Votimi i kandidates për kryetare të organizatës “Gratë Për VETËVENDOSJE!”, Albulena Haxhiu
Në kuadër të zgjedhjeve të brendshme në Lëvizjen VETËVENDOSJE! sivjet për herë të parë votojmë edhe për udhëheqjen e organizatës së re ‘’Gratë për VETËVENDOSJE!’’.
‘’Ftoj të gjithë anëtarët që të shfrytezojnë këtë të drejtë dhe të bëhen pjesë e vendimarrjes, për të vendosur jo vetëm për lëvizjen por edhe për vendin përmes votimit të tyre në organizatën politike më të madhe në vend’’, tha kandidatja për kryetare të organizatës Gratë Për VETËVENDOSJE! njëherit ministrja e Drejtësisë Albulena Haxhiu pas procesit të votimit në kuadër të zgjedhjeve në LV.
Ajo ndër të tjera deklaroi se sivjet për herë të parë po themelojmë edhe organizatë atë të rinisë dhe gruas. Përmes organizatës së gruas, do të çojmë në një nivel tjetër betejën tonë për barazi shoqërore e gjinore.
