjatë mandatit të tyre.

Panelistët, përfshirë ministren Albulena Haxhiu, zëvendësministrat, Blerim Sallahu dhe Vigan Qorrolli, si dhe kryetarin e Komisionit për Legjislacion në Kuvendin e Kosovës, Adnan Rrustemi, ofruan një përmbledhje të arritjeve të deritanishme gjatë mandatit, duke përmendur rezultatet e reformave të ndërmarra dhe sfidat që kanë penguar një zhvillim më të shpejtë.

Diskutimi u përqendrua në nismat e mëdha reformuese, duke përfshirë procesin e vetingut, reformën në Këshillin Prokurorial dhe krijimin e Gjykatës Komerciale dhe Administrative. Panelistët trajtuan gjithashtu problematikën e krimit të organizuar dhe korrupsionit, përmes prezantimit të masave si Task-forca Anti-Korrupsion dhe Byroja Shtetërore për Konfiskimin e Pasurisë së Pajustifikueshme. Nga ana tjetër, u ngritën shqetësime rreth vonesave në zbatimin e reformave dhe në gjykata, si dhe sfidat e bashkëpunimit ndër-institucional.

Veçanërisht u theksua rëndësia e përmirësimit të komunikimit dhe koordinimit ndërmjet institucioneve kyçe të drejtësisë, për të arritur një sistem më efikas dhe transparent. Po ashtu, u diskutua për përpjekjet e Ministrisë për parandalimin dhe adresimin e dhunës në familje dhe fuqizimin e shërbimeve sociale, si dhe për rolin e Kosovës në bashkëpunimin juridik ndërkombëtar.

Delegatët patën mundësinë të shtronin pyetje rreth çështjeve të diskutuara, duke kontribuar me mendime dhe sugjerime për përmirësimin e mëtejshëm të politikave të drejtësisë dhe sfidave që duhet të adresohen në vazhdim.

Angazhimi për transformimin e sistemit të drejtësisë, me rezultate të shumta nga nisma të ndryshme, u vlerësua si shumë e suksesshme dhe një tregues i qartë i rrugës së drejtë drejt përmbushjes së plotë të reformave.

Implementimi i reformave të ndërmarra nga Ministria e Drejtësisë kërkon përkushtim më afatgjatë, derisa ato të jenë plotësisht të etabluara në institucionet dhe shoqërinë e Kosovës, për të cilat u theksua gjithashtu se mandati i ardhshëm i Lëvizjes VETËVENDOSJE! në qeverinë e re, do të jetë garantues për të.

Paneli i sotëm Politikat e Mbrojtjes dhe Sigurisë në Kosovë ngjalli një interesim të lartë te anëtarët e Këshillit dhe një diskutim të gjerë në rrjedhën e tij. Bashkëbiseduam për arritjet e rëndësishme të institucioneve të Kosovës në fushën e mbrojtjes dhe sigurisë si dhe masat e ndërmarra për forcimin e sundimit të ligjit dhe sigurisë publike, me folës eksperten e sigurisë, shefen e kabinetit në MPB-së, Jeta Tela, ministrin e Mbrojtjes Ejup Maqedonci dhe ministrin e Punëve të Brendshme Xhelal Sveçla.

Jeta Tela, eksperte e sigurisë dhe shefe e kabinetit të ministrit të Punëve të Brendshme, theksoi progresin e jashtëzakonshëm të arritur në fushën e sigurisë publike në tërë Kosovën me theks në pjesën veriore. Një prej arritjeve të mëdha ajo tha se është largimi përfundimtar i targave të regjimit të Millosheviqit dhe zëvendësimi i tyre me targa të Republikës së Kosovës, që simbolizon një kapitull të ri në kontrollin dhe sovranitetin shtetëror. Fuqizimi i ushtrisë dhe policisë kanë sjellë rezultate të prekshme në sferën e sigurisë dhe mbrojtjes. Sot nuk kemi banda të organizuara dhe struktura të tjera kriminale, kemi qytete, fshatra dhe kufinj të sigurtë, tha Tela.

Ministri i Mbrojtjes, Ejup Maqedonci, vuri në dukje sinkronizimin e institucioneve të sigurisë përmes udhëheqjes së Këshillit të Sigurisë Kombëtare, që ka kontribuar në përmirësimin e situatës në veri të vendit. Maqedonci njoftoi për investimet e mëdha në armatim, me qeverinë që ka shpenzuar 238 milionë euro deri në vitin 2023 për blerjen e sistemeve të sofistikuara të armatimit, të realizuara përmes marrëveshjeve direkte me shtetet prodhuese. Ai theksoi përparimet në stërvitjet e përbashkëta me forcat partnere, si “Defender Europe 23”, dhe çertifikimin e një regjimenti për mbrojtjen e personelit. Ai kujtoi që deri më tash janë rekrutuar 1971 ushtarë të ri, në proces janë edhe 300 të tjerë dhe deri në fund do të dyfishohet numri me 2,271 ushtarë të rinj në Forcën e Sigurisë së Kosovës. Në lidhje me çështjen e ushqimit të ushtarëve të FSK, ministri Maqedonci kujtoi që prej vitit 2015 e deri në këtë vit furnizimi gjithmonë ka qenë përmes konceptit ekstrem emergjent, domethënë në ditën e fundit. Ai tha se ajo formë ka lënë gjithnjë hapësirë për keqpërdorim andaj është vlerësuar që të vazhdohet me konceptin e vetëqëndrueshmërisë që është përbrenda vizionit tonë për një ushtri të kompletuar pra që kujdeset për secilin aspekt edhe atë të sigurimit të ushqimit që i duhet.

Ministri i Punëve të Brendshme, Xhelal Sveçla, ndau arritjet në forcimin e sigurisë dhe sundimit të ligjit, veçanërisht në pjesën veriore të vendit. Sveçla kujtoi se 17% e territorit të Kosovës në atë pjesë më parë ishte në një situatë të rëndë të sigurisë dhe se vetëm falë veprimeve të ndërmarra atje është rikthyer siguria. Në këtë periudhë, janë ngritur 9 nënstacione të reja për sigurinë kufitare dhe është siguruar infrastruktura e rrjetit të Valës dhe radiolidhjeve për Policinë e Kosovës. Në lidhje me ndërtimin e një stacioni policor Sveçla ndau një ngjarje interesante ku tregoi se si teksa po shikonin shpronësimin e perimetrit të sigurisë të stacionit policor kishin parë që si pronar figuronin Veselinoviqi, Berat Buzhala, Bujar Musa e Akan Ismajli. Ministri Sveçla një pjesë të prezantimit e ndau për betejën në Banjskë të cilën e quajti fitore të rëndësishme për sigurinë e vendit ku u parandalua aneksimi i territorit të Republikës. Ne kemi fituar në Banjskë për shkak të përgatitjeve të mëdha paraprake, tha ai, duke theksuar se shëmbëlltyra e asaj fitore është rënia e rreshterit Afrim Bunjaku. Ministri Sveçla po ashtu kujtoi përmirësimet tjera që kanë ardhë me kthimin e sigurisë dhe sovranitetit në pjesën veriore duke kujtuar që tash në pjesën veriore shpenzojmë 35% më pak energji, 35% energji pra që më parë vidhej. Të gjitha sukseset tona nuk janë arritur vetëm për shkak të vullnetit të policëve ose të ministrisë së brendshme por edhe për shkak të vendimit të Lëvizjes VETëVENDOSJE! që rendi dhe ligji, lufta ndaj krimit dhe korrupsionit, të jetë objektivi numër 1 i qeverisë Kurti, tha në fund ministri Sveçla.

Në panelin e sotëm me temë “Politikat Qeveritare për Gratë dhe Vajzat”, u diskutuan arritjet dhe planet e Qeverisë së Kosovës në lidhje me fuqizimin e vajzave dhe grave përmes një qasjeje të integruar dhe gjithëpërfshirëse. Në panel morën pjesë: Sekretarja Organizative e GVV-së Agnesa Kastrati, ministri i Financave Hekuran Murati, ministrja e MASHT-it Arbërie Nagavci, ministri i Shëndetësisë Arben Vitia, dhe ministrja e Drejtësisë, Kryetarja e GVV-së, njëherazi Koordinatorja Kombëtare për mbrojtje nga dhuna në familje, dhuna ndaj grave dhe dhuna në baza gjinore Albulena Haxhiu. Këta panelistë ndanë masat dhe politikat konkrete të ndërmarra nga qeveria qendrore në drejtim të fuqizimit të grave në shoqëri.

Agnesa Kastrati, Sekretare e Organizatës Gratë për VETËVENDOSJE!, njëherazi moderatore e panelit, theksoi rolin aktiv të Lëvizjes VETËVENDOSJE! në mbështetjen dhe fuqizimin e grave në sferën publike. Ajo vuri në pah se më shumë se 60% e votës për VETËVENDOSJE!-n duke numëruar dy arsye kryesore për këtë. Së pari për shkak të angazhimit të vazhdueshëm të subjektit tonë në raport me vajzat dhe gratë dhe së dyti për shkak të programit politik me të cilin kemi kandiduar në zgjedhje, e i cili ka përmbajtë një paketë masash ekonomiko sociale që kanë qenë alternativë e duhur për vajzat dhe gratë në vendin tonë, vjen nga gratë, falë angazhimit të vazhdueshëm për fuqizimin e tyre përmes një pakete ekonomiko-sociale, e cila për herë të parë është dëgjuar në Kosovë. Kastrati theksoi se kjo pako ka përmbysur konceptin e kufizimit të grave në sferën private dhe i ka bërë ato pjesë të jetës publike, çka përkufizohet si një çështje fundamentale për barazinë gjinore.

Ministri i Financave, Hekuran Murati, foli për politikat e qeverisë në mbështetje të fuqizimit ekonomik të grave, përfshirë ndihmën për punësimin e tyre përmes masave që kanë subvencionuar bizneset që punësojnë gratë. Murati nënvizoi se me qeverisjen tonë për herë të parë, rreth 150 milionë euro ndahet në vit për vajzat dhe gratë dhe për herë të parë 100 mijë gra kanë hapur llogari bankare. Qeveria ka siguruar gjithashtu bursa për studente vajza dhe ka ndërtuar platformën “Superpuna” për të rinjtë, ku mbi 50% e të punësuarve janë gra. Gjithashtu, u është dhënë prioritet ndërtimit të çerdheve të reja dhe masave për mbështetjen e fëmijëve dhe nënave lehona.

Ministrja e Arsimit, Shkencës, Teknologjisë dhe Inovacionit, Arberie Nagavci, theksoi përpjekjet e qeverisë për përfshirjen e vajzave në arsim dhe programe STEM. Falë bursave të ofruara për vajza në STEM, numri i vajzave në këto programe është rritur për 50%, duke kaluar madje numrin e vajzave që studiojnë këto fusha edhe në vende brenda Bashkimit Evropian. Ajo theksoi se përveç mbështetjes në arsim të lartë, janë ndarë bursa për vajza në shkolla profesionale, duke promovuar përfshirjen e tyre në fusha ku tradicionalisht janë angazhuar djemtë dhe burrat.

Ministri i Shëndetësisë, Arben Vitia, prezantoi politikat shëndetësore që kanë përmirësuar dhe shtuar shërbimet për gratë. Ndër masat ai përmendi mamografinë dhe rikonstruktimin e gjirit falas, amniocentezës që tash bëhet në institucione publike falas, ndërhyrjet në onkologji dhe gjinekologji, si dhe vaksinën HPV që parandalon deri në 95% kancerin e qafës së mitrës, e që tashmë është në kalendarin e përditësuar të vaksinimit publik. Ministri Vitia njoftoi gjithashtu për fillimin e ndërtimit të një klinike të re gjinekologjike që do të jetë klinika më e dallueshme në rajon dhe më gjerë.

Ministrja e Drejtësisë, Kryetarja e Gratë për VETËVENDOSJE!, njëherazi Koordinatore Kombëtare për mbrojtje nga dhuna në familje, dhuna ndaj grave dhe dhuna në baza gjinore Albulena Haxhiu foli për angazhimet institucionale në mbrojtjen e grave nga dhuna në familje dhe dhuna me bazë gjinore. Secili ministër në qeverinë Kurti e ka pasë parasysh që duhet të bëjë më shumë për gratë, kjo ka lehtësuar shumë punën dhe nuk e kam pasë aspak të vështirë adresimin e politikave që prekin vajzat dhe gratë tha ministrja Haxhiu. Strategjia Kombëtare kundër Dhunës në Familje është zbatuar ose në zbatim e sipër për mbi 80%, dhe janë miratuar protokolle të reja për trajtimin e rasteve të dhunës seksuale. Janë ofruar shërbime juridike falas për viktimat dhe janë ngritur zyrat mobile të ndihmës juridike në të gjithë Kosovën. Ministrja Haxhiu gjithashtu theksoi masat për të ndaluar martesat e hershme, si dhe masat për punësimin e viktimave të dhunës.

Ky panel tregon përkushtimin e Qeverisë së Kosovës për të krijuar politika gjithëpërfshirëse dhe progresive që fuqizojnë vajzat dhe gratë, duke e bërë çështjen e barazisë gjinore thelbësore për zhvillimin shoqëror dhe ekonomik të vendit.

Ministri i Shëndetësisë, Arben Vitia, zv. ministrja, Dafina Gexha, deputetja Fatmire Kollçaku, deputeti Mirsad Shkreta, si dhe këshilltari i kryeministrit, Jusuf Ulaj ishin pjesë e panelit të sotëm të shëndetësisë.

Ministri i Shëndetësisë, Arben Vitia e filloi diskutimin duke treguar se Lëvizja për mbi një dekadë ka hartuar qëndrime, analiza e programe për çdo sektor të shëndetësisë dhe se politikat publike për shëndetësinë për herë të parë kanë zënë vend qendror. Në politika e shprehura në legjislacion kemi pasur synim ligjin për shëndetësinë, ligjin për çmimin e barnave, ligjin për sigurimet shëndetësore, ligji për produktet dhe pajisjet medicinale. Ministri, po ashtu përmendi edhe sukseset e qeverisë në aspektin shëndetësor, si menaxhimi i pandemisë me sigurimin e vaksinave ku në mars 2021 nuk kishte asnjë vaksinë, ndërsa në fund të po atij viti arritëm që të vaksinonim mbi 60% të popullatës. Pas pandemisë kemi pasur ndërhyrje direkte në infrastrukturën rrënjësore të klinikave të spitaleve. Rritjen e pagave më substanciale në historinë e sistemit tonë. Një sukses tjetër është edhe shtimi i buxhetit, kemi premtuar t’i shtojmë 40 milionë euro për katër vite, por arritëm ta bëjmë atë brenda 3 viteve.

Zëvendësministrja, Dafina Gexha tha se efektet në mbrojtjen e shëndetit publik të këtyre investimeve që po bëhen, nuk janë vetëm sot për sot, ato do të ndjehen edhe pas 10-20 viteve. Gexha, po ashtu tha se Kosova pas suksesit të vaksinimit, që siguruam 500 mijë vaksina për më pak se një vit, sot Kosova ftohet për të dhënë shembull sesi zgjerohet gama e programit të vaksinimit. Zëvendësministrja përmendi edhe investimet në laboratoret mikrobiologjike, ajo tha se këto investime janë bërë me shumë sfida por janë përafrime me Organizatën Botërore të Shëndetësisë.

Deputeti, Mirsad Shkreta solli në vëmendje klasën politike me të cilën jemi përballur. Shëndetësia nuk ka qenë prioritet. Ai tha se ne nuk po krahasohemi më me qeveritë paraprake, por me synimet që i kemi ne. Gjithashtu, Shkreta foli edhe për rritjen e buxhetit për shëndetësinë dhe llojet e barnave e pajisjeve që iu shtuan listës së blerjeve.

Jusuf Ulaj, këshilltar i kryeministrit Kurti, tha se kritikat që na bënë opozita, janë larg më të dobëta se kritikat që ia bëjmë vetvetes. Ai tha se ne jemi tepër kritik ndaj vetës sepse ne kemi plane dhe aspirata dhe se për herë të parë kemi qeveri plotësisht demokratike. Ulaj theksoi se nuk ka më lista që shkojnë nga zyra e kryeministrit tek drejtuesit e spitaleve për punësime, nuk ka më asnjë interferim në tendera nga asnjë nivel politik në shëndetësi, nuk ka asnjë punësim nepotist.

Ndërsa deputetja, Fatmire Kollçaku foli për ligjet në Komisionin e Shëndetësisë, ajo tha se si komision, kemi punuar krahas me qeverinë për të mbështetur programin tonë. Deputetja foli edhe për gjendjen se si e kemi trashëguar shëndetësinë dhe se duhen ndryshime rrënjësore. Kollçaku tha se politikat nga qeveria jonë janë të gjitha në shërbim të shëndetit. Prej masave të eficiencës së energjisë deri tek kontrolli i ushqimit, subvencionimi i fermerëve, tek mbrojtja e mjedisit janë të gjitha në mbrojtje të shëndetit.

Ditën e dytë të Këshillit të Përgjithshëm të Lëvizjes VETËVENDOSJE! e filluam me panelin për Arsim, Rini dhe Kulturë ku folës ishin ministrja e Arsimin, Arbërie Nagavci, ministri i Kulturës, Hajrulla Çeku, nënkryetarja e Lëvizjes, Mrika Limani Myrtaj, Mytaher Haskuka, anëtar i kryesisë së Lëvizjes, Taulant Kelmendi, zv. ministër në Ministrinë e Arsimit, Daulina Osmani, zv. ministre në Ministrinë e Kulturës, si dhe Nora Arapi, Këshilltare në Ministrinë e Kulturës.

Ministrja e Arsimit, Arbërie Nagavci foli për reformat që janë kryer në fushën e arsimit gjatë qeverisjes sonë, rishikimin e teksteve shkollore, ndryshimet në edukimin e hershëm, atë parauniversitar dhe universitar, po ashtu edhe ndryshimet në shkencë ku për herë të parë e kemi programin e shkencës. Gjithashtu ministrja përmendi edhe sfidat me të cilat janë përballur me komunat për hapjen e çerdheve të reja, dhe se pavarësisht sfidave puna po vazhdon. Diçka e re që erdhi bashkë me qeverinë tonë ishte edhe Mësimi Dual në shkolla, ku sot i kemi 12 profile me 1500 nxënës. Një arritje e rëndësishme ishte edhe pavarësia e Këshillit Shtetëror të Cilësisë që po rikthehet si anëtare e asociaur në ENQA. Ndarja e 3000 bursave për vajzat që studiojnë shkencën dhe mbi 10.000 studentë që kanë marrë mbështetje nga qeveria nga programe të shumta të bursave që jep Ministria e Arsimit.

Ministri i Kulturës, Rinisë dhe Sportit, Hajrulla Çeku foli për sukseset e qeverisë në fushën e kulturës brenda mandatit tonë, ku ka nisur hartimi i masterplanit për Kompleksin Memorial “Adem Jashari” në Prekaz, restaurimin e 100 monumenteve të kulturës, gjë që nuk është bërë brenda 20 viteve të kaluara. Ai theksoi mbështetjen me mbi 9 milionë euro për projektet kulturore, po ashtu Lojërat Mesdhetare të vitit 2030 ku Kosova pret 5000 sportistë, dhe infrastruktura sportive që ka të buxhetuar mbi 200 milionë. Gjithashtu ministri Çeku tregoi se janë duke u bërë gati për ndërtimin e stadiumit nacional dhe janë duke studiuar vendin, por me shumë siguri që hapja e lojrave mesdhetare do të jetë në atë stadium. Tutje, ai foli edhe për artin në shkolla ku së bashku me Ministrinë e Arsimit duan që fëmijët tanë të kalojnë më shumë kohë me art e sport.

Zëvendësministri i Arsimit, Taulant Kelmendi përmendi sfidat me të cilat është përballur ministria si dhe procesin e digjitalizimit të sistemit arsimor. Kelmendi tha se pavarësisht se ministria edhe në emrin e saj e ka teknologjinë ajo asnjëherë as që ka planifikuar të merret me teknologji. Ai tregoi se e kanë dërguar në prokurorinë speciale kontratën që kurrë nuk u realizua për digjitalizimin dhe pavarësisht letargjisë së Prokurorisë Speciale për ta trajtuar ne po vazhdojmë punën. Pavarësisht sfidave, Kelmendi përmendi edhe disa prej sukseseve që janë bërë, si shtrirjen e rrjetit brezgjerë në 250 shkolla, digjitalizimin e licencimit të mësimdhënësve dhe vendosja e lëndës së kodimit në shkollat tona.

Daulina Osmani, zëvendësministre në Ministrinë e Kulturës, theksoi disa prej proceseve në reformën sportive, ku fillimisht kanë punuar në masat e menjëhershme dhe janë përgatitur për politikat afatgjata. Ajo tha se sot në Kosovë nuk ka federatë sportive që nuk e njeh shteti e që nuk ka qasje në fondet publike, gjë që më herët ministria nuk ka pasur as informacion e aq më pak proces të licencimit. Osmani përmendi edhe subvencionimin me mbi 12 milionë euro për federatat sportive, mbështetjet e talenteve në sport duke ndarë 4 milionë euro për programin Supersportistët, hartimin e programit “Kosova shtet i Xhudos’ dhe lidhjen midis sportit, shkollave dhe shëndetit.

Mytaher Haskuka, anëtar i kryesisë së Lëvizjes, foli për reformat që janë bërë në aspektin legjislativ dhe bazamentin për zhvillim në të ardhmen. Ai tha se në arsim nuk mund të shihen menjëherë ndryshimet por nëse bëhet një analizë e përgjithshme, Ministria e Arsimit dhe ajo e Kulturës kanë bërë një punë shumë të madhe dhe se janë paraprijëse të zhvillimit ekonomik.

Strategjia për Rininë nga Ministria e Kulturës është një bazament për punë të mirë, arsimi publik falas, bursat, statuti i ri i Universitetit të Prishtinës e shumë punë që janë bërë.

Këshilltarja e Ministrisë së Kulturës, Nora Arapi, fokus të veçantë i dha trashëgimisë. Ajo tha se për trashëgiminë kanë nisur menjëherë ndërhyrjet emergjente dhe kanë filluar me restaurimet ku të përfunduara tashmë janë 100 objekte, ndërsa në proces janë edhe 50 të tjera. Gjithashtu tha se po merren edhe me rrjetëzimin e qytetit të Janjevës. Për kryeqytetin tha se kemi hartuar planin e konservimit për qendrën historike. Po ashtu, projekti i Ulpianës që ka nisur në 2022 dhe Ulpiana bashkë me lokalitetin në Dresnik janë prona tashmë shtetërore dhe nuk ka rrezik të ndonjë dëmtimi.

Infrastruktura e qëndrueshme që lidh dhe zhvillon vendin tonë duke ruajtur mjedisin në të njëjtën kohë ishte në qendër të diskutimit në panelin për infrastrukturë, ku morën pjesë ministri i Mjedisit, Planifikimit Hapësinor dhe Infrastrukturës, Liburn Aliu, dy zëvendësministrat e tij, Hysen Durmishi dhe Jeton Raka, kryetarja e Komisionit për Mjedis në Kuvend, Fitore Pacolli, shefi i kabinetit të MPHI-së, Valon Hoti, dhe këshilltari i jashtëm për energji të ripërtëritshme, Agim Mazreku.

Ministri Liburn Aliu theksoi rëndësinë e sinkronizimit të zhvillimit ekonomik midis Kosovës dhe Shqipërisë përmes investimeve në infrastrukturë që krijojnë lidhje të qëndrueshme. Projektet kryesore përfshijnë ndërtimin e rrugëve si Prizren-Tetovë dhe Deçan-Plavë, hapjen e korridoreve ajrore me Shqipërinë dhe përpjekjet për lidhje me Malin e Zi. Ai përmendi gjithashtu prioritetin për ndërtimin e rezervuarëve për sigurimin e ujit dhe menaxhimin e vërshimeve për mbrojtjen e jetës dhe ekonomive të familjeve. Një arritje të rëndësishme ai tha se është fillimi i projektit për banim të përballueshëm ku deri më tani 13 komuna kanë nënshkruar me ministrinë, dhe në 5 prej këtyre komunave tash do të hapet tenderi për ndërtim.

Zv. ministri Hysen Durmishi theksoi sfidat me të cilat është përballur ministria, përfshirë 182 milionë euro borxhe për shpronësimet dhe identifikimin e 12 rrugëve të ndërtuara pa u bërë shpronësime. Ai përmendi luftimin e krimit dhe korrupsionit në sektorin e patentë-shoferëve dhe digjitalizimin e këtij sektori. Për herë të parë pas shumë vitesh, rrugët rajonale janë përmirësuar dhe lidhjet mes fshatrave të Kosovës dhe Shqipërisë janë realizuar.

Deputetja Fitore Pacolli foli për ndryshimet ligjore në të mirë të mjedisit, përfshirë ligjin për mbeturinat, ku janë dyfishuar dënimet për ndotësit dhe është ndaluar përdorimi i materialeve plastike që nuk shpërbëhen lehtë në natyrë. Ligji i ri për pyjet i kalon përgjegjësitë e mbrojtjes dhe shfrytëzimit të pyjeve nga komunat tek agjencitë e pyjeve. Ajo theksoi edhe bashkëpunimin me qytetarët për ndalimin e gurthyesve dhe heqjen e homologimit për automjetet.

Zv. ministri Jeton Raka përmendi se janë gjetur 2800 deponi ilegale dhe është themeluar Task Forca e Gjelbër, e cila ka larguar këto deponi dhe ka sekuestruar mjetet e përdorura në mënyrë të jashtëligjshme për dëmtimin e natyrës. Investimet në përmirësimin e infrastrukturës për transportin hekurudhor dhe rehabilitimin e rrugëve janë prioritet.

Shefi i kabinetit, Valon Hoti, vuri në dukje sulmet që i bëhen ministrisë nga ata që për 20 vite nuk i përfunduan projektet që ne për një mandat i realizuam. Si referencë ai përmendi rrugët Prishtinë-Mitrovicë, Prishtinë-Podujevë dhe rrugën Prishtinë-Pejë, të cilat nuk u përfunduan për 20 vjet, e tash po përfundohen brenda këtij mandati. Ai kujtoi gjithashtu se si ata që na akuzojnë se kemi falur borxhe janë ata që kanë falur më së shumti borxhe në mënyrë të jashtëligjshme; vetëm kompanitë e ujit, për (2006-2020) u paguan 39 mijë euro për ambalazhim, ndërsa me qeverisjen aktuale (2020-2024) janë paguar 437 mijë euro. Hoti po ashtu kujtoi akuzat për monopole nga ata që tashmë kanë humbur monopolet dhe terminalet doganore.

Këshilltari i jashtëm i ministrisë së mjedisit, Agim Mazreku, theksoi se tashmë të gjitha stacionet monitorojnë dhe paralajmërojnë për rrezikun e vërshimeve në kohë reale, duke siguruar mbrojtje më të mirë për qytetarët. Ai theksoi se 50% e prioriteteve janë fokusuar në menaxhimin e ujit, një politikë largpamëse dhe e bazuar në shkencë.

Politika dhe masa si këto tregojnë angazhimin tonë për të siguruar zhvillim të qëndrueshëm dhe mbrojtje të mjedisit për të gjithë qytetarët e Kosovës!

Sot në kuadër të Mbledhjes së Këshillit të Përgjithshëm të Lëvizjes VETËVENDOSJE!, në pjesën e dytë, u mbajt paneli për ekonomi ku me pjesëmarrjen e zv. kryeministrit Besnik Bislimi, ministrit të Financave Hekuran Murati, ministres së Zhvillimit Ekonomik Artane Rizvanolli, ministres së Tregtisë dhe Industrisë Rozeta Hajdari dhe deputetit Armend Muja, u zhvillua një diskutim i rëndësishëm mbi ekonominë në vendin tonë.

Ministri i Financave Hekuran Murati përmendi përpjekjet për të formalizuar punësimin, duke siguruar më shumë të drejta për punëtorët dhe duke paguar borxhet e mëdha ndaj sipërmarrjeve. Gjithashtu, përmendi mbështetjen për zhvillimin ekonomik përmes subvencionimit të kredive dhe aksesit në financa, si dhe projekteve që nxisin punësimin afatgjatë dhe kërkesën agregate.75 mijë vende të reja pune i krijoi kjo qeveri, shumica prej të cilëve gra dhe të rinj, pra kategori që kanë qenë të nënpërfaqësuar më parë në tregun e punës, tha Murati.

Mnistri i Bujqësisë Faton Peci, foli për ndryshimin rrënjësor në bujqësi, me një rritje prej 27% të aktivitetit bujqësor në kushte të vështira globale. Ai theksoi mbështetjen totale prej 300 milionë eurosh nga qeveria dhe përfitimet e rritura për fermerët, duke përfshirë edhe përfaqësimin gjinor me grante prej 7.2 milionë euro për gratë fermere. Për herë të parë, kemi miratuar 30 ligje për bujqësinë dhe kemi arritur marrëveshje ndërkombëtare në këtë fushë.

Ministrja e Ekonomisë Artane Rizvanolli theksoi rëndësinë e skemës së subvencionimit të pajisjeve të ngrohjes dhe izolimit të shtëpive, ku deri në fund të vitit do të mbështeten 42 mijë familje. Gjithsej, 50 mijë familje kanë përfituar nga masat e eficiencës, duke ndikuar pozitivisht në kursimin e energjisë dhe cilësinë e jetesës. Qeveria është e fokusuar në forcimin e pavarësisë energjetike përmes prodhimit të energjisë së ripërtëritshme dhe nga thëngjilli.

Rozeta Hajdari, ministrja e Industrisë, Ndërmarrësisë dhe Tregtisë, foli për progresin e bërë në krijimin e politikave sektoriale dhe ligjeve për të bërit biznes të drejtë, të adaptueshëm dhe konkurrues dhe për investime të përgjegjshme dhe të qëndrueshme. Nga viti 2021 deri në shtator të 2024, janë regjistruar 40,349 biznese të reja në Kosovë, ku llojet kryesore janë sh.p.k. dhe biznese individuale. Ajo nënvizoi angazhimin për të shpalosur potencialin e industrisë prodhuese dhe përdorimin e burimeve tona natyrore e njerëzore për zhvillimin tonë. Ajo përmendi shtatë sektorë industrial prodhues dhe përpunues, të cilët kanë potencial të madh të pashpalosur e që mund të kontribuuojnë në zhvillim e punësim: industria e drurit, metalike dhe jo metalike, e tekstilit, e pijeve dhe ushqimeve, si dhe industria kimike dhe industria plastike. Me rritjen e mbështetjes për biznese, eksportet dhe investimet e jashtme janë dyfishuar.

Armend Muja, kryetari i Komisionit për Buxhet, kujtoi se si deri vonë mbi 400 milionë euro janë shpenzuar pë energjinë e konsumuar në pjesën veriore të Republikës. Ne e kemi ndalë atë. Muja kujtoi po ashtu themelimin e bllok tarifës që ndërpret padrejtësinë në inkasimin e faturave të energjisë. Tutje, ai foli edhe për keqpërdorimet me prona shtetërore dhe me burime natyrore që kanë bërë më parë politikanët në bashkëpunim me oligarkët – keqpërdorimet me toka, me ujë dhe me taksa mbi miniera, të gjitha këto u ndalën me qeverisjen tonë, theksoi Muja.

Zv. Kryeministri Besnik Bislimi nënvizoi krijimin e politikave të ambientit për të bërë biznes në vend dhe vendosjen e rregullave në tregun e naftës. Ai theksoi se përfituesit e ndryshimeve janë shumë grupe shoqërore dhe çdo familje në vend, ndërsa humbësit janë të koncentruar në grupet e mëparshme të pushtetit.

Këto masa dhe politika të qeverisjes tregojnë angazhimin tonë për një zhvillim të qëndrueshëm ekonomik, krijimin e vendeve të reja të punës dhe rritjen e mirëqenies për të gjithë qytetarët!

Sot, në ambientet e Kuvendit të Republikës së Kosovës, aty ku për disa legjislatura Ali Lajçi shërbeu si deputet, e në legjislaturën e fundit të tij edhe si deputet i Lëvizjes VETËVENDOSJE!, Kryeministri i Republikës, njëherazi Kryetari i Lëvizjes, Albin Kurti, Kryetari i Kuvendit, Glauk Konjufca, ministra, deputetë dhe aktivistë, bënë sot homazhe në kujtim dhe nderim të Ali Lajçit, anëtarit tonë, këtij veprimtari patriotik që për shumë vite i shërbeu idealeve të kombit tonë.

Ali Lajçi u lind me 3 janar të vitit 1955 në fshatin Malaj të Rugovës. Ai qysh prej rinisë së hershme është angazhuar politikisht duke qenë edhe një prej emrave që organizuan demonstratat studentore e popullore të vitit 1981, për çka ai u dënua nga regjimi i Jugosllavisë me 15 vite burgim. Ali Lajçi u lirua nga burgu në vitin 1991, por u arrestua sërish me 1993 për ripërfshirjen e tij në organizime të rezistencës së armatosur. Pas luftës në Kosovë, Ali Lajçi ishte Kryetar i Komunës së Pejës mes viteve 2001 – 2007. Pas kësaj ai u zgjodh deputet në Kuvendin e Kosovës në disa legjislatura, ku ishte edhe një nga nënshkruesit e Deklaratës së Pavarësisë së Kosovës, më 17 shkurt të vitit 2008.

Ali Lajçi ka qenë anëtar dhe deputet i Lëvizjes VETËVENDOSJE! në Kuvendin e Kosovës.

Ali Lajçi do të kujtohet për veprimtarinë patriotike dhe angazhimin e tij të pandalshëm politik si nga ne që e njohëm dhe punuam me të, ashtu edhe nga historia moderne e Kosovës.

Ngushëllime familjes Lajçi, shokëve dhe bashkëpunëtorëve të Ali Lajçit për vdekjen e tij!

U kujtoftë gjithmonë!