Të nderuar delegatë të Këshillit të Përgjithshëm të Rinisë për VETËVENDOSJE!, 
I dashuri kryetar i Rinisë për VETËVENDOSJE!, Behar Jashari,                                                             
Të nderuar aktivistë e aktiviste,
Të nderuar të pranishëm,

Në këtë mbledhje të parë të Këshillit të Përgjithshëm të organizatës së re të formuar, Rinia për VETËVENDOSJE!, është kënaqësi për mua t’ju uroj mirëseardhje dhe njëkohësisht ta gjejmë njëri tjetrin këtu bashkë duke uruar e dëshiruar fillim të mbarë të punës, megjithëse realisht kjo strukturë është formuar pak kohë më parë.

Tashmë me formimin e kësaj organizate që në vetvete përmban struktura e organizim më të detajuar, vetvetiu krijohet e shtresohet edhe më shumë ajo që e ka karakterizuar gjithnjë Lëvizjen VETËVENDOSJE!, aktivistin e saj. Përgjegjësia e vetëdija për atë që e rrethon e mbi atë që kontribuon. Mbi supet tuaja e mbani përvojën e angazhimit, entuziazmin e vullnetit, vendosshmërinë e qëndrimit e zellin e punës.

Sa herë janë përmendur të rinjtë e kurdoherë që janë angazhuar të veprojnë në situata që na prekin të gjithëve, ndjeshëm e vetvetiu mendja të gjithëve u ka shkuar tek Lëvizja VETËVENDOSJE!. S’do shumë mend për t’u hamendësuar pse është ky konotacion i tillë.

Është elani i të rinjve ai që vazhdon ta përçojë frymën aktive te Lëvizja jonë dhe prandaj është themeluar një organizim enkas për rininë. Përgjatë rrugëtimit tonë që ka nisur e mandej ka kulmuar, e vazhdimisht është zhvilluar e i cili po vazhdon nga të rinjtë e të rejat, nuk është ndjerë e as parë si i nevojshëm trajtimi e as adresimi i aktivistëve të rinj si pjesë e vaçantë e ndarë si pjesë veçmas e Lëvizjes sonë, sepse janë trajtuar si tërësi e pandashme e homogjene e Lëvizjes të gjithë njësoj mirëpo kjo nuk ka ndryshuar as tani.

Megjithatë, një strukturim i tillë për rininë çfarë po e bëjmë ne tani do të hapë qasje më të lehtë për të krijuar e për t’u kyçur në veprimtari konkrete që ndërlidhen me Lëvizjen dhe çështjet me interes për rininë. Ky strukturim, që më shumë se ndarje e përgjegjësive, është rritje e koncentrim i tyre tek ata individë që janë të përgjegjshëm, të besueshëm e bashkëpunues. Pra, përgjegjësia do të jetë edhe për krijimin e një atmosfere të përbashkët të operimit për të mirën kolektive e për parimet të cilat i mban me krenari Lëvizja VETËVENDOSJE!.

Më vjen mirë të shoh sot se shumë prej jush që jeni tashmë kryetarë e kryetare të RVV-së nëpër Qendrat e Lëvizjes në gjithë Kosovën dhe një pjesë prej jush, deputetë e deputete, asambliste e asamblistë, pra në funksione të rëndësishme institucionale, nacionale e lokale, dhe në këtë mënyrë e përbashkëta e juaja në këtë organizatë RVV vije përpos punës e angazhimit disa vjeçar në Lëvizje,  gjithashtu edhe si kanalizim i këtij përkushtimi në formë më të përqendruar e përmes kësaj organizate të re.

Natyrisht që problematikat e çështjet që doni e ndjeni se duhet t’i ngrisni, zërat, propozimet e pakënaqësitë që do përfaqësoni, do të kalojnë nëpër strukturat e RVV-së, struktura këto në të cilat ju së pari, por jo të vetëm, do të siguroheni që gjithçka dhe gjithsecili të trajtohet me nivel të lartë serioziteti e maturie, barazie e mosdiskriminimi, e kurrsesi me neglizhencë e pandjeshmëri. Pra, duhet ta bëni Rininië për VETËVENDOSJE! ashtu qysh e doni që VETËVENDOSJE! të jetë për rininë, dhe jo vetëm.  E për këto nuk kam dyshim, sidomos marrë parasysh se kemi shumë aktivistë e aktiviste shembullore të cilët janë në këtë Këshill të RVV-së.

Të pakënaqur me grupet e vjetra politike dhe me bëmat ose mungesën e tyre të rinjtë përherë janë angazhuar në mënyrë formale dhe jo formale në Lëvizjen tonë duke marrë pjesë si në aktivitete edukuese për çështje shoqërore dhe politike ashtu edhe në angazhime konkrete për ndryshimet progresiste që kemi synuar. Pra, Lëvizja jonë gjithnjë është frekuentuar nga të rinjtë sepse te ne përmes diskutimit dhe aktivitetit të sinqertë është ndërtuar besimi i ndërmjetëm që ka tejkaluar rëndësinë e moshës. Urat që i kemi krijuar me njëri tjetrin kanë urëzuar cfarëdo hendeku të gjeneratave apo të brezave e këtë kohezion duhet ta kultivojmë tutje e sidomos përmes aktiviteteve edukative.  

Krahas diskutimeve të hapura me karakter edukativ që organizojmë ne, të rinjtë tanë duhet të angazhohen e të marrin pjesë edhe në takime e tubime të tjera publike ku flitet për çështje të rëndësishme shoqërore e politike të cilat nuk janë të organizuara nga Lëvizja VETËVENDOSJE! e ku flitet për çështje të rëndësishme shoqërore, politike, kulturore e të tjera. Në këto takime, më shumë duke dëgjuar të ftuarit dhe duke ju qasur me një të folur të thjeshtë e të kuptueshme temës në fjalë, përveç krijimit të lidhjeve të reja që duhet të jetë padyshim synim, shpërndahet edhe arsyetimi ynë për çështjen në fjalë. Të rinjtë tanë edhe pse pjesë e subjektit më të madh në vend e në Kuvend që qeverisë me vendin, duhet të tregohen modestë, të sinqertë dhe autentik me të tjerët. Duhet përkrahur e mbështetur të gjithë ata që mundohen të bëjnë diçka sado e vogël për komunitetin, për fshatin apo qytetin.  

Rinia për VETËVENDOSJE! duhet të jetë një organizatë mirëseardhëse për vajzat dhe gratë. Ato duhet të ndihen të sigurta për ta dhënë kontributin e tyre. Duhet inkurajuar gratë e reja që përveçse në GVV të jenë edhe në RVV e njëherazi duhet inkurajuar vajzat në RVV që të jenë aktive edhe në GVV.

Pjesëmarrja e të rinjve në politikë nuk është thjeshtë e karakterit elektoral ku votohet, e madje nuk është më as thjeshtë e pjesëmarrjes në ndonjë punë vullnetare, fushatë vetëdijesimi, apo aktiviteti politik e publik. Këto janë të pazëvendësueshme, por ajo që është e re ka të bëjë me diçka që ka ndikim shumë të madh në formësimin e të rinjve, jo vetëm për atë se cka mendojmë e thojmë, por edhe për atë qysh e pse mendojmë. E kam fjalën hapësirat virtuale, rrjetet sociale ku tashmë ekziston një zonë tjetër e komunikimit dhe angazhimit politik ku të rinjtë krijojnë përmbajtje dhe e shpërndajnë atë në formë të organizuar. Të rinjtë e Lëvizjes tonë duhet të synojnë të jenë sa më aktiv në këtë zonë duke shpërndarë materialet tona por edhe duke provuar krijimin, përkatësisht zgjatimin e atyre materialeve përmes tekstit apo formave të tjera audiovizuale si mënyrë shumë e përshtatshme për diskutim me qytetarët dhe për mendim kritik e emancipim të përgjithshëm.

Të rinjtë sot gjithandej botës angazhohen politikisht më shumë se kurrë më parë. Keni parë fushata, aktivitete vullnetare humanitare, organizime protestash e shpikje të gjithfarëllojshme që për synim kanë përmirësimin e jetës në komunitete, në qytete dhe shtete të ndryshme anembanë globit. Këso angazhimi kemi edhe tek të rinjtë tanë, por ajo që e vuajmë sot botërisht sidomos si subjekte të majta progresiste është angazhimi joformal politik i të rinjve. Duhet të angazhohemi që të rinjtë tanë të bëhen pjesë e organizatës tonë, të anëtarësohen dhe kështu shprehja e punës së tyre në shërbim të ndryshimit të përgjithshëm pozitiv të jetë e strukturuar dhe me një të ardhme, të jetë e qëndrueshme, sistemike e jo sporadike dhe e përkohshme.

Puna e rrugëtimi i Lëvizjes me bindje të plotë mund të quhet epitomë e rezistencës, e qëndresës, e këmbënguljes drejt arritjes së realizimit të qëllimeve jo lehtë të realizueshme. Shpresa, këmbëngulja, e rezistenca, por mbi të gjitha besimi; veti këto që duhet, e që në fakt edhe janë përcaktuese të aktivistit tipik të Lëvizjes, uroj që të ju përcjellin deri në fund të mandatit, e edhe më tutje.

Unë tash fjalën ia kaloj kryetarit të RVV-së, Beharit, për të vazhduar më pas delegatët e Këshillit të Përgjithshëm të po kësaj organizate, me urimin e besimin se për cilëndo sfidë e vështirësi potenciale në të cilën do mund të hasni gjatë rrugës të keni si shembull rrugëtimin nëpër të cilin ka kaluar vetë Lëvizja, rrugëtimin në të cilin Lëvizja kaloi për të qenë kjo që është sot, si dhe mësimet që Lëvizjes iu desh t’i nxirrte nga i gjithë ky rrugëtim; mësime këto që me observimin e pjekurinë e duhur s’kanë se si të mos shërbejnë për përmirësim të vazhdueshëm e të pandërprerë. Përmirësim ky që asnjëherë nuk është i mjaftueshëm e që gjithnjë mbetet i dëshirueshëm.

E ardhmja e Lëvizjes varet e ndërtohet nga ju, madje shumë më shumë edhe sesa nga unë.

Andaj ju priftë e mbara e punofshit e dalëshit faqebardhë!

E nderuara kryetare e GVV-së, znj. Albulena Haxhiu,

Të nderuara deputete e asambleiste,

Të nderuara kryetare të GVV-së në Qendrat tona,

Të nderuara delegate të Këshillit të Përgjithshëm të GVV-së,

Shumë të dashura aktiviste të Lëvizjes,

Solidariteti mes grave është real dhe atë e shohim çdo ditë. Gra që e lavdërojnë një grua tjetër tashmë është bërë dukuri pozitive e progresiste në vendin tonë, dhe ky organizim i juaji do të thotë po ashtu punë e dyfishtë e grave në politikë.

Sikurse ju sot që jeni ju sot në këtë Këshill, pikërisht nesër shumica prej jush do të jeni në Këshill të Përgjithshëm, ndërkaq shumica e burrave aktivistë sot e kanë pushim me përjashtim timin, Alimit e Samiut.

Jemi të vetdijshëm për sfidat e shumta që kanë gratë në Lëvizjen VETËVENDOSJE! dhe njëkohësisht ju nuk duhet të harroni asnjëherë programin e Lëvizjes VETËVENDOSJE! dhe të merreni edhe me çështjet e barazinë gjinore, por edhe me temat aktuale si të tilla gjithnjë duke mos e harruar çështjen e barazinë gjinore. Por, as ne të tjerët të cilët nuk jemi pjesë të kësaj stukture le të mos harrojmë të merremi me atë për çfarë angazoheni ju, pra për barazinë gjinore.

Gratë dhe Rinia shumë mirë që janë shndërruar në kryetema, sepse edhe gratë edhe rinia duhet të kenë vëmendje të shtuar. Nuk mund të jemi shtet demokratik pa pjesëmarrjen e të gjitha kategorive shoqërore. Pjesëmarrja e barabartë e grave dhe rinisë në subjekte politike e në shoqëri është parakusht i demokracisë dhe nuk ka dyshim që Gratë dhe Rinia përbëjnë shumicën dërmuese të popullsisë sonë, e demokracia është vend i shumicës.

Jemi të bindur se fuqizimi i grave do të thotë fuqizim i shoqërisë dhe se avancimi i të drejtave të grave është avancim i të  drejtave njerëzore. Kemi filluar punën intenzive për krijimin e hapësirave të reja për gra në LVV. Gratë duhet të kenë organet e tyre të posaçme për ta fuqizuar rolin dhe rëndësinë e tyre në Lëvizje, duke përfshirë struktura dhe mekanizma të reja që iu shërbejnë dhe iu ndihmojnë në angazhimin për emancipim gjinor e shoqëror.

Lëvizja VETËVENDOSJE! siç e dimë të gjithë ne bashkë sapo doli nga një mision shumë i rëndësishëm i zgjedhjeve të brendshme, nga ky proces demokratik i cili për herë të parë kemi dy organizata të reja në VETËVENDOSJE!, Rinia për VETËVENDOSJE! dhe Gratë për VETËVENDOSJE!. Krijimit të këtyre dy organizatave (GVV dhe RVV) i ka parapri një sërë diskutimesh të brendshme për reformë organizative që më pas kanë rezultuar me ndryshime statutore ku janë integruar në statusin e LVV, kësisoj tani janë konstituuar këto dy organizata në këto zgjedhje të brendshme të LVV-së që sapo kanë përfunduar.

Organizata “Gratë për VETËVENDOSJE! është krijuar si një hapësirë e re e organizimit dhe artikulimit të kauzës feministe për barazi e drejtësi gjinore.

Gratë anëtare dhe aktiviste të VETËVENDOSJE!-s gjithnjë e kanë pasur angazhimin e dyfishtë, sa me politika të përgjithshme po aq edhe me ato gjinore sepse në krye të herës është kuptuar që shoqëria patriarkale e ndrydh së pari gruan. Edhe tani me organizimin e GVV-së do ta keni angazhimin e dyfishtë sa në GVV, po aq edhe në Lëvizje VETËVENDOSJE! dhe për këtë më vjen keq, por jam i bindur se gratë do t’ia dalin me kauzat e tyre sepse edhe ne do t’i ndihmojmë pakursim.

Në fakt, nëse i shohim zgjedhjet e fundit parlamentare gratë kanë arritur të korrin suksese të paimagjinueshme dy vite më parë. Më lejoni të përmend dy pika të rëndësishme që edhe neve si LVV na kanë shtyrë të reflektojmë që na nevojiten hapësira, mundësi, sturktura të reja për angazhimin e grave.

E para është tejkalimi i kuotës gjinore.

Asnjë grua në Grupin Parlamentar të listës Lëvizja VETËVENDOSJE! në Kuvendin e Republikës nuk ndodhet aty duke ju falënderuar kuotës. Që të gjitha janë aty për shkak se qytetarët kanë dashur të jenë aty.

Dhe, e dyta 62% e votave tona janë të grave votuese.

Kjo është e pashembullt në Kosovën e pasluftës, në rajon dhe më gjërë.

Zgjedhjet parlamentare të 14 shkurtit kanë qenë mësim i shumëfishtë për neve. Përveçse është votuar LVV në mënyrë plebishitare, votimi masiv i grave për ne dhe i grave brenda listës sonë që e tejkaluan kuotën ka qenë dëshmi që populli na ka tejkaluar neve dhe minimumi që ne duhet të bëjmë është ta ndjekim atë (popullin).

Nëse ne prijmë për disa cështje e tema të caktuara kauza e barazisë gjinore, ne duhet ta ndjekim popullin i cili po na prinë neve. Minimumi që mund të bëjmë është ta ndjekim popullin, sepse popullin e kemi lider dhe në këtë kuptim përgjegjësia jonë është shumë e madhe sepse është jo vetëm ndaj gruas po është edhe ndaj popullit i cili kaq shumë deshi që në përfaqësim të kemi gra ne institucionet e shtetit. Këto dy çështje na kanë shtyrë të punojmë më shpejtë në reformën organizative dhe si rezultat tanimë e kemi GVV-në si strukturë.

Gratë për VETËVENDOSJE! është organizim që ne besojmë që do ta shtojë intensitetin e  angazhimit për avancimin e të drejtave të grave. Ka pikënisje angazhimin e shumë grave në VV e në shoqëri por synimet janë të përparojmë më shpejtë. Ka shumë kohë të humbur në vendin tonë andaj shpejtësia është shumë e rëndësishme. Nëpërmjet angazhimit të saj GVV-ja synon që ta fuqizojë solidaritetin gjinor dhe pjesëmarrjen e grave në jetën shoqërore, si dhe angazhohet për barazi të plotë në mes të gjinive. Baza e saj deleguese është nga poshtë, pra tamam si demokraci, nga lagja e fshati. Pra, nga skajet në qendër.

Solidariteti është i domosdoshëm pikërisht në kohën kur konkurrenca duket që e dominon bashkimin. Konkurrenca në demokraci është e paevitueshme, është edhe vlerë mirëpo konkurrenca pa bashkëpunim shndërrohet në rivalitet e në kundërshti e cila nuk është produktive. Konkurrenca gjithmonë duhet të jetë e shoqëruar me bashkëpunim. Prandaj solidariteti gjinor është i domosdoshëm. Avansimi i të drejtave të grave bëhet me ligje e me rregulla, me kuota e me standarde por duhet të jetë edhe me solidaritet gjinor organizativ të të gjithave.

Për bindjen time GVV-ja me punën e saj do të shërbejë si forcë primare për ta ndryshuar realitetin e ashpër për gratë duke kontribuuar që shoqëria jonë të braktisë mënyrat e vjetra të të menduarit patriarkal. Unë si kryetar i LVV dhe si kryeministër angazhohem parezervë për krijimin e Republikës sonë vend të barabartë e të drejtë.

Për të rinjtë dhe të rejat është evidente që LVV është mbizotëruar nga ta edhe si numër edhe si angazhim. Demografia jonë tregon që mosha mesatare në Kosovë është 31 vjeç. Pra, jemi popullsi e re dhe është e domosdoshme që anëtarët e ri, ta kenë një hapësirë ku i artikulojnë politikat që i prekin ata. Rinia janë edhe e tashme edhe e ardhmja jonë, andaj subjektet politike duhet të krijojnë më shumë teren për rininë, më shumë platforma e mundësi për ta. Ne si Lëvizje kemi menduar këtë me themelimin e organizatës Rinia për VETËVENDOSJE!

RVV si organizatë e re në VETËVENDOSJE! do të shtojë intensitetin e aktiviteteve dhe mprehtësinë e artikulimit politik. RVV do ta rrisë shpejtësinë e Lëvizjes, kurse Lëvizja do ta rrisë bazën e rinisë. E them këtë duke pasë parasysh se do të kemi jo pak anëtarë e anëtare që do të jenë në të dy këto organizata të reja të Levizjes sonë, edhe ne GVV edhe ne RVV.

Me binomin e ri, Gratë dhe Rinia, perspektiva për Lëvizjen dhe për shoqërinë do të zgjerohet.

Na duhen politika barazimtare por edhe organizim. Disa politika veçse i kemi ndërmarrë, por shumëçka mbetet të jetësohet. Por organizimi nuk mbaron kurrë. Ai na vë neve në lëvizje. Andaj, unë e shoh këtë organizim tuajin sot si vullnet për t’i lëvizur gjërat edhe më tej, edhe më shumë për të mbarë e për të mirë. 

Ju falemnderit e ju dëshiroj shumë suksese.

Organizata Gratë për VETËVENDOSJE! është krijuar si hapësirë e re e organizimit dhe artikulimit të kauzës feministe në Lëvizjen tonë.

Sot, Lëvizja VETËVENDOSJE! mbajti mbledhjen e parë të Këshillit të Përgjithshëm të organizatës së saj të ndërvarur “Gratë për VETËVENDOSJE!”. Në këtë mbledhje morën pjesë kryetari i Lëvizjes VETËVENDOSJE!, Albin Kurti, kryetarja e GVV-së, Albulena Haxhiu dhe të gjitha delegatet e organizatës së GVV nga qendrat tona.

Në fjalën e tij kryetari Kurti tha se jemi të bindur se fuqizimi i grave do të thotë fuqizim i shoqërisë dhe se avancimi i të drejtave të grave është avancim i të drejtave njerëzore. Gratë duhet të kenë organet e tyre politike për ta fuqizuar rolin dhe rëndësinë e tyre në Lëvizje, duke përfshirë struktura dhe mekanizma të reja që iu shërbejnë dhe iu ndihmojnë në angazhimin për emancipim gjinor e shoqëror.

“Gratë anëtare dhe aktiviste të VETËVENDOSJE!-s gjithnjë e kanë pasur angazhimin e dyfishtë, sa me politika të përgjithshme po aq edhe me ato gjinore sepse që në krye të herës është kuptuar që shoqëria patriarkale e ndrydh së pari gruan. Edhe tani me organizimin e GVV-së do ta keni angazhimin e dyfishtë sa në GVV, po aq edhe në Lëvizjen VETËVENDOSJE! dhe për këtë më vjen keq, por jam i bindur se gratë do t’ia dalin me kauzat e tyre sepse edhe ne do t’i ndihmojmë pa kursim”, tha kryetari Kurti.

“Unë si kryetar i LVV dhe si kryeministër angazhohem pa kursim për krijimin e Republikës sonë vend të barabartë e të drejtë”.

Ndërsa kryetarja e Organizatës Gratë për VETËVENDOSJE!, Albulena Haxhiu, tha se “Gratë për VETËVENDOSJE!” ka ardhur si nevojë për angazhim dhe organizim edhe më të fuqishëm të grave, për ta ndryshuar gjendjen së pari brenda nesh në Lëvizje e pastaj kjo do të ketë edhe impakt të madh edhe në shoqëri, dhe se duam e do ta ndërtojmë së bashku një Lëvizje ku ka vend për vajzat dhe gratë, po aq sa për djemt e burrat sepse organizata jonë sikur edhe shteti ynë është edhe i grave po aq sa i burrave.

“Si GVV, do të jemi të pakompromis kur vjen fjala tek barazia gjinore. Me strukturat dhe me anëtarësinë e GVV-së do të punojmë që të avancohemi si gra, të gjitha së bashku. Anëtarësimi i grave dhe vajzave në GVV e në Lëvizje është kryeproriteti jonë, andaj duhet të angazhohemi aktivisht që të rrisim anëtarësinë me gra”, tha kryetarja Haxhiu.

“Gratë në politikë, duhet të jenë mundësia për përmirësimin e gjendjes së vajzave dhe grave, derisa gratë e papunësuara dhe punëtore duhet të trajtohen me dinjitet. Në shtëpi dhe në vendin e punës, në lagje, fshat e qytet, gjatë ndarjes së trashëgimisë e me regjistrim të pasurisë në emër të grave, në konkurset qoftë në nivel qendror apo privat”.

Në mbledhjen e sotme konstituive Këshilli i organizatës Gratë për VETËVENDOSJE! zgjodhi strukturat e saj në nivelin qëndror:

Kryesuese e Këshillit të GVV – Fatmire Mulhaxha Kollçaku

Zëvendëskryesuese – Violeta Emini Salihu

Nënkryetare- Tinka Kurti

Sekretare organizative – Agnesa Kastrati

Anëtare të kryesisë:

Saranda Bogujevci

Fitore Pacolli

Nazlie Balaj

Arieta Fejza

Arijeta Rexhepi

Shaipe Metaj Isufi

Fatmire Cecelia

Nita Shehu

Rinë Zhitia

Kanë përfunduar zgjedhjet e brendshme edhe në Qendrat e Lëvizjes VETËVENDOSJE! në mërgatë.

Në katër Qendra të mëdha të LV, anëtarësia jonë ka votuar për Kryetar Qendre, kurse në pesë Qendra po ashtu të mëdha, Kryesia e Lëvizjes VETËVENDOSJE! ka caktuar pesë koordinatorë të rinj.

Në Suedi, anëtarësia e Lëvizjes tonë ka zgjedhur si kryetar Zenel Zenelin. Në Danimarkë, për kryetare Bernarda Begun. Në Britani të Madhe, për kryetar Qendrim Krasniqin, dhe në ShBA për kryetar Edmond Pruthin.

Ndërkaq, Kryesia e Lëvizjes VETËVENDOSJE! ka caktuar koordinatorët për qendrat si në vijim: Për Qendrën e LV në Zvicër, koordinator është caktuar Besim Neziri. Për Qendrën e LV në Itali, Erald Korra. Për Qendrën në Finlandë, Bujar Hajdini. Për Norvegji, Kaltrina Lajçi. Për Benelux, koordinatore është caktuar Lirije Zeneli.

Qendra e Lëvizjes VETËVENDOSJE! në Prishtinë mbajti sot konferencë për media pas vendimit për caktimin e seancës ndaj padisë dhe kërkesës për vendosjen e masës së përkohshme për projektin e dyshimtë të NPB-së dhe kompanive të tjera.

Sekretari i Qendrës së Lëvizjes në Prishtinë, Egzon Azemi tha se tash e një vit jemi dëshmitarë të përpjekjes për grabitjen e 17 mijë m2 hapësirë publike në qendër të kryeqytetit tonë. Kjo pronë e qytetarëve është vendosur në shënjestër të mafias së ndërtimit dhe pastrimit të parasë falë veprimeve të paligjshme të ish bordit të Ndërmarrjes Publike Banesore, përmes kryeshefit Hajdar Hoxha, dhe tolerimit në mosbashkëpunim të ish Kryetarit të Komunës dhe ish drejtorëve të tij.

“Sigurisht pas gjithë këtyre shkeljeve dhe pas reagimeve që ngritëm, Prokuroria konfirmoi hetimet dhe policia u urdhërua të kryej bastisjet në zyrën e NPB-së. Ju bëjmë thirrje iniciuesve të këtij projekti, atyre që po i mbrojnë e mbështesin, atyre që po provojnë të ndërhynë edhe në sistemin e drejtësisë, që mos të provojnë t’i prekin provat apo njerëzit që po interesohen në zbardhjen e këtij rasti jashtëzakonisht të dëmshëm e të dyshimtë ngase të gjithë jemi me sytë tek ju. Por veçanërisht prokuroria’’, tha Azemi.

Ndërsa Këshilltari Komunal i Lëvizjes VETËVENDOSJE! në Prishtinë, Gëzim Sveçla tha se u deshën plot 71 ditë që gjykata të mbajë seancën ku do duhej të mbrohen 17 mijë metra katrorë pronë publike. Edhe pas kësaj po vazhdon heshtja e Kryetarit të Komunës së Prishtinës, Përparim Rama, që paraprakisht këtë Ndërmarrje ia la nën kujdesje aksionarëve të PDK-së.

“Heshtja në këtë rast është tolerim i krimit. Në vend se Komuna të bashkohej me ne në këtë padi, Komuna nëpërmjet NPB ka sjellë sot përgjigje në padinë tonë ku e mbron këtë projekt të paligjshëm e për më keq, mbrojtja e kompanive private në sinkronizimin me Komunën, pra NPB, mbrojnë veprimet e bëra nga ata që tani janë në hetim nga prokuroria. Çfarë mund të thuhet më shumë, përveçse figurë e krimit të organizuar”, përfundoi Sveçla.

Qendra e Lëvizjes VETËVENDOSJE! në Prishtinë mbajti sot konferencë për media pas vendimit për caktimin e seancës ndaj padisë dhe kërkesës për vendosjen e masës së përkohshme për projektin e dyshimtë të NPB-së dhe kompanive të tjera.

Sekretari i Qendrës së Lëvizjes në Prishtinë, Egzon Azemi tha se tash e një vit jemi dëshmitarë të përpjekjes për grabitjen e 17 mijë m2 hapësirë publike në qendër të kryeqytetit tonë. Kjo pronë e qytetarëve është vendosur në shënjestër të mafias së ndërtimit dhe pastrimit të parasë falë veprimeve të paligjshme të ish bordit të Ndërmarrjes Publike Banesore, përmes kryeshefit Hajdar Hoxha, dhe tolerimit në mosbashkëpunim të ish Kryetarit të Komunës dhe ish drejtorëve të tij.

“Sigurisht pas gjithë këtyre shkeljeve dhe pas reagimeve që ngritëm, Prokuroria konfirmoi hetimet dhe policia u urdhërua të kryej bastisjet në zyrën e NPB-së. Ju bëjmë thirrje iniciuesve të këtij projekti, atyre që po i mbrojnë e mbështesin, atyre që po provojnë të ndërhynë edhe në sistemin e drejtësisë, që mos të provojnë t’i prekin provat apo njerëzit që po interesohen në zbardhjen e këtij rasti jashtëzakonisht të dëmshëm e të dyshimtë ngase të gjithë jemi me sytë tek ju. Por veçanërisht prokuroria’’, tha Azemi.

Ndërsa Këshilltari Komunal i Lëvizjes VETËVENDOSJE! në Prishtinë, Gëzim Sveçla tha se u deshën plot 71 ditë që gjykata të mbajë seancën ku do duhej të mbrohen 17 mijë metra katrorë pronë publike. Edhe pas kësaj po vazhdon heshtja e Kryetarit të Komunës së Prishtinës, Përparim Rama, që paraprakisht këtë Ndërmarrje ia la nën kujdesje aksionarëve të PDK-së.

“Heshtja në këtë rast është tolerim i krimit. Në vend se Komuna të bashkohej me ne në këtë padi, Komuna nëpërmjet NPB ka sjellë sot përgjigje në padinë tonë ku e mbron këtë projekt të paligjshëm e për më keq, mbrojtja e kompanive private në sinkronizimin me Komunën, pra NPB, mbrojnë veprimet e bëra nga ata që tani janë në hetim nga prokuroria. Çfarë mund të thuhet më shumë, përveçse figurë e krimit të organizuar”, përfundoi Sveçla.

Grupi Parlamentar i Lëvizjes VETËVENDOSJE! mbajti sot konferencë për media për të shpalosur të gjeturat nga Raporti për Vendin dhe progresin që ka shënuar Kosova në fushat kyçe si ajo e luftimit të korrupsionit dhe krimit të organizuar, ekonomisë dhe qëndrueshmërisë fiskale dhe demokratizimit të vendit.

Deputetja Fitore Pacolli theksoi se që nga viti 2008 kur ky Raport bëhet edhe për Republikën e Kosovës ky i sivjetshmi është më i miri deri më tani nga 14 raporte sa janë bërë gjithsej.

‘’Ky është raporti i parë ku nuk evidentohet ndërhyrje politike dhe ndikim politik në sistemin e drejtësisë, administratë publike (sidomos në punësimin e shërbyesve civil), në transmetuesin publik dhe në institucione e agjenci të pavarura. Derisa në të gjitha raportet e kaluara ndërhyrjet dhe ndikimet politike evidentohen si fenomene shqetësuese, në këtë aport evidentohen zero ndërhyrje dhe ndikim politik. Pra, ky raport është raporti i parë ku evidentohet më shumë progres dhe nuk evidentohet regres apo kthim prapa’’, tha Pacolli.

Ajo po ashtu foli edhe për rezultatet e punës së Kuvendit duke shtuar se gjatë periudhës raportuese ky institucion ka thyer rekodin me numrin e ligjeve të miratuara, marrëveshjeve ndërkombëtare të ratifikuara dhe nismave legjislative. Nga qershori i vitit 2021 deri në qershor të vitit 2022, Kuvendi ka miratura 123 ligje në mesin e tyre 31 marrëveshje nderkombëtare.

Në anën tjetër deputeti Armend Muja foli për aspektin e demokracisë së vendeve që ky Raport po ashtu trjaton dhe këtu Republika e Kosovës është në nivel shumë më të mirë se vendet e rajonit veçanërisht Serbinë ku raporti thekson regres në shumë drejtime.

Deputeti Muja foli edhe për fushën drejtësisë e ekonomisë si pjesë e raportit duke e vendosur atë në kontekst të sfidave të mëdha globale siç ishin pandemia, kriza me energjinë dhe inflacioni.

‘’Ajo çka evidentohet në raport është se në Kosovë janë kaluar disa ligje sa i përket asaj që ne i kemi thënë çkapja e shtetit. Për herë të parë te çështja e Kuvendit dhe institucioneve tjera nuk adresohen ndrërhyrjet politike tek kapja e institucioneve’’, tha deputeti Muja.

Muja theksoi lavdatat që Raporti për Vendin i jep menaxhimit me politika fiskale dhe kontrollin financiar. Aty evidentohet se ka pasur rritje të buxheti dhe mbledhje të të hyrave tatimore përrreth 30%, rritje reale ekonomike prej 10.7% gjatë vitit 2021 që përbën rritjen më të lartë në rajon.

Kryetari i Lëvizjes VETËVENDOSJE!, Albin Kurti, bashkë me Kryetaren e Organizatës Gratë për VETËVENDOSJE!, Albulena Haxhiu, nënkryetaren e Lëvizjes, Fatmire Mulhaxha Kollçaku, koordinatoren e Sekretariatit të Gruas Aktiviste, Agnesa Kastrati, dhe disa deputete/ë morën pjesë në takimin e parë me drejtueset e reja të Grave për VETËVENDOSJE! nga qendrat e Lëvizjes VEËVENDOSJE!.

Në aspektin e qeverisjes, Lëvizja VETËVENDOSJE! ka shtyrë përpara një sërë politikash që afektojnë gratë në veçanti. Mbështetja për lehonat, shtesat për fëmijë, bursat për vajza, ndihma juridike falas për viktimat e dhunës, buxhet për strehimoret, çerdhet etj. Këto nuk janë të mjaftueshme dhe ka nevojë për ndërhyrje në krijimin e vendeve të punës dhe për zvogëlimin e hendekut gjinor në punësim por si qeverisje kemi mbështetur punësimin e grave duke subvencionuar pagën e tyre deri në 50% dhe jemi duke adresuar problemin e jo-aktivitetit të grave në tregun e punës.

Jemi të të vetëdijshëm që asnjë politikë e vetme nuk e rregullon problemin e krijuar përgjatë historisë, e cila ka bazë strukturore, por jemi duke bërë çmos si në aspektin e qeverisjes, ashtu edhe në atë organizativ që ta adresojmë pabarazinë.

Organizata Gratë për VETËVENDOSJE! do ta bëjë kryeprioritet çështjen gjinore brenda organizatës e në shoqëri duke i shndërruar zyret e LVV-së në hapësira për mendim feminist dhe angazhim në politika feministe. Një organizim i grave nga poshtë, në lagje, në fshat, në qytet dhe në komunitet që artikulon kërkesat e grave dhe i mobilizon ato rreth tyre, do ta shtyjë edhe qeverisjen që të punojë më shumë.

GVV-ja nuk është forum klasik siç i kanë partitë tjera pasi ne besojë që ajo do të kishte kundërefekt. GVV-ja është paramenduar  mbi themelin e solidaritetit dhe si hapësirë ku mbizotëron solidariteti dhe gjithëpërfshirja. Solidaritetit mes grave përmes takimeve intensive dhe komunikimit të vazhdueshëm në frymë të “motërzimit”. Dhe gjithëpërfshirja, organizimi i gjerë i grave, në kuptimin që një organizatë feministe progresive ka brenda saj të gjitha grupet e grave. Gra të të gjitha shtresave klasore, gra të të gjitha rajoneve, gra të pakicave kombëtare, gra me orientime seksuale të ndryshme, e gra me profesione të ndryshme. Pabarazia është e shumanshme, prandaj na duhet gjithëpërfshirja. GVV do të jetë organizim nga skajet drejt qendrës.

Kryetari i Lëvizjes VETËVENDOSJE!, Albin Kurti, bashkë me Kryetarin e Rinisë për VETËVENDOSJE!, Behar Jashari, në takim e parë pas zgjedhjeve të brendshme organizative, pritën asamblistët dhe deputetët e LV-së që janë njëkohësisht edhe anëtarë të RVV-së.

Rinia vazhdon të jetë forca lëvizëse brenda organizatës me aktivitetet e shumta dhe kreative që ajo organizon. Zyrat tona nëpër secilin qytet duke shërbyer si infrastrukturë edukimi ku të rinjtë janë takuar për të parë filma e për të diskutuar mbi librat e lexuar, por edhe si hapësira mendimi e veprimi ku ka pasuar angazhimi politik, kanë bërë që rinia përherë ta frekuentoj Lëvizjen VETËVENDOSJE!. Tash, me mjete më të mëdha, e me një numër kaq të lart të anëtarësisë, është koha që të gjitha aktiviteteve që kanë të bëjnë me rininë nëpër qytetet tona, t’i plotësojmë dhe shtojmë tutje. Këtë detyrë tashmë e ka marrë organizata Rinia për VETËVENDOSJE! që ka strukturën e saj të shtrirë nëpër secilën Qendër të Lëvizjes VETËVENDOSJE! në Kosovë.

Sekretariati për Emancipim Politik në Lëvizjen VETËVENDOSJE!, mbajti dje sesionin hapës për Nivelin teorik të Shkollës politike. Aktivistët Pavjo Gjini, Mrika Limani Myrtaj, Liridona Kelani dhe Hazir Asllani mirëpritën ndjekësit e shkollës për këtë vit. Pavjo Gjini bisedoi për esencën e aktivizmit të zbërthyer përmes shkollës politike, duke e vënë theksin te raportet ndërmjet teorisë dhe praktikës dhe natyra praktike e teorisë në përditshmëri. Ai foli gjithashtu për shkollën si kuvend përmes të cilit aktivistët do të mund të diskutojnë e shkëmbejnë ide në shërbim të pajimit me mendim kritik dhe qasjen për të lëkundur dogmatiken kurdoherë ajo synon të zë rrënjë, në këtë formë duke mundësuar emancipimin në vetvete. Ndërkaq, Mrika Limani Myrtaj diskutoi shkurtimisht për paramendimin e shkollës politike si tërësi për demitizim të teorisë dhe më pas i informoi ndjekësit për çështjet praktike të ndjekjes së shkollës politike.

Ky nivel i shkollës do zgjasë deri në verën e vitit që vjen dhe do përmbajë pesë lëndë të ndryshme. Aktivistet e aktivistët nga qytete të Kosovës, Shqipërisë dhe nga diaspora do kenë rastin të ndjekin ligjërata dhe të marrin pjesë në diskutime bashkë me ligjërues të shumtë që vijnë nga fusha e profesione të ndryshme.

Pak ditë pas përmbylljes së procesit të brendshëm zgjedhor, Lëvizja VETËVENDOSJE! sot ka mbajtur mbledhjen e parë me kryetarët e rinj të qendrave, si dhe kryetarët e organizatave të reja të Lëvizjes, Gratë për VETËVENDOSJE! dhe Rinia për VETËVENDOSJE!

Në këtë mbledhje morën pjesë, Kryetari i LV-së, Albin Kurti, Kryetarja e GVV, Albulena Haxhiu, Kryetari i RVV, Behar Jashari dhe Koordinatori i Qendrave të Lëvizjes, Valon Hoti.

Në hapje të kësaj mbledhje, Kryetari Kurti uroi të gjitha kryetaret dhe kryetarët e rinj për postet e tyre. Ai tha se pret një bashkëpunim edhe më të dendur, edhe më të ngushtë, si dhe aktivitet të shtuara me secilën qendër dhe secilin kryetar/e.

Për herë të parë në këto zgjedhje u votua edhe për strukturat e reja “Gratë për VETËVENDOSJE!” dhe “Rinia për VETËVENDOSJE!” sepse tani do ta kemi edhe bazën vetë deleguese gratë dhe të rinjtë në VETËVENDOSJE!, jo më të emëruar si dikur nga udhëheqja, por të zgjedhur nga vetë gratë dhe të rinjtë që janë në Lëvizjen tonë, tha ai.

Kryetari Kurti në fjalën e tij theksoi nevojën që organizata të shtrihet gjithnjë e më gjerë që nënkupton anëtarësime të reja, drejtim progresist, dhe sa më shumë rini, gra e vajza që si në pjesëmarrje ashtu edhe në vendimmarrje prijnë në lëvizjen tonë.

Për gratë aktive në organizatë foli edhe Kryetarja e GVV, Albulena Haxhiu.

“Është shumë i rëndësishëm angazhimi ynë i përbashkët për rritjen e numrit të anëtareve dhe aktivisteve të Lëvizjes, por edhe pjesëmarrjen e barabartë në të gjitha organet e LV. Unë jam e bindur që pavarësisht sfidave që mund të kemi, çelësi për të jetësuar platformat tona është bashkëpunimi mes nesh sepse vetëm kështu organizatën tonë mund ta kemi edhe më të fuqishme”, tha ajo.

Ndërsa Kryetari i organizatës “Rinia për VETËVENDOSJE!”, Behar Jashari, në fjalën e tij ndau bindjen që RVV ka ardhur si domosdoshmëri e organizimit të brendshëm për shkak të rritjes shumë të madhe të rinisë në VETËVENDOSJE!. Rritja dhe shtrirja e RVV-së, aftësimi profesional dhe formimi ideopolitik i të rinjve janë ndër pikat më të rëndësishme që RVV do t’i shtyjë përpara, tha Jashari.

Pas fjalës hyrëse të Kryetarit Kurti, fjalës së Kryetares së GVV, Albulena Haxhiu, dhe të Kryetarit të RVV, Behar Jashari, fjalën e morën Kryetarët/et e sapo zgjedhur/a të Qendrave të Lëvizjes VETËVENDOSJE!, të cilët/at ndanë pjesë nga platformat e tyre fituese në këtë garë të brendshme për punët dhe angazhimin që na pret në secilin qytet e lagje të Republikës.

Rreth 200 mijë fëmijë dhe mbi 20 mijë lehona kanë përfituar shtesa përgjatë këtij viti.

Përbrenda 1 viti kemi hapur aplikimin për fëmijët deri në 10 vjeç kurse synimi është të arrijmë deri te fëmijët e moshës 16 vjeçare.

Qeveria Kurti angazhohet që secila familje ta ndiejë dorën e shtetit.

Dje përmes parimit një anëtar-një votë anëtarët e Lëvizjes VETËVENDOSJE! zgjodhën kryetarin e LVV-së, GVV-së dhe RVV-së, në nivel të tretë, po ashtu në 26 qendra ata votuan edhe për organet e njëjta për nivelin e dytë organizativ, atë të qendrave. Strukturat e reja të dala nga këto zgjedhje përfaqësojnë gjerësinë e Lëvizjes tonë, drejtimin e saj progresist dhe fuqinë organizative si subjekti më i madh politik në vend.

Në këtë album mund t’i gjeni të zgjedhurit për secilën prej 26 Qendrave të Lëvizjes VETËVENDOSJE!. Urojmë edhe njëherë të zgjedhurit, dhe u dëshirojmë punë të mbarë.

Viti 2022 është vit i zgjedhjeve të brendshme në Lëvizjen VETËVENDOSJE!. Procesi që nisi më 15 mars, përmbylli suksesshëm sot, më 25 shtator 2022, fazën e parë të zgjedhjeve për pozicionet drejtuese në LVV, me zgjedhje të drejtpërdrejta të organizuara në mbi 200 vendvotime si dhe online për mërgatën, sipas parimit një anëtar një votë.

Përgjatë javëve në vijim, procesi do të vazhdojë me zgjedhjen e kryesive të qendrave, e do të përfundojë në fund të muajit Tetor me zgjedhjen e kryesisë së LVV në mbledhjen konstituive të Këshillit të Përgjithshëm.

Në këtë proces të gjatë janë strukturuar gjithsej 485 pika në 29 qendra të Lëvizjes VETËVENDOSJE!.

Në këto zgjedhje për herë të parë u votua edhe për strukturat e organizatës Gratë për VETËVENDOSJE! dhe Rinia për VETËVENDOSJE!

Komisioni Zgjedhor i Përgjithshëm konstaton se procesi ka kaluar në mënyrë të rregullt si rezultat i një pune të madhe që është bërë gjithandej nëpër qendrat e Lëvizjes.

Rezultatet paraprake të votimit për kandidatët për nivelin e tretë janë si në vijim:

Për Kryetar të LVV, Albin Kurti:

PËR: 98.60%

KUNDËR: 0.89%

ABSTENIM: 0.51%

Për Kryetare të organizatës Gratë për VETËVENDOSJE!, Albulena Haxhiu:

PËR: 94.55%

KUNDËR: 2.81%

ABSTENIM: 2.64%

Për Kryetar të organizatës Rinia për VETËVENDOSJE!, Behar Jashari:

PËR: 85.55%

KUNDËR: 7.55%

ABSTENIM: 6.80%.

Komisioni Zgjedhor i Përgjithshëm falënderon të gjithë aktivistët e përfshirë në menaxhimin dhe administrimin e zgjedhjeve të brendshme të Lëvizjes VETËVENDOSJE!, për përkushtimin e tyre në mbarëvajtjen e këtij procesi, si dhe falënderojmë të gjithë anëtarët që kanë shprehur sot të lirë vullnetin e tyre mbi të ardhmen e organizatës. I jemi gjithashtu mirënjohës stafit të Komisionit Qendror Zgjedhor të Republikës së Kosovës dhe të Komisioneve Komunale Zgjedhore, për asistencën dhe materialet e votimit të vëna në dispozicion anekënd Kosovës për zhvillimin e procesit të zgjedhjeve të brendshme të Lëvizjes VETËVENDOSJE!.

Komisioni Zgjedhor i Përgjithshëm

Lëvizja VETËVENDOSJE!

“Sot është një ditë shumë e rëndësishme për Lëvizjen VETËVENDOSJE! por edhe për demokracinë në Kosovë sepse po mbahen zgjedhjet e brendshme e demokratike të një subjekti i cili është edhe fitues i zgjedhjeve, dhe natyrisht që janë të rëndësishme për nivelin e demokracisë tonë”, tha kryetari i Kuvendit të Kosovës, si dhe anëtari i kryesisë së Lëvizjes, Glauk Konjufca pas votimit në procesin e zgjedhjeve të brendshme të Lëvizjes.

“Brenda Lëvizjes sot ka një pjesëmarrje shumë të kënaqshme politike, me një gjithëpërfshirje të jashtëzakonshme të të gjitha shtresave dhe niveleve, e sidomos të të rinjve dhe të rejave për poste të rëndësishme brenda partiake dhe lokale”, tha Konjufca.

https://fb.watch/fN1bbtE44M/

Në të gjitha qendrat e Lëvizje VETËVENDOSJE! po mbahet procesi zgjedhor për strukturat e reja të nivelit qëndror, ndërkaq në 26 sosh po mbahet procesi edhe për nivelin e dytë organizativ që përfshin struktrurat e reja drejtuese në nivel të qendrave tona.

Ky proces po mbahet edhe në kryeqytet, në Qendrën tonë të Prishtinës, me ç’rast të drejtën për votim e ka shftrytëzuar edhe kandidati për kryetar të Qendrës së Prishtinës dhe anëtari i Kryesisë së LV-së, Arben Vitia.

Ai ka ftuar anëtarërësinë e Lëvizjes në Prishtinë që marrin pjesë në votim dhe të bëhen pjesë e vendimmarrjes dhe demokracisë së brendshme.

https://fb.watch/fM0dNVcdfS/

Në këto zgjedhje për herë të parë votojmë e vendosim për strukturat e para të organizatës Rinia për VETËVENDOSJE!.

Kandidati për kryetar të organizatës RVV, Behar Jashari, përmes demokracisë së brendshme ka marrë pjesë në procesin e votimit duke ftuar edhe të rinjtë e rejat e Lëvizjes të bëhen pjesë të vendimarrjes për strukurat e reja të kësaj organizate e Lëvizjes në përgjithësi.

Rinia ka qenë përherë shtyllë e rëndësishme në Lëvizjen tonë, ndërkaq tash me organizimin e tyre të veçantë ata do të jenë përveçse frymë e rëndësishme edhe strukturë e organizim ku ngriten, diskutohen e përfaqësohen si rini.

https://fb.watch/fLXHXyY_Fj/

Kryetari i Lëvizjes VETËVENDOSJE! njëherit edhe kryeministri i Republikës, Albin Kurti, pas votimit në procesin e zgjedhjeve të brendshme të Lëvizjes ka ftuar të gjithë anëtarët që ta ushtrojnë të drejtën e tyre për të zgjedhur udhëheqje të mira dhe struktura të reja për 4 vjetët e ardhshme.

“Është ditë e demokracisë në Lëvizjen VETËVENDOSJE! për shkak se i kemi zgjedhjet e brendshme dhe secili anëtarë i subjektit tonë politik mund dhe duhet të dëgjohet. Në qendra të Lëvizjes VETËVENDOSJE! mbahen zgjedhjet për Kryetar të Lëvizjes, për Kryetare të strukturës së re “Gratë për VETËVENDOSJE!”, për strukturën po ashtu të re “Rinia për VETËVENDOSJE!,” por gjithashtu edhe për nivelet e qendrave në 26 sosh’’, tha Kryetari Kurti.

Ai po ashtu theksoi se me këto struktura të reja, ne synojmë që në kuadër të drejtimit tonë progresist ta bëjmë një organizatë edhe më të fuqishme.

https://fb.watch/fLVlpJiPML/

Në kuadër të zgjedhjeve të brendshme në Lëvizjen VETËVENDOSJE! sivjet për herë të parë votojmë edhe për udhëheqjen e organizatës së re ‘’Gratë për VETËVENDOSJE!’’.

‘’Ftoj të gjithë anëtarët që të shfrytezojnë këtë të drejtë dhe të bëhen pjesë e vendimarrjes, për të vendosur jo vetëm për lëvizjen por edhe për vendin përmes votimit të tyre në organizatën politike më të madhe në vend’’, tha kandidatja për kryetare të organizatës Gratë Për VETËVENDOSJE! njëherit ministrja e Drejtësisë Albulena Haxhiu pas procesit të votimit në kuadër të zgjedhjeve në LV.

Ajo ndër të tjera deklaroi se sivjet për herë të parë po themelojmë edhe organizatë atë të rinisë dhe gruas. Përmes organizatës së gruas, do të çojmë në një nivel tjetër betejën tonë për barazi shoqërore e gjinore.

https://fb.watch/fLV2K3AqzB/

Të dashur aktivistë e aktiviste,

Të dashura familje Xheladini, Balaj, Dehari e Koskoviku,

Të nderuar miq e bashkëpunëtorë nga Partia Guxo, Alternativa, Partia e Re Demokratike dhe Iniciativa e Re Demokratike 

E nderuara Emilja 

I nderuar Faton, Agon, Elbert,

Të nderuar delegatë të këshillit të përgjithshëm, deputetë, ministra e kryetarë të komunave

Të nderuar kryetarë të pikave tona nga e gjithë Kosova, dhe ju kandidate e kandidatë në zgjedhjet tona të brendshme

Mirë se keni ardhur në këtë tubim të veçantë të Lëvizjes VETËVENDOSJE! këtu në Prishtinë 

Pas disa muajve, saktësisht nga mesi i Marsit kur filluam procesin e zgjedhjeve të brendshme, jemi këtu së bashku e të bashkuar në përgatitje të rrugëtimit tonë të ardhshëm. 

Besoj se të gjithëve na kujtohet kur katër vite më parë në këtë sallë pas disa përpjekjeve për të na dobësuar e zvogëluar, u nis një projekt reformues për organizatën tonë – projekt që i dha frytet e veta për lëvizjen dhe gjithë Kosovën. 

Sot jemi këtu, të përgatitur dhe të organizuar pas shumë përpjekjesh në të kaluarën – e para shumë betejash të reja që na presin në të ardhmen.  

Ne jemi organizata që synojmë së bashku me gratë e vajzat drejtësinë, më të rinjtë e të rejat  zhvillimin, e me popullin barazinë. 

Ne jemi lëvizja që synojmë progresin jo të grupacionit por të shoqërisë –  triumfin jo të vetjakes por të përbashkëtës.

Ne këmbëngulim për ndryshimet e gjendjes – jo thjesht të pozicioneve. 

Organizimi ynë kurrë s’ka qenë statik – i palëvizshëm. Ai është themeluar, zhvilluar, krijuar e rikrijuar mijëra herë në çdo frazë-aksion, në çdo mendim – veprim, në çdo tubim –  manifestim. 

Para 100 ditësh shënuam 12 qershorin, 17 vjetorin e themelimit të lëvizjes VETËVENDOSJE!

17 vite ide, punë, angazhim, aksion, çdo herë në të mirë të vendit dhe për vendin.

Si kurrë më parë këtë vit të shtatëmbëdhjetë ka nevojë për frymën, vendosmërinë, vullnetin dhe besnikërinë ndaj projektit politik që së bashku kemi krijuar. 

Kryetari dhe tani kryeministri ynë, sot e shpalos kandidaturën e tij dhe platformën për katër vitet e ardhshme të drejtimit të organizatës sonë. Në gjithë këto vite, por jo vetëm, emri i tij çdo herë është lidhur ngushtë me vendosmërinë, punën e palodhshme, zellin, dashurinë dhe drejtësinë për secilin e në veçanti për qytetarët dhe Republikën. I palëkundur, i vendosur dhe me vizion të qartë për mbrojtjen dhe zhvillimin e të drejtave qytetarevë dhe vendit deri në sakrificë.

Ky është drejtuesi ynë të dashur pjesëmarrës – Albin Kurti 

Për herë të parë këtë vit në Lëvizjen tonë po themelohen struktura të reja Gratë për VETËVENDOSJE! dhe Rinia për VETËVENDOSJE! 

Një organizatë progresiste siç duam e siç do të punojmë të jemi i ka në qendër e në strukturë gratë e vajzat,  të rinjtë e të rejat, ngase organizatën nuk e bëjmë të fuqishme pa to. 

Sot paraqiten para nesh këto dy platforma me dy emra që do t’ja shtojnë shpejtësinë e fuqinë organizimit tonë në dy strukturat e reja.

Të dashur aktivistë, këta janë:

Albulena Haxhiu, kandidate për kryetaren e Gruas për VETËVENDOSJE! dhe Behar Jashari kandidat për kryetarin e Rinisë për  VETËVENDOSJE!. 

U urojmë kandidatëve sukses e punë të mbarë në ide e veprim, në zgjerimin e lëvizjes dhe fuqizimit të organizimit. 

Padyshim që janë drejtuesit që i duhen organizimit në këtë rrugëtim të ri drejt të cilit jemi bërë gati të ecim.

Ndaj të dashur anëtarë të dielën, me 25 shtator, prej orës 10:00 ju ftoj të merrni pjesë në votime, secili e secila në qendrat tona të votimit, zyrat, shkollat e pikat në çdo komunë.

 Shfrytëzoj rastin që njësoj t’ju bëjmë thirrje anëtarëve tanë në mërgatë që të votoni online, pasi që vota juaj çdo herë ka qenë votë e progresit dhe që i ka kontribuar ndryshimeve deri sot. 

Ta dëshmojmë demokracinë tonë një anëtarë një votë dhe të gjithë bashkë të bëhemi pjesë e këtij procesi.

Ju falemnderit të nderuar të pranishëm dhe ftoj kandidatët për paraqitjet e tyre para jush. 

Thellësisht mirënjohës e falënderues përherë ndaj anëtarëve dhe aktivistëve të Lëvizjes VETËVENDOSJE!. Dje së bashku me Albulenën dhe Beharin, shpalosëm platformat tona për strukturat e reja, GVV dhe RVV, si dhe atë për rizgjedhjen time kryetar të Lëvizjes sonë të gjerë me drejtim progresist e organizatë të fuqishme:

Të dashur aktivistë,

Të dashur Behar dhe Albulenë,

E nderuara familje Dehari, Xheladini, Balaj,

Të nderuar deputetë të Kuvendit dhe ministra e zëvendësministra të qeverisë,

Zëvendëskryeministre Rexhepi,

Bashkëkryetar i Partisë Guxo, Faton Peci,

I nderuari Agon Dobruna nga Alternativa për Kosovë,

Zonja dhe zotërinj,

Të nderuar të pranishëm,

Siç dihet, kjo është hera e parë që unë vij për të kërkuar besimin tuaj për t’u rizgjedhur në krye të organizatës sonë duke qenë njëkohësisht Kryeministër i shtetit tonë.

Në tetor të vitit 2019 dolëm të parët për herë të parë. Në shkurt të vitit 2021 u bëmë shumicë për herë të parë. E këtë të premte bëhen një vit e gjysmë që jemi në drejtimin e Republikës sonë. Periudha nga fitorja plebishitare e 14 shkurtit e deri më sot ka qenë e mbushur me sfida por edhe me suksese. Ne të Lëvizjes VETËVENDOSJE!, duke qenë aktivistë në lëvizje të vazhdueshme që nga themelimi i organizatës sonë, i njihnim mirëfilli hallet e shoqërisë e të popullit tonë. Por, siç e dini, përgjatë kësaj periudhe u desh të përballemi edhe me sfida që pakkush mund t’i parashikonte. Në këtë mes veçohen pandemia COVID-19 dhe agresioni ushtarak rus mbi Ukrainën që shkaktoi krizë energjetike e ekonomike pa harruar edhe ndryshimet evidente klimatike. Të dyja kanë prodhuar pasoja të rënda si për shëndetin publik ashtu edhe për ekonominë e vendit tonë. Fati ka dashur që të dyja këto të koincidojnë me bërjen tonë organizata më e madhe politike në vend dhe me marrjen e drejtimit të shtetit nga ana jonë. Sigurisht, këto nuk janë sfida vetëm të vendit tonë—ato janë globale. Sidoqoftë, ne jemi përgjegjës vetëm për vendin tonë. Duke qenë shtet i ri e shoqëri jo edhe gjithaq e zhvilluar, ne goditemi nga pasojat e këtyre krizave globale shumë më tepër se ç’mund të preken shoqëritë e shtetet më të zhvilluara të kontinentit tonë. Duke qenë një organizatë e ngjizur në aksion të drejtpërdrejtë, unë besoj se ne jemi më të duhurit për të qenë në udhëheqje të vendit në këto kohë kritike. Detyra jonë është që t’ia dëshmojmë popullit që duke na besuar neve, ai ka bërë zgjidhjen më të mirë të mundshme.

Ashtu siç dje ishte kushti i fitores sonë të paparë zgjedhore, organizata jonë politike është sot kushti i suksesit tonë në qeverisje. Pa organizatën, qeverisja jonë e humbet kontaktin me popullin, kontakt që është jetik për të pasur një qeverisje të popullit, nga populli, e për popullin. Prandaj është kaq e rëndësishme që të mos e lëmë pas dore organizatën e Lëvizjes. Duke u kujdesur për mbarëvajtjen e punëve të saj, ne sigurohemi që besimi plebishitar që na u dha më 14 shkurt të vitit të kaluar të mbetet vetëm delegim i vullnetit popullor e kurrsesi tëhuajësim i tij. Organizata është hallka që garanton besnikërinë tonë si përfaqësues të popullit.

Sot kërkoj votëbesimin tuaj edhe për katër vite të tjera në krye të Lëvizjes VETËVENDOSJE! në prag të zgjedhjeve të së dielës së 25 shtatorit. Platforma ime programore për periudhën 2022-2026 është e mbështetur në këto pika themelore: (1) Rritja e numrit të anëtarëve të moshave të reja; (2) Rritja e anëtarësisë së vajzave dhe grave; (3) Krijimi i kohezionit midis brezave, grupeve shoqërore, e botëkuptimore; (4) Forcimi i shkollës politike dhe dimensionit ekzekutiv të saj; (5) Promovimi i organizimit sindikal në sektorin privat; (6) Përgatitja e burimeve njerëzore dhe programore për Zgjedhjet lokale 2025; (7) Përgatitja e Platformës politike për mandatin e dytë të Qeverisjes; (8)Rritja e rrjetit të Qendrave të Lëvizjes VETËVENDOSJE! në mërgatë; (9) Angazhimi i studentëve dhe profesionistëve në organizatën politike të Lëvizjes; (10) Bashkëpunimi ndërkombëtar dhe ai jashtë shtetit e brenda kombit tonë. Le t’i marrim me radhë.

1. Rritja e numrit të anëtarëve të moshave të reja

Ne jemi një shoqëri e popullsi të re. Të dhënat demografike dëshmojnë se mosha mesatare në vendin tonë është 31 vjeç. Organizata jonë duhet ta pasqyrojë këtë fakt. Çdo vit rreth 25 mijë të rinj të vendit tonë mbushin 18 vjet, që është mosha kur ata bëhen qytetarë aktivë me të drejtë vote. Si organizatë, ne duhet të jemi aktivisht në komunikim me moshat e reja. Socializimi më i rëndësishëm politik fillon gjatë shkollës së mesme. Pa i folur rinisë së vendit tonë dhe brengave të tyre, ne nuk mund të mbetemi as forcë udhëheqëse e as forcë e të majtës progresiste. Lëvizja jonë ka qenë tradicionalisht një vatër e edukimit politik të rinisë. Siç dihet, nëpër qendrat tona gjithandej Kosovës, ne kemi ofruar zyrat tona si infrastrukturë edukimi. Aty janë mbledhur të rinjtë e të rejat për të lexuar e diskutuar libra, shikuar e komentuar filma, e kështu me radhë. Këto aktivitete nuk duhet të ndalojnë tani që jemi në pushtet. Si organizatë politike përkundrazi tani posedojmë mjete më të mëdha financiare se kurrnjëherë më parë që të vazhdojmë me këtë mënyrë tonën. Ato duhet t’i përdorim për të pajisur qendrat tona gjithandej vendit tonë me biblioteka të pasura ku të rinjtë mund të huazojnë libra e t’i lexojnë ato. Qendrat tona duhet të organizojnë grupe leximi që takohen rregullisht për të diskutuar një libër të caktuar që është përzgjedhur si leximi i muajit. Qendrat tona duhet t’i pajisim me projektorë cilësorë për të shfaqur filma dokumentarë e artistik që promovojnë mendimin kritik dhe ndërgjegjen qytetare. Shkolla politike që organizojmë rregullisht në kuadër të organizatës sonë nuk duhet, sepse nuk mundet, të zëvendësojë këto aktivitete më të decentralizuara e më gjithëpërfshirëse. Aktivisti politik nuk e zhvillon as punën pa pasion e as kohën e lirë pa shije.

2. Rritja e anëtarësisë së vajzave dhe të grave

Ne jemi një shoqëri me tradita patriarkale. Kjo është një trashëgimi autoritare e kulturës sonë që duhet çmontuar. Siç theksonte Ukshin Hoti, patriarkalizmi është formë e pajustifikueshme autoriteti si mbi gruan ashtu dhe mbi të riun. Kjo është shumë me rëndësi të mbahet parasysh. Patriarkalizmi shtyp gratë, por ai gjithashtu helmon rininë si të vajzave ashtu edhe të djemve. Neve si socialdemokratë na takon që të prijmë në betejën për emancipimin e shoqërisë nga çdo lloj i shtypjes. Në këtë drejtim, duhet të vazhdojmë përpjekjet për të krijuar një organizatë mirëseardhëse për vajzat dhe gratë. Si edhe në sfera të tjera, edhe këtu duhet të prijmë përmes shembullit. Strukturat e Lëvizjes në të gjitha nivelet duhet të jenë vende ku vajzat dhe gratë ndjehen të sigurta për të dhënë kontributin e tyre. Shumë potencial i shoqërisë sonë mbetet i bllokuar për shkak të shtypjes patriarkale. Ne duhet të bëjmë çmos që këtë potencial ta çlirojmë. Jetojmë në kohëra të vështira, kur kemi simpati pa empati dhe empati pa solidaritet. Kjo betejë nuk fitohet vetëm. Gratë kanë nevojë në radhë të parë për njëra-tjetrën për të zgjeruar horizontet mendore të ngushtuara nga ideologjia patriarkale që kanë përthithur kaq gjatë. Në këtë drejtim, mbase do ishte një ide e duhur që gratë të organizonin grupe për ngritje të vetëdijes brenda organizatës sonë. Ato mund të nisnin në organizatën tonë e prej këtu të zgjeroheshin më tej në gjithë shoqërinë. Këso lloj grupesh u patën vërtetuar mjaft të suksesshme përgjatë valës së dytë feministe në Shtetet e Bashkuara të Amerikës (1960-1980). Ndonëse gratë janë ato që duhet të prijnë në këto punë, atyre u duhet solidariteti i djemve dhe i burrave të cilët e kuptojnë se nuk ka burrë të lirë pa pasur grua të lirë. Organizata jonë ka nevojë për gratë si eksperte, mendimtare dhe aktiviste që kanë shumë për të na mësuar e për të kontribuar.

Në drejtim të krijimit të një ambienti mirëseardhës dhe të sigurtë për gratë, organizata jonë duhet të kujdeset për përfaqësim të barabartë të grave në të gjitha nivelet drejtuese. Gjithashtu, duhet të sigurohemi që gratë më të shtypura në shoqërinë tonë, ato të shtresës së mesme të ulët dhe të ulët, të jenë më të përfaqësuara seç kanë qenë deri më tani. Gruaja e varfër është dyfish e shtypur: si grua dhe si klasë ekonomike.

3. Krijimi i kohezionit midis brezave, grupeve shoqërore, e botëkuptimore

Ndonëse bëjmë pjesë në grupet e shteteve e shoqërive relativisht të vogla, jemi mjaftueshëm të mëdhenj për të qenë një shoqëri ku ekziston një shumëllojshmëri besimesh fetare, trashëgimish etnike e kombëtare, grupesh shoqërore, e botëkuptimesh fetare apo laike mbi botën dhe natyrën njerëzore. Si socialdemokratë duhet të vëmë theksin te solidariteti qytetar, jo thjesht te toleranca ndër-njerëzore. Dallimet janë aty dhe ato mund të pasurojnë debatin tonë shoqëror dhe politik, por ato kurrsesi nuk duhet parë si barriera natyrore që u dashka shndërruar në mure të patejkalueshme shoqërore midis nesh. Sigurisht, shteti duhet të jetë i paanshëm, pra as të favorizojë as të pengojë grupet shoqërore të organizuara në bazë të botëkuptimeve të ndryshme fetare apo laike. Kjo është tejet e rëndësishme për ruajtjen e paqes shoqërore. Por jashtë kornizës formale shtetërore, si mendimtarë dhe aktivistë socialdemokratë ne duhet të promovojmë bashkëpunimin qytetar mes njerëzish të feve, etnive, klasave, e botëkuptimeve të ndryshme. Tjetri nuk duhet parë si kufiri i lirisë time por si kushti i mundësisë së lirisë time. Natyrisht, ne jemi një parti socialdemokrate. Si të tillë nuk mund të jemi ideologjikisht gjithëpërfshirës. Por ajo që mund dhe duhet të bëjmë është të rrisim llojllojshmërinë socioekonomike e botëkuptimore të qytetarëve me pikëpamje politike të majta që aderojnë në organizatën tonë. Duke bërë kështu, ne ofrojmë organizatën tonë si shembull të kohezionit shoqëror që na duhet gjithandej shoqërisë tonë. Social-demokratët nuk janë njerëz të njëjtë dhe aq më pak janë të njëjta prejardhjet e tyre.

Në këtë mes, një sfidë e shoqërive moderne është edhe marrëdhënia mes brezave të ndryshëm. Në shoqërinë tradicionale, para revolucionit industrial, kohezioni mes brezave ishte gjë e natyrshme. Brezi më i vjetër ia kalonte brezit të ri dijen jetike për punimin e tokës dhe bashkë me të edhe doket e zakonet e tjera përcjellëse. Marrëdhënia pra karakterizohej nga respekti i të rinjve për njohurit e më të moshuarit. Kjo lloj marrëdhënie përmbyset me lindjen e shoqërive të industrializuara urbane, ku shkalla e ndryshimeve teknologjike bëhet aq e shpejtë sa nuk pret as ndërrimin e një gjenerate (përafërsisht 30 vite duhen për t’u ndërruar gjeneratat). Në këto kushte, bota e më të moshuarve dikujt i ngjanë se s’mund të ofrojë më dije të vyeshme praktike, thuajse dijet e tyre dalin jashtë përdorimi shumë shpejt dhe kjo mandej e intensifikon konfliktin mes brezave. Veç këtij fakti, duke qenë ne një shoqëri me shumicë dërrmuese të përbërë nga rinia, duhet të jemi posaçërisht të kujdesshëm jo vetëm në mbrojtjen dhe promovimin e interesave të më të moshuarve, por për hir të kohezionit mes brezave duhet edhe të gjejmë mënyra për të angazhuar përvojën e këtyre të fundit në dobi të shoqërisë ashtu që të rinjtë tanë të shohin se sa shumë ka për t’u mësuar prej më të moshuarve, përkundër paragjykimeve të epokës teknologjike në të cilën po jetojmë.

4. Forcimi i shkollës politike dhe dimensionit ekzekutiv brenda saj

Shkolla politike është vendi ku formojmë aktivistin tonë për të marrë përgjegjësitë që i takojnë. Kurrikula që kemi në zbatim tani përbëhet nga tri nivele të ndryshme siç e dini të gjithë: niveli politiko-organizativ, niveli ekzekutiv dhe niveli teorik. Niveli politiko-organizativ shënjestron aktivistët e rinj që sapo i janë bashkuar Lëvizjes, dhe ndodhë në Qendrën përkatëse. Ai synon t’i pajisë ata me njohuri elementare mbi historikun e Lëvizjes VETËVENDOSJE! dhe qëndrimet e saj politike mbi temat më të rëndësishme për shoqërinë tonë. Niveli ekzekutiv ofrohet për bartësit e pozitave udhëheqëse në nivel të qendrave, përfshirë këtu asamblistët dhe drejtorët komunal dhe ka për synim t’i pajisë ata me njohuri për programin tonë dhe për administratën publike, sidomos në nivel komunal. Së fundi, niveli teorik, niveli më i avancuar, ka për synim përgatitjen teorike të aktivistëve tanë në fushat e shkencave sociale dhe të atyre humane, ashtu që ata dhe ato të jenë jo vetëm zbatues të programit tonë por edhe kontribuues në rimendimin e riformulimin e tij për të ardhmen.

Të gjitha nivelet kanë rëndësinë e tyre në formimin dhe emancipimin e aktivistit tonë. Synimi ynë në katër vitet e ardhshme duhet të jetë pasurimi i vazhdueshëm i kurrikulës të gjitha niveleve me material të ri dhe ligjërues të rinj. (Bibliotekat që duhet të ndërtojmë nëpër qendrat e Lëvizjes do të ishin në funksion edhe të mbështetjes së misionit të shkollës sonë politike.) Ndonëse synimi ynë duhet të jetë forcimi i gjithmbarshëm i shkollës, mendoj që vëmendja jonë duhet të përqendrohet sidomos te forcimi i nivelit ekzekutiv. Në këtë nivel formohet udhëheqësia e qendrave tona, të cilat janë në kontakt të drejtpërdrejtë me qytetarin dhe hallet e tij të përditshme.

Rregullisht duhet të organizohen debate gjysëmformale në Lëvizje ku ndonjëri bën një prezantim për një temë dhe mandej të tjerët diskutojnë hapur për të. Kafet, çaji dhe uji janë falas. Komitetet Profesionale dhe Shkolla Politike përfshihen në këtë. Shkolla politike edhe edukon përveçse arsimon. Idealet e përbashkëta tashmë nënkuptojnë moralin e idealistëve. Siç e thotë një autor, Alfred Adler-i, “I gjithë qëllimi i edukatës është të mbjellë në qenien shpirtërore të njerëzve kurajon dhe ndjenjën kolektive.”

Tash, ne e dimë se jo pak aktivistë tonë janë si nxënësit a studentët që dëgjojnë në klasë por nuk mësojnë aq shumë në shtëpi dhe përgjithësisht shkruajnë pak. Shkrimi e mundëson thellimin, strukturimin dhe sistematizimin e të menduarit. Nuk ka organizim politik pa mendim, ide, botëkuptim dhe ligjërim të organizuar, pra pa tekst.

Përveç social-demokracisë, fryma e përgjithshme e shkollës sonë politike duhet të jetë edhe kombëtariste. VETËVENDOSJE! duhet ta afirmojë Rilindjen Kombëtare, të gjysmës së dytë të shekullit XIX dhe gjysmës së parë të shekullit XX. Ta riaktualizojë si frymë të përgjithshme dhe si shumësi tekstesh të rilindasve tanë, le të themi nga Sami Frashëri te Fan Noli.

Nga shkolla politike duhet dekonstruktuar tezat që qarkullojnë si thashetheme mediale në lidhje me qëllimin dhe karakterin e Lëvizjes sonë. Për shembull, teza të tipit “Lëvizja VETËVENDOSJE! është islamiste”, “Lëvizja VETËVENDOSJE! është populiste”, apo “Lëvizja VETËVENDOSJE! është kundër shtetit të Kosovës sepse është për bashkim kombëtar”. Këto dhe të tjera thashetheme duhet dekonstruktuar me kujdes e pastaj duhet përcjellë te qytetarët nëpër tubime me ta.

5. Promovimi i organizimit sindikal te punëtoria e sektorit privat

Në vendin e punës njeriu duhet ta ngrisë veten dhe shoqërinë. Të krijojë marrëdhënie solidare dhe të dinjitetshme me punëtorët e tjerë dhe jo konkurrencë deri në luftë për mbijetesë. Të jetë njeri punëtor, por edhe të jetë njeri duke qenë punëtor. Të mos i merren frytet e punës dhe as raportet njerëzore me të tjerët. Nuk mund të jenë rezultatet, frytet dhe meritat të pronarit e menaxherit, kurse kostoja e jetës si banimi, shkollimi, arsimimi e shëndetësia, përgjegjësi e vetë punëtorit. Në punë punëtori edhe merr pjesë në betejën për të drejtat e punëtorëve, e për drejtësi, barazi e për liri, e këtë për gjithë shoqërinë. Vendi i punës nuk duhet të varet nga vullneti a dëshira e menaxherit, profiti i pronarit apo fluktuimet në treg. Punëtori duhet të paguhet sa më shumë për punën që bën, e jo fare pak vetëm aq sa të vie edhe nesër në punë. Punëtori nuk është as mall e as hamall.

Në këtë frymë si Qeveri e kemi përpiluar një koncept-dokument për fondin sovran që ndër të tjera inspirohet nga modeli gjerman i bashkë-qeverisjes për firmat që do të jenë asete publike. Sipas këtij modeli, punëtoria merr pjesë në qeverisje të firmës krahas menaxhmentit. Ky model do të ndihmojë në demokratizimin e ekonomisë tonë, duke ofruar një model vetëqeverisës menaxhimi si një kundërpeshë e rëndësishme ndaj modelit hierarkik të korporatës private apo asaj shtetërore.

Si Lëvizje duhet të bëjmë më shumë në promovimin e sindikalizmit në radhët e punëtorëve të sektorit privat, aty ku shtypja është më brutale. Aktivistë tanë të talentuar duhet të angazhohen në përhapjen e ungjillit sindikalist te punëtoria e sektorit privat. Pa demokraci nëpër vendet e punës është tejet e vështirë të mirëmbahet demokracia në nivel të institucioneve formale të shtetit. Mbështetja e emancipimit të punëtorisë së sektorit privat është një mision që si socialdemokratë na takon ta mbështesim. Arritjet më të mëdha në favor të punëtorisë janë shënuar atëherë kur në qeverisje ka qenë një administratë miqësore socialdemokrate kurse në rrugë duke bërë kërkesa klasa punëtore—për shembull, kujtojmë kohën këtu të New Deal-it gjatë administratë së FDR-it gjatë administratës në ShBA.

6. Përgatitja e burimeve njerëzore dhe programore për zgjedhjet lokale 2025

Ndonëse performanca e organizatës sonë në zgjedhje komunale ka shkuar duke u përmirësuar me kalimin e kohës, ajo ende lë shumë për të dëshiruar. Shkaqet për këtë janë të shumta e të ndryshme. Sidoqoftë, përqendrimi ynë duhet të jetë në përforcimin e atyre faktorëve që janë nën kontrollin tonë. Në këtë mes, përgatitja e burimeve njerëzore dhe përpilimi i programeve që u flasin konkretisht problematikave të secilës komunë ku garojmë janë dy gjërat më të rëndësishme që janë në dorën tonë për t’u përmirësuar. Zgjedhjet komunale të 2025 janë më afër sesa që mund të mendojmë. Andaj përgatitjet e mirëfillta për to duhet të fillojnë që tani. Hulumtimi i problemeve komunale dhe rekrutimi i burimeve njerëzore të përshtatshme janë procese që marrin shumë kohë. Në të kaluarën shumë shpesh e kemi lënë kryerjen e këtyre detyrave për momentet e fundit, por siç thotë populli natën e Bajramit nuk mahet kurbani. Tash të gjitha partitë që kërkojnë ta ruajnë gjendjen ose ta kthejnë atë para shkurtit të vitit të kaluar natyrisht që do të bashkohen kundër nesh, le t’i quajmë ato parti të gjendjes, e ne jemi lëvizja e situatës.

Shumë shpejt duhet që për secilën komunë të themelojmë task forca të veçanta që do të kenë për mision hulumtimin e problemeve komunale dhe përpilimin e zgjidhjeve për to. Nëpër komuna, VETËVENDOSJE! duhet të bëjë edhe punë vullnetare, publike e sociale, për qytetarët pa dallim. Asisoj, me vepra konkrete lidhemi me popullsinë më shumë, i mobilizojmë ata për diçka shumë të prekshme (psh. pastrimi i lagjes) dhe e fitojmë mbështetjen e tyre që e përdorim sërish për ata. Kryetarët e komunave që udhëheqim dhe asamblistët tanë komunalë gjithandej komunave të Kosovës duhet të jenë bërthama e këtyre veprimtarive. Edhe aty ku jemi opozitë komunale asamblistët tanë duhet të jenë sa më aktivë në debatet që zhvillohen në asamble por edhe në komunikim të përditshëm me qytetarin e komunës. Konferencat e rregullta për media ku asamblistët tanë komunalë i informojnë qytetarët për qëndrimet dhe politikat e Lëvizjes për komunën e tyre janë të domosdoshme. Fytyrat dhe zëri i atyre që na përfaqësojnë në kuvendet komunale duhet të jenë shumë mirë të njohura për qytetarin, e jo që ai të njoftohet me to gjatë fushatës zgjedhore.

Nuk ka organizatë pa planifikim ditor, javor, mujor, stinor, vjetor, trevjeçar dhe pa planifikim konkret në të gjitha nivelet. Planifikimi kërkon imagjinatë të përcaktimit të objektivave, të përzgjedhjes së hapave dhe të përfytyrimit të arritjeve. Planifikimi është faktor mobilizues kryesorë i organizatës sonë.

7. Përgatitja e Platformës politike për mandatin e dytë të Qeverisë

Nga Manifesti te Programi Politik, nga Programi Politik te Alternativa Qeverisëse dhe së fundmi nga Alternativa Qeverisëse te Programi Qeveritar, ky është rrugëtimi konceptual i Lëvizjes VETËVENDOSJE! i cili njëmend ka ndryshuar për shkak se është zgjeruar dhe është thelluar. Demokracia në institucione e në shoqëri, sovraniteti në shtet dhe territor, prodhimi e punësimi në ekonomi, drejtësia e ligji për barazi, kontributi e përkujdesja për mirëqenie, u patën radhitur në 20 kapitujt e Alternativës sonë Qeverisëse para gati një dekade, e që tash janë të përfshira në programin tonë qeveritar. Nga idetë te kritika, nga kritika te qëndrimet dhe nga qëndrimet te zgjidhjet programore.

Në alternativën me të cilën i fituam zgjedhjet kishim elaboruar gjerë e gjatë, shtetin republikan dhe sundimin e të drejtës, politikat fiskale dhe mbrojtjen sociale, sistemin pensional dhe sigurimet shëndetësore, punësimin dhe investimet, arsimin dhe shkencën, industrinë dhe bujqësinë, sektorin privat dhe ndërmarrjet e biznesit, mbrojtjen e vendit dhe sigurinë për qytetarët, politikën e jashtme dhe reciprocitetin, integrimin evropian dhe mërgatën, pushtetin lokal dhe planifikimin hapësinor, kulturën dhe trashëgiminë kulturore, edukimin dhe sportin. E këto i bëmë sepse se ne e shohim shtetin si Republikë dhe ne e duam shtetin si Republikë. Republika na mundëson që të jemi qytetarë me të drejta, punëtorë me mirëqenie, njerëz të arsimuar dhe banorë të shëndetshëm. Republika e Kosovës e shpallur më 2 korrik 1990 ishte Republika e Parë e Kosovës si republikë-për-rezistencë. Pavarësia e Kosovës e shpallur më 17 shkurt 2008 ishte Republika e Dytë e Kosovës që shpesh doli të jetë Republikë për shitje. Ne kemi nevojë për Republikën e Tretë të Kosovës që ta shpëtojmë Republikën si të tillë dhe ta avancojmë atë. Pra, për Republikën e Tretë si Republikë për drejtësi e bashkim, për demokraci e zhvillim, për barazi e mirëqenie. Kjo nënkupton reforma aq të thella sa që reforma transformuese, pra transformim të institucioneve të sistemit. Një punë që tashmë e kemi filluar por që duhet ta vazhdojmë fuqishëm edhe në mandatin e dytë qeverisës.

Platforma politike për mandatin e dytë qeverisës do të jetë më precize sepse e informuar nga mësimet dhe përvojat që kemi nxjerrë e do të vazhdojmë të nxjerrim përgjatë këtij mandati qeverisës.

Jemi zotuar që Shteti i së Drejtës, në konceptimin tonë, bën aktualizimin e vetëvendosjes, prej kushtetimit modern të shtetit tonë, ku burim sovraniteti duhet të jetë populli dhe vetëm ai, si në gjithë shtetet demokratike. Shteti i së drejtës duhet të jetë republikan dhe Republika duhet të jetë vlera më e lartë politike. Ajo simbolizon të përbashkëtën, terrenin e vetëm ku garantohet liria e përgjegjësia e individuales.

Shteti i Zhvillimit Ekonomik nuk ngelet spektator i tregut të lirë por angazhohet si faktor e aktor duke orientuar dhe nxitur ndërmarrje e sipërmarrje ekonomike që i sjellin vlerë të shtuar financiare dhe materiale vendit tonë. Prodhimi bujqësor, industrial e zejtar duhen ndihmuar e përkrahur nga qeveria që të rriten eksportet, të zëvendësojnë e zvogëlojnë importet, të rrisin punësimin e qytetarëve e gjithashtu edhe akumulimin e kapitalit.

Shteti i Mirëqenies Shoqërore është universal, pra, të gjithë ata që kanë të ardhura duhet të paguajnë taksa dhe të përfitojnë të gjithë ata që kanë nevojë; dhe, është edhe solidar, pra kontributi i gjithsecilit do të jetë në progresion me të ardhurat që përfiton d.m.th. ata që fitojnë më shumë, kontribuojnë më shumë për të mirën e përgjithshme.

Përderisa kujdesi shëndetësor dhe arsimimi varen kaq shumë nga të ardhurat dhe klasa shoqërore nuk mund të bëhet fjalë as për drejtësi e as për mundësi të barabarta. Shpatullat e fuqishme duhet të bartin më shumë peshë sesa shpatullat e dobëta. Mirëpo, paraprakisht, e gjithë ekonomia dhe shoqëria duhet të futet brenda ligjit e të formalizohet.

Zgjidhjen, Lëvizja jonë si ngahera e sheh në lëvizje të përbashkët politike e shoqërore të të gjithë qytetarëve drejt bashkimit organik të aspektit të së drejtës, të zhvillimit dhe atij social të shtetit. E kemi thënë qartë e saktë, e duhet ta përsërisim përherë, se Shteti i së Drejtës, Shteti Zhvillimor dhe Shteti Social janë të lidhura në jetë e në shoqëri, prandaj ne i paraqesim ato të bashkëlidhura në vizione dhe për institucione. P.sh. respektimi i ligjit për kohëzgjatjen e orarit të punës e rrit punësimin dhe rrjedhimisht mirëqenien. Kur njerëzit nuk punojnë më nga 10 a 12 orë në vend se të punojnë 8 orë, duhen punësuar më shumë punëtorë të rinj. Kësisoj, Shteti i së Drejtës dhe ai Social shfaqen bashkë. Ose, luftimi i evazionit fiskal rrit bazën tatimore e investimet serioze dhe kur kësaj i shtohet tatimi progresiv mundësohet shumëfishimi i mjeteve buxhetore që i dedikohen gjyqësisë dhe prokurorisë. Kësisoj, Shteti i së Drejtës dhe Shteti Zhvillimor shfaqen po ashtu bashkë. Ose, zvogëlimi i tatimit në të ardhura për punëtorët që inkuadrohen në sindikata dhe e paguajnë anëtarësinë aty, jo vetëm që e rrit organizimin e tyre dhe e zvogëlon shfrytëzimin, por edhe i nxit punëdhënësit për vizion më afatgjatë që stabilizon rritjen e ndërmarrjes dhe përfitimin e biznesit. Kështu, Shteti Zhvillimor dhe ai Social shfaqen bashkë.

Të nderuar të pranishëm,

Nuk ka demokraci pa Republikë dhe nuk ka demokraci pa socialdemokraci. Sepse në Republikë populli është burim i sovranitetit (për dallim prej monarkisë ku është mbreti) dhe popullsia është, në shumicën e saj dërrmuese, ose e varfër ose e klasës së mesme. Socialdemokracia angazhohet që të bëhet zhvendosja e balancit të fuqisë nga kapitali te puna.

Ky shtet i shumicës është i vetmi që mund të garantojë të drejtat e pakicave në kuptimin modern dhe evropian të fjalës. Çdo shtet i pakicës, qofshin ata politikanë shqiptarë që u bënë multimilionerë, qofshin ata burokratë ndërkombëtarë me fuqi ekzekutive e imunitet prej ligjit, qofshin ata përfaqësues të pakicave kombëtare me të drejtë vetoje bllokuese, pra çdo shtet i pakicës është pengesë për demokracinë dhe funksionimin si në drejtësi, po ashtu edhe në ekonomi e shoqëri. Ne këtë e kemi jetuar e përjetuar gjatë historikut të Lëvizjes tonë andaj e kemi mësimin e duhur, përvojën adekuate, që mos të na ngjajnë në të ardhmen zhvillime e dukuri të tilla.

Lëvizja VETËVENDOSJE! duhet ta formulojë një platformë të re për mandatin e dytë qeverisës, ndonëse si frymë dhe orientim ideopolitik ajo duhet të jetë trashëgimtare e alternativës qeverisëse që na solli fitoren. Për të arritur te kjo platformë, na duhet një punë e madhe ekipore që kërkon bashkëpunimin e të gjithë neve, që nga aktivisti i pikës e deri tek anëtarë të Lëvizjes që janë bartës funksionesh qeveritare. Aktivisti i pikës na informon se cili në fakt ka qenë ndikimi praktik i politikave tona qeveritare në jetën e përditshme të qytetarit, ndërkohë që bartësi i funksioneve qeveritare na informon në detaje për mundësitë dhe kufizimet e kapacitetit tonë shtetëror që duhen pasur parasysh për të ardhur me një platformë sa më efektive dhe të zbatueshme.

8. Rritja e rrjetit të Qendrave të Lëvizjes VETËVENDOSJE! në mërgatë

Organizimi do të jetë me i përshtatshëm e edhe më produktiv me rregulloren e re të Lëvizjes VETEVENDOSJE! për Mërgatën. Qendrat tona do të kenë tashmë mundësinë për t’u organizuar në bazë të specifikave dhe të rrethanave të shtetit ku jetojnë bashkatdhetarët dhe secila Qendër do të përcaktojë qëllimet dhe synimet e saja. Kjo është një ndryshim i madh në mënyrën e organizimit tonë. Kështu do të bëhemi më praktikë me këtë mënyrën e re në organizim e më efikase në angazhim.

Rritja e shtrirja e Lëvizjes në mërgatë do të shërbejë si rrjetëzim i aktivistëve e strukturave për t’i identifikuar e organizuar kudo profesionistët që jetojnë në mërgatë, organizatat studentore, kulturore, për të rritur ndikimin politik në organet politike në shtetet ku jetojnë dhe në ato vendore, për të vendosur kontakte me institucione të rëndësishme në shtetet përkatëse e për të krijuar lidhje të shumta e të reja me ato shqiptare.

Si një organ i ri këshillues, Rrjeti i Qendrave në Mërgatë do të funksionalizohet duke krijuar kështu edhe një hapësire të re komunikimi midis qendrash për të shkëmbyer idetë e njohuritë, shkathtësitë e përvojat e tyre. Në organizatë perspektivat e këshillat e këtij organi do të trajtohen e do të çmohen përherë.

Rrjetëzimi i aktivistëve e anëtarëve nga njëra anë dhe nga ana tjetër përmes tyre i bashkatdhetarëve, profesionalistëve, shoqatave, institucioneve politike e jo vetëm, do të mirëmbajnë një komunikim të domosdoshëm e shumë të rëndësishëm midis nesh.

9. Angazhimi i studentëve dhe profesionistëve në organizatën politike të Lëvizjes

Pa studentët, protestat dhe organizimet, fushatat dhe entuziasmi i përgjithshëm i Lëvizjes nuk do të kishin qenë as për së afërmi të njëjtat. Ndërsa pa Lëvizjen, angazhimi dhe aktivizmi studentor do të kishte qenë i fragmentuar, e energjia e tyre po ashtu. Kemi nevojë ta mendojmë Lëvizjen si një vend ku ushtrohet një mënyrë tjetër e të studiuarit që i sprovon efektet e dijes në shoqëri. Universiteti është si një arkivë e stabilizuar dijeje universale, ndërsa Lëvizja vendi ku munden të mësojnë sesa i domosdoshëm është ky arkiv universal për vendin tonë. Lëvizja duhet të krijojë vendin ku studentët t’i rrinë besnikë dijes që marrin edhe jashtë universiteteve. Zyrat e Lëvizjes duhet të jenë vende studimi të problematikave shoqërore, lokale dhe qendrore; vende që ndërtojnë arkivën e tyre të diskutimeve dhe të analizave. Kemi nevojë për analiza, kritika dhe propozime të studiuara. Studimi i problematikave dhe ideve shpërfaq seriozitetin tonë në trajtimin e tyre. Pa studim, mbetemi abstraktë dhe të vagullt. Kush më mirë sesa studentët mundet ta përcjellë këtë punë studimore. Të studiuarit bashkë me të tjerët e ndërlidh dijen me politikën, universitetin me shoqërinë; ndërlidh prejardhjet, klasat, gjinitë, besimet dhe identitetet. Nëse në universitet të studiuarit ngelet individual dhe hierarkik, në Lëvizje duhet të jetë kolektiv dhe barazitar.

Pa profesionistët kritika e Lëvizjes do të vazhdonte të ishte e saktë, por abstrakte. Me profesionistët, mendimi i Lëvizjes është konkretizuar dhe imtësuar edhe më shumë. Pa Lëvizjen, analiza e profesionistëve do të kishte mbetur e izoluar, pa efekte konkrete shoqërore. Ka shumë profesionistë të mirë të shqetësuar për gjendjen e profesioneve, qyteteve dhe vendit të tyre që kanë kuptuar se nuk mund t’i zgjidhin ato pa e zgjidhur probleme më strukturore të shoqërisë sonë. Profesioni është vokacion, dije e aplikuar dhe etikë profesionale që kontribuon vetëm në një fushë të shoqërisë. Lëvizja duhet të jetë vendi ku ata mund ta ushtrojnë dijen profesionale dhe transformimin e mbarë shoqërisë. Kosovës dhe ne si aktivistë të Lëvizjes na duhet një organizatë ndërstudimore, ndërdisiplinore, dhe ndërprofesionale për t’i rrokur në kompleksitetin e tyre problemet shoqërore. Pa një qasje të tillë të hapur, do të mbetemi duke administruar dhe jo duke transformuar; do të përfundojmë në angazhime të befta, të pjesshme dhe arbitrare, pra në kinse angazhim. Shpesh, urgjenca e kalimit në zgjidhje dhe veprim, shpërfaq më shumë një dëshirë për ta hequr qafe problemin sesa brengosjen për trajtimin e tij. Duhet të kemi guxim të bashkëjetojmë me problemin deri sa ta zgjidhim atë.

Neve na duhet jo vetëm ta organizojmë lëvizjen sipas studimeve dhe profesioneve, por të shkojmë edhe më tutje, duke e organizuar sipas ndërthurjes së tyre. Vetë politika është vendi ku studimet, profesionet dhe problematikat shoqërore ndërthuren me njëra-tjetrën, bëhen pjesë e një të përbashkëte, trajtohen si pjesë e shoqërisë pa të cilën asnjëra prej tyre nuk do të kuptohej në plotninë e saj. Shkolla Politike, Forumet e Lëvizjes, Sekretariatet, Qendrat anembanë dhe Komitetet profesionale duhet të vazhdojnë traditën e organizimit të diskutimeve, ligjëratave, seminareve dhe punishteve në të cilat programi i Lëvizjes dhe problematikat shoqërore studiohen shtruar dhe plotësisht e seriozisht. Të gjitha degët studimore dhe profesionale do të konsiderohen si njëlloj të vlefshme. Vetëm barazia në dije dhe punë e zhvillon mbarë shoqërinë. Me studentë dhe profesionistë, me organizata, qendra dhe institute, Lëvizja mund të organizojë projekte të thella studimore dhe fushata të gjera tematike. Lëvizja duhet të angazhojë sidomos vajzat studente, sidomos të familjeve të varfra dhe periferike; të afrojë profesionistët e skajuar dhe inovativ; bashkë me studentët dhe profesionistët e mërgatës dhe trojeve që janë të banuara me shqiptarë. Studentët dhe profesionistët e freskojnë, zhvillojnë dhe thellojnë diskutimin e brendshëm, mendimin dhe praktikën e Lëvizjes. Në instancë të fundit, duke i afruar në Lëvizje, dëshmojmë se e kemi kuptuar potencialin emancipues dhe transformues të studimit, të profesionit dhe të politikës.

10. Bashkëpunimi ndërkombëtar dhe ai jashtë shtetit e brenda kombit

Shqiptarët në rajon jetojnë në trojet e tyre, dhe nuk janë pjesë e ndonjë diaspore të vjetër apo të re. Si pasojë, ata nuk mund të jenë subjekt i një organizimi të ngjashëm me atë të Qendrave të Lëvizjes në mërgatë, mirëpo nuk mund të organizohen as njësoj si organizimi i Lëvizjes sonë në Kosovë.

Lëvizja ka simpatizantë e mbështetës në trojet shqiptare në Ballkan që mund të vijnë nga parti e shoqata të ndryshme, dhe jemi të interesuar t’ju ndihmojmë atyre në organizimin tonë atje, në nivel përfaqësues, për të organizuar kontributin vullnetar të mbështetësve tanë, për t’i dhënë zë qëndrimeve të tyre e tonave, dhe për të mbështetur çështje e procese sipas programit tonë politik. Organizimi i mbështetësve tanë në vendet ku ata jetojnë nuk duhet konsideruar si ndërhyrje, por si një organizim vendor, autonom, i disa qytetarëve të atij shteti, të cilët mbështesin në aspektin ideor VETËVENDOSJE!-n dhe zbatojnë ligjet në fuqi.

Sa i përket marrëdhënieve me partitë, shoqatat e organizimet e ndryshme shoqërore të trojeve të banuara me shqiptarë, Lëvizja VETËVENDOSJE! ka për synim kultivimin e marrëdhënieve të mira, të hapura e transparente me të gjitha ato, si dhe nxitjes së bashkëpunimit për proceset e për çështjet ku pajtohemi e kemi qëndrime të përbashkëta.

Natyrisht, ne preferojmë marrëdhëniet me partitë e shoqatat, apo individët brenda tyre të cilët nuk i njohim si të korruptuar, si të përfshirë në privatizime zhvatëse e shkatërrim të pasurive kombëtare. Por formalisht, ne do të respektojmë mandatin dhe pozitën e gjithkujt, që rrjedh prej votës së publikut apo të anëtarësisë.

Bashkëpunimi ynë me partitë, shoqatat dhe organizimet e tjera shqiptare do të jetë multidimensional, në tre rrafshe të gjera:

• I pari është rrafshi kombëtar: për forcimin e faktorit shqiptar në Ballkan, në aspektet e sigurisë, prodhimit, demografisë, shëndetit publik, arsimit e kulturës, drejt një afrimi me shqiptarët teksa afrohemi me Evropën.

• Dy, është rrafshi i socialdemokracisë: në forcimin e të drejtave njerëzore do të bashkëpunojmë, mirëqenies publike, mbrojtjes sociale, rritjes ekonomike, kapacitetit për ballafaqim me kriza, etj.

• Dhe në rrafshin e drejtësisë: për luftimin e korrupsionit të nivelit të lartë ndërkombëtar e kombëtar, luftimin e sistemit ekonomik oligarkik, luftimin e krimit të organizuar dhe të mafias, e forcimin e shtetit të drejtë.

Për të arritur këto bashkëpunime, Lëvizja do të angazhojë strukturat e saj organizative të zgjedhura e të emëruara, forumet e saj rinore e gjinore, si edhe grupin parlamentar. Ndërsa fryma politike e bashkëpunimit me shqiptarët në troje do të çohet përpara edhe nga qeveria qendrore e qeverisjet lokale, kudo ku drejton Lëvizja jonë.

Sfidat me të cilat përballemi në Republikën e Kosovës e dimë që nuk janë as të izoluara e as të veçanta. Ndryshimet klimatike, pabarazia e manifestuar në forma të ndryshme, kriza energjetike, inflacioni i lartë e të tjera sfida përballohen vetëm në bashkëpunim e solidaritet me subjektet e tjera ndërkombëtare, me të cilat ndajmë vlerat e njëjta socialdemokrate.

Prandaj, thellimi i marrëdhënieve aktuale me partitë simotra e partnerët ndërkombëtare, krijimi i marrëdhënieve të reja dhe përfshirja në rrjetet ekzistuese ndërkombëtare, janë të një rëndësie tejet të madhe për VETËVENDOSJE!-n.

Në vitet e fundit kemi pasur përparim të dukshëm në këtë rrafsh. Pas anëtarësimit në Internacionalen Socialiste, në vitin 2020 Lëvizja VETËVENDOSJE! u bë anëtare edhe në Aleancën Progresiste, organizatë që përbëhet nga mbi 100 parti politike socialdemokrate nga e gjitha bota dhe mbi 20 organizata partnere. Tani, duhet të synojmë anëtarësimin në Partinë e Socialistëve Evropian, me ç’rast Lëvizja jonë hapë pothuajse të gjitha dyert ndërkombëtare sa i përket lëvizjeve e partive socialdemokrate në Evropë dhe në botë.

Synimi i kësaj përpjekje është ndërkombëtarizimi i kauzës sonë kombëtare dhe bashkëpunimi me subjektet socialdemokrate të rajonit dhe Evropës, për t’i rezistuar tendencave autokratike të cilat kanë zënë vend në një numër shtetesh në kontinentin tonë. Këto ndërveprime ndihmojnë edhe në ngritjen e kuadrove të Lëvizjes sonë, duke i ekspozuar ata ndaj përvojave dhe praktikave të partive simotra dhe të partnerëve ndërkombëtar.

Krijimi dhe mirëmbajtja e këtyre marrëdhënieve kërkon një organizim e strukturim të duhur brenda organizatës sonë. Për këtë arsye Këshilli i Përgjithshëm i Lëvizjes VETËVENDOSJE! ka bërë ndryshimet statutore për ta zbërthyer Sekretariatin për Marrëdhënie me Jashtë në dy sekretariate të veçanta e të ndara: I pari është dhe i dyti është Sekretariati për Zhvillim të Bashkëpunimeve. Sekretariati i parë, pra ai për Marrëdhënie Ndërkombëtare do të kujdeset për të gjitha marrëdhëniet ndërkombëtare të Lëvizjes tonë, ndërkaq ky i dyti për Zhvillim të Bashkëpunimeve do të kujdeset për zhvillimin dhe mirëmbajtjen e marrëdhënieve me palët e treta brenda Republikës së Kosovës.

Me përfundimin dhe miratimin e Rregulloreve përkatëse për të dyja këto sekretariate dhe angazhimin e kuadrove të nevojshme në to, do të dinamizohet edhe më tutje prania e Lëvizjes VETËVENDOSJE! në arenën ndërkombëtare.

Të dashur aktivistë,

Të nderuar të pranishëm,

Zonja dhe zotërinj,

Të nderuar të pranishëm,

Kush flet pa e dëgjuar rininë, gabon. Kush flet pa i dëgjuar gratë, gabon. Kush flet pa i dëgjuar pleqtë, gabon. Kush flet pa i dëgjuar edhe qytetarët edhe fshatarët, po ashtu gabon. E kush flet duke i dëgjuar rininë, gratë e pleqtë, fshatin e qytetin, është zëri i shumicës, është zëri i të gjithëve që duhet ta dëgjojnë të gjithë. Është ky zëri i drejtë që nuk gabon, zëri i Lëvizjes, zëri i vetes suaj, zëri i vendimit tuaj, zëri i vetëvendosjes.

Më lejoni të falënderoj të gjithë dhe secilin prej anëtarëve e aktivistëve të Lëvizjes VETËVENDOSJE! për mbështetjen e pa kursyer gjatë gjithë këtyre viteve, dhe aktualisht që jemi këtu bashkë.

Më lejoni ta falënderoj kryesinë e Lëvizjes, nënkryetarët, Besnikun e Fatmiren, sekretaren Vloren, sekretaren për marrëdhënie me jashtë Mevlyden, kryetarin e Këshillit të Përgjithshëm Hydajetin, kryetarin e Kuvendit të Republikës Glaukun, dhe mbi të gjitha le ta falënderojmë së bashku atë aktivistin tonë të palodhshëm që nuk ia dimë as emrin e as mbiemrin. Pra, atë aktivistin që nuk ia dimë as emrin e as mbiemrin e të cilit ia dëgjojmë zërin dhe ia shohim fytyrën kur na duhet më së shumti dhe i cili mandej mungon kur vije puna të pozitat e te funksionet.

Është ai aktivist që është kushti i mundësisë tonë si Lëvizje, dhe e të qenit tonë bashkë do të thotë të jemi bashkë me atë aktivist, dhe ashtu bashkë të ecim përpara se sfidat janë të mëdha por asnjëra prej tyre e tillë që se tejkalojmë bashkë, kur jemi bashkë.

Le të angazhohemi pra bashkë me gratë për drejtësi, me rininë për zhvillim e me popullin për barazi. E kështu pra, VETËVENDOSJE! do të thotë Lëvizje e gjerë, struktura të reja, drejtim progresist dhe organizatë e fuqishme.

Ju faleminderit shumë!

Urime të gjithëve zgjedhjet e Lëvizjes VETËVENDOSJE!, këtë të diel të 25 shtatorit. Na priftë e mbara.