RTK-ja nuk është radio-televizion i Kosovës. Menaxhmenti i këtij televizioni e ka shndërruar atë në radiotelevizion të klanit “Pronto”.

Nga përgjimet e kemi kuptuar përfundimisht se si kokat e krimit në Kosovë, duke e shtënë në dorë sistemin e drejtësisë, kanë liruar nga ndjekja penale gjithë klanin e tyre kriminal. Në anën tjetër, duke instrumentalizuar po këtë sistem drejtësie, vazhdimisht kanë ndjekur politikisht dhe burgosur kundërshtarët politikë.

Në të njëjtën logjikë, ky klan kriminal, përmes menaxhmentit të RTK-së, e ka shndërruar këtë medium në propagandues mbrojtës të aferave të tyre. Në anën tjetër RTK po përdoret nga PDK e LDK për të etiketuar, shpifur, e sulmuar mediatikisht kundërshtarët politikë të pushtetit.