Vizitë nga Drejtori për Evropë të Fondacionit Westminster për Demokraci, z. George Kunnath

Sot në mëngjes, Drejtori për Evropë të Fondacionit Westminster për Demokraci, z. George Kunnath, i shoqëruar nga z.Fitim Mulolli, përfaqësues i Fondacionit Westminster për Demokraci në Kosovë, vizituan Lëvizjen VETËVENDOSJE! ku u pritën nga Kryetari, Albin Kurti dhe Deputetja, Fitore Pacolli.

Fillimisht, z. Kurti e njoftoi z. Kunnath për gjendjen aktuale politike dhe ekonomike në vend dhe theksoi se Kosovës i duhet një shtet zhvillimor për të ecur drejt integrimeve evropiane dhe mirëqenie shoqërore.

Në takim u bisedua për vazhdimin e realizimit të projekteve të filluar më herët në mes të Lëvizjes VETËVENDOSJE! dhe Fondacionit Westminster për Demokraci. Vëmendje e veçantë iu kushtua propozimeve të projekteve të radhës që do të fillojnë të realizohen në të ardhmen përmes të cilave do të thellohet bashkëpunimi në mes të Partisë Laburiste në Britani të Madhe dhe Lëvizjes VETËVENDOSJE!

Delegacioni i Lëvizjes VETËVENDOSJE! falendëroi Drejtorin Kunnath për vizitën dhe për bashkëpunimin.