Takim me delegacionin nga Kuvendi i Kroacisë

Sonte, Kryetari i Lëvizjes VETËVENDOSJE!, Albin Kurti, dhe Nënkryetari i Parë, Besnik Bislimi, në ambasadën e Kroacisë në Prishtinë u takuan me një delegacion nga Kuvendi i Republikës së Kroacisë me përbërje: Dr. Domagoj Ivan Milošević, Kryetar i Komisionit për Çështje Evropiane, Znj. Vesna Pusić, Anëtare e Komisionit për Çështje Evropiane, ish Kryetare e Komisionit për Negociata për antarësim në BE (ish zv. kryeministre dhe ministre e punëve të jashtme), Z. Joško Klisović, Anëtar i Komisionit për Çështje Evropiane, Znj. Jelena Špiljak, Sekretare e Komisionit për Çështje Evropiane, si dhe ambasadorja e Kroacisë në Kosovë, Znj. Marija Kapitanović.

Në këtë takim i cili kaloi në një atmosferë miqësore dhe të përzemërt, u theksua rëndësia e bashkëpunimit bilateral Kosovë-Kroaci si dhe u diskutua për çështje e tema të ndryshme politike e rajonale si dhe socio-ekonomike.